تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

تاڭ جيڭجۇڭ: قالام مەن قارۋعا تەڭ توسەلگەن قولباسشى

تاڭ جيڭجۇڭنىڭ سۋرەتى. شينحۋا اگەنتتىگى تاراتقان (شىنياڭداعى امەريكا جيانگەرلىگىنە قارسى تۇرىپ، چاۋشيانعا كومەكتەسكەن قۇرباندار قابىرستانى قامداعان)

  شينحۋا اگەنتتىگىنىڭ 7 - ايدىڭ 2 - كۇنى جيناننان بەرگەن حابارى (ءتىلشى جاڭ جىلۇڭ). ”جيڭجۇڭ جولداستىڭ وتان ءۇشىن، حالىق ءۇشىن ءومىرىنىڭ سوڭىنا دەيىن ەرلىكپەن كۇرەس جۇرگىزگەن رۋحى وشپەس شۇعىلا شاشىپ، ماڭگى جالعاسادى“. لياۋنيڭ ولكەسى شىنياڭ قالاسىنداعى امەريكا جيانگەرلىگىنە قارسى تۇرىپ، چاۋشيانعا كومەكتەسكەن قۇرباندار قابىرستانىندا قالام مەن قارۋعا تەڭ توسەلگەن قولباسشى اتانعان تاڭ جيڭجۇڭ قۇرباننىڭ قۇلىپتاسىنا وسىلاي دەپ جازىلعان.

  تاڭ جيڭجۇڭ، 1917 - جىلى دۇنيەگە كەلگەن، لاقامى شىڭتاڭ، شاندۇڭ ولكەسى شوۋگۋاڭ قالاسى سۇنجياجي ءمالىسى تاڭجياجۋاڭ قىستاعىنىڭ ادامى. 1937 - جىلى جاپون شاپقىنشىلارى شوۋگۋاڭعا باسىپ كىرگەن كەزدە، تۇتاس اۋدانداعى وتانشىل جاستار تۇس - تۇستان جاپون شاپقىنشىلارىنا قارسى تۇرىپ، وتاندى قۇتقارۋدىڭ جولىن قاراستىرادى. تاڭ جيڭجۇڭ سول جەردەگى نيۋتوۋ قالاشىعىنا بارىپ قارۋلى كوتەرىلىسكە قاتىناسىپ، حالىقتىق توڭكەرىستىك ارميانىڭ 8 - ارميا لۋدۇڭ پارتيزاندار اترەتى 8 - تارماق اترەتىنىڭ بولىمشە اترەت باستىعى بولادى. كەيىن قوسىنمەن بىرگە اينالا شايقاس جاساپ، سان رەت ەڭبەك سىڭىرەدى. 1939 - جىلى جۇڭگو كوممۋنيستىك پارتياسىنا مۇشە بولادى.

  تاڭ جيڭجۇڭ سوعىستا باتىر، قالامعا دا، قارۋعا دا جەتىك. جاپون شاپقىنشىلارىنا قارسى سوعىس كەزىندە لۋجۇڭناندا تاباندىلىقپەن پارتيزاندىق سوعىس جۇرگىزىپ، ليڭچۇي - ۋجيڭ شايقاسى، نەشە جولعى الاستاۋعا قارسى كۇرەس، شيگاۋجۋاڭ شايقاسى سياقتىلارعا قاتىناسقان. ازاتتىق سوعىس كەزىندە تاڭ جيڭجۇڭ اسكەري ءبولىمدى باستاپ شاندۇڭنان دۇڭبەيگە شەرۋ تارتىپ، دۇڭبەيدى ازات ەتۋ شايقاسىنا قاتىناسادى. 1947 - جىلى دۇڭبەي دالالىق سوعىس ارمياسى 3 - زۇڭدۇي 8 - شى 22 - تۋانىنىڭ تۋانجاڭى بولىپ، اسكەري ءبولىمدى باستاپ لينجياڭدى 3 رەت قورعاۋ شايقاسىنا جانە 1947 - جىلعى جازعى، كۇزگى، قىسقى شايقاستارعا قاتىناسادى. تۇڭحۋاداعى لۇڭجۋ گوۋمىن شايقاسىندا اسكەري ءبولىمدى باستاپ جاۋعا سوققى بەرىپ، 7 تاۋلىك شايقاس جۇرگىزىپ، جاۋعا بۇيىرىنەن، تۋ سىرتىنان تۇتقيىل شابۋىلداپ، باتىل قيمىلداپ، جاۋدى شەبەرلىكپەن جەڭىپ، دوس ارميامەن سەلبەسىپ، جاۋدىڭ ءبىر تۋانىن تىپ - تيپىل ەتىپ، ءبىرسىپىرا اسكەري قۇرال - جابدىقتى ولجاعا تۇسىرەدى.

  امەريكا جيانگەرلىگىنە قارسى تۇرىپ، چاۋشيانعا كومەكتەسۋ سوعىسىندا تاڭ جيڭجۇڭ حالىق ارمياسى قولباسشىسىندىق تاڭداۋلى ءداستۇردى ۇزدىكسىز ساۋلەلەندىردى. ءار جولعى شايقاستا ول باستاماشىلدىقپەن الدىڭعى شەپتە ءجۇرىپ، ەرلىكپەن شايقاسىپ، سان رەت ەرەن ەڭبەك ءسىڭىردى.

  1950 - جىلى 10 - ايدىڭ 19 - كۇنى تاڭ جيڭجۇڭ شى باسشىسىنا سەلبەسىپ، 118 - شىداعى قولباسشى - جاۋىنگەرلەردى باستاپ داندۇڭ وزەنىنەن ءوتىپ چاۋشيان شەكاراسىنا كىرەدى. 10 - ايدىڭ 25 - كۇنى اسكەري ءبولىم بەيجىن لياڭشۇيدۇڭدا جاۋمەن ۇستاسىپ قالادى. جاۋدىڭ سول جاق بۇيىرىنەن شابۋىلداۋ بۇيرىعى بويىنشا ول اسكەري كۇش ورنالاستىرىپ، قاراستى 354 - تۋاندى تورۋىلعا قويىپ، قىسپاققا الۋ فورماسىندا شەپ قۇرىپ، 353 - تۋانعا قورشاپ جويۋعا سەلبەسۋ بۇيرىعىن ءتۇسىرىپ، جاۋ تورۋىل شەڭبەرىنە كىرگەن كەزدە سۇراپىل سايىسىپ، تۇسكە دەيىن شايقاسىپ، جاۋدى تۇگەل قيراتادى. جاۋدىڭ 300 نەشە ادامىن اتىپ ءولتىرىپ، 160 نەشە ادامىن تۇتقىنداپ، 22 زەڭبىرەك، 38 اۆتوموبيل، قىرۋار مىلتىق، وق - ءدارى جانە اسكەري جابدىق سياقتىلاردى قولعا تۇسىرەدى. ەرىكتىلەر ارمياسىنىڭ چاۋشيانداعى العاشقى شايقاسى جەڭىستى جۇرگىزىلەدى.

  1951 - جىلى 1 - ايدىڭ ورتا شەنىندە ايقۇلاقتانعان جاۋ قايتا شابۋىلعا وتەدى، ەرىكتىلەر ارمياسى مەن چاۋشيان حالىق ارمياسى 4 - رەتكى شايقاستى ۇيىمداستىرادى. سول تۇستا 118 - شىنىڭ سانموۋجاڭى بولىپ تۇرعان تاڭ جيڭجۇڭ بۇيرىق بويىنشا شىعىس شەپكە اۋىسىپ بارىپ، ياڭدىيۋان وڭىرىندە شايقاس جۇرگىزەدى. حىڭچىڭداعى شايقاستا تاڭ جيڭجۇڭ 2 - ايدىڭ 11 - كۇنى كەشتە بۇيرىق بويىنشا نەگىزگى قوسىندى باستاپ، اسقار تاۋدان اسىپ، جاۋدىڭ 8 - شىسىنىڭ جۇرەگى − گۋاڭتيانتايعا توتە كىرەدى. اسقار تاۋ، قاسات قار، ول باستاعان قولباسشىلار مەن جاۋىنگەرلەر جاپاعا شىداپ، مىندەتتى باتىل ورىنداپ، جاۋدىڭ مىڭعا جۋىق ادامىن جويىپ، ءبىرسىپىرا ولجا تۇسىرەدى، سول كەزدە ەرىكتىلەر ارمياسى باس قولباسشىلىق شتابى باستىعى ونى حابارلاندىرۋ شىعارىپ ماداقتايدى.

  1952 - جىلى 4 - ايدىڭ اياق شەنىندە تاڭ جيڭجۇڭ تۇرعان اسكەري ءبولىم بۇيرىق بويىنشا قورعانىستىق اۋىستىرۋ جاسايدى. قورعانىستىق اۋىستىرۋ جۇرگىزگەننەن كەيىن، تاڭ جيڭجۇڭ شى باستىعى لو چۇنشىڭمەن بىرگە جاڭا قورعانىس اۋماعىنداعى بەكىنىستى تەكسەرىپ جۇرگەن كەزدە، 5 - ايدىڭ 12 - كۇنى ليانچۋان شينسىدۇڭدا باقىتقا قارسى جاۋ ۇشاعىنىڭ اۋە شابۋىلىنا ۇشىراپ، 35 جاسىندا ەرلىكپەن قۇربان بولادى. تاڭ جيڭجۇڭ قۇربان بولعاننان كەيىن، شىنياڭداعى امەريكا جيانگەرلىگىنە قارسى تۇرىپ، چاۋشيانعا كومەكتەسكەن قۇرباندار قابىرستانىنا جەرلەنەدى.

  قاھارمان ارامىزدان اتتانعانمەن، ونىڭ رۋحى كەيىنگىلەردى جىگەرلەندىرىپ كەلەدى. تاڭ جيڭجۇڭنىڭ اتا مەكەنى تاڭجياجۋاڭ قىستاعى پارتيا ياچەيكاسىنىڭ شۋجيى تاڭ حۋاشۇن بىلاي دەدى: تاڭ جيڭجۇڭ تۋعان توپىراعىنىڭ ماقتانىشى، وتان ءۇشىن جان قيعان قۇربان. قىستاقتان ءار جىلى اسكەرگە بارىپ، ارمياعا قاتىناساتىندار شىعادى، قۇرباننىڭ وسكەلەڭ رۋحى كوپشىلىكتى جىگەرلەندىرىپ، جۇڭحۋا ۇلتىنىڭ ۇلى گۇلدەنۋى ءۇشىن مۇنان دا زور ۇلەس قوسۋىن ءۇمىت ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.