تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

ءۇشتۇرپان اۋدانى: بۇلدىرگەن شارۋالاردىڭ اۋقاتتانۋ جولىن اشتى

  6-ايدىڭ 22-كۇنى، ”الارماندار وزدەرى كەلىپ بۇلدىرگەن تەرەدى، قازىر كىرىسىم 15 مىڭ يۋان، بۇلدىرگەن بازارىنا اپارساقا، 20 مىڭ يۋانعا دەيىن ساتۋعا بولادى، بۇلدىرگەن ءبىزدى اۋقاتتانۋ جولىنا باستادى“،-دەدى شينجياڭ اقسۋ ايماعى ءۇشتۇرپان اۋدانى وتباسى اۋىلى جارقوتان قىستاعىنداعى 73 جاستاعى تۇنيساحان راحىمان.

  ادەتتە، بۇلدىرگەن جىلىجايدا ەگىلەدى، اتىزعا ەگەتىندەر وتە از. جارقوتان قىستاعىنداعى ءبىر شارۋا بۇلدىرگەندى اتىزعا ەگىپ مول ءونىم الىپتى دەپ ەستىگەن ءتىلشى قىزىعۋشىلىق سەزىمىمەن قىستاققا بارىپ، بۇلدىرگەن ەككەن تۇنيساحان راحىماندى تابادى.

  اتىزعا بۇلدىرگەن ەگۋۋدىڭ سەبەبى تۋرالى توقتالعاندا، تۇنيساحان راحىمان بەس جىلدىڭ الدىندا جولداسى ەكەۋى اۋىلعا بازار ارالاۋعا بارعانىن، بىرەۋدىڭ بۇلدىرگەن مايساسىن ساتىپ تۇرعانىن كورىپ، 50 يۋانعا مايسا ساتىپ الىپ، اۋلاسىنداعى ورىك اعاشىنىڭ استىنا ەككەنىن ايتادى. ءبىرىنشى جىلى جەمىس بەرگەندە وتباسىنداعىلاردىڭ جەۋىنە جەتكەنىن كورىپ، ەكىنشى جىلى جاڭا كوكتەگەن بۇلدىرگەن مايساسىن جەتىلدىرىپ كولەمىن كەڭەيتكەنىن، وتباسىنداعىلارمەن تۋىس-تۋعاندارىنا، كورشىلەرىنە دە بەرگەنىن وسىلايشا، بىرتە-بىرتە ولاردىڭ بۇلدىرگەن ەككەن جەر كولەمى 2 مۋعا كەڭەيگەنىن ايتادى. ەكى جىلدان بەرى بازاردا بۇلدىرگەننىڭ ساۋداسى ءوتىمدى بولىپ، ولار 2018-جىلى ولار 15 مىڭ يۋان كىرىس كىرگىزەدى.

  بۇگىنگى كۇنى، تۇنيساحان راحىمان وتباسىنىڭ بۇلدىرگەندەرىنىڭ اتاعى الىس-جاقىنعا ءجايىلادى، كوپشىلىكتىڭ بارلىعى ونىڭ ەككەن بۇلدىرگەنىنە تىڭايتقىش بەرىلمەگەنىن، ءدامدى ەكەنىن بىلەدى دە دوس-جاراندارىمەن بىرگە كەلىپ تەرۋدى ۇناتادى.

  قىستاق كادرى اقىل جۇماش تىلشىگە: ”تۇنيساحان راحىمان وتباسىنىڭ جاپادان-ماشاقاتتان قورىقپايتىن ەڭبەكشىل ەكەنىن قىستاقتاعىلاردىڭ ءبارى بىلەدى، جاڭعاق اعاشى، ءبيداي سياقتىلاردى دا ءادەمى باپتاپ وسىرەدى، مىنە ءبىز وسىنداي شارۋالاردى ۇناتامىز،ولار قوس قولدارىنا سۇيەنىپ كەدەيلىكتەن ارىلۋعا قۇلشىنۋدا،قىستاق تۇرعىندارىنىڭ ۇلگى بولۋعا تاتيدى“،-دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى