تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

اراسان اۋدانى: قىزمەت اترەتى قوي قىرقۋ جارىسىن وتكىزدى

  ”1 مينۋت 50 سەكۋند، قاجىباي بىرىنشىلىكتى الدى...“6-ايدىڭ 27-كۇنى، شينجياڭ بۇراتالا موڭعۇل اۆتونوميالى وبلىسى اراسان اۋدانى كوكتوقا اسىل تۇقىمدى مال فەرماسى چەكىنبۇلاق اترەتىنىڭ ءبىرىنشى شۋجيى، اۋداندىق مال شارۋاشىلىق، مال شيپاگەرلىك مەكەمەسى قىزمەت اترەتىنىڭ اترەت باستىعى جاڭ جىحۋا قوي قىرقۋ جارىسىنىڭ ناتيجەسىن جاريالادى.

  سول كۇنى، اراسان اۋدانى مال شارۋاشىلىق، مال شيپاگەرلىك مەكەمەسىنىڭ قىزمەت اترەتى قوي قىرقۋ جارىسىن وتكىزدى، چەكىنبۇلاق اترەتىنەن كەلگەن 12 جۇمىسشى-قىزمەتكەر قىرىقتىقپەن قويلارعا ”جاڭا كيىم“ كيگىزدى.

  جارىس تالابى: ءبىرىنشى. تازا بولۋ، ەكىنشى، قوي تەرىسىن زاقىمداۋعا بولمايدى، ءۇشىنشى، كىمنىڭ تەز قىرىققانىنا قاراۋ. ءار اينالىمدا 6 قويدىڭ ءجۇنىن قىرقادى، جارىس تالابىن ورىنداعان شاباندوز جەڭىمپاز بولادى.

  ”ءبىزدىڭ وتباسىمىز قوي باعىپ كەلەدى، ءار جىلى مەن كەم دەگەندە 500 تۇياق قويدىڭ ءجۇنىن قىرقامىن، ءوزىمىزدىڭ قويلاردى قىرقىپ بولعان سوڭ كورشىلەرگە كومەكتەسەمىن، ۋاقىت ۇزارعان سايىن تەز قىرقاتىن بولادى“،-دەدى قاجىباي سيلىقتى الىپ تۇرىپ قۋانا.

  ”ءبيازى ءجۇندى قويدى قىرقۋ تالابى ءبىرشاما جوعارى بولادى، ءجۇننىڭ ۇزىن-قىسقالىعى قوي ءجۇنىن دارەجەسىن بەلگىلەيدى، جوعارى ورەدە قىرقىلعان ءجۇن كوپ بولمايدى، قاجىباي قوي قىرقۋدىڭ شەبەرى، ءارجىلى ءبيازى ءجۇندى قويدى قىرقۋ مەزگىلىندە 5000 يۋان كىرىس كىرگىزە الادى. ءبىز تاربيەلەۋ جانە جارىس ارقىلى قوي قىرقۋ ورەسىن جوعارىلاتىپ، ءتىپتى دە كوپتەگەن جۇمىسشى-قىزمەتكەرلەردىڭ قوي قىرقۋ ارقىلى كىرىسىن تابۋعا مۇمكىندىك جاسايمىز“،-دەدى جاڭ جىحۋا.

  قازىر، چەكىنبۇلاق اترەتىندە 7500 ءبيازى ءجۇندى قوي ”كيىم الماستىرۋ“ كەرەك، ءتىپتى دە كوپ جۇمىسشى-قىزمەتكەرلەردىڭ كىرىس تابۋىنا مۇمكىندىك جاساۋ ءۇشىن، قىزمەت اترەتى الدىڭعى مەزگىلدە قوي قىرقۋ كۋرسىن ورىستەتىپ، قوي قىرقۋشىلار ۇلگى كورسەتىپ، كوپشىلىككە قولما-قول ۇيرەتكەن. كۋرس اقىرلاسقاننان كەيىن، قىزمەت اترەتى وسى قوي قىرقۋ جارىسىن وتكىزىپ وتىر.

  ”قىزمەت اترەتى جارىس ارقىلى ءبىزدى قوي قىرۋ تەحنيكامىزدى جوعارىلاتۋعا، باعىمشىلىق كاسىبىن دامىتىپ كىرىستى ارتتىرۋعا ىنتالاندىردى، قىزىقتى جارىس بىزگە وزگەشە اسەر قالدىردى، بۇدان بىلاي وسىنداي جارىستاردىڭ كوبىرەك وتكىزىلۋىن ءۇمىت ەتەمىن“،-دەدى قىزمەتكەر مۇقامەتحان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى