تيانشان تورى   ›   ۇيرەنۋ   ›   شولۋ

ماسەلەنى قاداعالاۋدا، ماسەلەگە بەتپە - بەت كەلۋ قاجەت

رىن جياڭ

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە، رايونىمىزداعى تاراۋلار، ورىندار ماسەلەنى قاداعالاۋدى تۇتاس بارىسپەن ساباقتاستىرىپ، وزىندەگى ماسەلەلەردى شىن مانىندە ناقتى تاۋىپ، ماسەلەنىڭ ءتۇپ تامىرىن ءداپ باسىپ، رەتتەۋ - وڭاۋعا دالمە - ءدال نىسانالىق بەتالىس ازىرلەپ، ۇيرەنۋ تاربيەسىنىڭ، تەكسەرۋ - زەرتتەۋدىڭ، ماسەلەنى قاداعالاۋدىڭ، رەتتەۋ - وڭاۋدى تياناقتاندىرۋدىڭ باعىتتامالىلىعى مەن ونىمدىلىگىن شىن مانىندە كۇشەيتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتۋگە بەرىك نەگىز قالادى.

  ماسەلەنى قاداعالاۋدا، ءسوز جوق، ماسەلەگە بەتپە - بەت كەلۋ كەرەك. ماسەلە كۇش سالۋ ءتۇيىنى، سونداي - اق قامال الۋ ءتۇيىنى. نەگىزگى تاقىرىپتىق تاربيەدە تىڭعىلىقتى ناتيجەگە قول جەتكىزۋ ءۇشىن، ءسوز جوق، ماسەلە قايسى؟ تۇيىنشەك قايدا؟ دەگەندەردى ايقىنداۋ كەرەك، تەك ماسەلەنى ناقتى تاۋىپ، ءتۇپ تامىرىن تەرەڭ قازىپ شىققاندا عانا، قيىن ماسەلەنى شەشۋدىڭ ناقتى شارالارىن، جارامدى شارالارىن تابۋعا بولادى.

  ”قارىم - قاتىناستا باسقالاردان كەمەلدىلىكتى تالاپ ەتە بەرسەڭ، ءوز باسىڭداعى كەمشىلىكتى تەكسەرۋگە ۇلگىرمەي قالارسىڭ“. قاداعالاپ، قايتالاي ويلانىپ، كىشى پەيىلدىلىكپەن ءوزىن تەكسەرۋ، بۇل ءبىزدىڭ قاتەلىكتى بايقاپ جانە تۇزەتىپ، پارتيالىلىقتى شىڭداۋىمىزداعى جانە كۇشەيتۋىمىزدەگى ماڭىزدى ءادىس، پارتيامىزدىڭ ءوزىن تازارتۋداعى، ءوزىن كەمەلدەندىرۋدەگى، وزىنە توڭكەرىس جاساۋىنداعى، ءوزىن جوعارىلاتۋىنداعى ماڭىزدى جول. ماسەلەگە بەتپە - بەت كەلىپ، پىشاقتىڭ ءجۇزىن ىشكە قاراتىپ، ءوزىن كىرىستىرىپ، جاۋاپكەرشىلىكتى كىرىستىرىپ، قىزمەتتى كىرىستىرىپ، تاپتەشتەپ سالىستىرىپ تەرەڭىنەن تەكسەرىپ، تاباندا تەكسەرىپ، تاباندا تۇزەتكەندە عانا، يدەياداعى شاڭ - توزاڭدى قاعىپ، ارەكەتتەگى اۋىتقۋدى تۇزەتىپ، كوممۋنيستەردىڭ العا باسار قاسيەتىن ماڭگى ساقتاۋعا بولادى.

  پارتيالى كادرلار اۋەلگى ماقساتتى ۇمىتپاي، بورىشتى ەستە بەرىك ساقتادى ما - جوق، بۇقارا ءبارىن ەڭ انىق كورىپ وتىر، ولار سويلەۋگە ەڭ ۇقىقتى. ءوزى ىزدەۋدى، جوعارى جاق كورسەتۋدى، بۇقارا العا قويۋدى ءوزارا ۇشتاستىرۋعا تاباندى بولىپ، ”قاتەلىك بولسا تۇزەتۋ، قاتەلىك بولماسا ساقتانۋ“ دەيتىن دارقان كوڭىلمەن، سىرتتاي ۇعىسۋ مەن بەتپە - بەت سويلەسۋدى ۇشتاستىرىپ، بارىپ ۇعىسۋ مەن شاقىرىپ كەلۋدى ءوزارا ۇشتاستىرىپ، پارتيا مۇشەلەرى، بۇقارا، قىزمەت وتەۋ وبيەكتىسى قاتارلى جاقتاردىڭ پىكىرىنە، ۇسىنىسىنا شىن ىقىلاسپەن قۇلاق اسىپ، ىشكەرىلەي سالىستىرىپ، تەكسەرىپ، مۇقيات، ىشكەرىلەي قاداعالاپ، جىنتىكتەي تالداۋ جاساعاندا عانا، نەگىزگى تاقىرىپتىق تاربيەنىڭ تىڭعىلىقتى ىلگەرىلەۋىنە، ناقتى ونىمدىلىككە قول جەتكىزۋىنە كەپىلدىك ەتۋگە بولادى.

  تەك ماسەلەگە بەتپە - بەت كەلىپ، ماسەلەگە قاداعالاۋ ارقىلى پارىقتاردى، قۇلشىنىس باعدارىن تاپقاندا عانا، نەگىزگى تاقىرىپتىق تاربيەنى ۇزدىكسىز تەرەڭدەتۋگە، حالىق بۇقاراسى ەڭ كوڭىل ءبولىپ وتىرعان، ەڭ رەال مۇددە ماسەلەلەرىن شىنايى شەشۋگە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىنا، ناقتى ونىمدىلىك جاراتۋىنا كەپىلدىك ەتۋگە بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.