قالا - قالاشىقتاردا 353 مىڭ 400 ادام جاڭادان جۇمىستاندىرىلدى، اۋىل - قىستاقتاردا ءبىر ميلليون 756 مىڭ 200 ارتىق ەڭبەككۇش (رەت) باسقا سالاعا ويىستىرىلىپ جۇمىستاندىرىلدى
ءتىلشى لي چۇنشيا 7 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، الدىڭعى جارتى جىلدا، رايونىمىز جۇمىستاندىرۋدى ورنىقتىرۋدى كوزدەپ، ءتۇيىندى شوعىرلار مەن وڭتۇستىك شينجياڭداعى 4 ايماق - وبلىستى كورنەكتىلەندىرىپ، جۇمىستاندىرۋ بويىنشا حالىققا تيىمدىلىك جاساۋ ينجەنەرياسىن ىشكەرىلەي اتقارىپ، بۇكىل رايونىمىزدىڭ جۇمىستاندىرۋ اۋقىمى جالپى جاقتان ورنىقتىلىقتى ساقتاپ، نەگىزگى جۇمىستاندىرۋ كورسەتكىشى ورنىقتىلىق بارىسىندا ارتىپ، ”ۋاقىتتىڭ جارتىسىنىڭ وتۋىمەن مىندەتتىڭ جارتىسىن ورىنداۋ“دى ىسكە اسىردى.
الدىڭعى جارتى جىلدا، بۇكىل رايونىمىزدىڭ قالا - قالاشىقتارىندا 353 مىڭ 400 ادام جاڭادان جۇمىستاندىرىلىپ، جىلدىق نىسانا - مىندەتتىڭ ％78.52ى ورىندالدى؛ اۋىل - قىستاقتاردا ءبىر ميلليون 756 مىڭ 200 ارتىق ەڭبەككۇش (رەت) باسقا سالاعا ويىستىرىلىپ جۇمىستاندىرىلىپ، جىلدىق نىسانا - مىندەتتىڭ ％65.04ى ورىندالدى؛ قالا - قالاشىقتارداعى جۇمىستانۋى قيىنعا سوققان 28 مىڭ 900 ادام جۇمىستاندىرىلىپ، جىلدىق نىسانا - مىندەتتىڭ ％72.22ى ورىندالدى؛ جاڭادان ارتقان شارۋاشىلىق قۇرۋشىلار 44 مىڭ 900 ادامعا جەتىپ، جىلدىق نىسانا - مىندەتتىڭ ％149.7ى ورىندالىپ، 91 مىڭ 400 ادامنىڭ جۇمىستانۋىنا جەتەكشىلىك ەتتى؛ بۇكىل رايونىمىزدا 743 مىڭ 100 ادام - رەت ءتۇرلى كاسىپتىك تاربيەلەۋ ورىستەتىپ، جىلدىق نىسانا - مىندەتتىڭ ％67.56ىن ورىندادى.
مۇندا اۋىزعا الۋعا تاتيتىنى، الدىڭعى جارتى جىلدا، بۇكىل رايونىمىزدىڭ جۇمىستاندىرۋدى ورنىقتىرۋ سالىستىرماسى ورنىقتى ارتقان. قالا - قالاشىقتارداعى جاڭادان جۇمىستانعانداردىڭ ىشىندە ورنىقتى جۇمىستانعاندار 235 مىڭ ادامعا جەتىپ، قالا - قالاشىقتارداعى جاڭادان ارتقان جۇمىستانعاندار سانىنىڭ ％66.5ىن يەلەدى. سونىمەن بىرگە، قالا - قالاشىقتارداعى جاڭادان جۇمىستاندىرۋدا كاسىپورىنداردىڭ جۇمىستاندىرعان ادام سانى ۇزدىكسىز ارتىپ، 3 - كاسىپتىڭ جۇمىستانۋعا تارتۋ سيىمدىلىعى ونان ارى كەڭەيىپ، جۇمىستانۋعا تارتۋدىڭ نەگىزگى كۇشىنە اينالدى. ساياحات كاسىبىنىڭ ”جەتى ءبىر توپ“ ارناسىمەن جاڭادان جۇمىستانعاندار سانى 32 مىڭ ادامنان اسىپ، تۇتاس جىلدىق مىندەتتىڭ ％80.02ىن ورىندادى.
وسى جونىندە اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستاندىرۋدى جەبەۋ باسقارماسىنىڭ قاتىستى جاۋاپتىسى بىلاي دەپ تانىستىردى: الدىڭعى جارتى جىلدا، رايونىمىزدىڭ جۇمىستاندىرۋ ساياساتى جاپپاي كۇش الىپ، سۇيەمەلدەۋ ساياساتىن ءونىمدى تياناقتاندىرىپ، جۇمىستاندىرۋدى ورنىقتىرۋدا ماڭىزدى رول ساۋلەلەندىردى. ساناققا نەگىزدەلگەندە، الدىڭعى جارتى جىلدا بۇكىل رايونىمىزدا جيىنى 392 مىڭ 900 ادام جۇمىستاندىرۋعا قوسىمشا قاراجات بەرۋ ساياساتىنان يگىلىكتەنىپ، ءبىر ميلليارد 350 ميلليون يۋان قوسىمشا قاراجات تياناقتاندىرىلدى؛ قىزمەت ورنىن ورنىقتىرۋ قوسىمشا قاراجاتى، تەحنيكالىق قابىلەتىن ءوسىرۋ قوسىمشا قاراجاتى ساياساتىن اتقارىپ، 2076 كاسىپورىن 238 ميلليون يۋان قىزمەت ورنىن ورنىقتىرۋ قوسىمشا قاراجاتىن تاراتىپ، 580 مىڭ 200 كاسىپورىن جۇمىسشى - قىزمەتكەرگە يگىلىك جەتكىزدى؛ قوعامدىق قامسىزداندىرۋ اقىسىن تومەندەتۋ ساياساتىن تياناقتاندىرىپ، كاسىپورىنداردىڭ ءبىر ميلليارد 500 ميلليون يۋان اۋىرتپالىعىن جەڭىلدەتتى.
وڭتۇستىك شينجياڭنىڭ 4 ايماق - وبلىسىندا جۇمىستاندىرۋدا بەلسەندى جاعداي جارىققا شىقتى. الدىڭعى جارتى جىلدا وڭتۇستىك شينجياڭنىڭ 4 ايماق - وبلىسىنداعى قالا - قالاشىقتاردا جاڭادان جۇمىستانعاندار 101 مىڭ 100 ادامعا جەتىپ، ％12.46 ارتىپ، بۇكىل رايونىمىزدىڭ قالا - قالاشىقتارىندا جاڭادان جۇمىستانعانداردىڭ ％28.61ىن يەلەدى؛ 22 اۋىر كەدەي اۋدانداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىندا 54 مىڭ 635 ەڭبەككۇشتى ۇيىمدى تۇردە باسقا كاسىپ سالالارىنا ويىستىرىپ جۇمىسقا ورنالاستىرىپ، جىلدىق نىسانا - مىندەتتى ％136.59 ورىندادى.
قاتىستى جاۋاپتى ادامنىڭ تانىستىرۋىنا قاراعاندا، بيىل رايونىمىز ”جۇمىستاندىرۋ ساياساتىن تياناقتاندىرۋ جىلى“ قيمىلىن ۇزبەي ورىستەتىپ، ءتۇيىندى توپتاردى كورنەكتىلەندىرىپ، جۇمىستاندىرۋ بويىنشا كەدەيلەردى سۇيەمەلدەۋ، جۇمىستاندىرۋ قابىلەتىن ارتتىرۋ، قىزمەت وتەۋمەن قامتاماسىزداندىرۋ سياقتى جاقتاردا ۇزبەي كۇش شىعارىپ، قالا مەن اۋىلداعى ءار ۇلت بۇقاراسىنىڭ ورنىقتى جۇمىستانۋىن، ۇزبەي جۇمىستانۋىن، ۇزاق ۋاقىت جۇمىستانۋىن جەبەپ، ەڭبەك ارقىلى تاماشا تۇرمىس ورناتادى ەكەن.
