تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن وتكىزدى

  ءتىلشى جاۋ جىيۇن 7 - ايدىڭ 6 - كۇنى ۇرىمجىدەن حابارلايدى. 7 - ايدىڭ 4 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، اۆتونوميالى رايونىمىزدا بالالاردىڭ، جاستار مەن وسپىرىمدەردىڭ الىستى كورمەۋ اۋرۋىنان جان - جاقتى ساقتانۋ جانە ونى تىزگىندەۋ قىزمەتىن، چارقىلىقتان نيەگە دەيىنگى تاس جول نىسانىن ىلگەرىلەتۋ قىزمەتىن اقىلداستى.

  ءماجىلىس مىنالاردى باسا دارىپتەدى: ەلىمىزدەگى بالالاردا، جاستار مەن وسپىرىمدەردە الىستى كورمەۋ اۋرۋ مولشەرى جوعارىلاماسا تومەندەمەدى، الىستى كورمەۋدىڭ جاس جەتكىنشەكتەرگە قاراي ەتەك الۋىنىڭ، اۋىرلاسۋىنىڭ بارعان سايىن كۇشەيۋى مەملەكەت پەن ۇلتتىڭ بولاشاعىنا ساياتىن ءىرى ماسەلەگە اينالدى. رايونىمىزدىڭ جەر - جەرى بالالاردىڭ، جاستار مەن وسپىرىمدەردىڭ الىستى كورمەۋ اۋرۋىنان جان - جاقتى ساقتانۋ جانە ونى تىزگىندەۋ قىزمەتىنە باسشىلىق گرۋپپاسىن قۇرىپ، الىستى كورمەۋ اۋرۋىنان جان - جاقتى ساقتانۋ جانە ونى تىزگىندەۋ ارناۋلى قۇرىلىمدارىن قۇرىپ، مەكتەپتەردىڭ دەنساۋلىق ساقتاۋ قىزمەتىنە جەتەكشىلىك ەتۋ، ونى قۋزاۋ، كۇشەيتۋ كەرەك. كەمەلدى مەكتەپ ەمحاناسىن قۇرىپ، كاسىبي قىزمەتكەرلەردى كوبەيتىپ، مەكتەپتەردىڭ دەنساۋلىق ساقتاۋ، سالاماتتىق قىزمەتى قابىلەتىن جوعارىلاتۋ كەرەك. بالالاردىڭ، جاستار مەن وسپىرىمدەردىڭ الىستى كورمەۋ اۋرۋىنان ساقتانۋ جانە ونى تىزگىندەۋ قىزمەت قاراجاتىن قامتاماسىز ەتۋ مەحانيزمىن قۇرىپ، كەمەلدەندىرىپ، بالالاردىڭ، جاستار مەن وسپىرىمدەردىڭ الىستى كورمەۋ اۋرۋىنان ساقتانۋ جانە ونى تىزگىندەۋ قىزمەتىنىڭ باياندى، ءونىمدى ورىستەتىلۋىنە شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: چارقىلىقتان نيەگە دەيىنگى تاس جول نىسانى قۇرىلىسى وڭىرلىك قاتىناس شارت - جاعدايىن جاقسارتۋ، ”شينجياڭنىڭ ءىشىن تۇتاستىرۋ، شينجياڭعا كىرىپ - شىعۋدى تەزدەتۋ“ دامۋ نىساناسىن جەدەل جۇزەگە اسىرۋ، جول بويى ابزالدىلىعى بايلىعىن اشۋدى جانە ەكونوميكانىڭ، قوعامنىڭ سايكەستى دامۋىن جەبەۋ سياقتىلار جونىنەن ماڭىزدى مانگە يە، بەلسەندىلىكپەن، ورنىقتىلىقپەن زاڭ - بەلگىلەمە بويىنشا نىسانا قۇرىلىسىن ىلگەرىلەتۋ كەرەك.

  ءماجىلىس تاعى باسقا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.