تيانشان تورى   ›   جاڭالىقتار   ›   شينجياڭ حابارلارى

تۇرسىننيسا مول تۇرمىسقا كەنەلدى

 ءتىلشى سۇي يۇنيان

  ”اپەكە - سىڭلىلەر، بۇگىنگى مىندەتىمىز كەشەگىدەن 150 پار ارتىق. تۇستەن بۇرىن كوپشىلىك جۇمىستى تىندىرىمدى ىستەدى، تۇستەن كەيىن دە كۇش سالىپ، مىندەتتى ەرتەرەك ورىنداپ بولىپ، جۇمىستان تۇسەيىك، جاراي ما؟“ ”جارايدى!“ 5 - ايدىڭ 29 - كۇنى تۇستەن كەيىن جۇمىسقا شىعا سالىسىمەن، 4 - سەحتىڭ جاۋاپتىسى تۇرسىننيسا ءالي كوتەرىڭكى داۋىسپەن قىزمەتتەستەردەن سۇراعاندا، كوپشىلىك تەگىس جاۋاپ قايتاردى.

  مىنە بۇل حوتان اۋدانى جاڭااۋات اۋىلى كەدەيلەردى سۇيەمەلدەۋ كاسىپ باقشاسىنداعى كيىم - كەشەك زاۆودىندا بولعان جاعداي. كەزىندە ءوزىن تۇيىقتاپ، جوقتان وزگەگە تارىعىپ جۇرەتىن تۇرسىننيسا قازىر اۋىلداعى كيىم - كەشەك زاۆودىنىڭ ”شەبەرىنە“ اينالدى. ول ىسىلعان ونەرى مەن باسقارۋ قابىلەتى ارقىلى قىزمەتتەستەرىنىڭ سەنىمىنە يە بولدى ءارى وتباسىنىڭ كەدەيلىكتەن ارىلىپ، اۋقاتتانۋ جولىنا تۇسۋىنە مۇمكىندىك جاسادى. قىزمەت بارىسىندا ول وزىنە سەنىم ارتىپ، ءومىردىڭ قۇنىن ايگىلەدى.

■ مۇقيات قىزمەت ىستەگەن كوڭىل كۇي قانداي تاماشا

  تۇرسىننيسا بيىل 27 جاستا، جاڭااۋات اۋىلى جانباق قىستاعىنىڭ تۇرعىنى ءارى حوتان اۋدانىنىڭ كاسىپتىك شەبەرلىككە تاربيەلەۋ، باۋلۋ ورتالىعىنان وقۋ تاۋىسقان تاربيەلەنۋشى. جاڭااۋات اۋىلى كەدەيلەردى سۇيەمەلدەۋ كاسىپ باقشاسىنداعى كيىم - كەشەك زاۆودىنىڭ جاۋاپتىسى يۇي فىڭ تىلشىگە تۇرسىننيسانىڭ كۋرستاعى كەزىندە ونەردى يگەرىپ، پۋتۇڭحۋانى ۇيرەنىپ العاندىعىن، ونىڭ ۇستىنە ءتۇسىنۋ قابىلەتى مەن اتقارۋ قابىلەتىنىڭ دە جاقسى بولعاندىعى سەبەپتى، كاسىپورىن جاعىنان سەح جاۋاپتىسىنا تاڭدالعاندىعىن ايتتى.

  سول كەزدە سەحتا ونىڭ كەلە سالىپ سەح جاۋاپتىسى بولۋىنا مويىنسال بولماعان ايەل جۇمىسشىلار دا بولدى. قىسىم الدىندا تۇرسىننيسا بەلسەندى پوزيتسيا ۇستانىپ، تاڭەرتەڭ سەحقا ەڭ الدىمەن كەلىپ جۇمىسقا دايىندالدى، دەمالىس كەزىندە تەحنيكاسى ىسىلماعان اپەكە - سىڭلىلەرىنە جەتەكشىلىك ەتىپ جاتتىقتىردى، باسقالار ورىنداي الماعان ساپا تالابىن ول ورىنداپ، ماشينادا بايقالعان جاي كىناراتتاردى ءوزى جوندەپ، سەحتا بىرتىندەپ ءوز ابىرويىن تىكتەدى.

  ”4 - سەحتا 35 ايەل جۇمىسشى بار، بارلىعى جاقىن ماڭداعى قىستاق تۇرعىندارى، ءبىزدىڭ جۇمىسىمىز تۇيمەلىك تورلاۋ، تۇيمە قاداۋ، ۇتىكتەۋ، قوراپتاۋ، ەڭ ماڭىزدىسى، ساپاسىن تەكسەرۋ“، - دەپ تانىستىردى تۇرسىننيسا ءتىلشىنى ەرتىپ سەحتى ارالاپ ءجۇرىپ.

  ەڭسەلى دە جارىق سەح تىنىستى ءارى سامال سوقسا ساپ - سالقىن بولىپ تۇرادى ەكەن. ”جۇمىس مولشەرى قالىپتى كەزدە، كوپشىلىكتەن ونىمدىلىكتى جوعارىلاتۋدى تالاپ ەتەمىن، مۇمكىندىكتىڭ بارىنشا ۇستەمەلەي جۇمىس ىستەمەيمىز. ءبىز ەڭبەكاقىنى كيىم سانىنا قاراي ەسەپتەيمىز، كوپ ىستەگەندەر كوپ الادى“، - دەدى تۇرسىننيسا قىمتىرىلماي.

  وسىنىڭ الدىندا زاۆودقا ۇلكەن زاكاز ءتۇستى، الدىڭعى سەح جەيدەنى تىگىپ بولعانىمەن، سىمدى ۋاعىندا تىگىپ بولا الماي ءسال كەشىكتى، سونىمەن 4 - سەح قوراپتاي بەرۋگە لاجىسىز قالدى، ءبىراق مىندەتتى، ءسوز جوق، ۋاعىندا ورىنداۋ كەرەك. تۇرسىننيسا كوپشىلىكتى باستاپ جۇمىستى ۋاعىندا ورىنداۋعا كىرىستى، ول كوپشىلىكتىڭ جىلدامدىعىنا قاراي جۇمىس ءبولىسىن ۇيلەسىمدى ورنالاستىرىپ، تۇنگى ساعات 11دە جۇمىستى ورىنداپ بولدى. جۇمىس بىتكەن كەزدە اپەكە - سىڭلىلەر قۋانا الاقايلادى، ىنتىماقتاسا سەلبەسۋ ارقىلى جەتكەن تابىس كوپشىلىكتى توتەنشە سەرپىلتتى.

  تۇرسىننيسانىڭ اقتارىلا اڭگىمەلەسكەن، سەنىمدى، اشىق - جارىق بەينەسىنەن ءتىلشى ونىڭ كەزىندە ءدىني ۇشقارى يدەيانىڭ ىقپالىنا ۇشىراپ، وقۋدان ەرتە قول ءۇزىپ، ءوزىن تۇيىقتاپ، ءبىر اۋىز ءتىل قاتپايتىن ادام بولعاندىعىنىڭ جۇرناعىن دا بايقاي المادى.

  مەن بۇرىنعى كەزىممەن تۇبەگەيلى قوشتاستىم، ءومىرىمنىڭ تىڭ باستاماسىن باستادىم، ونەر بولعان، قىزمەت بولعان قانداي جاقسى، ءار كۇنىم ومىرشەڭدىك كۇشكە تولى جالىندى وتەدى“، - دەدى تۇرسىننيسا.

■ ومىرىندە 2 رەت بۇرىلىس بولدى

  تۇرسىننيسانىڭ ومىرىندە 2 رەت بۇرىلىس بولدى، الدىڭعىسى، قارا تۇنەككە بەتتەۋ، كەيىنگىسى، جارقىن بولاشاققا بەت الۋ.

  ”تولىق ورتانىڭ 2 - جىلدىعىندا مەن ءدىني ۇشقارى يدەيامەن جۇعىمداندىم“، تۇرسىننيسا تىلشىگە ءوز كەشىرمەسىن اڭگىمەلەپ بەردى. ”ول كەزدە كورشىنىڭ ۇيىنە كوپ بارىپ تۇراتىنمىن، ول ۇيدەگى اپاي مەنىمەن اڭگىمەلەسكەندى جاقسى كورەتىن، ماعان كوپتەگەن ’جول - جوسىن‘ ايتىپ بەرەتىن، ماسەلەن، ايەلدەر بەتىن بۇركەپ ءجۇرۋى، نيقاپ - بۇرحا كيۋى كەرەك، وقۋعا بارماۋى، سىرتقا اتتاپ شىقپاۋى كەرەك، اۋەلى، جۇمىس ىستەپ، اقشا تابۋىنا دا بولمايدى. ەستي بەرگەن سوڭ جاڭىلىپ الجاسادى ەكەنسىڭ، كەيىن وقۋدان شەگىندىم. مەكتەپتەگى كەزىمدە ۇيرەنۋ ناتيجەم جامان ەمەس ەدى“.

  تۇرسىننيسانىڭ اكەسى ەرتە قايتىس بولعان، ەكى باۋىرى ۇشەۋىن شەشەسى باعىپ - قاققان، ەكونوميكالىق جاقتا قيىنشىلىق بولعانىمەن، بالالارىنىڭ جاقسى ۇيرەنىپ، ءبىلىم ارقىلى كەدەيلىكتەن ارىلۋىن ءۇمىت ەتكەن. قىزى وقۋدان شەگىنگەننەن كەيىن، شەشەسى قامىعىپ جىلاپ تۇرىپ: ”توسقانىما كونبەدىڭ، باسقا نە دەيمىن ەندى“؟ - دەيدى.

  ۇيدە قامالىپ وتىرعان كۇن دە وڭاي وتپەيدى، تۇرسىننيسا كۇننەن - كۇنگە تۇنجىراپ ۇندەمەيتىن بولادى، ءدىني ۇشقارى يدەيانىڭ تالابى بويىنشا ءومىر سۇرگەنىمەن، ءبىراق كوڭىلى سول ”جول - جوسىنعا“ بويسۇنعاننىڭ قۋانىشىن سەزىنبەيدى. وتباسىندا 2 مۋ عانا جەر بار، ەككەن ءبيداي مەن جۇگەرى تۇرمىستارىنا عانا جەتەدى. شەشەسىنىڭ دەنساۋلىعى جاقسى بولماعاندىقتان، تۇرسىننيسا كوڭىلى قامىعۋمەن بولدى، وتباسى ءۇشىن بىرەر جۇمىس ىستەگىسى كەلگەنىمەن، ءبىراق ىشكى جان دۇنيەسى تورىعۋمەن ءوتىپ جاتتى.

  2017 - جىلى قىستاق كادرلارى ونىمەن سىرلاسىپ، وعان اۋدانداعى كاسىپتىك شەبەرلىككە تاربيەلەۋ، باۋلۋ ورتالىعىنا بارىپ ۇيرەنۋدى، وندا يدەيالىق جاقتاعى داعدارۋدان ارىلۋعا بولاتىندىعىن، ونىڭ ۇستىنە ونەر ۇيرەنىپ، كەلەشەكتە جۇمىسقا ورنالاسۋعا بولاتىندىعىن ايتادى. بولاشاقتان ءۇمىت جوق تۇرمىس كەشىرۋدى قالاماعان تۇرسىننيسا باۋلۋعا قاتىناسۋعا بەكيدى.

  باۋلۋعا قاتىناسقان كەزىندە، تۇرسىننيسا مەملەكەتتە ءبىر تۇتاس قولدانىلاتىن ءتىل - جازۋدى جانە زاڭدى قاجىرلىلىقپەن ۇيرەنىپ، ءدىني ۇشقارى يدەيانىڭ ىقپالىنان بىرتىندەپ ارىلدى. تىگىنشىلىك ونەرى كلاسىندا ول نەگىزى كەمشىل بولعاندىقتان، قوس ينەلى ماشينامەن تىگۋدىڭ ءوزىن 10 نەشە كۇندە ارەڭ يگەرەدى، سودان باستاپ تەحنيكاسى بارعان سايىن جاقسارا تۇسەدى. ”سول كەزدە جۇمىسقا اڭسارىمنىڭ اۋعانى سونشالىق، تاماق ءىشىپ وتىرعان كەزدىڭ وزىندە قولىمدى جاتتىقتىرىپ وتىراتىنمىن“، - دەدى ول.

  ”تىگىپ بولعان كيىمدەرىمىزدى كورىپ تاڭ قالدىم، كوپشىلىكتىڭ بازاردان ساتىپ العان كيىمدەرىنىڭ ءبارى وسىلاي تىگىلەدى ەكەن عوي“. تۇرسىننيسا: ”بۇرىن ۇيدەن شىقپاعان سوڭ بارىنەن حابارسىز ەكەنمىن، باۋلۋ ورتالىعىندا ءبىلىم، زاڭ جانە ونەر ۇيرەنىپ كوزايام كەڭەيدى، ءبىز ۇنەمى كينو كورىپ، جاڭا ىستەردەن حابار تاۋىپ تۇرامىز، ءومىردىڭ ءاسىلى وسىنداي تاماشا بولاتىندىعىن اڭعاردىق“ دەيدى.

■ اپەكە - سىڭلىلەردى باستاپ بىرگە جەتىلدى

  2018 - جىلى تۇرسىننيسا تاربيەلەۋ، باۋلۋ ورتالىعىنان وقۋ تاۋىسىپ، قىزمەت تاپقاننان كەيىن، وتباسىنىڭ ەكونوميكالىق شارت - جاعدايى دا جاقسارا باستادى. ”مەنىڭ ورنىقتى قىزمەتىم، تۇراقتى كىرىسىم بار، ايىنا 3000 يۋاننان ارتىق ەڭبەكاقى الامىن“. تۇرسىننيسا بىلاي دەدى: ”باۋىرىم قازىر ورتا تەحنيكۋمدى تاۋىسىپ، سۋلياۋ قۇبىر زاۆودىندا جۇمىسشى بولىپ ىستەيدى، وتباسىمىزدىڭ تۇرمىسى بارعان سايىن جاقسارىپ كەلەدى“.

  اقشا تاپقاننان كەيىن، تۇرسىننيسانىڭ تۇڭعىش العان بۇيىمى كىر جۋۋ ماشيناسى بولدى، شەشەسى ەرتەدە - اق العىسى كەلگەن، ءبىراق وتباسى بۇرىن وتە كەدەي بولعاندىقتان، ساتىپ الا الماي جۇرگەن. وسىدان كەيىن ول تاعى ۇيىنە ءبىرتالاي زاتتاردى ساتىپ الدى، ۇنەمى شەشەسىنە جاڭا كيىم - كەشەك جانە ءدامدى تاعامداردى الىپ بەردى. ”بۇرىن شەشەمدى ۇمىتسىزدەندىردىم، قازىر شامام كەلەدى، شەشەمدى جاقسىلاپ كۇتەمىن“، - دەدى ول.

  نيۋزاي سىم، شولاق جەڭ جەيدە كيگەن تۇرسىننيسانىڭ وڭىنەن جاستىقتىڭ لەبى جالىنداپ تۇر. ول ءوزىنىڭ قازىرگى كۇيىن ۇناتادى، ءار كۇنى ەرتە قىزمەتكە بارىپ، اپەكە - سىڭلىلەرمەن بىرگە كوڭىلدى قىزمەت ىستەيدى، تۇستە اسحانادا تاماق دايىن، مول مازمۇندى قىزمەت، تۇرمىستان ونىڭ ءوڭ - اجاراسى نۇرلانا ءتۇستى.

  تۇرسىننيسا ءوزىنىڭ ءتىپتى دە كوپ شارۋالاردى ىستەي الاتىنىن سەزىندى. تاربيەلەۋ، باۋلۋ ورتالىعىندا ۇيرەنگەن كەزىندە، ول ۇگىت قيمىلدارىنا ىرىقتىلىقپەن قاتىناسىپ، قىستاققا بارىپ ءوزىنىڭ باستان كەشكەندەرىن ايتىپ، كوپشىلىكتىڭ ءوزى سياقتى ءدىني ۇشقارى ەلەمەنتتەردىڭ الداۋىنا ءتۇسىپ قالماۋىن ءۇمىت ەتتى. ءبىر ايدىڭ ىشىندە ول ”نەنىڭ ءماندى ءىس ەكەندىگىن“ سەزىندى.

  قازىر اپەكە - سىڭلىلەردى باستاپ بىرلىكتە تەحنيكالىق دەڭگەيىن ءوسىرۋ تۇرسىننيسانىڭ ەڭ ۇلكەن ارمانى. ”ءاربىر ازاماتتىڭ بارىندە قوعامدىق جاۋاپكەرشىلىك بار، مەنىڭ جاۋاپكەرشىلىگىم كوپشىلىكتى باستاپ كوپ اقشا تاۋىپ، تۇرمىسىمدى بارعان سايىن جاقسارتۋ“. ول بىلاي دەدى: سەحتاعى جۇمىسشىلاردىڭ كوبى كەدەي وتباسىنان شىققان، مەن العاش بارعان كەزدە، كەيبىرەۋلەر جۇمىستى از ىستەگەندىكتەن، ەڭبەكاقىنى دا از الادى ەكەن، مەن بۇعان قاتتى مازاسىزداندىم، وسى سەبەپتى ول اپەكە - سىڭلىلەردىڭ تەحنيكالىق شەبەرلىكتى جوعارىلاتۋىنا بارىنشا كومەكتەستىم.

  يۇي فىڭ تىلشىگە تۇرسىننيسانىڭ جۇمىسشىلاردىڭ بەلسەندىلىگىن وتە جاقسى جۇمىلدىرعاندىعىن، 4 - سەحتىڭ ءوندىرىس ونىمدىلىگىنىڭ بۇكىل زاۆود بويىنشا قارا ءۇزىپ الدا كەلە جاتقانىن، كوپشىلىكتىڭ كىرىسى دە ارتقاندىعىن ايتتى. تۇرسىننيسانىڭ جاڭالىقتى قابىلداۋ قۋاتى كۇشتى بولعاندىقتان، كاسىپورىن ونى كۇش سالا تاربيەلەپ، ونىڭ جەتىلە تۇسۋىنە كومەكتەستى.

  كەشكە قاراي ءتىلشى قىزمەتتەن قايتقان تۇرسىننيساعا ىلەسىپ ۇيگە قايتتى. ونىڭ ءۇيى تاپ - تازا، رەتتى، شاعىن اۋلاعا ءتۇرلى جەمىس اعاشتارى جانە كوكونىس ەگىلىپتى. شاپتول اعاشى، ورىك اعاشى مول جەمىس بەرىپتى، قىزىل بۇرىش، پاميدور دا جاقسى ءوسىپ كەلەدى ەكەن. ”مەن جەمىستەردى كورگەندە كوڭىلىم جادىراپ سالا بەرەدى، ەڭبەك ەتكەن جەردە تابىس تا بولادى، بولاشاق ءتىپتى دە جاقسى بولادى“، - دەدى ول.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس