− اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ىلگەرىلەتكەندىگى جونىندەگى جەلىلەس جالپى شولۋ
اۋەلگى ماقساتتى ۇمىتپاۋ بورىشتى ەستە بەرىك ساقتاۋ
ءتىلشى جاڭ يۇنمەي
”ءبىز بۇگىن سىزدەردەن قايتالاي پىكىر الىپ، ماسەلەنى شەشۋدى ىلگەرىلەتۋ ءۇشىن كەلىپ وتىرمىز“. 7 - ايدىڭ 5 - كۇنى تۇستەن كەيىن اۆتونوميالى رايوندىق ەكولوگيالىق قورشاعان ورتا مەڭگەرمەسىنىڭ ورىنباسار باستىعى سۇن ۋاڭشىڭ مەڭگەرمەگە توتە قاراستى ءىسورىن − اۆتونوميالى رايوندىق لاستاعىش زاتتاردى باقىلاۋ - تىزگىندەۋ جانە ينفورماتسيا ورتالىعىنا تاعى كەلىپ تەكسەرۋ - زەرتتەۋ جۇرگىزىپ، ەكولوگيالىق ورتا ۇلكەن ساندى مالىمەتىن جاڭالىق اشا قولدانۋدى اناعۇرلىم ىلگەرىلەتتى.
ماسەلەنى تەكسەرۋ، ماسەلەنى زەرتتەۋ، ماسەلەنى شەشۋ، مۇنداي تەكسەرۋ - زەرتتەۋ جاعدايى اۆتونوميالى رايوندا 1 - توپتا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتكەن تاراۋلاردا، ورىنداردا الدەقاشان ۇنەمىلىك جاعدايعا اينالدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋمەن، تياناقتاندىرۋمەن ۇشتاستىرىپ، شينجياڭنىڭ ورنىقتىلىعى مەن دامۋىنداعى ءتۇرلى قىزمەتتەردى جاقسى ىستەۋمەن ۇشتاستىرىپ، رايونىمىزداعى تاراۋلار، ورىندار نەگىزگى تاقىرىپتىق تاربيە بارىسىندا ءىس جۇزىندىكپەن تىعىز بىرلەستىرىپ، ماسەلەنى باعدار ەتۋگە تاباندى بولىپ، ماسەلەنى شىنايى ىزدەپ، ناقتى ماسەلەنى ىزدەپ، تەكسەرۋدى، زەرتتەۋدى ىشكەرىلەي تەرەڭدەتىپ، تەكسەرۋ - زەرتتەۋ بارىسىن پارتيانىڭ جاسامپاز نازارياسىن ءتۇسىنۋدى تەرەڭدەتۋ بارىسىنا اينالدىردى، حالىق بۇقاراسىمەن ەتەنە بايلانىستى ساقتاۋ بارىسىنا اينالدىردى، رايونىمىزدىڭ ورنىقتىلىعى مەن دامۋىنداعى ءتۇرلى ىستەردى ىلگەرىلەتۋ بارىسىنا اينالدىردى.
■ نەگىزگى ساتىعا ىشكەرىلەي بارىپ، ناقتى جاعدايدى تەكسەردى
تەكسەرۋ - زەرتتەۋ بارىسىندا، رايونىمىزداعى تاراۋلار، ورىندار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدى، تياناقتاندىرۋدى ارقاۋ ەتىپ، ىرىقتىلىقپەن نەگىزگى ساتىعا ىشكەرىلەي بارىپ، حالىقتىڭ جاعدايىن ۇعىسىپ، بۇقارالىق كوزقاراستى، بۇقارالىق لۋشياندى يدەياعا تەرەڭ تامىر تارتقىزىپ، ارەكەت بارىسىندا ناقتى تياناقتاندىردى.
اۆتونوميالى رايوندىق ءدارى - دارمەكتى باقىلاۋ - باسقارۋ مەكەمەسى ءدارى - دارمەك وندىرەتىن، تيجارات ەتەتىن كاسىپورىنداردىڭ جانە نەگىزگى ساتىداعى ءدارى - دارمەكتەردى باقىلاۋ - باسقارۋ قىزمەتىنىڭ ءدوپ كەلگەن قيىنشىلىق، بوگەت ماسەلەلەرىن شەشۋ ءۇشىن، ءدارى - دارمەكتەردى وندىرەتىن، تيجارات ەتەتىن كاسىپورىندارعا ىشكەرىلەپ بارىپ، تەكسەرۋ - زەرتتەۋ جۇرگىزدى. تەكسەرۋ - زەرتتەۋ بارىسىندا ناقتى ورىندا ارالاپ جاعداي ۇعىسۋ، اڭگىمە ءماجىلىس وتكىزۋ، اۋىس - كۇيىس جاساپ، ىشىنارالارىمەن الدىن الا كەلىسىپ اڭگىمەلەسۋ، ماتەريال اقتارۋ، ەستەلىكتەردى سۇراپ ۇعىسۋ سياقتى كوپ ءتۇرلى تاسىلدەردى قولداندى.
اۆتونوميالى رايوندىق مال شارۋاشىلىعى جانە مال شيپاگەرلىگى مەكەمەسى قۇتىبي اسىل تۇقىمدى سيىر فەرماسى، اۆتونوميالى رايوندىق مال شارۋاشىلىعى باس پۋنكتى، اۆتونوميالى رايوندىق حايۋاناتتار گيگيەناسى باقىلاۋ ورنى سىندى 3 ورىنعا ىشكەرىلەي بارىپ، تەكسەرۋ - زەرتتەۋ جۇرگىزىپ، ناقتى ورىندا كاسىپورىنداردىڭ ءوندىرىسى مەن مال شارۋاشىلىعى، مال شيپاگەرلىگى باستى قىزمەتتەرىنىڭ ورىستەتىلۋ جاعدايىن ۇعىسىپ، 3 ورىننىڭ باسشىلىق القاسىمەن، سونداي - اق كادر - قىزمەتكەرلەر ۋاكىلدەرىمەن اڭگىمە ءماجىلىس وتكىزىپ، اۋىس - كۇيىس جاسادى.
اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسى باسشىلىق القاسى جانە باسشى كادرلار تەكسەرۋ - زەرتتەۋدە ”ءتورت ءبىر“دى كورنەكتىلەندىردى: ياعني، ءبىر باسقارۋعا جاۋاپتى باسقارما كەڭسەسىنە، ءبىر باسقارۋعا جاۋاپتى توتە قاراستى ءىسورنىنا، ءبىر ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى بايلانىس تۇيىنىنە، ءبىر اۋىر كەدەي قىستاقتىڭ ءبىرىنشى شۋجيى تۇرعان ورىنعا تەكسەرۋ - زەرتتەۋ جۇرگىزىپ، نەگىزگى ساتىنىڭ جاعدايىن ىشكەرىلەي يەلەدى.
■ نازاردى ماسەلەگە شوعىرلاندىرۋدان بوساڭسىمادى
نەگىزگى تاقىرىپتىق تاربيەنى ويداعىداي ورىستەتۋ تەكسەرۋ - زەرتتەۋ جۇرگىزىپ ماسەلەنى بايقاۋدان ايرىلا المايدى. رايونىمىزداعى تاراۋلار، ورىندار تەكسەرۋ - زەرتتەۋ جۇرگىزۋ بارىسىندا، ماسەلەنى باعدار ەتۋدەن جازباي، ماسەلەنى بايقاۋدى، ماسەلەنى شەشۋدى كوزدە ۇستاپ، قاي جاقتارداعى ماسەلە كورنەكتى بولسا، سول جاقتارعا بارىپ تەكسەرۋ - زەرتتەۋ جۇرگىزىپ، ماسەلە قاي بۋىننان تۋىلسا، سول بۋىندا ءتۇيىندى تەكسەرۋ - زەرتتەۋ جۇرگىزدى.
اۆتونوميالى رايوندىق وقۋ - اعارتۋ قىزمەت كوميتەتى نەگىزگى جاۋاپكەرشىلىكتى، نەگىزگى كاسىپتى تياناق ەتىپ، نازاردى پارتيانىڭ وقۋ - اعارتۋعا جاپپاي باسشىلىعىن كۇشەيتۋگە شوعىرلاندىرىپ، باسشىلىق القاسىنىڭ مۇشەلەرى اترەت باستاپ 4 تەكسەرۋ - زەرتتەۋ گرۋپپاسىن قۇرىپ، شينجياڭ داشۋەسى، شينجياڭ پەداگوگيكا جوعارى دارەجەلى ارناۋلى كۋرس مەكتەبى، شينجياڭ جەڭىل ونەركاسىپ كاسىپتىك - تەحنيكالىق شۋەيۋانى سياقتى 9 مەكتەپكە بارىپ، جوعارى مەكتەپتەردەگى يدەيا - ساياسي ساباعى قۇرىلىسىن قالاي كۇشەيتۋ، حالىق باسقارۋىنداعى جوعارى مەكتەپتەردەگى پارتيا ۇيىمدارىنىڭ رولىن قالاي ساۋلەلەندىرۋ سياقتى ماسەلەلەردى توڭىرەكتەي وتىرىپ تەكسەرۋ - زەرتتەۋ جۇرگىزدى. تەكسەرۋ - زەرتتەۋ گرۋپپالارى ماسەلەنى باعدار ەتۋدەن جازباي، ءىس جۇزىندىك ماسەلەلەردى شەشۋدى كوزدە ۇستاپ، 361 اداممەن (رەت) اڭگىمەلەسۋ ورىستەتىپ، 505 سۇراۋ قاعازىن تاراتىپ، 37 ماسەلەنى سالالاپ، تەكسەرۋ - زەرتتەۋ نەگىزىندە قىزمەت وي جەلىسىن ىشكەرىلەي اشالاپ، قىزمەت شارالارىن كەمەلدەندىرىپ، ماسەلەنى شەشۋدىڭ ءادىس - امالدارىن العا قويىپ، پارتيانىڭ وقۋ - اعارتۋعا باسشىلىعى سىندى ساياسي جاۋاپكەرشىلىكتى اناعۇرلىم ويداعىداي اتقارىپ، تەكسەرۋ - زەرتتەۋ قىزمەتىنىڭ ناقتى ونىمدىلىككە يە بولۋىنا شىنايى كەپىلدىك ەتتى.
اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى شينجياڭ قامداۋ - ساتۋ توبىنا قاراستى ءۇرىمجى قالاسى حىشيڭ شاعىن سومالى امانات قارىز شەكتى جارنا سەرىكتەستىگىنە، شينجياڭ شينحى قارجى قۇراۋعا كەپىل بولۋ شەكتى سەرىكتەستىگىنە، شينجياڭ حىشيڭ كىرەۋحانا شەكتى جاۋاپكەرلىك سەرىكتەستىگىنە ناقتى تەكسەرۋ - زەرتتەۋ جۇرگىزىپ، 3 سەرىكتەستىكتىڭ دامۋىنداعى قازىرگى جاعدايىن جانە ساقتالعان ماسەلەلەردى ەگجەي - تەگجەيلى ۇعىستى ءارى قولامتالى، قيىن ماسەلەلەر جونىندە ۇسىنىس - پىكىر الدى.
شينجياڭ ىلە وزەنى الابىن اشۋ قۇرىلىسىن باسقارۋ مەكەمەسى ياركەن اۋدانى كاچۇڭ اۋىلىنداعى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنە جانە اۋىر كەدەي قىستاقتىڭ ءبىرىنشى شۋجيلەرى تۇرعان جەرگە بارىپ تەكسەرۋ - زەرتتەۋ قىزمەتىن ورىستەتىپ، كەدەيلىكتەن ارىلتۋدان قامال الۋ جاعىنداعى جاقسى تاجىريبەلەرگە، ءادىس - امالدارعا جانە ولقىلىقتارعا، جەتەرسىزدىكتەرگە ءتۇيىندى تەكسەرۋ - زەرتتەۋ جۇرگىزىپ، قىستاقتا تۇرعان كادرلارمەن بىرگە كەدەيلەسۋ سەبەبىنە تۇجىرىم جاساپ، تالداۋ جۇرگىزىپ، تاجىريبە - ساباقتاردى قورىتىندىلاپ، كەدەيلىكتەن ارىلتۋ شارالارىن جوسپارلادى.
■ ءبىر جاعىنان تەكسەرىپ، ءبىر جاعىنان تۇزەتىپ، تياناقتاندىرۋدى يگەردى
تەكسەرۋ - زەرتتەۋ بارىسىندا رايونىمىزداعى تاراۋلار، ورىندار ءبىر جاعىنان تەكسەرىپ، ءبىر جاعىنان تۇزەتىپ، ءىس جۇزىندىك ماسەلەلەردى شەشۋدى كوزدەپ، تەكسەرىپ - زەرتتەۋدى مىندەتتى اتقارىپ، جاۋاپكەرشىلىكتى وتەۋمەن، پارتيا ورتالىق كوميتەتى ورنالاستىرعان مىندەتتەردى ورىنداۋمەن جانە قازىر ىستەپ جاتقان ىستەرمەن ۇشتاستىردى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيانىڭ ۇكىمەت شيپاحانالارىنا جاپپاي باسشىلىعىن ءۇرتىس ىلگەرىلەتىپ، حالىق رازى ۇكىمەت شيپاحانالارىن قۇلشىنا قۇرۋدى، نەگىزگى ساتى دەنساۋلىق ساقتاۋ دارىندىلار قوسىنى قۇرىلىسىن اناعۇرلىم كۇشەيتۋ، دەنساۋلىق ساقتاۋ، سالاماتتىق قىزمەت وتەۋ دەڭگەيى سياقتى دەنساۋلىق ساقتاۋ، سالاماتتىق قىزمەتىندەگى ولقىلىقتاردى ءتۇيىندى تۇردە ارقاۋ ەتە وتىرىپ تەكسەرۋ - زەرتتەۋ جۇرگىزدى. 7 - ايدىڭ 4 - كۇنىنە دەيىن اۆتونوميالى رايوندىق دەنساۋلىق ساقتاۋ، سالاماتتىق كوميتەتى كوميتەتكە توتە قاراستى 10 ورىنعا تەكسەرۋ - زەرتتەۋ جۇرگىزىپ، شيپاحانانىڭ دامۋ ورنىن تۇراقتاندىرۋ، پارتياعا مۇشە قابىلداۋ، ەمدەۋ قىزمەت وتەۋ، عىلىم - تەحنيكا جەتىستىكتەرىن كادەگە جاراتۋ سياقتىلارعا ساياتىن ماسەلەلەردەن 15 ىن بايقاپ، سالالاپ، تاباندا تەكسەرۋ، تاباندا تۇزەتۋ ارقىلى 11 ماسەلەنى رەتتەپ - تۇزەتتى.
شينجياڭ جاڭا ەنەرگيا (توبى) شەكتى جاۋاپكەرلىك سەرىكتەستىگىنىڭ تەكسەرۋ - زەرتتەۋ گرۋپپالارى ماسەلەگە باعىتتاي، دابانچىڭ جەل ەلەكتر الاڭىنىڭ، فوتو - ۆولت ەلەكتر الاڭىنىڭ، گاز جاساۋ قۇبىرى تورى بىرلىكتەرى سياقتى ءوندىرىسءبىرىنشى شەبىن ارالاپ، تۇيىندەردە تۇرىپ تەكسەرۋ - زەرتتەۋ جۇرگىزىپ، تورعايدى بورشالاپ، ءبىرىنشى شەپتىڭ جاعدايىن قانىق ءبىلىپ، ءوندىرىستىڭ، وقىتۋدىڭ، زەرتتەۋدىڭ سايكەسىمدىلىگى جەتەرسىز بولۋ، ايگىلى ماركا قۇرىلىسى سەرپىنى جەتەرسىز بولۋ سياقتى جوعارى ساپالى دامۋعا تۇساۋ بولاتىن وسال تۇس ماسەلەسىنە تالداۋ جاساپ، تەكسەرىپ تاۋىپ، توپتىڭ جوعارى ساپالى دامۋىنا تۇساۋ بولعان ماسەلەلەردى شەشۋدىڭ 17 ناقتى شاراسىن العا قويدى.
