تيانشان تورى
تيانشان تورى   ›   ۇيرەنۋ   ›   شولۋ

كاسىپ سالاسى ارقىلى شينجياڭعا كومەكتەسۋ سۇبەلى تابىستارعا قول جەتكىزدى

شينجياڭعا كومەكتەسۋ قىزمەتىنە شولۋ

 ءتىلشى جاڭ جىلي

  2018 - جىلى ءونىم قۇنىن 100 ميلليون يۋاننان اسىرۋدى جۇزەگە اسىردى، 240 ادامدى جۇمىستاندىردى. كاسىپ سالاسى تىزبەگىنىڭ ۇزارۋىنا ساي، بيىل ءونىم قۇنىنىڭ 350 ميلليون يۋانعا جەتۋىنەن ءۇمىت زور... 7 - ايدىڭ 7 - كۇنى شينجياڭ بوشىران اۋىل شارۋاشىلىعى ماشينالارى عىلىم - تەحنيكا شەكتى سەرىكتەستىگى جاريالاعان ساندى مالىمەتتەر ”ماقتا وندىرىسىندەگى ءىرى اۋدان“ شايار اۋدانىنىڭ جىجياڭ ولكەسى جياشيڭ قالاسىنىڭ كاسىپ سالاسى ارقىلى شينجياڭعا كومەكتەسۋىنىڭ دەمەۋىندە، ماقتا تەرۋ ماشيناسىن ءوندىرۋدى نەگىز ەتكەن ”اۋىل شارۋاشىلىعى ماشينالارى ءىرى اۋدانى“ بولۋعا قاراي ارشىندى قادام تاستاعانىن ايگىلەدى.

  تيانشاننىڭ تۇستىگى مەن تەرىستىگىنە كوز جىبەرسەك، شينجياڭ بوشىران اۋىل شارۋاشىلىعى ماشينالارى عىلىم - تەحنيكا شەكتى سەرىكتەستىگى سياقتى كاسىپ سالاسى ارقىلى شينجياڭعا كومەكتەسۋ نىساندارى بارلىق جەردە بار. جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، شينجياڭعا كومەكتەسكەن ءارقايسى ولكە، قالالاردىڭ شينجياڭعا كومەكتەسۋ بويىنشا قوسقان قارجىسى جيىنى 24 ميلليارد 296 ميلليون يۋانعا جەتىپ، ىشكى ولكەلەردەن 4400دەن استام كاسىپورىندى ەنگىزىپ، كاسىپ سالاسى سەلبەستىك نىسانىنان 12 مىڭنان استامىن اتقارىپ، 2 تريلليون يۋان قارجى قوسۋدى ورىنداپ، كومەككە يە بولعان جەرلەردەگى ەڭبەككۇشتەردەن ءبىر ميلليونعا جۋىق ادام - رەت جۇمىسقا ورنالاستىردى.

  كاسىپ سالاسى ارقىلى شينجياڭعا كومەكتەسۋدىڭ ىقپالى تەرەڭ بولدى. تيانشاننىڭ تۇستىگى مەن تەرىستىگىنە ىرگە تەپكەن كاسىپ سالاسى ارقىلى شينجياڭعا كومەكتەسۋ نىساندارى كومەككە يە بولعان جەرلەردىڭ قۇرىلىمدى رەتتەۋىنە، حالىق تۇرمىسىنا تيىمدىلىك جاساۋىنا، جۇمىستاندىرۋدى كۇشەيتۋىنە دەم بەرىپ، كومەككە يە بولعان جەرلەردىڭ ”قان جاساۋ“ قۋاتى مەن ءوزىن - ءوزى دامىتۋ قابىلەتىن ارتتىردى.

■ ەڭبەك شوعىرلانعان كاسىپ سالالارى دامىپ، جۇمىستانۋعا جولى اشىلدى

  ونەركاسىپ گۇلدەنسە، ەكونوميكا گۇلدەنەدى. جاڭا كەزەكتى شينجياڭعا باعىتتامالى كومەكتەسۋ قىزمەتى، اسىرەسە، 6 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ماجىلىسىنەن بەرى، شينجياڭعا كومەكتەسكەن ءارقايسى ولكە، قالالار كاسىپ سالاسىن ەنگىزۋگە جانە جەتىلدىرۋگە اناعۇرلىم كوڭىل ءبولىپ، كومەككە يە بولعان جەرلەردىڭ باسىمدىققا يە كاسىپ سالالارىن دامىتىپ، كاسىپ سالاسى ارقىلى جۇمىستاندىرۋدى ىلگەرىلەتۋگە بارىنشا دەم بەردى.

  قاشقار جاڭاءشار اۋدانى ارال اۋىلى لايدانا ارىق قىستاعىنىڭ تۇرعىنى ايپاشا ابدىرەيىم مەن سول قىستاقتاعى اپەكە - سىڭلىلەرى قىستاق قۇرعان كاسىپورىننىڭ تيىمدىلىگىن شىنايى سەزىندى. قىستاقتا ادام كوپ، جەر از، قىستاق تۇرعىندارىنىڭ جەرگە عانا سۇيەنىپ كەدەيلىكتەن ارىلۋى قيىن ەدى. 2017 - جىلى قاشقار ەكونوميكالىق اشۋ رايونى شىنجىن كاسىپ سالاسى باقشاسى شىنجىن قالاسىنان ءبىر كيىم - كەشەك وڭدەۋ كاسىپورنىن قىستاققا كەلىپ قارجى قوسىپ، زاۆود سالۋعا باۋراپ، ءاسىلى ۇيلەرىندە بوس جۇرەتىن ايەلدەر ءۇيىنىڭ ماڭىنان جۇمىستانۋ ورايىنا يە بولدى. ”قازىر مەن اي سايىن ەڭبەكاقى الامىن، كوپ ىستەسەم كوپ الامىن، ۇلكەندەر مەن بالالاردى باعۋعا دا ىقپال جەتپەيتىن بولدى“، - دەدى 7 - ايدىڭ 2 - كۇنى ايپاشا ءدان ريزا بولىپ.

  ءبىر ادام جۇمىستانسا، تۇتاس وتباسى كەدەيلىكتەن ارىلادى. اۆتونوميالى رايون كەدەيلىكتەن ارىلتۋدان قامال الۋ شايقاسىن باستاعاننان بەرى، ەڭبەك شوعىرلانعان كاسىپ سالالارىنىڭ شينجياڭ ىشىنە، وتە - موتە، وڭتۇستىك شينجياڭعا قاراي ويىسۋى جەدەلدەدى. رايونىمىز ءتيىمدى ساياساتتاردى بەلسەندىلىكپەن شىعارىپ، كاسىپ سالاسى ارقىلى شينجياڭعا كومەكتەسەتىن كاسىپورىنداردى سول جەردەگى ەڭبەككۇشتەردى جۇمىستاندىرۋعا شابىتتاندىرىپ جانە باستاپ، شينجياڭعا كومەكتەسەتىن كاسىپورىنداردىڭ قارجىسى، تەحنيكاسى، دارىندىلارى، باسقارۋى سياقتى باسىمدىقتارى شينجياڭنىڭ ءوڭىر، بايلىق، ساياسات سياقتى ابزالدىلىقتارىمەن ورگانيكالى ۇشتاسىپ، اناعۇرلىم كەڭ دامۋ كەڭىستىگىنە يە بولىپ، ءتىپتى دە كوپ بۇقارانى جۇمىستانۋعا باستادى.

  شينجياڭعا كومەكتەسەتىن ءارقايسى ولكە، قالالار كاسىپ سالاسى ارقىلى سۇيەمەلدەۋ، دامىتۋ قارجىسىن قۇراپ، رۋ - ي توبى، گۋاڭشين توقىماشىلىعى سياقتى ءبىر توپ ەڭبەككۇش شوعىرلانعان كاسىپ سالاسى نىساندارىن ىرگە تەبۋگە باۋراپ، 80 مىڭ ادامدى جۇمىستاندىردى.

  حوتان ايماعى انحۇي (سانشيا) گۇما اۋانى ونەركاسىپ باقشا رايونىندا انحۇي ولكەسىنىڭ شينجياڭعا كومەكتەسۋ قولباسشىلىق شتابى ەنگىزگەن حوتان حايلو ءپىشىندى ماتەريال شەكتى جاۋاپكەرشىلىك سەرىكتەستىگى ىرگە تەپكەن سوڭ، 200دەن استام ادامدى جۇمىستاندىردى، ءبىرسىپىرا جوعارى مەكتەپتەر مەن ورتا تەحنيكۋم بىتىرگەن وقۋشىلار دا اۋىلىنا قايتىپ جۇمىستانۋدى تاڭدادى. وسى سەرىكتەستىكتىڭ ورىنباسار باس ديرەكتورى يۇي جاۋيوۋ بىلاي دەپ تانىستىردى: كاسىپ سالاسىنىڭ دامۋى جۇمىستاندىرۋدى كەڭەيتۋدىڭ نەگىزى جانە تياناعى. كەزەكتە سەرىكتەستىك وندىرگەن ءپىشىندى ماتەريال ونىمدەرى گۇما اۋدانىنىڭ زات اينالىمى، ەسىك - تەرەزە سياقتى كاسىپتەرىنىڭ دامۋىنا تۇرتكى بولىپ، كوپتەگەن ەگىنشى - مالشىلاردى جۇمىس ورنىمەن قامدادى.

  اقتاۋ اۋدانىندا جياڭشي ولكەسى «جياڭشي ولكەسىنىڭ كاسىپ سالاسى ارقىلى شينجياڭعا كومەكتەسۋ نىسانىن قولداۋ ءادىسىن» جاساپ شىعارىپ، تىكەلەي كومەك قاراجات بەرۋ، نەسيە ءوسىمىن قازىنادان تولەۋ سياقتى فورمالاردى قولدانىپ، وسى ولكەدەگى كاسىپورىنداردى اقتاۋ اۋدانىنا بارىپ قارجى قوسىپ شارۋاشىلىقتى گۇلدەندىرۋگە شابىتتاندىردى. ءار جىلى اقتاۋ اۋدانىنىڭ جياڭشيدە ساۋداگەر شاقىرىپ، قارجى ەنگىزۋ، تانىستىرۋ ءماجىلىسىن اشۋىنا كومەكتەستى، كەزەكتە ساۋداگەر شاقىرىپ ەنگىزىلگەن قارجى ءبىر ميلليارد يۋانعا جەتىپ، پامير ءتۇبىت شارۋاشىلىعى، كايشين ءدارى - دارمەك كاسىبى، حۇڭلۇيلان باسپاشىلىعى سياقتى كوپتەگەن كاسىپورىن اشىلدى. سالىنىپ بولعان اقتاۋ اۋداندىق جياڭشي ونەركاسىپ باقشاسى ”ءبىر رايون، ءۇش باقشا“ سىندى دامۋ جۇلگەسىن قالىپتاستىرىپ، اقتاۋ اۋدانى ەكونوميكاسى دامۋىنىڭ ءوسۋ ۇيەگىنە اينالۋمەن بىرگە، جەرگىلىكتەگى ەگىنشى - مالشىلاردان 3000نان استام ادامدى جۇمىسقا قابىلدادى.

  تارباعاتاي ايماعىندا لياۋنيڭ ولكەسى ”ءبىر اۋداندا ءبىر شارا“، ”ءبىر كاسىپتە ءبىر شارا“، ”ءبىر باقشادا ءبىر شارا“، ”ءبىر كاسىپورىندا ءبىر شارا“ فورماسىن قولدانىپ، ءدوربىلجىن، ساۋان قاتارلى جەرلەردەن 5 ونەركاسىپ باقشا رايونىن قۇرىپ، 35 مىڭ ادامدى جۇمىسقا ورنالاستىردى، بۇلاردىڭ اراسىنداعى 21 مىڭ ادام ارحيۆ تۇرعىزىلىپ، كارتچكالاندىرىلعان كەدەيلەر.

■ اۋىل شارۋاشىلىق ونىمدەرىنىڭ كومەسكى كۇشىن جارىققا شىعارىپ، كىرىستى ارتتىرۋ جولىن اشتى

  اۋىل - قىستاقتى گۇلدەندىرۋدىڭ نەگىزى كاسىپ سالاسىن گۇلدەندىرۋدە. شينجياڭ − ەگىن، مال شارۋاشىلىعىنداعى ءداستۇرلى ءىرى رايون، وسى زامانعى اۋىل شارۋاشىلىعىن دامىتۋدا ولقىلىقتار ساقتالۋدا. كاسىپ سالاسى ارقىلى شينجياڭعا كومەكتەسۋ، شينجياڭنىڭ اۋىل شارۋاشىلىق ونىمدەرى ءوندىرىس بازاسىن قۇرۋ، ايگىلى ماركا جاراتۋ، مانەرلەۋ - ساتۋ سياقتى بۋىندارىندا، سونداي - اق ەرەكشە باعىمشىلىق جاقتارىندا نەداۋىر زور رول اتقاردى.

  كەلپىن اۋدانى گەزلىك قالاشىعى پاسۇن قىستاعىنىڭ تۇرعىنى اۋۇت مامۇت جاستايىنان قوي باعىپ وسكەنىمەن، ءبىراق قوي باعۋدىڭ شىنايى پايداسىن حۋياڭ قويىن باققاننان كەيىن كوردى. 2014 - جىلى حۋجوۋ قالاسىنىڭ شينجياڭعا كومەكتەسۋ قولباسشىلىق شتابى كەلپىن اۋدانىنىڭ سۋ، جەر، جايلىم تاپشى بولۋ، باعىمشىلىق نارقى ءبىرشاما جوعارى بولۋ ءىس جۇزىندىك جاعدايىنا بىرلەستىرە وتىرىپ، ”2 جىلدا 3 رەت قوزىلايتىن، كوپ ءتول ەرەتىن“ حۋياڭ قويىن ەنگىزدى. سونىمەن ءبىر ۋاقىتتا حۋجوۋ قالاسىنىڭ شينجياڭعا كومەكتەسۋ قولباسشىلىق شتابى ”كاسىپورىن + بازا + ەگىنشى وتباسى“ سىندى كاسىپ سالالاندىرۋ تيجارات ۇلگىسىن قاراستىرىپ، حۋياڭ قويىن العان كەدەي وتباسىلاردىڭ قويىن باعىمشىلىق بازاسىنا اماناتقا بەرىپ، ءبىر جاعىنان، جۇمىس ىستەپ، ءبىر جاعىنان، پايدا ءبولىسىن الۋىنا مۇمكىندىك جاراتتى.

  2017 - جىلى قايتا - قايتا تاجىريبە جاساعاننان كەيىن، حيلۇڭجياڭ ولكەسى يچۇن قالاسى جوسپاردان تىس 7 ميلليون 500 مىڭ يۋان قارجى قوسىپ ءارى شينجياڭعا كومەكتەسۋ سايكەستى قارجىسىنان 7 ميلليون 500 مىڭ يۋان قوسىپ بيڭتۋاننىڭ 10 - شى 183 - تۋانىنان جىلىنا 2 ميلليون قالتا ورگانيكالىق قارا ساڭىراۋقۇلاق وندىرەتىن وسىزاماندانعان ساڭىراۋقۇلاق زاۆودىن قۇرىپ، قارا ساڭىراۋقۇلاقتى نەگىز ەتكەن ازىقتىق ساڭىراۋقۇلاق كاسىپ سالاسىن دامىتتى.

  جيلين ولكەسى ”قان بەرۋ“ ارقىلى ”قان جاساۋ“دى ىلگەرىلەتەتىن كاسىپ سالاسى ارقىلى شينجياڭعا كومەكتەسۋ ۇلگىسىمەن اسىل تۇقىم ەنگىزۋ، جەتىلدىرۋ، سارالاۋ، تاجىريبەدەن وتكىزۋ، ۇلگى كورسەتۋ، جالپىلاستىرۋ ءبىر تۇلعالاندىرىلعان قابا وسى زامانعى ەگىن، مال شارۋاشىلىعىندا ەنگىزۋ، جەتىلدىرۋ عىلىم - تەحنيكاسىنان ۇلگى كورسەتۋ بازاسىن قۇرىپ، جۇگەرى، سويا بۇرشاق، كۇرىش سياقتى 49ءتۇرلى داقىلدىڭ 472 ءتۇرلى سورتىن سىناق رەتىندە ەگىپ، استىققا دا، جەمگە دە پايدالانىلاتىن جوعارى ءتۇسىمدى جۇگەرى سورتى جيدان 27 جانە جيدان 50دى سۇرىپتاپ شىعىپ، ەگىن، مال ارالاسپا تيپتى ەكولوگيالىق مال شارۋاشىلىعىن دامىتۋ ءتاسىلىنىڭ قامداۋ تىزبەگىن ءونىمدى تۇردە ۇلاستىرىپ، مالدى قولدا باعۋعا قاجەتتى ”شوپ“كە كەپىلدىك ەتۋمەن قاتار، استىق حاۋىپسىزدىگىنە دە كەپىلدىك ەتتى.

  سانجىدان شىققان ساپالى اۋىل شارۋاشىلىعى ونىمدەرى كاسىپ سالاسى ارقىلى شينجياڭعا كومەكتەسۋدىڭ ناتيجەسىندە ىشكى ولكەلەردە ءوتىمدى بولىپ وتىر. سانشى ولكەسى مەن ول باعىتتامالى كومەكتەسەتىن فۋكاڭ قالاسى سانشي مەن فۋكاڭنىڭ ەرەكشە اۋىل شارۋاشىلىعى ونىمدەرىنىڭ 10 تىكە ساتۋ دۇكەنىن اشىپ، سانشي مەن فۋكاڭنىڭ ەرەكشە اۋىل شارۋاشىلىعى ونىمدەرىن كورمەگە قويىپ ساتۋعا تۇعىر ازىرلەدى؛ فۋجيان ولكەسى كاسىپورىندى تيجارات تۇلعاسى ەتكەن، بازارلانۋ جولىمەن جۇمىس جۇرگىزەتىن شينجياڭ جەرگىلىكتى ەرەكشە ونىمدەرىن ساتۋ ورتالىعىن قۇرىپ، شونجىنىڭ ۇنى، موريدىڭ نوقاتى سياقتى ساپالى اۋىل شارۋاشىلىعى ونىمدەرىنىڭ فۋجيان بازارىندا كولەمدى تۇردە ساتىلۋىن جۇزەگە اسىردى.

  جىجياڭ شينجياڭعا كومەكتەسۋدە ”10 قالا، 100 دۇكەن“ ينجەنەرياسىن اتقاردى، شاندۇڭ شينجياڭعا كومەكتەسۋدە ”ۇلكەن قامبالاردى شىعىسقا كوشىرۋ“ ارەكەتىن اتقاردى، حىبەي، شاڭحاي، شىنجىن سياقتى شينجياڭعا كومەكتەسۋشى ولكە، قالالار بازار باسىمدىلىعىن ساۋلەلەندىرىپ، شينجياڭنىڭ ەرەكشە اۋىل شارۋاشىلىعى ونىمدەرى ءۇشىن جەلىدەگى، جەلىدەن تىسقارعى ساتۋ تۇعىرلارىن ازىرلەدى.

■ ساياحات كاسىبىنىڭ كەڭىستىگىن كەڭەيتىپ، دامۋدىڭ قوزعاۋشى قۋاتىنا يە بولدى

  كاسىپ سالاسى ارقىلى جەتەكتەپ، اۋىل شارۋاشىلىعىنا قولايلى بولسا اۋىل شارۋاشىلىعىمەن، ونەركاسىپكە قولايلى بولسا ونەركاسىپپەن، ساياحاتقا قولايلى بولسا ساياحاتپەن شۇعىلداندى. كومەككە يە بولعان جەرلەر ەكونوميكانى دامىتۋدا جانە كەدەيلىكتەن ارىلتۋدان قامال الۋدا كومەكتەسۋشى جاقپەن بىرگە جوبا جاساپ، دالمە - ءدال شارا قولداندى.

  ساياحاتتىڭ قاۋىرت مەزگىلى باستالعاننان بەرى، پوسكام اۋدانى بويلۇق تاجىك اۋىلى بويلۇق قىستاعىنداعى تۇرعىن نياز قاتارلى حالىقتىق تۇسەلحانا تيجاراتىمەن شۇعىلداناتىنداردىڭ ساۋداسى كۇسەت بولىپ، تۋىستارىن كومەككە شاقىردى. سوڭعى جىلدارى پوسكام التىن توراڭعى كورىنىس ءوڭىرىنىڭ ماڭىنداعى ەگىنشى - مالشىلاردىڭ كىرىسىن ساياحات كاسىبى ارقىلى ارتتىرۋ ءۇشىن، شاڭحاي قالاسى جول بويىنداعى تاجىك سالت - ساناسى شاعىن قالاشىعىن جوبالاپ قۇرۋدان باستاپ، شاڭحاي چيدى تۇڭيۇڭ اۆياتسيا شەكتى جاۋاپكەرشىلىك سەرىكتەستىگىن ەنگىزىپ، تومەن كەڭىستىك ساياحاتىن دامىتىپ، التىن توراڭعى كورىنىس ءوڭىرىن ەگىنشى - مالشىلاردىڭ كىرىس كىرگىزىپ، بايۋداعى اسىلىنا اينالدىردى.

  كاسىپ سالاسى ارقىلى شينجياڭعا كومەكتەسۋدە ەرەكشە ساياحات بايلىعىن اشۋعا ءمان بەرىپ، كومەككە يە بولعان جەرلەردىڭ 1 -، 2 -، 3 - كاسىپتەرىن توعىستىرا دامىتۋدى جەبەدى.

  تاياۋدا اقسۋ قالاسىندا وتكىزىلگەن چاڭجياڭ اتىراۋىنىڭ ساياحات ارقىلى شينجياڭعا كومەكتەسۋى جانە وڭتۇستىك شينجياڭدا ساياحات ارقىلى كەدەيلەردى سۇيەمەلدەۋ ماجىلىسىندە چاڭجياڭ اتىراۋى وڭىرىندەگى شينجياڭعا كومەكتەسەتىن ولكە، قالالاردىڭ مادەنيەت - ساياحات تاراۋلارىنىڭ، ساياحات سەرىكتەستىگى ساۋداگەرلەرىنىڭ جانە وڭتۇستىك شينجياڭداعى 4 ايماق - وبلىستىڭ مادەنيەت - ساياحات تاراۋلارىنىڭ ۋاكىلدەرى وڭتۇستىك شينجياڭنىڭ ساياحاتىن دامىتۋ جوسپارىن بىرگە اقىلداستى.

  جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، حىنان ولكەسى كاسىپ سالاسى ارقىلى شينجياڭعا كومەكتەسۋ وي جەلىسىن ۇزدىكسىز كەڭەيتىپ، ساياحاتشىلار ارقىلى شينجياڭعا كومەكتەسۋ ۇلگىسىن ورناتىپ، شينجياڭعا كومەكتەسەتىن ساياحات ارناۋلى پويەزىنىڭ سانى شينجياڭعا كومەكتەسەتىن ولكە، قالالاردىڭ اراسىندا ماڭداي الدى ورىندى يەلەدى. مۇندا 2018 - جىلى 69 ساياحات ارناۋلى پويەزى قاتىناپ، 44 مىڭ 840 ساياحاتشىنى تاسىپ، ساياحاتشىلاردىڭ شينجياڭ جونىندەگى تانىمىن تەرەڭدەتىپ، ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەپ، كومەككە يە بولعان جەردەگى بۇقارانى كىرىسىن ارتتىرىپ، بايۋعا جەتەكتەدى.

  ساياحات كاسىبى تۇرپان قالاسىنىڭ تىرەكتى كاسىبىنىڭ ءبىرى، حۋنان ولكەسى تۇرپان قالاسىنا باعىتتامالى كومەكتەسۋ بارىسىندا، ”ولقىلىقتاردى تولىقتاپ، دامۋدى جەبەۋ“گە، ”ەكى باسىن مىقتاپ يگەرىپ، قوزعاۋشى قۋاتىن كۇشەيتۋ“گە ءمان بەرىپ، ساياحات ارقىلى شينجياڭعا كومەكتەسۋ ءۇشىن 20 ميلليون يۋاننان ارتىق قارجى قوسىپ، جوسپار ىشىندە ساياحات ارقىلى شينجياڭعا كومەكتەسەتىن 5 نىسان، جوسپاردان سىرت، 6 نىسان ورنالاستىرىپ، ساياحات ونىمدەرىن مولايتۋعا، ساياحات تۇتىنۋىن كەڭەيتۋگە دالمە - ءدال كۇش سالىپ، تۇرپان قالاسى ساياحاتىنىڭ جوعارى ساپالى دامۋىن ىلگەرىلەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.