تيانشان تورى   ›   جاڭالىقتار   ›   ماڭىزدى حابارلار

شي جينپيڭ تەلەگرامما جولداپ، ميچەلدىڭ ەۆروپا القالار كەڭەسىنىڭ ءتوراعاسىنا سايلانعاندىعىن قۇتتىقتادى

لي كىچياڭ ميچەلگە قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 7 - ايدىڭ 7 - كۇنى چارليز ميچەلگە تەلەگرامما جولداپ، ونىڭ ەۆروپا القالار كەڭەسىنىڭ جاڭا كەزەكتى ءتوراعاسىنا سايلانعاندىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: قازىر جۇڭگو - ەۆروپا قارىم - قاتىناسىنىڭ دامۋ جاعدايى جاقسى، ەكى جاقتىڭ ءارقايسى جىكتەگىلەرىنىڭ بارىس - كەلىسى جيىلەپ، ناقتى ىستەر سەلبەستىگىنىڭ ناتيجەسى سۇبەلى، گۋمانيتارلىق اۋىس - كۇيىسى تابىستى بولىپ، الەمدىك ىستەردە سايكەسۋى، سەلبەسۋى ناتيجەلى بولدى. جۇڭگو - ەۆروپا قارىم - قاتىناسىنىڭ باياندى، ورنىقتى دامۋى ەكى جاقتىڭ ورتاق مۇددەسىنە ۇيلەسۋمەن بىرگە، دۇنيە ءجۇزىنىڭ بەيبىتشىلىگىنە، گۇلدەنۋىنە دە ءتيىمدى. جۇڭگو جاق ەۆروپانىڭ حالىقارالىق ىستەردە اناعۇرلىم ماڭىزدى رولىن ساۋلەلەندىرۋىن قولدايدى. مەن جۇڭگو - ەۆروپا قارىم - قاتىناسىنىڭ دامۋىنا وسكەلەڭ ءمان بەرەمىن، ءتوراعا ميچەلمەن بىرگە قۇلشىنىپ، جۇڭگو مەن ەۆروپانىڭ بەيبىتشىلىك، ارتۋ، رەفورما، وركەنيەت سىندى 4 ۇلكەن سەرىكتەستىك قارىم - قاتىناسىندا ۇزدىكسىز تىڭ ىلگەرىلەۋشىلىككە قول جەتكىزۋىن ىلگەرىلەتىپ، جۇڭگو مەن ەۆروپا حالقىن باقىتقا كەنەلتىپ، دۇنيە ءجۇزىنىڭ دامۋى مەن ورنىقتىلىعىنا اناعۇرلىم زور ۇلەس قوسۋدى قالايمىن.

  سول كۇنى مەملەكەتتىك كەڭەستىڭ زۇڭليى لي كىچياڭ دا تەلەگرامما جولداپ، ميچەلدى قۇتتىقتادى. لي كىچياڭ قۇتتىقتاۋ تەلەگرامماسىندا مىنانى ءبىلدىردى: جۇڭگو جاق ەۆروپا جاقپەن بىرگە قۇلشىنىپ، جۇڭگو - ەۆروپا قارىم - قاتىناسى دامۋىنىڭ قازىرگى ماڭىزدى ورايىن يگەرىپ، جۇڭگو مەن ەۆروپانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.