تاياۋدا شينجياڭ تيانشان جابايى حايۋاناتتار باقشاسىندا جابايى قۇلانىنىڭ 4 قۇلىنى ارت-ارتىنان تۋىلدى، سونىمەن شينجياڭداعى جابايى جىلقىنىڭ سانى 416 عا جەتتى .
شينجياڭ تيانشان جابايى حايۋاناتتار باقشاسىنىڭ ورىنباسار مەڭگەرۋشىسى ديڭ شينميننىڭ تانىستىرۋىنشا، بيىل شينجياڭ تيانشان جابايى حايۋاناتتار باقشاسىنداعى جابايى جىلقى كوبەيۋ مەزگىلىنە وتكەننەن بەرى، تۋىلعان 8 قۇلىننان سىرت، جانە تۋىلۋ الدىندا تۇرعان 2 قۇلىندى قوسقاندا، بيىل بۇل باقشاداعى قۇلىننىڭ جالپى سانى 10 عا جەتىپ، بۇرىنعى جىلدارمەن سالىستىرعاندا، قۇلىننىڭ سانى ەڭ كوپ بولعان جىل بولعان.
2004 - جىلى 9-ايدان بەرى قاراي، شينجياڭ جابايى جىلقى ٴوسىرۋ - زەرتتەۋ ورتالىعى ىلگەرىندى - كەيىندى شينجياڭ تيانشان جابايى حايۋاناتتار باقشاسىنا 60 نەشە ٴتۇز جىلقىسىن جەتكىزىپ بەرگەن، بۇل جىلقىلار وسى ارادا جارتىلاي قويا بەرىلىپ، جارتىلايى قولعا ۇيرەتىلدى. كەزەكتە، دالا جىلقىسىنىڭ دالادا تىرشىلىك ەتۋ ونەرى بىرتىندەپ قالپىنا كەلۋدە.
شينجياڭ جابايى جىلقى ٴوسىرۋ - زەرتتەۋ ورتالىعىنىڭ قاتىستى جاۋاپتىسى بىلاي دەپ تانىستىردى: پرجەۆالسكيي قۇلانى اتا مەكەنىنە قايتا ورالعان 34 جىلدان بەرى شەتەلدەن ىلگەرىندى - كەيىندى 24 قۇلىندى ەنگىزىپ، 6 ۇرپاقتان 703 قۇلىندى ٴوسىردىك. قازىر شينجياڭ بويىنشا جابايى جىلقىلاردىڭ ىشىندە، جارتىلاي قويا بەرىلگەنى 108 جىلقى، قورادا باعىلعانى 91 جىلقى، قويا بەرىلگەن جىلقى 217. ساناققا قاراعاندا، قازىر پرجەۆالسكيي جىلقىسىنىڭ دۇنيە جۇزىندەگى جالپى سانى نە ٴبارى 2000 نان اسادى ەكەن .
