تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

ميدۇڭ ءسانداۋبا: قاۋىننىڭ ساۋدا جولى

  7-ايدىڭ 13-كۇنى، ءۇرىمجى قالاسى ميدۇڭ رايونى جۇڭگوشا شيپاگەرلىك شيپاحاناسىنىڭ ءسانداۋبا قالاشىعى شى ارحۋ باتىس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ۋاڭ فانپيڭعا (سولدا) كومەكتەسىپ قاۋىن تەرۋدە.

  ءۇرىمجى قالاسى ميدۇڭ رايونى ءسانداۋبا قالاشىعى شى ارحۋ باتىس قىستاعىنداعى قاۋىن ەگۋمەن شۇعىلداناتىن ديقان ۋاڭ فانپيڭ مەن جولداسى قاۋىن اتىزىندا قاۋىندارىن تەرىپ جاتقاندا، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرىنىڭ وزدەرىنە قاراي كەلە جاتقاندارىن كورىپ اسەرلەنگەندەرىنەن: ”مىناۋ شىجىعان كۇندە بىزگە كومەكتەسۋگە كەلدىڭىزدەر مە؟“،-دەدى.

ليۋ رۇڭ قاۋىن تەرۋدە.

  ”مەن كەشە ءبىر الارمانمەن بايلانىس جاساپ قويدىم، بۇگىن تۇستەن كەيىن كەلىپ قاۋىندارىڭدى ساتىپ الاتىن بولدى، ەكەۋىڭ جەتىسە الماي قالاما دەپ كومەكتەسكەلى كەلدىم“،-دەدى ءۇرىمجى قالاسى ميدۇڭ رايونى جۇڭگوشا شيپاگەرلىك شيپاحاناسىنىڭ ءسانداۋبا قالاشىسى شى ارحۋ باتىس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ اترەت باستىعى، ءبىرنشى شۋجيى ليۋ رۇڭ قاۋىن ۇزە ءجۇرىپ.

قاۋىنداردى جيۋدا.

  7-اي، قاۋىن پىساتىن مەزگىل. شى ارحۋ باتىس قىستاعىنىڭ توپىراعى قاۋىن ەگۋگە ۇيلەسەدى، اۋلا تىڭايتقىشىن بەرەدى، ارام ءشوپتى جوياتىن دارىلەردى پايدالانبايدى، بۇل جەردىڭ قاۋىندارىنىڭ ءدامى ءتىل ۇيىرەدى، بۇرىن ساتۋ جولى كەمشىل بولعاندىقتان، قىستاقتا 300 مۋ جەرگە قاۋىن ەگىلگەن بولىپ، قاۋىننان مول ءونىم الىنسا دا جاقسى باعادا ساتا المايتىن. ۋاڭ فانپيڭنىڭ وتباسى 6 مۋ جەرگە قاۋىن ەككەن، ءار كۇنى ەرتە تۇرىپ كەش جاتىپ ەڭبەكتەنىپ، ءبىر جىلدا ون مىڭ يۋان عانا كىرىس كىرگىزەتىن.

ليۋ رۇڭ قىزمەت اترەتىنىڭ مۇشەلەرىن باستاپ ۋاڭ فانپيڭنىڭ قاۋىن اتىزىندا قاۋىن تەرۋدە.

  بىلتىر، قاۋىننىڭ ساتىلۋ ماسەلەسىن شەشۋ ءۇشىن ليۋ رۇڭ قىزمەت اترەتىنىڭ مۇشەلەرىمەن اقىلداسىپ، ءۇنحات، دوستىق شەڭبەرلەرى ارقىلى قاۋىن ساتۋ ينفورماتسياسىن تاراتىپ، بىرلىكتە قۇلشىنۋ ارقىلى قىستاقتاعى 20 دان استام قاۋىن ەگەتىن وتباسىنا كومەكتەسىپ 8 تونناعا جۋىق قاۋىن ساتتى.

قىزمەت اترەتىنىڭ مۇشەلەرى ۋاڭ فانپيڭنىڭ قاۋىن اتىزىندا قاۋىننىڭ سالماعىن ولشەۋگە كومەكتەسۋدە.

  بيىل، قاۋىن پىسقان مەزگىل كەلىپ جەتكەندە، ليۋرۇڭ بەيجيڭ، حاڭجوۋداعى دوستارىمەن حابارلاسىپ، ولارعا پوچتا ارقىلى قاۋىننىڭ ۇلگىسىن جىبەرىپ بەرىپ، كوپتەگەن زاكاز قابىلدادى. ”قىزمەت اترەتى كەلگەننەن كەيىن، بىزگە كومەكتەسىپ الارماندارمەن بايلانىس جاساۋمەن قاتار، جاقسى باعاعا ساتۋىمىزعا كومەكتەستى، بىلتىر مەن 6 مۋ جەرگە ەككەن قاۋىننان 20 مىڭ يۋاننان استام كىرىس كىرگىزدىم، بيىل ليۋ اپەكەمىز ءبىز ءۇشىن تاعى كوپتەگەن الارماندارمەن بايلانىس جاساپ قويىپتى...“،-دەدى ۋا فانپيڭ.

  قىزمەت اترەتى قاۋىنعا ”جارشى بولدى“.

  ”ءبىز ەگىنشىلىك وتباسىلارىنا كومەكتەسىپ ساتىلۋ جولىن قاراستىرىپ، كىرىستەرىن اتتىرىپ قانا قويماي، قاۋىننىڭ ۇزدىك ‹جارشىسى› بولىپ، ونىڭ ءتىل ۇيىرەتىن ءدامىن شينجياڭعا عا ەمەس ءتىپتى بۇكىل ەلىمىزگە ايگىلەيتىن بولامىز،-دەدى ليۋ رۇڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.