تيانشان تورى
تيانشان تورى   ›   ۇيرەنۋ   ›   شولۋ

قۇرىلىم رەفورماسى ارقىلى حالىق جۇرتشىلىعىن اناعۇرلىم كوپ تابىس سەزىمىنە كەنەلدىرەيىك

− باس شۋجي شي جينپيڭنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  حالىقتى وزەك ەتۋگە تاباندى بولىپ، حالىق جۇرتشىلىعىنا ءتىپتى دە كوپ تابىس سەزىمىن جەتكىزۋ − پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ ماڭىزدى پرينسيبى مەن ايقىن باعىتى.پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە باس شۋجي شي جينپيڭ قۇرىلىم رەفورماسىنىڭ جەتىستىكتەرىن بەكەمدەۋ جونىندە ماڭىزدى ورنالاستىرۋ جاساپ، ءارقايسى تاراۋ ”حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن تىعىز ارقاۋ ەتە وتىرىپ قىزمەت مىندەتىن جاقسى اتقارۋ، جاۋاپكەرشىلىكتى ويداعىداي ادا ەتۋ كەرەك“ دەپ باسا دارىپتەپ، رەفورمانى جاپپاي تەرەڭدەتۋدىڭ ىشكەرىلەي دامۋىن ىلگەرىلەتۋ جونىنەن ايقىن تالاپتار قويىپ، ”حالىقتىڭ تابىس سەزىمىن جوعارىلاتۋعا ءتيىمدى رەفورمالاردى كورنەكتى ورىنعا قويۋ“دى باسا دارىپتەپ، كوممۋنيستىك پارتيا مۇشەلەرىنىڭ باستان - اياق بۇلجىماعان اۋەلگى ماقساتىن، بورىشىن تولىق كورسەتىپ، رەفورمانى ىلگەرىلەتۋدىڭ حالىقتىق تۇرعى مەن قۇن بەتالىسىن تولىق ايگىلەدى.

  ”مەملەكەتتى جونگە سالۋدىڭ پرينسيبى حالىققا ءتيىمدى بولۋدى نەگىز ەتەدى“. پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ ماقساتى پارتيا مەن مەملەكەتتىڭ ءتۇرلى ىستەرىنىڭ دامۋىن اناعۇرلىم ويداعىداي ىلگەرىلەتىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن اناعۇرلىم جاقسى قاناعاتتاندىرىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن، حالىقتىڭ بىرگە بايۋىن اناعۇرلىم ويداعىداي ىلگەرىلەتۋ ءۇشىن. پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بىلاي دەپ ايقىن العا قويدى: ”ءسوز جوق، حالىقتىڭ نەگىزگى تۇلعالىق ورنىنا تاباندى بولىپ، جالپى ءۇشىن پارتيا قۇرۋ، حالىق ءۇشىن بيلىك جۇرگىزۋگە تاباندى بولىپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ قوجايىن بولۋىنىڭ تۇزىمدىك جۇيەسىن اقاۋسىزداندىرىپ، حالىققا پايدا جەتكىزۋدى كوزدەيتىن، حالىق ءۇشىن ءىس تىندىراتىن، حالىقتى ۋايىمنان ارىلتاتىن، حالىقتىڭ ۇقىق - مۇددەسىن قامتاماسىز ەتەتىن، حالىقتىڭ جۇرەك ۇنىنە قۇلاق اساتىن، حالىقتىڭ باقىلاۋىن قابىلدايتىن ءتۇزىلىس - مەحانيزمدى كەمەلدەندىرىپ، حالىقتىڭ زاڭ بويىنشا مەملەكەت ىستەرىن باسقارۋىنا، ەكونوميكا، مادەنيەت ىستەرىن باسقارۋىنا، قوعامدىق ىستەردى باسقارۋىنا اناعۇرلىم پارمەندى قامتاماسىزدىق ازىرلەۋ كەرەك“. پارتيا مەن مەملەكەتتىڭ قۇرىلىم رەفورماسىن تەرەڭدەتۋ وسى تالاپتاردى تياناقتاندىرۋ ءۇشىن بولىپ تابىلادى.

  ءبىر جىلدان استام ۋاقىتتان بەرى، قۇرىلىم رەفورماسى ءتۇيىندى سالالارداعى حالىق تۇرمىسى قىزمەتىن كۇشەيتۋدى كوزدە ۇستاپ، اناعۇرلىم ءادىل، اناعۇرلىم باياندى قوعامدىق قامتاماسىزداندىرۋ ءتۇزىمىن جانە الەۋمەتتىك قىزمەت وتەۋ جۇيەسىن ورناتۋدى، اقاۋسىزداندىرۋدى تياناق ەتىپ، وقۋ - اعارتۋ، مادەنيەت، بازاردى باقىلاۋ - باسقارۋ، دەنساۋلىق ساقتاۋ، سالاماتتىلىق، ەمدەۋ قامتاماسىزداندىرۋى، قوسىننان قايتقان اسكەريلەرگە قىزمەت وتەۋ، كوشى - قوندى باسقارۋ جانە وعان قىزمەت وتەۋ، ەكولوگيالىق ورتانى قورعاۋ، شۇعىل جاعدايعا توتەپ بەرۋدى باسقارۋ سياقتى حالىق جۇرتشىلىعى جاپپاي كوڭىل بولەتىن سالالاردا قۇرىلىمدى رەتتەۋ جانە ساپالىلاندىرۋ سەرپىنىن ارتتىرىپ، ۇكىمەتتىڭ الەۋمەتتىك قىزمەت وتەۋ، قوعامدىق باسقارۋ فۋنكتسياسىن كۇشەيتىپ، حالىق تۇرمىسىن اناعۇرلىم ويداعىداي قامتاماسىز ەتتى جانە جاقسارتتى، الەۋمەتتىك حاۋىپسىزدىكتى قورعادى. جىجياڭ جۇرتشىلىقتىڭ سەزىنىسىن ولشەم ەتە وتىرىپ رەفورمانى تەرەڭدەتىپ، قۇرىلىم رەفورماسىن ”ەڭ كوپ بولعاندا ءبىر رەت بارۋ“ رەفورماسىمەن تىعىز ۇشتاستىرىپ، حالىق ءىس بىتىرگەندە كۇش ۇنەمدەۋىنە، ۋاقىت سارىپ ەتپەۋىنە، ارتىق باس قاتىرماۋىنا مۇمكىندىك جاسادى. گۇيجوۋ كەدەيلەردى كولەمدى سۇيەمەلدەۋ، ءىرى ساندى مالىمەت، ءىرى ەكولوگيا ستراتەگيالىق ءتۇيىنىن كورنەكتىلەندىرىپ، قۇرىلىمداردىڭ ورنالاسۋىن، فۋنكتسيانىڭ سەپتەلۋىن جەرگىلىكتى جاعدايعا قاراي وتىرىپ كۇشەيتىپ جانە ودان جاڭالىق اشىپ، اتقارۋى پارمەندى، ىقشام ءارى جوعارى ءونىمدى قىزمەت وتەۋ، باسقارۋ ءتۇزىلىس - مەحانيزمىن كۇش سالا ورناتتى. قۇرىلىم رەفورماسى ارقىلى حالىق جۇرتشىلىعىنىڭ جوعارى ساپالى الەۋمەتتىك قىزمەت وتەۋگە دەگەن جاڭا قاجەتىنە اڭىس قايتارىلىپ، حالىق جۇرتشىلىعى ەڭ كوڭىل بولگەن، ەڭ تىكە، ەڭ رەال كەيبىر مۇددە ماسەلەلەرى شەشىلىپ، حالىقتىڭ ارمان - تىلەگىنە رەفورمادا جاۋاپ بولۋ شىن مانىندە جۇزەگە اسىرىلدى.

  مىنانى دا كورە ءبىلۋ كەرەك: وسى رەتكى قۇرىلىم رەفورماسى تەك قانا حالىققا پايدا جەتكىزۋدى كوزدەيتىن، حالىق ءۇشىن ءىس تىندىراتىن، حالىقتى ۋايىمنان ارىلتاتىن، حالىقتىڭ ۇقىق - مۇددەسىن قامتاماسىز ەتەتىن، حالىقتىڭ جۇرەك ۇنىنە قۇلاق اساتىن، حالىقتىڭ باقىلاۋىن قابىلدايتىن ءتۇزىلىس - مەحانيزمدى كەمەلدەندىردى. رەفورمادان كەيىنگى قۇرىلىم فۋنكتسياسىن شىن مانىندە ۇتىمدى اينالىسقا ءتۇسىرۋ ءۇشىن، ءبىزدىڭ ءالى دە كوپتەگەن قىزمەتتەردى ىستەۋىمىزگە تۋرا كەلەدى. تاراۋلار نەگىزگى ماقسات تانىمىن بەرىك ورناتىپ، بورىش سەزىمى مەن جاۋاپكەرشىلىك سەزىمدى كۇشەيتىپ، حالىققا باقىت جاراتۋدى ەڭ زور قىزمەت ناتيجە ەتىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن تىعىز ارقاۋ ەتىپ قىزمەت مىندەتىن جاقسى اتقارۋ، جاۋاپكەرشىلىكتى جاقسى ادا ەتۋ كەرەك؛ ىشكى قىزمەت مىندەت - جاۋاپكەرشىلىكتى جانە كاسىپتى رەتتەپ بىرىكتىرۋدى جەدەلدەتىپ، قىزمەتتەگى بىرىككەن كۇشتى تەز قالىپتاستىرىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارا قاجەت ەتكەن ءىستى ءبىتىرىپ، حالىق بۇقاراسىنىڭ ءار جاقتارداعى ۇقىق - مۇددەسىن اناعۇرلىم جاقسى قورعاپ، حالىققا باقىت جاراتاتىن ىستەردى جاقسى ىستەۋ، ناقتى ىستەۋ كەرەك.

  ”بۇقارا نەگە كوڭىل بولسە، نەنى كوكسەسە، رەفورما سونى يگەرىپ، سونى ىلگەرىلەتىپ، رەفورما ارقىلى حالىق جۇرتشىلىعىنا ءتىپتى دە كوپ تابىس سەزىمىن جەتكىزۋ كەرەك“. قۇرىلىم رەفورماسى ازىرلەگەن ءتيىمدى شارت - جاعدايلاردى جاقسى پايدالانىپ، رەفورمانى جاپپاي تەرەڭدەتۋدىڭ ىشكەرىلەي دامۋىن ىلگەرىلەتۋدە، ءسوز جوق، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە ءتيىمدى رەفورما شارالارىن كوپ يگەرىپ، كىرىس ءبولىسى، وقۋ - اعارتۋ، جۇمىسقا ورنالاستىرۋ، قوعامدىق قامتاماسىزداندىرۋ، ەمدەۋ، تۇرارجاي، قورشاعان ورتانى جونگە سالۋ، قارتتاردى كۇتىمدەۋ، ازىق - تۇلىك، ءدارى - دارمەك حاۋىپسىزدىگى سياقتى ماسەلەلەرگە قاراتا بۇقارانىڭ رەال قاجەتىمەن ۇشتاستىرىپ، باعىتتامالى تۇردە ءبىر توپ رەفورما شارالارىن شىعارۋ كەرەك. حالىقتىڭ اڭىسى كۇشتى كورنەكتى ماسەلەلەردى، ءسوز جوق، باتىل وزگەرتۋ، دەرەۋ وزگەرتۋ كەرەك. ستراتەگيالىق جالپى جاعدايعا ساياتىن، ۇزاق بولاشاقتىق دامۋعا ساياتىن، حالىقتىڭ قۇت - ىرىسىنا ساياتىن كوكەي تەستى ماسەلەلەردى عىلمي ءبىر تۇتاس جوسپارلاۋ، الدىمەن شەشۋ كەرەك.

  ”حالىققا پايدالى ءىستى قانداي كىشكەنە بولسا دا، ءسوز جوق، گۇلدەندىرۋ“. بۇقارامەن نيەتتەس بولىپ، قاجىماي - تالماي، تىنباي العا ىلگەرىلەپ، ۇزاق ۋاقىت ەڭبەك ەتسەك، ءبىز، ءسوز جوق، ءتۇرلى رەفورمانى تياناقتاندىرۋدى، ناقتىلاندىرۋدى، ورىنداۋدى ىلگەرىلەتىپ، ءار جاقتاعى تۇزىمدەردىڭ اناعۇرلىم تولىسقان، اناعۇرلىم تۇلعالى، دامۋدىڭ اناعۇرلىم ساپالى، جونگە سالۋدىڭ اناعۇرلىم ورەلى، حالىقتى اناعۇرلىم مول تابىس سەزىمىنە يە ەتىپ، ىنتىماقتاسا كۇرەس جاساۋعا، ءبىر نيەتپەن ارماندى سومداۋعا قۇدىرەتتى وڭ ەنەرگيا ۇيىستىرا الاتىن بولامىز.

  (شينحۋا اگەنتتىگىنىڭ 7 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.