سان مىڭ شاقىرىم جول باسىپ، شەكارا ءوڭىردىڭ كورىنىسىن تاماشالادى
رايونىمىز ”تەز جەتىپ، اسىقپاي ساياحاتتاۋ“ ساياحات قاتىناس تورىن قالىپتاستىردى
تىلشىلەر لي لي، شى شين 7 - ايدىڭ 11 - كۇنى ۇرىمجىدەن حابارلايدى. اۆتونوميالى رايوننىڭ قاتىناس پەن ساياحاتتى توعىستىرا دامىتۋ قىزمەت جاعدايى جونىندەگى اقپار جاريالاۋ ماجىلىسىنەن ۇعىسۋعا قاراعاندا، سوڭعى جىلدارى رايونىمىز ”ساياحات ارقىلى شينجياڭدى گۇلدەندىرۋ“ ستراتەگياسىن بەلسەنە تياناقتاندىرىپ، ساياحات قاتىناس نەگىزدىك قۇرىلعىلارىنداعى ولقىلىقتاردى كۇش سالا تولىقتاپ، ”تەز جەتىپ، اسىقپاي ساياحاتتاۋ“ ساياحات قاتىناس تورىن قالىپتاستىرىپ، قاتىناس پەن ساياحاتتى توعىستىرا دامىتۋدى جەبەدى.
”تەز جەتۋ“دى قالىپتاستىرۋ، ”اسىقپاي ساياحاتتاۋ“دى اقاۋسىزداندىرۋ ارقىلى شينجياڭ ءۇرىمجىنى سەنتر، ەۆروپا - ازيا جاڭا ۇلى قۇرلىق كوپىرىن نەگىزگى ءوس، تارىم ويپاتى مەن جوڭعار ويپاتىن ەكى قانات ەتكەن، شىعىسپەن بايلانىس جاساپ، باتىسقا شىعاراتىن، وڭتۇستىك پەن سولتۇستىكتى ىركىلىسسىزدەندىرەتىن جول تاسىمال قىزمەت وتەۋ تورىن قۇرىپ، ءوڭىر كولەمىندەگى سايكەستىكتى، ءتۇسىنىسۋدى، تيانشاننىڭ تۇستىگى مەن تەرىستىگىنىڭ تىكە تۇتاسۋىن جۇزەگە اسىرىپ، شينجياڭنىڭ ءىشى - سىرتىنداعى قالىڭ ساياحاتشىنىڭ ءجۇرىس - تۇرىسىنا قولايلىلىق جاساپ، ساياحاتتىق ءتول كەشىرمەلەرىن بايىتىپ، قاتىناس پەن ساياحاتتى ىشكەرىلەي توعىستىرا دامىتۋ ءۇشىن اناعۇرلىم كەڭ كەڭىستىك ازىرلەيدى.
قاتىناس پەن ساياحاتتى توعىستىرا دامىتۋدى جەبەۋ ءۇشىن، اۆتونوميالى رايون «شينجياڭنىڭ تاس جول تاسىمالى مەن ساياحاتتى توعىستىرا دامىتۋىنىڭ 3 جىلدىق ارەكەت جوسپارىن (2018 − 2020)» جاساپ العا قويدى، «اۆتونوميالى رايوننىڭ تاس جول قاتىناس - تاسىمالى مەن ساياحاتتى توعىستىرا دامىتۋ جوباسى»، «شينجياڭنىڭ قاتىناس - تاسىمالى مەن ساياحاتتى توعىستىرا دامىتۋ جونىندەگى جەتەكشى پىكىرى» سياقتى قاتىناس پەن ساياحاتتى توعىستىرا دامىتۋدى جەبەيتىن ءبىر قىدىرۋ ساياساتتىق ولشەم حۇجاتتارىن قۇراستىردى.
2019 - جىلدان بەرى اۆتونوميالى رايوندىق قاتىناس - تاسىمال مەڭگەرمەسى قاتىناس - تاسىمالدىڭ ءونىمدى قامداۋىن ۇزدىكسىز كەڭەيتىپ، ساياحات كاسىبىن دامىتۋدىڭ نەگىزگى شارت - جاعدايىن ساپالىلاندىرىپ، بۇكىل رايونىمىزداعى 105 اۋدان، قالا، رايوننىڭ 72سىندە جوعارى جىلدامدىقتى (1 - دارەجەلى) تاس جول، 103ىندە 2 - دارەجەلى جانە ونان جوعارى دارەجەلى تاس جول ىسكە قوسىلدى، بايلىق كەڭىستىگىنىڭ ورنالاسۋى جانە ساياحات قىزمەتىن وتەۋ سۇرانىسى بويىنشا ”تەز جەتىپ، اسىقپاي ساياحاتتاۋ“ تاس جول تورىن قالىپتاستىردى؛ ساياحات باۋرامدىلىعى ەڭ كۇشتى، ساياحات ونىمدىلىگى ەڭ ۇلكەن ءارى ءوزىنىڭ ساياحات قۇنى بار G217 لەنياسىنداعى مايتاۋ - كۇشار تاس جولىن تاڭداۋلى ساياحات جەلىسى ەتىپ قۇرىپ، ايگىلى تاس جول ساياحات ماركاسىن قالىپتاستىردى؛ 2 - دارەجەلىدەن جوعارى جولاۋشى تاسىمال بەكەتتەرىن جەلىدە ۇلاستىرىپ، بەلەت ساتۋدى جاپپاي جۇزەگە اسىردى، 3 - دارەجەلىدەن جوعارى جولاۋشى تاسىمال بەكەتى جەلىدە ۇلاستىرىپ بەلەت ساتۋ مولشەرىن ％90تەن اسىرىپ، توراپ، قول تەلەفون APPى سياقتى كوپ ءتۇرلى بەلەت ساتۋ ارناسىن اشىپ، ساياحاتشىلاردىڭ سىرتقا شىعۋىنا اناعۇرلىم قولايلىلىق جاسادى.
اۆتونوميالى رايوندىق قاتىناس - تاسىمال مەڭگەرمەسىنىڭ ورىنباسار مەڭگەرمە باستىعى دارەجەلى كادرى گاۋ شيانگۇي بىلاي دەپ تانىستىردى: الدا اۆتونوميالى رايوندىق قاتىناس - تاسىمال مەڭگەرمەسى وتكەل نىسانى قۇرىلىسىن جەدەلدەتۋ، جوعارى جىلدامدىقتى تاس جولداعى ETCدى دامىتۋدى، قولدانۋدى ىلگەرىلەتۋ، نىسانداردىڭ ۇلگى كورسەتىپ، جەتەكشىلىك ەتۋىن كۇشەيتۋ، تاس جول قىزمەت وتەۋ رايوندارىنىڭ ساپاسىن ءوسىرىپ، دارەجەسىن جوعارىلاتۋ قىزمەتىن جەدەلدەتۋ، جاڭا اقپارات قۇرالدارى مەن سىرتقا شىعۋعا قىزمەت وتەۋىنىڭ ءوزارا توعىسۋىن ىلگەرىلەتۋ سياقتى جاقتارعا كۇش سالىپ، قاتىناس - ساياحات نەگىزدىك قۇرىلعىلارىن ۇزدىكسىز كەمەلدەندىرىپ، قاتىناس - ساياحات مادەنيەت ماركاسىن تۇلعالايدى.
