− شينجياڭ، شينجياڭ ءوندىرىس - قۇرىلىس بيڭتۋانى، شيزاڭ نەگىزگى تاقىرىپتىق تاربيەنى تىڭعىلىقتى، ىشكەرىلەي ىلگەرىلەتتى
شينحۋا اگەنتتىگىنىڭ تىلشىلەرى ليۋ بيڭ، چىن شاڭساي
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى جاپپاي باستالعاننان بەرى، شينجياڭ، شينجياڭ ءوندىرىس - قۇرىلىس بيڭتۋانى، شيزاڭ بەلسەنە ارەكەتتەنىپ، ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ جالپى تالابىن دايەكتىلەندىرىپ، ۇيرەنۋ تاربيەسىن، تەكسەرۋ - زەرتتەۋدى، ماسەلەنى قاداعالاۋدى، رەتتەۋ - تۇزەتۋ، تياناقتاندىرۋدى ناقتاپ يگەرىپ، نەگىزگى تاقىرىپتىق تاربيەنىڭ تىڭعىلىقتى تۇردە ىشكەرىلەي ورىستەتىلۋىن ىلگەرىلەتتى.
نازاريانى امالياتپەن بىرلەستىرۋگە تاباندى بولىپ، ۇيرەنگەندى قولدانا ءبىلدى
6 - ايدىڭ 3 - كۇنى شينجياڭ ۇيعۇر اۆتونوميالى رايونى نەگىزگى تاقىرىپتىق تاربيەنى جاپپاي ورىستەتتى. اۆتونوميالى رايوندىق پارتكومنىڭ تۇراقتى مۇشەلەرى باستاماشىلدىق ەتىپ، ولكە دارەجەلى باسشى كادرلار الدىمەن 7 كۇن ۋاقىتپەن جابىق توپتىق ۇيرەنۋ ورىستەتىپ، ءتۇپ نۇسقانى وقىپ، اۋەلگى نۇسقانى ۇيرەنىپ، قاعيداسىن ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنىن جانە باي ءمانىن ىشكەرىلەي ءتۇسىندى، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي ءتۇسىندى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ءتۇسىندى. اۆتونوميالى رايوندا العاشقى توپتاعى نەگىزگى تاقىرىپتىق تاربيەگە قاتىناسقان 94 ورىن 6 - ايدىڭ 11 - كۇنىنەن بۇرىن جابال اتتانىسقا كەلىپ، باسشىلىق القاسى تۇگەلدەي كەمىندە 7 كۇن ۋاقىتپەن شوعىرلى ۇيرەنۋ وتكىزدى، اۋدان، باسقارما دارەجەلىدەن جوعارى 4800دەن استام باسشى كادر پىكىر اۋىستىرىپ، زەرتتەۋ - تالقى ورىستەتتى.
شينجياڭ ءوندىرىس - قۇرىلىس بيڭتۋانى پارتكومىنىڭ تۇراقتى كوميتەت القاسىنداعىلار، بيڭتۋانداعى 54 تاراۋ، ورىن پارتيا باسشىلىق گرۋپپاسىنىڭ (پارتكوم) باسشىلىق القاسى جانە ءارقايسى شى، قالا پارتكومىنىڭ باسشىلىق القاسى شوعىرلى تۇردە ءبىر اپتا ۋاقىتپەن ۇيرەنۋ، زەرتتەۋ - تالقى ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە بيڭتۋاننىڭ ورنىن بەلگىلەۋ تالاپتارىن ۇيرەنۋدىڭ، دايەكتىلەندىرۋدىڭ تەرەڭدەۋىن، كوكەيگە ۇيالاۋىن، ناقتىلانۋىن ىلگەرىلەتتى.
6 - ايدىڭ 10 - كۇنى شيزاڭ اۆتونوميالى رايونى بۇكىل رايوندا نەگىزگى تاقىرىپتىق تاربيەنى ورىستەتۋ جونىندە اتتانىسقا كەلتىرىپ، ورنالاستىرۋ جاسادى. رايوننىڭ ءىس جۇزىندىك جاعدايىنا بىرلەستىرىپ، شيزاڭ 5 جاقتاعى زەرتتەۋ - تالقىلاۋ ارناۋلى تاقىرىبىن جوبالادى، ياعني شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ، ”ەكىنى قورعاۋ“دى امالياتتا ايگىلەۋ؛ باس شۋجي شي جينپيڭنىڭ شەكارانى جونگە سالىپ، شيزاڭدى ورنىقتىرۋ جونىندەگى ماڭىزدى بايىمداۋىن ۇيرەنىپ، دايەكتىلەندىرىپ، شيزاڭدى ورنىقتىرۋ، شيزاڭدى قۇرۋ، شيزاڭدى گۇلدەندىرۋ قابىلەتىن ءوسىرۋ؛ بولشەكتەۋشىلىككە قارسى تۇرۋ كۇرەس تارتىبىنە قاتاڭ بويسۇنىپ، ءدىننىڭ كەرەناۋ ىقپالىن السىرەتۋ؛ حالىق ءۇشىن ىستەۋ نەگىزگى ماقساتىن امالياتتا ايگىلەپ، مىندەت اتقارىپ، جاۋاپكەرشىلىك ارقالاپ، بورىشتى ادا ەتۋ؛ فورماشىلدىق پەن تورەشىلدىكتەن ساقتانىپ، نەگىزگى ساتىنىڭ اۋىرتپالىعىن جەڭىلدەتۋگە كۇش سالۋ.
ماسەلەنى باعدار ەتۋگە تاباندى بولىپ، نازاردى قولامتالى، قيىن تۇيىندەرگە شوعىرلاندىردى
ۇيرەنۋ، زەرتتەۋ - تالقىلاۋ قيمىلىن بەلسەنە ورىستەتۋمەن بىرگە، شينجياڭداعى، شينجياڭ ءوندىرىس - قۇرىلىس بيڭتۋانىنداعى، شيزاڭداعى ءار دارەجەلى تاراۋلار ماسەلەنى باعدار ەتۋگە تاباندى بولىپ، نازاردى كەزەكتە ساقتالىپ وتىرعان كورنەكتى ماسەلەلەرگە جانە بۇقارانىڭ اڭىسى كۇشتى قولامتالى، قيىن ماسەلەلەرگە شوعىرلاندىرىپ، نەگىزگى تاقىرىپتىق تاربيەنىڭ ىشكەرىلەي، ناقتى ورىستەتىلۋىن ىلگەرىلەتتى.
شينجياڭ ۇيعۇر اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنا بىرلەستىرىپ، 12 جاقتاعى تەكسەرۋ - زەرتتەۋ ءتۇيىنىن العا قويىپ، قوعامدىق كەلەلى جاعدايدىڭ ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، ءۇش ۇلكەن قامال الۋ شايقاسىن ويداعىداي جۇرگىزۋ، ۇلتتار ىنتىماعىن بەكەمدەۋ، دامىتۋ سياقتى جاقتارداعى ماسەلەلەردى ءتۇيىندى تۇردە تەكسەرىپ - زەرتتەدى. اۆتونوميالى رايوندىق كەدەيلەردى سۇيەمەلدەۋ كەڭسەسى ”كەدەيلەردى سۇيەمەلدەۋ كەڭسەسى مەڭگەرۋشىسىنىڭ توتە كولىگىن“، كەدەيلەردى سۇيەمەلدەۋدى باقىلاۋ، مالىمدەۋ تەلەفونىن ىسكە قوستى؛ اۆتونوميالى رايوندىق بازار باقىلاۋ - باسقارۋ مەكەمەسى كاسىپورىندارمەن بىرگە قۇرۋ، بىرگە بايلانىس جاساۋ سياقتى فورمالاردان پايدالانىپ، ءار جاقتىڭ پىكىر - ۇسىنىستارىن كەڭ كولەمدى جينادى. قازىر اۆتونوميالى رايوندا العاشقى توپتا نەگىزگى تاقىرىپتىق تاربيەگە قاتىناسقان ورىندار ۇيرەنۋگە سالىستىرىپ قاداعالاۋ، نەگىزگى ساتىلاردى ىشكەرىلەي ارالاپ تەكسەرۋ - زەرتتەۋ جۇرگىزىپ قاداعالاۋ، پىكىرلەردى تىڭداپ اشىق قاداعالاۋ، سىرلاسۋ، اڭگىمەلەسۋ، پىكىر اۋىستىرىپ قاداعالاۋ سياقتى تاسىلدەردى قولدانىپ، ماسەلەلەر تىزىمدىگىن دايىنداپ، العاشقى ادىمدا 1404 ماسەلەنى تەكسەرىپ انىقتادى.
شينجياڭ ءوندىرىس - قۇرىلىس بيڭتۋانى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى مىقتاپ ارقاۋ ەتىپ، تۋان - الاڭداردىڭ جالپىلىق سايكەستى رەفورماسى، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسى سياقتى 11 جاقتان ماسەلەلەردى ءتۇيىندى تۇردە تەكسەرىپ - زەرتتەدى، اقىلداسۋ ارقىلى شەشىمدەردى، ورنالاستىرۋلاردى تياناقتاندىرماۋ، شالا - شارپى ىستەۋ، ءتۇسىن وزگەرتۋ سياقتى 11 جاقتان ماسەلەلەردى ارناۋلى رەتتەۋ، جونگە سالۋدى العا قويدى. بيڭتۋان وقۋ - اعارتۋ مەكەمەسى بيڭتۋان وقۋ - اعارتۋ جۇيەسىنىڭ ءىس جۇزىندىك ماسەلەسىن كوزدەي وتىرىپ، وقۋ - اعارتۋدىڭ دامۋعا قىزمەت وتەۋى، جوعارى مەكتەپ وقىتۋشىلارى مامىلەسى، بيڭتۋان مەن جەرگىلىكتى ورىننىڭ وقۋ - اعارتۋىن توعىستىرا دامىتۋ سياقتى كورنەكتى ماسەلەلەردى ءتۇيىندى تۇردە شەشتى.
شيزاڭ اۆتونوميالى رايونى نەگىزگى تاقىرىپتىق تاربيەسىندە حالىققا قىزمەت وتەۋ تانىمى سولعىنداۋ، جوعارىعا عانا قاراپ، تومەنگە قاراماۋ، بۇقاراعا پوزيتسياسى تۇرپايى بولۋ، حۇجات باستىلىق، ءماجىلىس باستىلىق ءالى دە كورنەكتى بولۋ، باقىلاۋ - تەكسەرۋ، تەكسەرۋ، باعالاۋ ءالى دە تىم كوپ، تىم ءجيى بولۋ سياقتى 25 جاقتاعى كورنەكتى ماسەلەنى كۇش سالا شەشۋدى ايقىن العا قويدى. قازىر العاشقى توپتاعى نەگىزگى تاقىرىپتىق تاربيەگە قاتىناسقان رايونعا توتە قاراستى 74 تاراۋ مەن مەملەكەت مەنشىگىندەگى 17 كاسىپورىننىڭ باسشىلىق القاسى مەن مۇشەلەرىنىڭ ءوزىن تەكسەرۋى بويىنشا 512 ماسەلە، پىكىر تىڭداۋ بويىنشا 230 ماسەلە، سالىستىرۋ، شارلاۋ بويىنشا 318 ماسەلە بايقالدى.
رەتتەۋ، تۇزەتۋ، تياناقتاندىرۋدى مىقتاپ يگەرىپ، ناقتى ونىمدىلىككە قول جەتكىزۋگە شىنايى كەپىلدىك ەتتى
نەگىزگى تاقىرىپتىق تاربيە ورىستەتىلگەننەن بەرى، شينجياڭدا بايقالعان ماسەلەلەردىڭ بارلىعى دەرلىك ەگجەي - تەگجەيلى، تاپتىشتەي تياناقتاندىرىلىپ، تىزىمدىگى جاريالانىپ، تۇرلەر بويىنشا ءبىر - بىردەن رەتتەپ تۇزەتىلدى.
شينجياڭ ۇيعۇر اۆتونوميالى رايوندىق سۋ يگىلىگى مەڭگەرمەسى نەگىزگى ساتىداعى پۋنكت، مەكەمەلەردەگى ”جەۋ، الۋ، القىمداۋ، سۇراۋ“، قىزمەت وتەۋ تەرەزەلەرىنىڭ ”ەسىكتەن كىرۋ وڭاي بولۋ، جايدارى كورىنۋ، جۇمىس تىندىرماۋ“، ”قويان بۇلتاققا سالۋ“، ”يتەرمەلەۋ، وراعىتۋ، كەشىكتىرۋ“ سياقتى بۇقارا نازار اۋداراتىن كورنەكتى ماسەلەلەردى كەزەكتەگى تاباندا رەتتەپ، تۇزەتىلەتىن ماسەلە ەتتى؛ تۇرعىن ءۇي جانە قالا، اۋىل قۇرىلىس مەڭگەرمەسى قالا - قالاشىقتاعى قامتاماسىز ەتۋ سيپاتتى تۇرعىن ءۇي سالاسىنداعى ەرەجەگە قيعاشتىق جاساۋ، اۋىل - قىستاقتاعى بەيقۇت ءۇي سالىپ، حالىقتى اۋقاتتاندىرۋ ماقساتىنداعى ۇيلەر سانىنىڭ انىق بولماۋى سياقتى كورنەكتى ماسەلەلەردى دەرەۋ بايقاپ، دەرەۋ تۇزەتۋ تىزىمدىگىنە ەنگىزدى. قازىر شينجياڭدا العاشقى توپتا نەگىزگى تاقىرىپتىق تاربيە ۇيرەنۋىن ورىستەتكەن ورىندار شارتتى ازىرلەگەن 615 ماسەلەنى مىقتاپ يگەرىپ، رەتتەپ - تۇزەتۋدە.
شينجياڭ ءوندىرىس - قۇرىلىس بيڭتۋانى پارتكومى جيىنى 6 نەگىزگى تاقىرىپتىق تاربيەنى ارالاپ جەتەكشىلىك ەتۋ گرۋپپاسىن جىبەرىپ، العاشقى توپتاعى نەگىزگى تاقىرىپتىق تاربيەگە قاتىناسقان 54 ورىندى ارالاپ جەتەكشىلىك ەتتى، ورىنداردىڭ نەگىزگى تاقىرىپتىق تاربيە جوباسىن قاتاڭ قارادى، مازمۇنى ولشەمگە تولماسا ماقۇلداماۋعا، جوباسى كەمەلدى بولماسا جيىن اشپاۋعا تاباندى بولىپ، بەلگىلەنگەن قىزمەتتى شالا - شارپى ىستەۋ، ەرىكتى ارەكەتتە فورماشىلدىق ىستەۋ، جوبانىڭ ەگجەي - تەگجەيلى جاسالماۋى سياقتى ماسەلەلەردەن ءونىمدى تۇردە ساقتاندى. بيڭتۋان 1 - ارالاۋ جەتەكشىلىك ەتۋ گرۋپپاسى باقىلاۋ، تەكسەرۋ، جەتەكشىلىك ەتۋدى كۇشەيتىپ، تەكسەرۋ - زەرتتەۋ ءۇشىن تەكسەرۋ - زەرتتەۋ جۇرگىزۋ، سىرتتاي شولىپ ءوتۋ فورماسىنداعى تەكسەرۋ - زەتتەۋ جۇرگىزۋ، نازاردى نەگىزگى تاقىرىپقا شوعىرلاندىرماي تەكسەرۋ - زەرتتەۋ جۇرگىزۋ، ماسەلەنى شەشپەي تەكسەرۋ - زەرتتەۋ جۇرگىزۋدى باتىل توقتاتىپ، تەكسەرۋ - زەرتتەۋدىڭ ساپالى، ءونىمدى بولۋىنا شىنايى كەپىلدىك ەتتى.
شيزاڭ اۆتونوميالى رايوندىق پارتكوم ۇيىمداستىرۋ ءبولىمى نازاردى كەزەكتەگى پارتيا قۇرىلىسى مەن ۇيىمدىق قىزمەتتەگى ماڭىزدى تۇيىنگە، قيىن تۇيىنگە شوعىرلاندىرىپ، كادرلاردىڭ ساياسي ساپاسىن تەكسەرۋدى كۇشەيتۋ، ءالسىز، بىتىراڭقى نەگىزگى ساتى پارتيا ۇيىمدارىن رەتتەۋ، وڭاۋ، قىستاقتاعى نەگىزگى كادرلار قوسىنىن كۇشەيتۋ، وتاندى ءسۇيىپ، ۇلەس قوسۋدىڭ ءارقايسى جاقتارىنداعى ۇزدىك دارىندىلاردى توپتاۋ، كادرلاردىڭ، دارىندىلاردىڭ شيزاڭعا كومەكتەسۋىن تەرەڭدەتۋ سياقتى قىزمەتتەرگە ءۇرتىس كۇش ۇستەپ، ۇيرەنۋ تاربيەسىن، تەكسەرۋ - زەرتتەۋ، ماسەلەنى قاداعالاۋ، رەتتەۋ - تۇزەتۋ، تياناقتاندىرۋ قىزمەتىن ناقتاپ يگەردى؛ كورسەتىلگەن 589 ءالسىز، بىتىراڭقى پارتيا ۇيىمدارى جونىندە اۋداندىق، اۋىلدىق پارتكوم شۋجيلەرى رەتتەۋ - تۇزەتۋ جاۋاپكەرشىلىگىن ارقالاۋ ءتۇزىمىن، رايوندىق، قالالىق ۇيىمداستىرۋ تاراۋلارى دارەجەسىن ءوسىرىپ، جەتەكشىلىك ەتۋ ءتۇزىمىن، جۇمىس باسىندا ۇلگى الىپ تەكسەرۋ، كۇشىنەن قالدىرۋ ءتۇزىمىن اتقاردى، قازىر ءالسىز، بىتىراڭقى 53 پارتيا ۇيىمى تۇگەلدەي رەتتەلىپ، دەڭگەيى جوعارىلاتىلدى .
(شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى)
