تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ۇلتتار ىنتىماعىنان باقىت قۇشىپ، مەملەكەتتىڭ قۇدىرەتتەنۋىنەن پارتيانىڭ مەيىرىن سەزىنەيىك

قىزىلسۋ قىرعىز اۆتونوميالى وبلىستىق كاسىپتىك - تەحنيكالىق مەكتەبىنىڭ وقىتۋشىسى

ارزىگۇل مامەت

  جالعىز جىبەك تالشىعى ءجىپ بولماس، جالعىز اعاش ورمان بولماس. وتاننىڭ دامۋى 56 ۇلتتىڭ سايكەسە دامۋى بولىپ تابىلادى؛ جاپپاي دوڭگەلەك داۋلەتتىلىك 56 ۇلتتىڭ تۇتاس تۇلعالىق دوڭگەلەك داۋلەتىن كورسەتەدى؛ جۇڭگونىڭ باي، قۇدىرەتتى بولۋى 56 ۇلتتىڭ بىرگە باي، قۇدىرەتتى بولۋىن كورسەتەدى.

  ۇلتتار ىنتىماعى − ءار ۇلت حالقىنىڭ جانى. ۇلتتار ىنتىماعىنىڭ تۇلعاسى − ءار ۇلت بۇقاراسى، ءتۇبىن قۋعاندا، ادام مەن ادام اراسىنداعى ىنتىماق. ادامنىڭ كوڭىلىنەن شىعا الماعاندا، ىنتىماقتى دا نىعايتۋعا بولمايدى.

  مەنىڭ اكەم ساقا پارتيا مۇشەسى. بالا كەزىمدە، ءبىزدىڭ ءۇي تۇراتىن شاعىن تۇرعىندار رايونىنا سىرت جەردىڭ جۇمىسشىلارىنان كوپ ادام كەلگەنى ەسىمدە، شىلىڭگىر شىلدەدە كۇن قاتتى ىسىدى، شەشەم ولاردىڭ جاپالى ەڭبەك ىستەپ جاتقاندىعىن كورىپ، ولارعا ءوزى ارنايى قاربىز ءتىلىپ بەرىپ، شاي دەمدەپ، تاماق جاسادى. سول كەزدە جاس ءوسپىرىم مەن تاڭىرقاي: ”شەشە، ولار ءبىزدىڭ ۇيگە جۇمىس ىستەۋگە كەلگەن جوق قوي، نە ءۇشىن ولارعا ءبۇيتىپ ىقىلاسپەن مامىلە جاسايسىڭ؟“، - دەپ سۇراعانىمدا، شەشەمنىڭ بەرگەن جاۋابى ەسىمنەن كەتپەستەي ورناپ قالدى، شەشەم: ”ولار اتا مەكەندەرىنەن الىستاپ، جاپالى ەڭبەك ەتىپ، شينجياڭدى گۇلدەندىرۋگە وسىندا كەلدى، ءبىز ىقىلاسپەن مامىلە جاساپ عانا قويماي، ونان دا ماڭىزدىسى، ولارمەن ءبىر ءۇيلى جاندارداي بولىپ كەتۋىمىز كەرەك“، - دەدى. قازىر ويلاسام، بۇل تەك ءبىر اۋىز قاراپايىم ءسوز بولعانىمەن، ءبىراق ۇلتتار ىنتىماعى يدەياسىن بەينەلەپتى، ونىڭ ۇستىنە، ءبىزدىڭ جۇرەك تۇكپىرىمىزگە الدەقاشان تامىر تارتىپتى، ءبىز ۇزدىكسىز قۇلشىنىپ، ءىس جۇزىندىك ارەكەتىمىزبەن ۇلتتار ىنتىماعىنىڭ جاڭا تاراۋىن جازۋىمىز كەرەك.

  پارتيانىڭ قامقورلىعى مەن باۋلۋىندا، اكە - شەشەم مەن ۇستازدارىمنىڭ ىجداعاتتى تاربيەسىندە، مەن ءبىر حالىق وقىتۋشىسى بولىپ جەتىلدىم، سونداي - اق جۇڭگو كوممۋنيستىك پارتياسىنا مۇشە بولدىم. ءوسىپ - جەتىلۋ بارىسىمدا، اتا مەكەننىڭ وزگەرىستەرى مەن ءار ۇلت بۇقاراسىنىڭ تۇرمىسىنداعى جاقسارۋلارعا كۋا بولىپ، جۇڭحۋا ۇلتى ۇلى شاڭىراعىندا تۇرمىس كەشىرىپ جاتقاندىعىمىز ءۇشىن شەكسىز ماقتانىش سەزىنىپ، تاماشا تۇرمىس كەشىرىپ جاتقاندىعىمىز ءۇشىن شەكسىز باقىتتى سەزىندىم. ءبىزدىڭ مەكتەپتەگى كوپ ساندى وقۋشى ەگىن، مال شارۋاشىلىق رايونداردان كەلگەن، وقۋشىلارعا العىس تاربيەسىن جۇرگىزگەن كەزدەرىمدە، ۇنەمى قاسىمىزدا بولىپ جاتقان وزگەرىستەردەن ناقتى مىسال كەلتىرىپ، بۇگىنگى باقىتتى تۇرمىسىمىزدىڭ وڭاي - وسپاق قولعا كەلمەگەندىگىن ايتامىن: كورىكتى مەكتەپ اۋلامىزعا قاراڭدارشى، كلاس ىشىندەگى وزىق وقىتۋ جابدىقتارىنا قاراڭدارشى؛ اۋىل - قىستاقتارداعى رەتتى بەيقۇت ۇيلەرگە قاراڭدارشى، كوپتەگەن ەگىنشى - مالشى ”بالشىق كەپە“ گە، تام ۇيلەرگە قوش ايتىپ، كەڭ، جارىق، تازا، بەرىك جاڭا ۇيلەرگە كوشىپ كىردى؛ اۋىرسا ۇلكەن شيپاحانالارعا الاڭسىز بارىپ اۋرۋ كورسەتە الادى، ت. ب. وسىنىڭ بارلىعىن بىزگە سۇيىكتى پارتيامىز بەرگەن، ءبىز قاي - قاشان دا پارتياعا، وتانعا العىس ايتۋىمىز كەرەك. مەنىڭ وقۋشىلارعا ەڭ كوپ ايتاتىن ءسوزىم: ”اسپان قانشاما اسقاق، جەر قانشاما كەڭ بولسادا پارتيانىڭ مەيىرىنىڭ تەرەڭدىگىنە جەتپەيدى“. وقۋشىلار قۇلشىنا ۇيرەنىپ، ۇستازداردىڭ جانە اتا - انالارىنىڭ ۇمىتىنەن شىعىپ، پارتيا مەن وتاننىڭ مەيىرىن اقتايتىندىقتارىن جارىسا ءبىلدىرىپ جاتادى.

  حالىق وقىتۋشىسى رەتىندە، مەن ءىس جۇزىندىك قىزمەتىممەن ۇشتاستىرىپ، پارتيا مەن مەملەكەتتىڭ از ۇلت رايوندارىنىڭ دامۋىن قولداۋداعى باعىت - ساياساتتارىن بار كۇشپەن ۇگىتتەپ، ءار ۇلت جاستارى مەن وسپىرىمدەرىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزم جولىن شىنايى مويىنداۋىن كۇشەيتەمىن. العىس تاربيەسىن بار كۇشپەن ورىستەتىپ، پارتياعا العىس ايتۋعا، وتانعا العىس ايتۋعا، سوتسياليزمگە العىس ايتۋعا، از ۇلت رايونداردىڭ دامۋى مەن قۇرىلىسىنا كوڭىل بولگەن، ونى قولداعان جاندارعا العىس ايتۋعا جەبەيمىن. ۇگىت تاسىلىندە جاڭالىق اشىپ، مەكتەپتىڭ تاربيەلەۋ رولىن ساۋلەلەندىرۋگە ءمان بەرىپ، ۇلتتار ىنتىماعىنداعى وزات تيپتەردىڭ جەتەكشىلىك، باستاماشىلدىق رولىن ساۋلەلەندىرىپ، ۇلتتار ىنتىماعىنىڭ تاڭداۋلى ءداستۇرىن كەڭىنەن ساۋلەلەندىرەمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.