تيانشان تورى   ›   جاڭالىقتار   ›   شينجياڭ حابارلارى

موڭعۇلكۇرە ەل ىشىندە تۇڭعىش رەتكى كەمپىرقوساقتان الدىن الا مالىمەتتى جاريالادى

  7-ايدىڭ 5-كۇنى، موڭعۇلكۇرە اۋدانى ءۇنحات الەۋمەتتىك ٴنومىرى «موڭعۇلكۇرە اۋا رايى» ارقىلى سىرتقا تۇڭعىش كەمپىرقوساق مالىمەتىن رەسمي جاريالاپ، كەمپىرقوساق مالىمەتىنىڭ ەل ىشىندە جۇرتقا تۇڭعىش رەت جاريالانۋىن جۇزەگە اسىردى .

  «سول كۇنى، كەمپىرقوساقتان الدىن الا بەرىگەن مالىمەتكە قاتتى قىزىقتىم، ويلاماعان ەكەنمىن، راسىندا كەمپىر قوساق كوردىم!»،-دەدى موڭعۇلكۇرە اۋدانى شاتار كورىنىس رايونىنا جياڭسۋدان كەلگەن ساياحاتشى لي مىڭ كەمپىرقوساقتى كورگەن ساتتە اسەرلەنگەنىنەن.

  اۋا رايى تاراۋلارىنىڭ ساناعىنا قاراعاندا، موڭعۇلكۇرە اۋدانىنداٴار جىلى 5-ايدان 8-ايعا دەيىنگى ارالىقتا كەمپىرقوساق 100 رەتتەن ارتىق پايدا بولادى ەكەن، ونىڭ ۇستىنە ۇنەمى قوس كەمپىرقوساق كورىنەدى ەكەن، ٴۇش ءتۇستى كەمپىرقوساق تا ۇنەمى كەزىگەدى ەكەن.

  موڭعۇلكۇرە اۋداندىق اۋا رايى مەكەمەسىنىڭ ورىنباسار باستىعى ۋاڭ يۋان بىلاي دەپ تانىستىردى: «كەمپىرقوساقتان الدىن الا مالىمەت بەرۋ بەلگىلى ماعىنادان الىپ ايتقاندا، ناجاعايلى وتكىنشى جاڭبىردان الدىن الا مالىمەت بەرۋ بولىپ تابىلادى، ال ناجاعايلى وتكىنشى جاڭبىر ورتاشا، شاعىن اۋا رايى جۇيەسىنە جاتادى، ىقپال كولەمى شاعىن، ۋاقىتى قىسقا، وزگەرۋى دە تەز، سوندىقتان، كەمپىرقوساقتان الدىن الا مالىمەت بەرۋ وتە قيىن»،-دەيدى .

  2017 ـ جىلى 5 ـ ايدا موڭعۇلكۇرە اۋداندىق اۋا رايى مەكەمەسى كەمپىرقوساق باقىلاۋ تۇيىندەرىن قۇرۋ ارقىلى كەمپىرقوساق ساندى مالىمەتتەرىن جيناقتاعان. ەكى جىلدان بەرى، 21 رايونداعى اۋا رايى پۋنكتى مەن قوعامدىق كۇشتەردىڭ ات سالىسۋى ارقىلى كەمپىرقوساقتى باقىلاۋ جانە ەستەلىككە الۋ رەت سانى 100 رەتتەن اسىپ، كەمپىرقوساق كەسكىن ماتەريالدارىنان مىڭنان استامىن جيناپ، كەمپىرقوساق مالىمەتىنىڭ دالدىگىن بارىنشا جوعارىلاتقان. قازىر 10 ساعات بۇرىن الدىن الا مالىمەت بەرىلىپ، مالىمەتتىڭ دالدىگى % 85 كە جەتكەن.

  جۇڭگو اۋا رايى مەكەمەسىنىڭ تۇڭعىش اۋا رايى قىزمەت وتەۋ مامانى ۋاڭ شيۋرۇڭ تىلشىلىكتى قابىلداعاندا بىلاي دەدى: «قازىر ەل ىشىندە كەمپىرقوساق جونىندەگى الدىن الا مالىمەتتى كاسىپتىك جاقتان جاريالاپ وتىرعان ۇلگى جوق، موڭعۇلكۇرە اۋداندىق اۋا رايى مەكەمەسى كەمپىرقوساق جونىندەگى الدىن الا مالىمەتتىڭ قيىن ماسەلەسىن شەشىپ، ەل ىشىندەگى بۇدان بىلايعى كەمپىرقوساق جونىندەگى الدىن الا مالىمەتتى زەرتتەۋدى عىلمي نەگىزبەن قامدادى جانە اينا ەتتى. كوپ رەت ارناۋلى تاقىرىپتا دالەلدەۋ، تالقىلاۋ ارقىلى موڭعۇلكۇرە قالاسى كەزەكتە ەلىمىزدەگى كەمپىرقوساق جيىلىگى ەڭ جوعارى، سانى ەڭ كوپ جەرلەردىڭ ٴبىرى ەكەنىن تۇراقتاندىرۋعا بولادى».

  ۇعىسۋعا قاراعاندا، تۇڭعىش توپتاعى مەملەكەتتىك بۇكىل وڭىرلىك ساياحاتىنان ۇلگى كورسەتۋ رايوندارىنىڭ ٴبىرى رەتىندەگى موڭعۇلكۇرە اۋدانى سوڭعى جىلدارى ىلگەرىندى ـ كەيىندى «جۇڭگو تۇلپار مەكەنى»، «جۇڭگو قىشى مەكەنى» سياقتى ماركالارىن جاراتقان. 2018 ـ جىلى موڭعۇلكۇرە اۋدانى 2 ميلليون 500 مىڭ ادام رەت ساياحاتشى قابىلداپ، الدىڭعى جىلداعىدان % 40 ارتقان. بيىل وسى اۋدان جۇڭگو اۋا رايى مەكەمەسى الەۋمەتتىك اۋا رايى قىزمەت وتەۋ ورتالىعىنا «جۇڭگو كەمپىرقوساق استاناسى» اتاعىن بەرۋدى ءوتىنىش ەتتى، قازىر ەڭ سوڭعى باعالاۋ كەزەڭىندە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى