تيانشان تورى   ›   جاڭالىقتار   ›   شۋجي ەستەلىگى

چىن چۋانگو ۇرىمجىدە كاسىپورىنداردىڭ ءوندىرىس، تيجارات جاعدايىنا تەكسەرۋ - زەرتتەۋ جۇرگىزدى

چىن چۋانگو ۇرىمجىدە كاسىپورىنداردىڭ ءوندىرىس، تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

قامداۋ جاعىنداعى قۇرىلىمدىق رەفورمانى ارقاۋ ەتۋگە تاباندى بولىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك

  7 - ايدىڭ 10 - كۇنى اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە تەكسەرۋ - زەرتتەۋ جۇرگىزدى. سۋرەتتە: چىن چۋانگو جىڭۋي توبى زەردەلى تەرمينال كاسىپ باقشاسىندا نىسان قۇرىلىسى، ونىمدەردى زەرتتەپ اشۋ، ءوندىرىس، تيجارات سياقتى جاعدايلار جونىندەگى تانىستىرۋدى مۇقيات تىڭداۋدا. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 10 - كۇنى اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە كاسىپورىنداردىڭ ءوندىرىس، تيجارات جاعدايىنا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز ۇشتاستىرىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى تىڭعىلىقتى ىلگەرىلەتىپ، ىرىقتىلىقپەن تيبىن جاڭالاپ، دارەجەسىن ءوسىرىپ، ساپانى جوعارىلاتىپ، ونىمدىلىكتى ارتتىرۋعا قۇلشىنىپ، شينجياڭ ەكونوميكاسىنىڭ جوعارى ساپالى دامۋىن شىن مانىندە ىلگەرىلەتۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تىڭ ۇلەس قوسۋ كەرەك.

  باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى − رايونىمىزداعى كاسىپ تىزبەگى ەڭ ۇزىن، ءوندىرىس قۋاتىنىڭ كولەمى ەڭ ۇلكەن، ءونىم ءتۇرى ەڭ تولىق بولات - تەمىر كاسىپورنى. چىن چۋانگو بولات قورىتۋ 1 - بولىمشە زاۆودىنىڭ ورتالىق مەڭگەرۋ بولمەسىنە جانە ىستىقتاي شىڭاۋ بولىمشە زاۆودىنىڭ ءوندىرىس سەحىنا بارىپ، ءوندىرىستىڭ ءبىرىنشى شەبىندەگى ءار ۇلت جۇمىسشى - قىزمەتكەرلەرىنە امانداسىپ، كاسىپورىن جاۋاپتىلارىمەن ىشكەرىلەي اڭگىمەلەسىپ، كاسىپورىننىڭ تيبىن جاڭالاپ، دارەجەسىن ءوسىرۋ، ونىمدەردى ساتۋ، پارتيا قۇرىلىسى سياقتى جاقتارداعى احۋالدارىن ەگجەي - تەگجەيلى ۇعىستى. چىن چۋانگو بىلاي دەدى: رەفورمانى ۇزدىكسىز تەرەڭدەتىپ، عىلىم - تەحنيكادا جاڭالىق اشۋ سەرپىنىن كۇشەيتىپ، رەفورمادا جاڭالىق اشۋ ارقىلى بوگەتتەردى تالقانداپ، ولقىلىقتاردى تولىقتاپ، قيىن ماسەلەلەردى شەشىپ، ىلگەرىلەگەن تۇردە قۇرىلىمدى ساپالىلاندىرۋ، ناقتى قۋاتتى ارتتىرۋ، اقاۋسىز دامۋ كەرەك.

  جىڭۋي توبىنىڭ زەردەلى تەرمينال كاسىپ باقشاسىندا، چىن چۋانگو نىسان قۇرىلىسى، ونىمدەردى زەرتتەپ اشۋ، ءوندىرىس، تيجارات سياقتى جاعدايلار تۋرالى تانىستىرۋدى مۇقيات تىڭدادى. ول بىلاي دەدى: جاڭالىق اشۋ − ۇزاق بولاشاقتىق دامۋدىڭ قوزعاۋشى كۇشى، دارىندىلاردى ەنگىزۋ، باۋلۋ سەرپىنىن اناعۇرلىم ارتتىرىپ، جاڭالىق اشۋ قابىلەتىن نىعايتىپ، كاسىپورىننىڭ ومىرشەڭدىك كۇشىن قاۋلاتۋ كەرەك.

  تەكسەرۋ - زەرتتەۋ بارىسىندا، چىن چۋانگو ءبىر ءبولىم كاسىپورىنداردىڭ جاۋاپتىلارىمەن اڭگىمەلەستى. چىن چۋانگو بىلاي دەپ باسا دارىپتەدى: جاڭا دامۋ ۇستانىمىن ىشكەرىلەي دايەكتىلەندىرىپ، تياناقتاندىرىپ، ستراتەگيالىق تاباندىلىقتى ساقتاپ، دامۋ سەنىمىن نىعايتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ ىلگەرىلەتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋ كەرەك. جوعارى ساپالى دامۋدى بۇلجىماستان ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتۋدى ارقاۋ ەتىپ، ”بەكەمدەۋ، ارتتىرۋ، ءوسىرۋ، ىركىلىسسىزدەندىرۋ“ سىندى سەگىز ءسوزدى باعىتتى جاپپاي تياناقتاندىرىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك. عىلىم - تەحنيكادا جاڭالىق اشۋدى بۇلجىماستان كۇشەيتىپ، جاڭالىق اشۋ تۇعىرى مەن دانەكەرىنىڭ رولىن تولىق ساۋلەلەندىرىپ، نازاردى شەشۋشى، وزەكتى تەحنيكادا، شەشۋشى ۇساق بولشەكتە، شەشۋشى جابدىق عىلىم - تەحنيكاسىندا قامال الۋعا شوعىرلاندىرىپ، عىلىم - تەحنيكا جەتىستىكتەرىن يگىلىككە جاراتىپ پايدالانۋدى جەدەلدەتۋ، تيبىن جاڭالاپ، دارەجەسىن ءوسىرۋدى ىلگەرىلەتۋ، ىشكى قوزعاۋشى كۇشتى نىعايتۋ، باسەكە باسىمدىعىن سومداۋ كەرەك. عىلمي باسقارۋدى بۇلجىماستان ىلگەرىلەتىپ، وزىق ادىستەردى ۇيرەنىپ، قابىلداپ، باسقارۋ مەحانيزمىن اقاۋسىزداندىرىپ، كەمەلدەندىرىپ، وسى زامانعى تاسىلدەردەن تولىق پايدالانىپ، كاسىپورىن باسقارۋدىڭ عىلميلانۋ، سارالانۋ، زەردەلىلەنۋ دەڭگەيىن جوعارىلاتۋ كەرەك. رەفورما جاساۋدى، ەسىك اشۋدى بۇلجىماستان تەرەڭدەتىپ، رەفورما جاساۋدان، ەسىك اشۋدان قوزعاۋشى كۇش، ومىرشەڭ كۇش، ونىمدىلىك الىپ، ءتۇيىندى سالالار مەن شەشۋشى بۋىندارداعى رەفورمالاردى تىڭعىلىقتى ىلگەرىلەتىپ، ءار سالاداعى، ءار جاقتاعى رەفورمالاردى ءبىر تۇتاس جوسپارلاپ ىلگەرىلەتىپ، ”ءبىر بەلدەۋ، ءبىر جول“ قۇرىلىسىنا بەلسەنە ات سالىسۋ كەرەك. بازار ءورىسىن اشۋدى بۇلجىماستان كۇشەيتىپ، بازاردى باعدار ەتۋگە تاباندى بولىپ، وڭىرلىك ورىن باسىمدىعىن ساۋلەلەندىرىپ، حالىقاراداعى، ەل ىشىندەگى، شينجياڭ ىشىندەگى، شينجياڭ سىرتىنداعى بازارلاردىڭ وزگەرىسى مەن سۇرانىسىن كوزدەپ، باسەكەلىك قابىلەتتى جانە حاۋىپ - قاتەرگە قارسى تۇرۋ قابىلەتىن جوعارىلاتۋ كەرەك. شارۋاشىلىق - ساۋدا ورتاسىن بۇلجىماستان جاقسارتىپ، ”تومەنگە بەرۋ، ۇشتاستىرۋ، ساپالىلاندىرۋ“ رەفورماسىن ۇزدىكسىز تەرەڭدەتىپ، سالىقتى ازايتىپ، اقىنى تومەندەتۋ سياقتى ءتيىمدى ساياساتتاردى تياناقتاندىرىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، كاسىپورىننىڭ دامۋىنا تاماشا ورتا ازىرلەۋ كەرەك. باس نىسانانى بۇلجىماستان تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، ”كەشەندى شارا“نى ويداعىداي قولدانىپ، ورنىقتىلىق، دامۋ قىزمەتىن ءبىر تۇتاس جوسپارلاپ جاقسى ىستەپ، ورنىقتىلىقتىڭ يگىلىگىن ۇزدىكسىز جارىققا شىعارۋ كەرەك. نەگىزگى تاقىرىپتىق تاربيەنى بۇلجىماستان ويداعىداي يگەرىپ، نەگىزگى تاقىرىپتىق تاربيەنىڭ جالپى تالابىن، ءتۇبىرلى مىندەتىن، ناقتى نىساناسىن مىقتاپ يگەرىپ، كاسىپورىننىڭ پارتيا قۇرىلىسىن ۇزدىكسىز كۇشەيتىپ، پارتيا ۇيىمىنىڭ رولىن تولىق ساۋلەلەندىرىپ، كاسىپورىندارداعى قالىڭ جۇمىسشى - قىزمەتكەرلەردىڭ ءىس تىندىرىپ شارۋاشىلىق قۇرۋ رۋح - جىگەرىن اناعۇرلىم قاۋلاتىپ، جوعارى ساپالى دامۋدى جۇزەگە اسىرۋعا پارمەندى كەپىلدىك ازىرلەۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چيڭ بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.