شوكىرات زاكىر اۆتونوميالى رايوننىڭ ادەبيەت - كوركەمونەر جاسامپازدىعىن گۇلدەندىرۋ جانە ادەبيەت - كوركەمونەر قىزمەتكەرلەرى اڭگىمە ماجىلىسىنە قاتىناستى
حالىقتى وزەك ەتكەن جاسامپازدىق بەتالىسىنا تاباندى بولىپ، شينجياڭ ەرەكشەلىگىنە يە كوركەمونەر سارا تۋىندىلارىن جاراتايىق
ءتىلشى جاۋ جىيۇن 7 - ايدىڭ 11 - كۇنى ۇرىمجىدەن حابارلايدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە ۇشتاستىرا وتىرىپ، 7 - ايدىڭ 10 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جەكە - جەكە اۆتونوميالى رايوننىڭ ادەبيەت - كوركەمونەر جاسامپازدىعىن گۇلدەندىرۋ اڭگىمە ماجىلىسىنە جانە ادەبيەت - كوركەمونەر قىزمەتكەرلەرى اڭگىمە ماجىلىسىنە قاتىناسىپ، جاڭا داۋىردەگى شينجياڭنىڭ ادەبيەت - كوركەمونەر جاسامپازدىعى جونىندەگى پىكىر جانە ۇسىنىستاردى تىڭداپ، قازىرگى جاعدايعا بىرگە تالداۋ جاساپ، تانىم، تۇسىنىك جونىندە پىكىر اۋىستىرىپ، رايونىمىزدىڭ ادەبيەت - كوركەمونەر جاسامپازدىعىندا ۇزدىكسىز سارا تۋىندى جاراتۋدى ىلگەرىلەتىپ، ادەبيەت - كوركەمونەر ىستەرىنىڭ گۇلدەنۋىن، العا باسۋىن جەبەدى.
ءماجىلىس مىنالاردى باسا دارىپتەدى: جاڭا داۋىردە شينجياڭنىڭ ادەبيەت - كوركەمونەر قىزمەتىن ويداعىداي ىستەۋدە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ادەبيەت - كوركەمونەر قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن جاپپاي دايەكتىلەندىرىپ، جۇڭگوشا سوتسياليستىك مادەنيەتتىڭ دامۋ جولىنا باستان - اياق تاباندى بولىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”جۇڭگو حالقىن باقىتقا كەنەلتۋدى كوزدەۋ، جۇڭحۋا ۇلتىنىڭ گۇلدەنۋىن جۇزەگە اسىرۋدى كوزدەۋ“ سىندى اۋەلگى ماقسات پەن بورىشتى ەستە بەرىك ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، باس نىسانانى جۇزەگە اسىرۋدى قۇدىرەتتى مادەنيەت تىرەگىمەن جانە رۋحاني كۇشپەن قامتاماسىز ەتۋ كەرەك.
ءماجىلىس مىنانى اتاپ كورسەتتى: ادەبيەت - كوركەمونەر قىزمەتكەرلەرى حالىقتى وزەك ەتكەن جاسامپازدىق بەتالىسىنا تاباندى بولىپ، حالىق ءۇشىن قىزمەت ەتۋ، سوتسياليزم ءۇشىن قىزمەت ەتۋ سىندى وسى ءتۇبىرلى بەتالىستان جازباي، سوتسياليستىك وزەكتى قۇن كوزقاراسىن مىقتاپ ارقاۋ ەتىپ، جۇڭگو ارمانى سياقتى نەگىزگى تاقىرىپتا ادەبيەت - كوركەمونەر جاسامپازدىعىن ورىستەتىپ، ءار ۇلت بۇقاراسىنىڭ رۋحاني مادەنيەت جونىندەگى كوپ جىكتى، كوپ ءتۇرلى قاجەتىن اناعۇرلىم ويداعىداي قاناعاتتاندىرۋ كەرەك. ”حالىققا تامىر تارتۋ، ومىرگە تامىر تارتۋ“ سىندى وسى ءبىر ەڭ ءتۇبىرلى، ەڭ شەشۋشى، ەڭ سەنىمدى ادەبيەت - كوركەمونەر جاسامپازدىعى ءادىسىن مىقتاپ يگەرىپ، ومىرگە ىشكەرىلەي ارالاسىپ، نەگىزگى ساتىعا ىشكەرىلەي ارالاسىپ، بۇقاراعا ىشكەرىلەي ارالاسىپ، حالىق بۇقاراسى قىزىعا تىڭداپ، قۇمارتا كورەتىن ءتىپتى دە كوپ تاڭداۋلى تۋىندىلاردى جاراتۋ كەرەك. جۇڭحۋانىڭ تاڭداۋلى ءداستۇرلى مادەنيەتىن كۇش سالا اسقاقتاتىپ، 12 مۇقام سياقتى بەيزاتتىق مادەنيەت مۇرالارىن ويداعىداي جالعاستىرىپ، شينجياڭ ەرەكشەلىگىندەگى ءبىر توپ كوركەمونەر سارا تۋىندىلارىن ۇزدىكسىز جارىققا شىعارۋ جانە جاراتۋ كەرەك.
ءماجىلىس مىنالاردى اتاپ كورسەتتى: مادەنيەت سەنىمىن بەكەمدەپ، ءمورال جانە كوركەمونەر جاقتان بىردەي تولىسۋعا تاباندى بولىپ، ءمورال ساپاسىن كۇشەيتىپ، وزىق مادەنيەتتى تاراتىپ، ىزگىلىكتى اسقاقتاتىپ، قاراپايىم دا تۇسىنىكتى فورما جانە مازمۇن ارقىلى سوتسياليستىك وزەكتى قۇن كوزقاراسىن جۇرت جۇرەگىنە تەرەڭ ۇيالاتۋ كەرەك. ادەبيەت - كوركەمونەر سارا تۋىندىلارى ستراتەگياسىن كۇش سالا اتقارىپ، ءبىر سەمسەردى 10 جىل قايرايتىن قاجىماس قايسارلىق، باسقاعا زەيىن اۋدارمايتىن شوگەلدىك رۋحپەن، الاڭعاسارلىق پسيحولوگيانى جەڭىپ، دولبارلاپ، قيسىندىرا سالۋدى تەجەپ، جاسامپازدىقپەن دەن قويا شۇعىلدانىپ، مۇقيات ارلەندىرىپ، ادەبيەت - كوركەمونەر تۋىندىلارى جاسامپازدىعى ساپاسىن ۇزدىكسىز جوعارىلاتىپ، اناعۇرلىم كوپ اسقاق شىرقالاتىن، كەڭىنەن تارالاتىن، كوكەيدە ساقتالاتىن جوعارى ساپالى ادەبيەت - كوركەمونەر تۋىندىلارىن جاراتۋ كەرەك. اۆتونوميالى رايونداعى ءار دارەجەلى، ءارقايسى تاراۋلار ادەبيەت - كوركەمونەر جاسامپازدىعىن كۇش سالا قولداپ، ادەبيەت - كوركەمونەر قىزمەتكەرلەرىنە كوڭىل ءبولىپ، ءار ۇلت كوركەمونەرشىلەرىنىڭ كوركەمونەر تالپىنىسىن جۇزەگە اسىرۋىن قامتاماسىز ەتىپ جانە ولارعا قىزمەت ەتىپ، رايونىمىزدىڭ ادەبيەت - كوركەمونەر جاسامپازدىعىن ۇزدىكسىز گۇلدەندىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ءماجىلىستى باسقاردى.
