تيانشان تورى   ›   ۇيرەنۋ   ›   شولۋ

بايتاق شينجياڭعا كومەكتەسۋدە حالىق تۇرمىسىن الدىڭعى ورىنعا قويدى

  بەتاشار

  جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، شينجياڭعا باعىتتامالى كومەكتەسۋ قىزمەتىندە قوعام ورنىقتىلىعى مەن باياندى تىنىشتىق باس نىساناسى مىقتاپ ارقاۋ ەتىلىپ، نىسانا ونان ارى انىقتالىپ، ورىن ونان ارى ايقىندالىپ، ءتۇيىن ونان ارى كورنەكتىلەنىپ، شارالار ونان ارى دالمە - ءدال بولىپ، قىزمەت ونىمدىلىگى ۇزدىكسىز جوعارىلاپ، تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسى پارتيا ورتالىق كوميتەتىنىڭ شىنايى قامقورلىعىن تەرەڭ سەزىندى، ورتالىق پەن مەملەكەت ورگاندارىنىڭ، ورتالىق كاسىپورىنداردىڭ، شينجياڭعا كومەكتەسكەن ولكەلەر مەن قالالاردىڭ باۋىرمالدىلىعىن سەزىنىپ، شينجياڭعا باعىتتامالى كومەكتەسۋدىڭ ناقتى تيىمدىلىكتەرىنەن يگىلىكتەندى. جاڭا كەزەكتى شينجياڭعا باعىتتامالى كومەكتەسۋ قىزمەتىنىڭ تابىستارى مەن تيانشاننىڭ وڭتۇستىگى مەن سولتۇستىگىندەگى وزگەرىستەردى تولىق ايگىلەۋ، يدەيانى ونان ارى بىرلىككە كەلتىرىپ، كۇش ۇيىستىرىپ، شينجياڭعا باعىتتامالى كومەكتەسۋ قىزمەتىنىڭ ءتىپتى دە جاقسى دامۋىن جەبەۋ ءۇشىن، بۇگىننەن باستاپ گازەتىمىز ”شينجياڭعا كومەكتەسۋ قىزمەتىنە شولۋ“ ايدارىن اشتى.

شينجياڭعا كومەكتەسۋ قىزمەتىنە شولۋ

ءتىلشى شى شين

  بەيقۇت ۇيگە كىرىپ، اسفالت جولدا ءجۇرىپ، قۇبىر سۋىن ءىشىپ، اناعۇرلىم جوعارى دەڭگەيدەگى وقۋ - اعارتۋدان جانە ەمدەۋ قىزمەت وتەۋىنەن يگىلىكتەندى... شينجياڭعا كومەكتەسۋدىڭ قولداۋىندا، بۇل ”تيىمدىلىكتەر“ تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسىنىڭ ”ولشەمدى كورسەتكىش“ىنە اينالۋدا.

  اۆتونوميالى رايوندىق دامۋ جانە رەفورما كوميتەتى قامداعان ساندى مالىمەتتە مىنالار كورسەتىلدى: جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، شينجياڭعا كومەكتەسكەن 19 ولكە، قالا %80تەن استام شينجياڭعا كومەكتەسۋ قارجىسىن حالىق تۇرمىسى سالاسىنا قوسىپ، بۇقارانىڭ تۇرعىن ءۇي شارت - جاعدايىن كۇش سالا جاقسارتىپ، اۋىل - قىستاق نەگىزدىك قۇرىلعىسىنداعى جانە الەۋمەتتىك قىزمەت وتەۋدەگى ولقىلىقتاردى تولىقتاپ، اۋىز سۋ حاۋىپسىزدىگى، وقۋ - اعارتۋ، ەمدەۋ، دەنساۋلىق ساقتاۋ سياقتى ءبىر توپ الەۋمەتتىك قۇرىلعى نىساندارىن سالدى، تيانشاننىڭ وڭتۇستىگى مەن سولتۇستىگىندەگى بۇقارا مۇنىڭ يگىلىگىنە كەنەلدى.

  بۇقارانىڭ جارقىن جۇزىنەن ەسكەن قۋانىشتان ارتىق سۇبەلى ناتيجە بولماق ەمەس؛ حالىق بۇقاراسىنىڭ باقىت ارمانىنان ارتىق قاستەرلى ەشقانداي بورىش بولماق ەمەس. جاڭا كەزەك شينجياڭعا باعىتتامالى كومەكتەسۋ قىزمەتىنە قايىرىلا قاراساق، شينجياڭعا باعىتتامالى كومەكتەسۋ باستان - اياق حالىق تۇرمىسىن الدىڭعى ورىنعا قويۋعا تاباندى بولىپ، باستان - اياق حالىق تۇرمىسىن قامتاماسىز ەتۋ مەن جاقسارتۋدى كورنەكتى ورىنعا قويىپ، تالاي - تالاي ناقتى قارجىمەن، تالاي - تالاي حالىققا ءتيىمدى شارالارمەن، تالاي - تالاي حالىققا پايدالى ناقتى ىستەرمەن شينجياڭداعى ءار ۇلت بۇقاراسىنىڭ باقىتتى تۇرمىسىنىڭ ەڭ كورىكتى بەينەسىن كەستەلەدى.

■ بەيقۇت ءۇي ينجەنەرياسى جۇرت جۇرەگىن مەيىرگە بولەدى

  7 - اي، شينجياڭنىڭ جەمىس - جيدەكتەرىنىڭ حوش ءيىسى اڭقيتىن مەزگىل. قاراقاش اۋدانىنىڭ بايىرعى قالا رايونىنا بارساڭىز، ۇلتتىق ەرەكشەلىككە يە قۇرىلىستار شىت جاڭا تۇرگە ەنىپ، ءبىر تۇتاس سولعىن كۇرەڭ رەڭدى داۋالداردىڭ رەتتى دە ادەمى تۇرعىزىلعانىن كورەسىز.

  گۇلميرا تۇرسىن ەسىككە سۇيەنە كورشىسىمەن اڭگىمەلەسىپ تۇر، ارت جاعىندا ءۇيدىڭ ءىشى دە تاپ - تازا جينالىپتى. ”بۇل ارا كەزىندە لاشىقتار اۋماعى بولاتىن، ۇيلەر مەن دۇكەندەر كوبىندە شارباق ۇيلەر ەدى، جول تار، لاس سۋ بارلىق جەرگە جايىلىپ، شىبىن، ماسا ادامعا مازا بەرمەيتىن، قازىر تۇرمىس شارت - جاعدايىمىز وتە جاقسى، تازالاماساڭ ءوزىڭ ۇيالاسىڭ، بىزگە ءۇي سالىپ بەرگەن شينجياڭعا كومەكتەسۋگە كەلگەن بەيجيڭدىق كادرلاردان ءتىپتى ۇيات ەمەس پە“.

  2015 - جىلدان بەرى، بەيجيڭ قالالىق شينجياڭعا باعىتتامالى كومەكتەسۋ الدىڭعى قولباسشىلىق شتابى بەيجيڭدەگى قالا جوسپارلاۋ سياقتى سالالاردىڭ ماماندارىن ۇسىنىس ەتىپ، قالانى وزگەرتۋدىڭ بارىنشا شاعىپ، بارىنشا سالۋ سىندى ءداستۇرلى ۇلگىسىن تاستاپ، قاراقاش اۋدانىنىڭ كونە قالا رايونىنا بەكەمدەپ وزگەرتۋ جۇرگىزىپ، ءۇيدىڭ سىرتقى تامىن جانە بوياۋىن بىرلىككە كەلتىردى.

  وزگەرتۋ جوباسى سۋمەن قامداۋ، سۋ ىعىستىرۋ، ەلەكتر، تابيعي گاز سياقتى نەگىزدىك قۇرىلعىلاردى كەمەلدەندىرىپ، بۇقارانىڭ قونىس ساپاسىن جوعارىلاتىپ قانا قالماستان، كوشە اۋماعىنىڭ تاريحي بەت - بەينەسىن ساقتاۋ مەن ساياحات، اس - سۋ كاسىبىنىڭ دامۋىن جەبەۋدى ۇشتاستىرىپ، كونە قالا رايونىنىڭ تىڭ ومىرشەڭدىك كۇشىن ايگىلەدى.

  تۇرعىن ءۇي شارت - جاعدايى جاقساردى، شينجاڭعا كومەكتەسەتىن ولكە، قالالار تاعى دا كەدەي وتباسىلارىنىڭ اۋلاسىن جاقسارتۋىنا كومەكتەسىپ، مال باعىمشىلىعى، جەمىس - كوكونىس ەگىنشىلىگى سياقتى ەرەكشە شارۋاشىلىقتاردى دامىتتى.

  ءپايزاۋات اۋدانى قىزىلبويى اۋىلى شولاق قىستاعى، الدىدا ءۇي، ورتادا باقشا، ارتتا قورا، توڭىرەگىندە تاعى اتىزى بار ءوندىرىس - تۇرمىس كورىنىسىنەن قىستاق تۇرعىنى روزى تۇردى بارىنشا باقىتتى سەزىندى. بۇرىنعى جىلدارمەن سالىستىرعاندا، ونىڭ قويىنا جاڭادان نەشە 10 قوي قوسىلىپ، ەككەن شينمەيى دە جاقسى ءوستى، كىرىستىڭ ارتۋىندا ەندى ماسەلە جوق. ول مۇنىڭ بارلىعى گۋاڭدۇڭ ولكەسى اتقارعان ”ەگىن، مال، ورمان، جەمىس، سۋ، تۇرارجاي“ 6 جاق ءبىر تۇلعالاندىرىلعان جيناق اۋلا شارۋاشىلىعى ۇلگىسىنىڭ ارقاسى دەپ قارادى.

  بۇل ۇلگى جالپىلاستىرىلعاننان بەرى، جاردەماقى تاراتۋ ارقىلى كەدەي شارۋا وتباسىلارىنىڭ اۋلاسىن جاقسارتىپ سالۋى جەبەلىپ، جاسىل ستەرەولى اينالىم شەڭبەرى تۇلعالانىپ، شارۋا وتباسىلارىنىڭ اۋلاسىنان پايدالانۋ مولشەرى %30كە جەتپەۋدەن %85تەن استامعا جوعارىلادى.

  ءار كەسەك، ءار كىرپىش جۇرت جۇرەگىن مەيىرگە بولەدى. اۆتونوميالى رايوندىق دامۋ جانە رەفورما كوميتەتىنىڭ ساندى مالىمەتىندە بىلاي دەپ كورسەتىلدى: جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، شينجياڭعا كومەكتەسۋ قارجىسى ارقىلى جيىنى 2 ميلليون 300 مىڭنان استام بەيقۇت ءۇي، كوشپەندى مالشىلاردى وتىرىقتاندىرۋ بويىنشا 120 مىڭنان استام بەيقۇت ءۇي سالۋ قۇرىلىسىنا قولداۋ كورسەتىلدى ءارى ەكى بەيقۇت ءۇي ينجەنەرياسىنىڭ سۋ، ەلەكتر، جول، گاز سياقتى سايكەستى ينجەنەريا قۇرىلىستارى دا بىردەي ءونىمدى ىستەلدى.

■ كورىكتى اۋىل - قىستاق كورىنىسىن كەستەلەدى

  كورىكتى اۋىل - قىستاق دەگەنىمىز قانداي كورىنىس؟

  يانجي حۇيزۋ اۆتونوميالى اۋدانى ۋحاۋچۇي اۋىلى ارىنچۇي قىستاعىنىڭ تۇرعىنى دولقۇن تۇرسىن بىلاي دەپ قارادى: قىستاقتىڭ قازىرگى بەينەسى − كوپشىلىك بەيقۇت ۇيگە كوشىپ كىردى، قىستاقتا ۇلتتار ىنتىماعى الاڭى، اۋىل - قىستاق ۇلكەن ساحناسى سالىندى، قىستاقتىڭ جولى تۇگەلدەي قاتتىلانىپ قالماستان، قالاداعى سياقتى كوشە اتتارى قويىلدى؛ كۇن ەنەرگيالى جول شىراقتارى كەشتى جارىقتاندىرىپ، 50 مەتر جەرگە بىردەن قوقسىق ساندىعى قويىلدى، كوپشىلىك قوقسىقتى بەتالدى تاستامايتىن بولدى...

  7 - ايدىڭ 8 - كۇنى، دولقۇن تىلشىگە قىستاقتىڭ بەت - بەينەسى كوركەم تۇسكە ەنىپ، ساياحاتتاپ كەلەتىن ادام مولايىپ، ايەلى ەكەۋىنىڭ سالت - سانا باقشاسىن اشىپ، اۋىل - قىستاق ساياحاتىنىڭ اۋقاتتاندىرۋ جۇردەك كولىگىنە وتىرعاندىعىن، جاقىننان بەرى ساۋدالارىنىڭ وتە كۇسەت ەكەندىگىن ايتتى.

  ال، ەكى جىلدىڭ الدىندا، ارىنچۇي قىستاعى باسقاشا بەينەدە بولاتىن: كونەتوز ۇيلەر كوپ، ورتا لاس، بىلىققان، ناشار، قوقسىقتى جەل ۇشىرىپ اكەتەتىن.

  بۇگىنگى مەن بۇرىنعىنىڭ اراسىنداعى وزگەرىستىڭ ار جاعىندا، حىبەي ولكەسىنىڭ بايىنعولين موڭعۇل اۆتونوميالى وبلىسىنا باعىتتامالى كومەكتەسىپ اتقارعان 38 نەگىزگى ساتى اۋىل - قىستاعىنىڭ قورشاعان ورتاسىن كەشەندى وڭاۋدان ۇلگى كورسەتۋ نىسانى جاتىر.

  اۋىل - قىستاقتاردىڭ نەگىزگى قۇرىلعىسى مەن الەۋمەتتىك قىزمەت وتەۋىنىڭ مەشەۋ بولۋى قالا مەن اۋىل پارقىنىڭ ەڭ تىكە بەينەسى ءارى شارۋالاردىڭ اڭىسى كۇشتى بولعان حالىق تۇرمىسىنىڭ سەزىمتال نۇكتەسى.جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، ورتالىق پەن مەملەكەت ورگاندارى، ورتالىق كاسىپورىندار، شينجياڭعا باعىتتامالى كومەكتەسەتىن ءارقايسى ولكە، قالالار نەگىزگى ساتىداعى بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددەگە ساياتىن ماسەلەلەردى شەشۋدى توڭىرەكتەي وتىرىپ، اۋىل - قىستاقتاعى اۋىز سۋ، جول، ەلەكتردەن پايدالانۋ سياقتى نەگىزدىك قۇرىلعى قۇرىلىسىن كۇشەيتىپ، اۋىل - قىستاقتارداعى وقۋ - اعارتۋ، ەمدەۋ، دەنساۋلىق ساقتاۋ، مادەنيەت، دەنە تاربيە سياقتى الەۋمەتتىك قىزمەت وتەۋ ورەسىن جوعارىلاتىپ، قالا مەن اۋىلدىڭ پارقىن ۇزدىكسىز ازايتتى.

  − لياۋنيڭ ولكەسى تولى اۋدانىنىڭ كەدەي اۋىل - قىستاقتارىنا سۋمەن قامداۋ قۇبىر جەلىسى، قىستاق كوشە جولدارى جانە جىلى قورا، سەلبەستىك كووپەراتيۆى سياقتى قۇرىلعىلاردى سالىپ بەردى؛

  − حىنان ولكەسى شينجياڭ ءوندىرىس - قۇرىلىس بيڭتۋانى 13 - شىسىنا تۇرعىندار جولى، ەلەكتر تورى، سۋمەن قامداۋ، سۋ ىعىستىرۋ، شوعىرلى جىلۋمەن قامداۋ قۇرىلعىلارىن سالىپ بەردى.

  ...

  قازىر شينجياڭنىڭ كەڭ - بايتاق اۋىل - قىستاقتارىن ارالاساڭىز، اۋىل - قىستاقتارداعى ەمدەۋ، وقۋ - اعارتۋ جانە الەۋمەتتىك قىزمەت وتەۋ ورەسىنىڭ كورنەكتى جوعارىلاعاندىعىن بايقايسىز، بۇل وتە زور دارەجەدەن العاندا شينجياڭعا باعىتتامالى كومەكتەسۋ قىزمەتىنىڭ تيىمدىلىگى. شينجياڭعا باعىتتامالى كومەكتەسەتىن ولكە، قالالاردىڭ زور كۇشپەن قولداۋىندا، قازىر شينجياڭنىڭ اۋىل - قالاشىقتارىنداعى شيپاحانالاردى، قىستاق ەمحانالارىن ولشەمدەندىرىپ قۇرۋ مولشەرى جەكە - جەكە %89.59كە جانە %89.97كە جەتتى.

■ باسقا سالاعا ويىستىرىپ، جۇمىسقا ورنالاستىرۋدىڭ ءورىسى كەڭەيدى

  7 - ايدىڭ 9 - كۇنى گۇما اۋدانىنداعى انحۇي ونەركاسىپ باقشاسى كۇندەگىدەي قاربالاستىققا ءتۇستى. گۇما اۋدانى گۇما قالاشىعى توعرا ارىق قىستاعىنان كەلگەن قوراپتاۋشى جۇمىسكەر ابدۇللا ءمامتىمىن بۇگىنگى كۇندە كاسىپورىننىڭ قىزمەت ورنى شەبەرىنە اينالدى، ءار ايدا 3500 يۋان ەڭبەكاقى الادى. ول نىق سەنىممەن بىلاي دەدى: ”بىلتىر مەن ايەلىمدى، بالامدى گۇما اۋدانى قالاشىعىنا الىپ كەلدىم، بالام اۋدان قالاشىعىنداعى بالا باقشادا وقيدى. مەن زاۆودتا جاقسى ىستەپ، كوبىرەك اقشا تاۋىپ، ءبىر مەزگىل ۋاقىتتان كەيىن، شاعىن اۆتوكولىك ساتىپ الۋدى ويلاپ وتىرمىن...“.

  ءبىر جىلدان استام ۋاقىتتا، يۇيبو جوعارى - جاڭا ماتەريالدار (حىبەي) جارنا شەكتى سەرىكتەستىگىندە جۇمىسقا ورنالاسقان گۇمالىق بويجەتكەن رۋحيا ابلەت جەرگىلىكتى ورىننىڭ تۇرمىسىنا بۇكىلدەي ۇيلەستى. ول تەلەفوندا تىلشىگە بىلاي دەدى: ءوزىم ءبىراز اقشا جينادىم، اتا مەكەنىمدەگى تۋىستارىمدى انحۇيعا كەلىپ ساياحاتتاۋعا ورنالاستىرۋ جاساپ جاتىرمىن.

  رۋحيا حوتان ايماقتىق ورتا دارەجەلى كاسىپتىك - تەحنيكالىق مەكتەپتەن وقۋ تاۋىسقان. انحۇي ولكەسىنىڭ شينجياڭعا كومەكتەسۋ الدىڭعى قولباسشىلىق شتابىنىڭ اتقارعان ”حوتاننىڭ گۇماسىنان مىڭ ادامدى انحۇيعا جىبەرىپ، جۇمىس ىستەتۋ جوسپارى“نىڭ ارقاسىندا، ول مەكتەپ تاۋىسقاننان كەيىن حىفەي قالاسىندا پراكتيكا جاسايدى ءارى جەرگىلىكتى ورىندا جۇمىسقا ورنالاسادى.

  ديقاننان كاسىپ سالاسى جۇمىسكەرىنە اينالىپ، ىشكى ولكەدەگى قالاعا بارىپ پراكتيكا جاساعان، جۇمىسقا ورنالاسقان ابدۇللا مەن رۋحيانىڭ تاعدىرىندا وزگەرىس بولۋىنىڭ استارىندا، انحۇي ولكەسىنىڭ شينجياڭعا باعىتتامالى كومەكتەسۋ الدىڭعى قولباسشىلىق شتابىنىڭ ”كاسىپ ارقىلى جۇمىستاندىرۋعا دەم بەرۋ، جۇمىستاندىرۋ ارقىلى كاسىپتى جەبەۋ“ وي جەلىسىنەن تۋىنداعان حيميالىق اسەر جاتىر. حوتان ايماعىنداعى ارتىق ەڭبەككۇشتەردىڭ جۇمىستانۋ قابىلەتىن جاپپاي كوتەرۋ ءۇشىن، انحۇي ولكەسى شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنا 65 ميلليون يۋان قوسىپ، گۇما اۋدانىنىڭ جۇمىستاندىرۋعا، شارۋاشىلىق قۇرۋعا جەتەكشىلىك ەتۋ قارجىسىن قۇرىپ، شارۋاشىلىق قۇرۋعا، جۇمىستانۋعا جەتەكشىلىك ەتۋدى جانە كاسىپتىك شەبەرلىك جاتتىعۋىن كۇشەيتىپ، باسقا سالاعا ويىسىپ، جۇمىستانعانداردىڭ ”جۇمىسكەر“دەن ”شەبەرلىككە سۇيەنىپ، اقشا تابۋ“ىنا دەيىنگى وزگەرىستى جۇزەگە اسىردى ءارى 3111 ادامدى انحۇيعا بارىپ، باسقا سالاعا ويىسىپ جۇمىس ىستەپ، جۇمىسقا ورنالاسۋعا ۇيىمداستىردى.

  جۇمىسقا ورنالاسۋ حالىق تۇرمىسىنىڭ نەگىزى. جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، ورتالىق پەن مەملەكەت ورگاندارى، ورتالىق كاسىپورىندارى، شينجياڭعا كومەكتەسۋشى ءارقايسى ولكە، قالالار جۇمىسقا ورنالاستىرۋ سىندى وسى ەڭ ۇلكەن حالىق تۇرمىسىن مىقتى يگەردى، ويداعىداي يگەردى −

  شاڭحاي قالاسى ”شاڭحاي - قاشقار كاسىپتىك وقىتۋشىلاردى باعىتتامالى كومەكتەسۋ - سۇيەمەلدەۋدى جاپپاي قامتۋ ارەكەت جوسپارىن“ اتقارىپ، ”مەكتەپ + كاسىپورىن + كاسىپ“ ۇلگىسىن قولدانىپ، وڭتۇستىك شينجياڭداعى اقتاڭداق جانە بازارعا شۇعىل قاجەتتى 10 ماماندىقتى ءتۇيىندى تۇلعالادى؛

  جياڭشي ولكەسى ”ءبىر وزەك، كوپ نەگىز“ فورماسىنداعى جۇمىسقا ورنالاستىرۋ قىزمەت وتەۋ پۋنكتى ۇلگىسىن سومداپ، نانچاڭ ”جياڭشيدىڭ اقتاۋ اۋدانىنىڭ جۇمىسقا ورنالاستىرۋىنا باعىتتامالى كومەكتەسۋ قىزمەت وتەۋ پۋنكتىن“، سونداي - اق فۋجيان، گۋاڭدۇڭ، جىجياڭ سياقتى بولىمشە پۋنكت قۇرىلىسىن جانە نانچاڭ، جيۋجياڭ جۇمىسقا ورنالاستىرۋ، ەڭبەك كۇش شىعارۋ ناقتى جاتتىعۋ بازاسى قۇرىلىسىن ىلگەرىلەتتى؛

  حۋبەي ولكەسى ءوز ولكەسىندەگى ءىسورىنداردان 22 قىزمەت ورنىن، مەملەكەت مەنشىگىندەگى كاسىپورىنداردان 160 قىزمەت ورنىن ازىرلەپ، قىزمەت ورنىن ۇسىنۋ، شينجياڭعا كىرۋ قيمىلىن ورىستەتتى.

  ...

  حالىق تۇرمىسىنداعى ەڭ ماڭىزدىسى، سۇيىسپەنشىلىك، شينجياڭعا كومەكتەسۋدە حالىق تۇرمىسىن الدىمەن ويلاستى. جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، ورتالىق پەن مەملەكەت ورگاندارىنان، ورتالىق كاسىپورىندارىنان، 19 ولكە، قالادان كەلگەن شينجياڭعا كومەكتەسۋ كۇشى كوكتەمگى تاسقىنداي تيانشاننىڭ وڭتۇستىگى مەن سولتۇستىگىنە اعىلىپ، جۇرتتى سۇيىندىرەتىن وزگەرىس الا كەلدى. تالاي - تالاي تاۋ - سۋلاردى ەندەي وتكەن وسى ەتەنە سۇيىسپەنشىلىكتىڭ جاپپاي دوڭگەلەك داۋلەتتى قوعام ورناتۋ جولىندا ەڭ كوركەم ەستەمە قالدىراتىندىعى ءشۇباسىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.