تەمپەراتۋرانىڭ جوعارىلاۋىنا بايلانىستى، ءتۇرلى اۋرۋ تۋدىراتىن باكتەريالار تەز قارقىنمەن ءوسىپ-ءوربيدى. جاز ماۋسىمى جۇقپالى اۋرۋلار جەدەل تارالاتىن مەزگىلى بولماعانىمەن، كوپتەگەن اۋرۋ تۋدىراتىن باكتەريالار بالالاردىڭ دەنساۋلىعىنا حاۋىپ ءتوندىرىپ وتىر. بۇگىن كوپشىلىكپەن جاز ماۋسىمىندا تارالاتىن اۋرۋلاردىڭ الدىن الۋدىڭ جولدارىن تانىستىرامىز.
ىستىق ءوتۋ
ەگەر بالا جوعارى تەمپەراتۋرالى ورتادا نەمەسە كۇن نۇرى استىندا ۇزاق ۋاقىت ارەكەت جاساسا، دەنەنىڭ تەمپەراتۋرانى تەڭشەۋ قىزمەتىنىڭ تەپە-تەڭدىگىنە ىقپال كورسەتىپ، دەنەدەگى سۋ مەن تۇزدىڭ الماسۋى قالايماقانداسۋ جانە نەرۆ جۇيەسىنىڭ قىزمەتى زاقىمدالۋدان ءبىرسىپىرا اۋرۋلار كەلىپ شىعادى.
الدىن الۋ ءتاسىلى
بالالاردىڭ كيىم-كەشەگىن ۇيلەسىمدى كيگىزۋ، ەڭ جاقسىسى ماقتالى جىپتەن تىگىلگەن كيىم كيگىزۋ، سونىمەن قاتار بالالاردى جىلمان قايناقسۋ جانە جاسىل بۇرشاق سورپاسىن كوبىرەك ىشۋگە ىنتالاندىرۋ. اپتا سوڭىندا سىرتقا شىققاندا تال ءتۇس ۋاقىتىنىڭ الدى-ارتىنداعى ەكى ساعاتتى تاڭداماعان ءجون، بالالارعا كۇن قاعار باس كيىم كيگىزۋ. الدا-جالدا ىستىق ءوتىپ قالسا، سۋىق ورامالمەن تەمپەراتۋرانى تومەندەتۋگە بولادى، ءبىراق سۋىق ورامالدى كەۋدە مەن قۇرساق بولىمىنە باسپاعان ءجون.
تۇماۋ
بالانىڭ اۋرۋعا قارسىلىق قۋاتىءبىرشاما تومەن بولعاندىقتان اۋرۋ وڭاي جۇعادى، ءتىپتى قايتالانبالى بولادى. اتا-انالار كوڭىل بولۋگە ءتيىستى ءجايت: جاز ماۋسىمىندا تۇماۋراتقان بالالاردا ادەتتە مۇرىن بىتەلۋ، مۇرىننان سۋ اعۋ، تۇشكىرۋ، جوتەلۋ، قىزۋ جانە دارمەنسىزدەنۋ سىندى اۋرۋ بەلگىلەر بايقالادى.
الدىن الۋ ءتاسىلى
بولمە ءىشىنىڭ اۋاسىن الماستىرۋعا كوڭىل ءبولۋ. ادام كوپ جەرگە از بارۋ، باكتەريانىڭ ايقاسپالى جۇعىمدالۋىنان ساقتانۋ. ىشپەك-جەمەككە ءمان بەرىپ، سۋدى سونداي-اق جاڭا جەمىس-جيدەكتى كوپ جەۋ. ادەتتە بالالاردىڭ دەنە شىنىقتىرۋىنا، دەنە قۋاتىن ارتتىرۋىنا كوڭىل ءبولۋ ءتيىس.
اۋا رەتتەگىشتەن پايدا بولاتىن اۋرۋ
اۋا رەتتەگىز بولمە ءىشى مەن بولمە سىرتىنىڭ تەمپەراتۋرا پارقىن زورايتىپ، اۋا بىردە ىستىق بىردە سۋىق بولىپ ادامدى وڭاي جايسىزداندىرادى. كوپ كەزىگەتىن اۋرۋ بەلگىلەرى: شارشاۋ، مازاسىزدانۋ، باس اينالۋ، اسقازانى جايسىزدانۋ، نازارى شوعىرلانباۋ قاتارلىلار.
الدىن الۋ ءتاسىلى
بولمە ءىشى مەن سىرتىنىڭ تەمپەراتۋرا پارقى وتە زور بولماۋ، 6 دا 8 سەلتسي گرادۋس بولسا لايىقتى. اۋا رەتتەگىش قويىلعان ۇيدە دە بالانى ۇيلەسىمدى كيىندىرۋ، اۋا الماستىرىپ تۇرۋ، بولمە ءىشى-سىرتىنداعى اۋا اعىسىنا كەپىلدىك ەتۋ.
تەرى اۋرۋلارى
جاز ماۋسىمىندا ماسا مەن شىركەي كوپ بولادى، ال بالالاردىڭ تەرىسى وتە نازىك بولاتىندىقتان ماسا مەن شىركەيگە وڭاي تالانادى. ماسا مەن شىركەي شاققان جەر ءىسنىپ،قىشيدى، كوپتەگەن بالالار بۇعان شىداماي قاسىپ تاستايدى دا قابىندىرىپ الادى. سونىمەن قاتار، بالالاردىڭ تەرلەگەندە بورتكەن، شيقان، ءىرىڭدى بورتكەن شىعاتىن جاعدايلار دا كەزدەسەدى،مۇندايدا دەركەزىندە ءبىر جايلى ەتىلمەسە ءتىپتى دە اسقىنادى ءتىپتى شىرىك قان اۋرۋىن تۋدىرادى.
سىرتقا شىققان كەزدە ماسا-شىركەيدەن قورعاناتىن دارىلەردى الا ءجۇرۋ، بالالاردىڭ قولمەن ۇستاۋىنىڭ، قاسۋىنىڭ الدىن الۋ كەرەك. ماسا-شىركەيدەن قورعاناتىن ونىمدەردى تاڭداعاندا اباي بولۋ كەرەك، ماسا ىستاعىش نەمەسە ەلەكتىرلى ماسا ستاعىشتى امال بار تاڭداماۋ كەرەك، بۇلار بالالاردىڭ تىنىس جولى مەن تەرىنىڭ كىلەگەي قاباتىن زاقىمدايدى. ءار كۇنى تەرىنى جۋىپ تۇرۋ، تەرگە مالشىنعان كيىمدەردى دەركەزىندە الماستىرۋ، بالالاردى كوگالدى، سۋلى جەرلەرگە جاقىنداتپاۋ كەرەك.
اسقازان-ىشەك اۋرۋلارى
جاز ماۋسىمىندا تەمپەراتۋرا جوعارى بولىپ، باكتەريا وڭاي كوبەيەدى، ءار تۇرلى ازىقتىقتار ،ەم سۋدا وڭاي بولادى. بالالاردىڭ اس قورىتۋ جۇيەسى تولىق جەتىلمەگەندىكتەن، ءىش ءوتۋ، شۇعىل حارەكتىرلى اسقازان-ىشەك قابىنۋ، باكتەريالى ديزەنتەريا سىندى اۋرۋلارعا وڭاي شالدىعادى. ەگەر ءىش وتە بەرەتىن بولسا دەنە وڭاي سۋسىزدانادى.
الدىن الۋ ءتاسىلى
جاز ماۋسىمىنداعى ءىش ءوتۋدىڭ كوبى باكتەريامەن جۇعىمدالعان جەمەكتكتەردى جەۋدەن بولادى، سوندىقتان بالالارىڭ ازىقتانۋىنا كوڭىل ءبولۋ كەرەك. اتا-انالار بالالاردىڭ دارەتكە وتىرىپ بولعان سوڭ قول جۋعان-جۋماعانىن باقىلاۋ، بالالارعا سۋىق سۋدى كوپ ىشپەۋدى، شيكى ازىقتىقتاردى جەمەۋدى قاداعالاپ وتىرۋ قاجەت. اسىرەسە ىدىس-اياقتاردى دەزينفەكسيالاۋعا كوڭىل ءبولۋ، اس ءۇيدىڭ تازالىعىنا، قۇرعاق بولۋىنا كەپىلدىك ەتۋ كەرەك. ەگەر بالالاردىڭ ءىشى وتسە، بالالارعا ۋاقىتشا تاماق جەگىزبەۋ كەرەك، ايتپەگەندە ءىش ءوتۋ اۋىرلاسادى. بالالارعا وڭاي قورىتىلاتىن بوتقا سىندى سۇيىق تاماقتاردى بەرۋ، لايىقتى مولشەردە قانت، تۇزدى سۋدى تولىقتاۋ كەرەك.
