تيانشان تورى   ›   جاڭالىقتار   ›   شينجياڭ حابارلارى

تۇڭعىش ەكسپورت! ياركەننىڭ بادامى جاپونياعا ساتىلدى

سۋرەتپەن قامداعان ياركەن اۋداندىق پارتكوم ۇگىت ءبولىمى

  ياركەن اۋدانىنىڭ بادامى تۇڭعىش رەت جاپونياعا ەكسپورت ەتىلەدى، بيىل 8-ايدا بادام پىسقاننان باستاپ، ىركەس-تىركەس 50 توننا - 1000 توننا جاپونياعا ەكسپورت ەتىلەدى.

  جۋىق كۇندەردە، جاپونيا گۇڭتيان جياشى حالىقارالىق ساۋدا شەكتى سەرىكتەستىگى، ياركەن حۇينۇڭ ەلەكتروندى ساۋدا سەرىكتەستىگى سونداي-اق شاڭحاي، چيڭداۋ سىندى ەكى كاسىپورىن ياركەن بادامىن ساتۋ كەلىسىم شارتىنا رەسمي قول قويدى. كەلىسىم شارتقا ساي، ياركەن اۋدانىنىڭ بادامىن جاپونياعا توپقا ەكسپورت ەتىپ، باستىسى قوسىمشا ازىق-تۇلىك مانەرلەۋگە پايدالانادى.

  ياركەن اۋدانى اۋىل شارۋاشىلىق، اۋىل-قىستاق مەكەمەسىنىڭ ورىنباسار مەكەمە باستىعى حي شۋاي بىلاي دەدى: ”بۇل رەت ەكسپورت كەلىسىمىنىڭ جاسالۋى، شاڭحايدىڭ شينجياڭعا باعىتتامالى كومەكتەسۋ ياركەن بولىمشە قولباسشىلىق شتابىنىڭ دانەركەر بولۋى جانە بەلسەندى جەبەۋىندە جاسالدى“. جي شۋاي: ”جاپونيا ازىق-تۇلىك كاسىپورنى وسىدان بۇرىن امەريكادا وندىرىلگەن باداممەن قوسىمشا ازىق-تۇلىك مانەرلەپ كەلگەن، وتكەن جىلى وسى كاسىپورىن ياركەندە تەكسەرىپ-زەرتتەۋ جۇرگىزگەندە، ءبىزدىڭ جەرگىلىكتى بادام ساپاسىن ماقتاپ، بۇل رەتكى سەلبەستىكتى جەبەدى“،-دەدى. 

  ەكسپورت ەتىلەتىن بادامنىڭ ساپا تالابى وتە جوعارى بولعاندىقتان، قازىر ياركەن اۋداندىق قاتىستى تاراۋلار شارۋالارعا، كاسىپورىنداردىڭ بادام اعاشىن باسقارۋ، جيناۋ، ساتىپ الۋ، مانەرلەۋ سىندى بۋىندارعا ناقتى تالاپتار قويدى، سول ارقىلى بادام اعاشتارىنىڭ ٴونىم مولشەرى مەن ساپاسىن جوعارىلاتتى. بۇدان سىرت، بادام مانەرلەۋ كاسىپورىنى دا تاياۋدا ياركەن اۋدانىندا رەسمي وندىرىسكە قوسىلدى ، بادام جيناپ العاننان كەيىن الدىمەن جەرگىلىكتى كاسىپورىننىڭ مانەرلەۋ ناتيجەسى ارقىلى شەتەلگە جونەلتىلەدى.

  ياركەن بادامىنىڭ ءدامى جاقسى، وتە جوعارى ازىقتىق ، ٴدارى - دارمەك جانە ونەركاسىپ قۇنىنا يە. قازىر ياركەن اۋدانىنىڭ بادام ەگىلگەن جەر اۋدانى ميلليون مۋعا جۋىق، 2019 ـ جىلى جالپى ٴونىم مولشەرى 72 مىڭ تونناعا جەتەدى دەپ مەجەلەنىپ وتىر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.