تيانشان تورى   ›   جاڭالىقتار   ›   ەل ءىشى حابارى

قىمباتتى تاجىريبەلەردى مىقتاپ يگەرىپ، رەفورمانى سوڭىنا دەيىن جۇرگىزەيىك

− باس شۋجي شي جينپيڭنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە سويلەگەن ماڭىزدى ءسوزى كۇرەس جىگەرىمىزدى قاۋلاتىپ، بەتالىسىمىزعا جەتەكشىلىك ەتتى

شينحۋا اگەنتتىگىنىڭ ءتىلشىسى

  پارتيا مەن مەملەكەتتىڭ قۇرىلىم رەفورماسىن تەرەڭدەتۋ − مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى ءبىر رەتكى تەرەڭ وزگەرىس، ول رەفورما جاساۋ باتىلدىعىن ايگىلەپ، رەفورما جاساۋ اقىل - پاراساتىن ۇيىستىردى.

  باس شۋجي شي جينپيڭنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە سويلەگەن ماڭىزدى ءسوزى رەفورمادا قول جەتكەن قىمباتتى تاجىريبەلەردى جوعارى دەڭگەيدە جيناقتاپ، پارتيا مەن مەملەكەت قۇرىلىمدارىنىڭ فۋنكتسيالىق جۇيەسىن ۇزدىكسىز كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ءۇشىن العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى. قالىڭ كادر - جۇرتشىلىق بىرنەشە كۇننەن بەرى ماڭىزدى ءسوزدىڭ رۋحىن ىشكەرىلەي ۇيرەنىپ، ءسوز جوق، جەڭىسكە جەتەتىن سەنىمدى جانە بەكىمدى نىعايتىپ، رەفورمانى سوڭىنا دەيىن جۇرگىزۋگە سەرت بەردى.

■ پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ءبىر تۇتاس باسشىلىققا الۋ

  ”رەفورما − پارتيانىڭ ءبىر تۇتاس شەشىم جاساۋ قابىلەتىن ءوسىرىپ، پارتيا مەن ۇكىمەتتىڭ قاتىناسىن ارناعا ءتۇسىرىپ، بيلىك باسىنداعى پارتيانىڭ قوعامداعى باسقا دا ءتۇرلى كۇشتەرگە جەتەكشىلىك ەتىپ، ۇيىمداستىرىپ، قولباسشىلىق ەتىپ، تار جول، تايعاق كەشۋلەردەن بىرگە وتۋىنە ماڭىزدى تۇزىمدىك قامتاماسىزدىق ازىرلەپ بەردى“. گۋاڭدۇڭ ولكەلىك قوعامدىق عىلىمدار اكادەمياسىنىڭ اعا زەرتتەۋشىسى ديڭ لي بىلاي دەپ قارادى: وتكەن ءبىر جىلدان استام ۋاقىتتا پارتيا مەن مەملەكەتتىڭ قۇرىلىم رەفورماسى مىندەتى جالپى تۇلعالىق جاقتان ورىندالىپ بولدى، پارتيا مەن مەملەكەت ىستەرىنىڭ جالپى جاعدايىنا ساياتىن ەلەۋلى قىزمەتتەردە پارتيانىڭ ەرىك - جىگەرى اناعۇرلىم دۇرىس، كەمەلدى، تولىق ايگىلەنىپ، نازاريا، ءتۇزىم، اماليات جاعىنىڭ بارلىعىندا تىڭ جاڭالىق، تىڭ بايقاۋ، تىڭ ناتيجە جارىققا شىقتى.

  مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋ − تاياۋ جىلداردان بەرى ەلىمىزدىڭ ساياسي ءتۇزىلىس رەفورماسىندا قول جەتكەن ماڭىزدى تىڭ سەرپىلىستەردىڭ ءبىرى.

  حيلۇڭجياڭدا بۇكىل ولكەنىڭ 3 دارەجەلى باقىلاۋ - تەكسەرۋ كوميتەتى ۇيىمداستىرىلعاننان كەيىن، باقىلاۋ - تەكسەرۋ وبيەكتىلەرى 290 مىڭ ادامنان ءبىر ميلليون 50 مىڭ ادامعا ارتتى. ”ءبىر جىلدان استام ۋاقىتتان بەرى، باقىلاۋ - تەكسەرۋ ءتۇزىلىسى رەفورماسىنىڭ تۇزىمدىك ابزالدىلىعى بىرتىندەپ جونگە سالۋ ونىمدىلىگىنە وزگەرە باستادى“. حيلۇڭجياڭ جيامۋسى قالالىق ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى جياڭ حۇڭۋي بىلاي دەدى: رەفورما − پارتيانى جاپپاي قاتاڭ جونگە سالۋدى ىلگەرىلەتۋگە ماڭىزدى تۇزىمدىك قامتاماسىزدىق ازىرلەپ، پارتيانىڭ شىرىكتەسۋگە قارسى تۇرۋ قىزمەتىنە شوعىرلى ءبىر تۇتاس باسشىلىعىنا ءتيىمدى بولدى.

  ”باس شۋجي شي جينپيڭنىڭ ماڭىزدى سوزىندەگى تالاپتاردى ىشكەرىلەي تياناقتاندىرىپ، كوپ جاقتان كۇش سالىپ، پارتيانىڭ قۇرىلىم رەفورماسىنا جاپپاي باسشىلىق ەتۋ قابىلەتىن اناعۇرلىم جوعارىلاتۋ كەرەك“. حۋاجۇڭ عىلىم - تەحنيكا داشۋەسى مەملەكەتتى جونگە سالۋدى زەرتتەۋ ورنىنىڭ باستىعى وۋياڭ كاڭ بىلاي دەپ قارادى: پارتيانىڭ قۇرىلىم رەفورماسىنا جانە ءتۇرلى ىستەرگە جاپپاي باسشىلىعىنا تاباندى بولۋ، جاقسارتۋ جانە كۇشەيتۋ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ قاجەتتى تالابى جانە جۇزەگە اسىرۋ جولى.

■ پارتيا مەن مەملەكەت قۇرىلىمدارى فۋنكتسياسىنىڭ ساپالىلانۋىن، سايكەسۋىن، جوعارى ءونىمدى بولۋىن ىلگەرىلەتۋدى كۇش سالۋ ءتۇيىنى ەتۋ

  پارتيا مەن مەملەكەتتىڭ قۇرىلىم رەفورماسىن تەرەڭدەتۋدەگى نىسانا − پارتيا مەن مەملەكەت قۇرىلىمدارىنىڭ جۇيەسى كەمەلدى، عىلمي ارناعا تۇسكەن، اينالىمى جوعارى ءونىمدى فۋنكتسيالىق جۇيەسىن قۇرىپ، مەملەكەتتى جونگە سالۋ قابىلەتى مەن جونگە سالۋ دەڭگەيىن جاپپاي جوعارىلاتۋ.

  ءوندىرىس حاۋىپسىزدىگىن باقىلاۋ - باسقارۋ مەكەمەسى، حالىق ىستەرى مەڭگەرمەسى، مەملەكەت جەر بايلىعى مەڭگەرمەسى، سۋ يگىلىگى مەڭگەرمەسى سياقتى 10 قاتىستى تاراۋدىڭ 12 ءتۇرلى مىندەت جاۋاپكەرلىگى بىرىكتىرىلگەن گانسۋ ولكەلىك شۇعىل جاعدايعا توتەپ بەرۋدى باسقارۋ مەڭگەرمەسىنىڭ ماڭدايشالىق اسىپ قۇرىلعانىنا ءبىر جىلعا تاياۋ ۋاقىت بولدى. ”بۇرىن ءارقايسى تاراۋ وزىنە ءتيىستى جۇمىستى عانا ىستەيتىن، قازىر’شۇعىل جۇمىس‘ اتاۋلىنىڭ بارلىعىنا ارالاساتىن بولدى“. گانسۋ ولكەسى شۇعىل جاعدايعا توتەپ بەرۋدى باسقارۋ مەڭگەرمەسىنىڭ باستىعى حۋاڭ زىيۋان بىلاي دەدى: قولباسشىلىق ەتۋ، سايكەستىرۋ قۇرىلىمىن ۇزدىكسىز كەمەلدەندىرىپ، رەتتەپ، جان - جاققا ۇلاسقان، تۇتاسقان شۇعىل جاعدايعا توتەپ بەرۋگە قولباسشىلىق ەتۋ جۇيەسىن جەدەل قۇرۋدا، قۇرىلىم رەفورماسى فۋنكتسيانى كۇشەيتۋدە، ءسوز جوق، باسىپ وتۋگە ءتيىستى جول سانالادى.

  2019 - جىلى 3 - ايدىڭ 1 - كۇنى مەملەكەتتىك كاسىپورىنداردىڭ تىزىمگە الدىرعان سالاۋاتىن باسقارۋداعى شىن اتى - ءجونى بويىنشا انىقتاۋ جۇيەسى حىناننىڭ جىڭجوۋىندا جەلىگە شىقتى. وسى رەفورما شاراسى جەر - جەردىڭ كوپ جاقتان انىقتاما بەرۋ، ولشەم ۇقساماۋ سىندى قيىن ماسەلەنى شەشىپ، كاسىپورىنداردىڭ تىركەلۋىنىڭ، تىزىمگە الدىرۋىنىڭ قولايلىلىق دارەجەسىن جوعارىلاتتى. حىنان ولكەلىك بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى ما لينچيڭ بىلاي دەدى: باس شۋجي شي جينپيڭنىڭ باسا دارىپتەگەنى بويىنشا، ءىس جۇزىندىك ماسەلەلەردى شەشۋدى رەفورما جوباسىن بەلگىلەۋدىڭ شىعار ءتۇيىنى ەتۋ كەرەك. ۇكىمەتتىڭ فۋنكتسيالىق ورنالاستىرۋىن اناعۇرلىم ساپالىلاندىرىپ، بازاردى ءبىر تۇتاس باسقارۋدى كۇشەيتۋ كەرەك.

  قاتتى جاراقسىز تاستاندى زاتتاردى ولكە اتتاپ زاڭسىز تاسىمالداپ توگۋ كەزىندە گۋاڭشيدى قاتتى زيانداعان بولاتىن. قۇرىلىم رەفورماسىن وراي ەتىپ، قاتىستى تاراۋلار قول ۇستاسا سەلبەسىپ، تاراۋلاردىڭ جەكە دارا ارەكەتتەنۋىندەگى اكىمشىلىك وزىندىك قۇندى تومەندەتىپ قانا قويماي، قاتتى جاراقسىز تاستاندى زاتتاردى ولكە اتتاپ زاڭسىز تاسىمالداۋ ارەكەتىنە پارمەندى سەس كورسەتىپ، سوققى بەردى. گۋاڭشي جۋاڭزۋ اۆتونوميالى رايوندىق ەكولوگيالىق ورتا مەڭگەرمەسىنىڭ باستىعى تان چيڭرۇي بىلاي دەدى: كەلەسى قادامدا تاعى قۇرىلىم رەفورماسىنىڭ ناتيجەلەرىن ۇزدىكسىز بەكەمدەپ، پارتيا مەن مەملەكەتتىڭ قۇرىلىم رەفورماسىنىڭ ”سوڭعى جارتى بولىگىن“ تەرەڭدەتىپ، رەفورما جاسالعاننان كەيىنگى قۇرىلىمدىق فۋنكتسيادا ”حيميالىق رەاكسيا“ تۋىلۋىنا مۇمكىندىك جاراتۋ كەرەك.

■ جۇرتشىلىقتىڭ تابىس سەزىمىن جوعارىلاتۋدى بەتالىس ەتۋ

  حالىقتى وزەك ەتۋگە تاباندى بولىپ، دامۋدىڭ قاجەتىمەن، نەگىزگى ساتىنىڭ كۇتكەنىمەن، حالىقتىڭ ارمانداعانىمەن دالمە - ءدال ۇشتاستىرۋ − پارتيا مەن مەملەكەتتىڭ قۇرىلىم رەفورماسىنىڭ ايقىن بەتالىسى.

  جياڭشي ولكەسى يىڭتان قالاسى يۇيجياڭ رايونى جينجياڭ قالاشىعىنىڭ ۇكىمەتتىك قىزمەت وتەۋ ورتالىعىندا بازاردى باقىلاۋ - باسقارۋ تەرەزەسىندەگى قىزمەتكەر حى جينجوۋ قالا تۇرعىندارى تاپسىرعان كاسىپورىندى تىركەۋگە الدىرۋ ماتەريالدارىن رەتتەپ جاتتى. ”باس شۋجي شي جينپيڭنىڭ ماڭىزدى ءسوزى ءارى ءداپ باسىپ ايتىلعان، ءارى امالياتقا جاناسقان، جۇرت كوڭىلىن جەلپىنتەدى“. ول بىلاي دەدى: جياڭشي ولكەسى اۋدان دارەجەلى باسقارۋ ۇقىعىن تومەنگە ءتۇسىرۋدى تۇيىندە سىناق ەتۋدى جولعا قويدى، بۇرىن اۋدانعا بارىپ بىتىرۋگە ءتيىستى جۇمىستاردى قازىر قالاشىقتىڭ وزىندە بىتىرۋگە بولادى. تەرەزەلىكتە قىزمەت وتەيتىن قىزمەتكەر رەتىندە، حى جينجوۋ رەفورما الا كەلگەن ۇكىمەتتىك قىزمەت وتەۋدىڭ جاڭا جاعدايىن، بۇقارانىڭ ءىس تىندىرۋ، شارۋاشىلىق قۇرۋداعى جاڭا قىزۋ ورلەۋىن شىنايى سەزىندى.

  رەفورمانى جاپپاي تەرەڭدەتۋ، سايىپ كەلگەندە، حالىق جۇرتشىلىعىنىڭ تاماشا تۇرمىسقا تالپىنىسىن جۇزەگە اسىرۋ ءۇشىن بولىپ تابىلادى، بۇل − رەفورمانىڭ اۋەلگى ماقساتى جانە بورىشى. جۇرتشىلىقتىڭ جاڭا قاجەتىمەن، جاڭا تىلەگىمەن سالىستىرىپ، قۇرىلىم رەفورماسىنىڭ ناتيجەسىن بەكەمدەپ، رەفورمانىڭ ناقتى ونىمدىلىگىن كورنەكتىلەندىرۋ ءۇشىن، تاعى دا كوپتەگەن قىزمەتتەردى ىستەۋگە تۋرا كەلەدى.

  ”ءبىر ميلليارد 400 ميلليونعا جۋىق جان سانى بار ءىرى ەلدە مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ءوزى اسا كۇردەلى جانە جاپالى مىندەت“. فۋجيان پەداگوگيكا داشۋەسى ەكونوميكا شۋەيۋانىنىڭ باستىعى حۋاڭ ماۋشيڭ بىلاي دەدى: سوندىقتان ۋاقىتپەن جارىسىپ، قايراتتانا ءىس تىندىراتىن كۇرەسكەرلىك بەينەنى جانە نەعۇرلىم ماشاقاتتى بولعان سايىن سولعۇرلىم العا ۇمتىلاتىن كۇرەسكەرلىك رۋحتى ءتىپتى دە ساقتاپ، ءىس تىندىرۋ، شارۋاشىلىق قۇرۋداعى مىعىم قابىلەتتى كۇشەيتىپ، جاۋاپكەرلىك ارقالاۋعا باتىل قۇرىش توپشى شىڭداپ، جۇرتشىلىقتىڭ رەفورما جونىندەگى تابىس سەزىمىن ۇزدىكسىز كۇشەيتىپ، قالىڭ حالىقتىڭ رەفورمانى مويىنداۋىنا، رەفورمانى قورعاۋىنا، رەفورمانى قولداۋىنا، رەفورماعا ات سالىسۋىنا مۇمكىندىك جاساپ، جاڭا ءداۋىردىڭ جويقىن كۇشىن ۇيىستىرىپ، رەفورمانى سوڭىنا دەيىن جۇرگىزۋ كەرەك.

  (شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.