تيانشان تورى   ›   ۇيرەنۋ   ›   شولۋ

”جاۋاپكەرشىلىك ءتۇزىمى“ سىندى بۇيدانى مىقتى يگەرەيىك

− باس شۋجي شي جينپيڭنىڭ ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ تۋرالى

حالىق گازەتىنىڭ شولۋشىسى

  پارتيانى قاتاڭ جونگە سالۋدا، ءسوز جوق، پارتيانى باسقارۋ، پارتيانى جونگە سالۋ تانىمىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرشىلىگىن تياناقتاندىرۋ كەرەك. تاريح پەن رەالدىق بىزگە جاۋاپكەرشىلىك ايقىن بولماسا، جاۋاپكەرشىلىك تياناقتانباسا، جاۋاپكەرشىلىك قۋزاستىرىلماسا، پارتيانى قاتاڭ جونگە سالۋدىڭ ورىندالمايتىنىن ۇعىندىردى.

  ”ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدە جانە جاقسارتۋدا، ءسوز جوق، پارتيانىڭ باسشىلىعىن شىن مانىندە كۇشەيتىپ، جاۋاپكەرشىلىك ءتۇزىم سىندى وسى’بۇيدا‘نى يگەرۋ كەرەك“. ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندە باس شۋجي شي جينپيڭ پارتيا قۇرىلىسى قىزمەتىنىڭ جاۋاپكەرشىلىك ءتۇزىمىن جاپپاي تياناقتاندىرۋعا ايقىن تالاپ قويىپ، پارتيانى جاپپاي قاتاڭ جونگە سالۋدى كىم يگەرەدى، وعان كىم جاۋاپتى بولادى، كىم ءبىرىنشى جاۋاپتى ادام بولادى دەيتىن كەلەلى ماسەلەگە جاۋاپ قايتاردى جانە ونى باسا دارىپتەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدە، دايەكتىلەندىرۋدە پارتيا قۇرىلىسىن كۇشەيتۋدى جانە جاقسارتۋدى كەلەلى ساياسي جاۋاپكەرشىلىك ەتىپ، جاۋاپكەرشىلىكتىڭ ساتى - ساتى بويىنشا جەتكىزىلۋىن، قىسىمنىڭ ساتى - ساتى بويىنشا جەتكىزىلۋىن، مىندەتتىڭ ساتى - ساتى بويىنشا تياناقتانۋىن ىلگەرىلەتۋ كەرەك.

  بيلىك دەگەنىمىز جاۋاپكەرشىلىك، جاۋاپكەرشىلىك بولعان ەكەن، ونى ارقالاۋ كەرەك. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا قۇرىلىسىنا وسكەلەڭ ءمان بەردى، مۇنىڭ ماڭىزدى ءبىر جاعى، ”ءار دارەجەلى پارتكومدار پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن ويداعىداي ارقالاۋى جانە تياناقتاندىرۋى كەرەك“ دەپ ايقىن ورتاعا قويدى، سونداي - اق پارتيا ۇيىمدارىنىڭ پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن اتقارماۋ نەمەسە پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن اتقارۋى پارمەنسىز بولۋ سياقتى قاتىستى جاعدايلارعا ءتارتىپ جازاسىن بەرۋدى، قىزمەت جاۋاپكەرشىلىگىن اتقارماۋ نەمەسە دۇرىس اتقارماۋ سەبەبىنەن پارتيانىڭ باسشىلىعى السىرەۋگە، پارتيا قۇرىلىسى كەمشىل بولۋىنا، پارتيانى جاپپاي قاتاڭ جونگە سالۋ پارمەنسىز بولۋىنا اپارىپ سوعۋ سياقتى قىزمەت اتقارماۋ، جاۋاپكەرسىزدىك ىستەۋ جاعدايلارى جونىندە جاۋاپقا تارتۋدى بەلگىلەدى. دەمەك، ”جاۋاپكەرشىلىك ءتۇزىم“ سىندى بۇيدانى مىقتى يگەرۋدى ءارى پارتيا ورتالىق كوميتەتىنىڭ ساياسي تالابى، پارتيانىڭ ىشكى زاڭ ەرەجەسىنىڭ قاتاڭ بەلگىلەمەسى ءارى پارتيا قۇرىلىسىن كۇشەيتۋدىڭ جانە جاقسارتۋدىڭ شەشۋشى شاراسى دەۋگە بولادى.

  ”جاۋاپكەرشىلىك ءتۇزىم“ سىندى بۇيدانى مىقتى يگەرۋدە ورگان پارتيا قۇرىلىسىنا باسشىلىقتى كۇشەيتىپ، پارتكوم يگەرەتىن، شۋجي يگەرەتىن، قاتىستى تاراۋلار يگەرەتىن، ءبىر دارەجە ەندى ءبىر دارەجەنى يگەرەتىن، ساتى - ساتى بويىنشا تياناقتاندىرۋدى يگەرەتىن قىزمەت اۋقىمىن قالىپتاستىرۋ كەرەك. ءارقايسى تاراۋلاردىڭ پارتيا باسشىلىق گرۋپپالارى (پارتكوم) پارتيا باسشىلىق گرۋپپاسى (پارتكوم) باسشىلىق القاسى باس بولۋعا، جوعارى ارقىلى تومەنگە جەتەكشىلىك ەتۋگە، ورگان ارقىلى جۇيەنى جەتەكتەۋگە تاباندى بولىپ، ورگان پارتيا قۇرىلىسى قىزمەتىنىڭ قۇدىرەتتى بىرىككەن كۇش قالىپتاستىرۋىنا مۇمكىندىك جاساۋ؛ ورگاننىڭ پارتيا قۇرىلىسىن يگەرۋ − ءوز قىزمەتى، ورگاننىڭ پارتيا قۇرىلىسىن يگەرمەۋ − مىندەتىن وتەمەگەندىك، ورگاننىڭ پارتيا قۇرىلىسىن مىقتى يگەرە الماۋ − قىزمەتتى اقساتقاندىق دەيتىن ۇستانىمدى كۇشەيتىپ، ”شۋجي يگەرۋگە، شۋجيدى يگەرۋگە“ تاباندى بولىپ، باسشىلىق القاسىنىڭ مۇشەلەرى جانە ءار دارەجەلى باسشى كادرلار ”ءبىر قىزمەت ورنىندا ەكى جاۋاپكەرشىلىك ارقالاۋ“دى اتقارىپ، جاۋاپكەرشىلىكتى ايقىنداۋدى، جاۋاپكەرشىلىك وتەۋدى، جاۋاپكەرشىلىكتى ادا ەتۋدى ورىنداۋ كەرەك. ورگان پارتكومى نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، فۋنكتسيالىق رولىن شىن مانىندە ساۋلەلەندىرۋ قاجەت.

  ”جاۋاپكەرشىلىك ءتۇزىم“ سىندى بۇيدانى مىقتى يگەرۋدە ورگان پارتيا قۇرىلىسى قىزمەتىن تياناقتاندىرۋدى ىلگەرىلەتۋگە قۋزايتىن مەحانيزمدى كەمەلدەندىرىپ، پارتيانىڭ بيلىك جۇرگىزۋ ورنىن بەكەمدەيتىن كەلەلى جاعدايدان ماسەلەلەردى تانۋعا تاباندى بولىپ، پارتيا قۇرىلىسىن ويداعىداي يگەرۋدى ەڭ ۇلكەن قىزمەت ناتيجەسى ەتۋ كەرەك. ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسى ورتالىق پەن مەملەكەت ورگاندارىنىڭ پارتيا قۇرىلىسى قىزمەتىنە باسشىلىقتى كۇشەيتىپ، مەرزىمدى ۋاقىتتا قىزمەت جاعدايىنان مالىمەت تىڭداپ، قاتىستى ماسەلەلەردى دەر كەزىندە اقىلداسىپ شەشۋ كەرەك. ورتالىقتىڭ قاتىستى تاراۋلارى ءوز جاۋاپكەرشىلىگىن اتقارىپ، تىعىز سايكەسىپ، ورگاننىڭ پارتيا قۇرىلىسى قىزمەتىن يگەرۋدىڭ بىرىككەن كۇشىن قالىپتاستىرۋ كەرەك. ورتالىق پەن مەملەكەت ورگاندارى قىزمەت كوميتەتى پارتيا ورتالىق كوميتەتى جىبەرگەن قۇرىلىم رەتىندە جاۋاپكەرشىلىك ارقالاۋدى كۇشەيتىپ، قابىلەت - دەڭگەيدى جوعارىلاتىپ، ورتالىق پەن مەملەكەت ورگاندارىنىڭ پارتيا قىزمەتىنە ءبىر تۇتاس باسشىلىق ەتۋ قىزمەت جاۋاپكەرشىلىگىن ويداعىداي اتقارىپ، ءارقايسى تاراۋلاردىڭ پارتيا باسشىلىق گرۋپپالارىنىڭ (پارتكوم) ورگان پارتيا قۇرىلىسى تۇلعالىق جاۋاپكەرشىلىگىن تياناقتاندىرۋىنا جەتەكشىلىك ەتۋ، قۋزاۋ كەرەك.

  ”جاۋاپكەرشىلىك ءتۇزىم“ سىندى بۇيدانى مىقتى يگەرۋدە پارتيا ءىسى كادرلارى قوسىنى قۇرىلىسىن كۇشەيتىپ، جوعارى ساپالى ورگان پارتيا ىستەر قىزمەتكەرلەرى قوسىنىن قۇرۋدى ماڭىزدى مىندەت رەتىندە يگەرۋ كەرەك. ورگان پارتيا قۇرىلىسىنىڭ تەتىگى ادامدا. جاڭا داۋىردەگى ورگان پارتيا قۇرىلىسى قىزمەتىن ويداعىداي ىستەۋ جوعارى ساپالى، ماماندانعان پارتيا ءىسى كادرلار قوسىنىنان ايرىلا المايدى. ساياسيدا مىعىم، كاسىپتە ىسىلعان، ستيلى جاقسى كادرلاردى ورگان پارتيا قۇرىلىسى قىزمەتىمەن شۇعىلدانۋعا تاڭداپ وسىرۋگە ءمان بەرىپ، پارتيا ءىسى كادرلارى مەن كاسىپتىك كادرلاردىڭ اۋىس - كۇيىسىن ىلگەرىلەتىپ، پارتيا ءىسى قىزمەتىن ءارى ىستەردەگى تابىسقا جەتكىزەتىن، ءارى دارىندى دايىندايتىن قىزمەتكە اينالدىرۋ كەرەك. پارتيا ءىسىن ارنايى نەمەسە قوسىمشا ىستەيتىن كادرلاردى تاربيەلەۋ - باۋلۋدى كۇشەيتىپ جانە جاقسارتىپ، ساپا - قابىلەتتى جوعارىلاتىپ، پارتيا ءىسى كادرلارىن ساياسيدا اڭعارلى ادام، پارتيا قۇرىلىسى قىزمەتىنە ىسىلعان ادام، كادرلاردىڭ، جۇمىسشى - قىزمەتشىلەردىڭ جان اشىرى ەتىپ باۋلۋ كەرەك.

  ”جاۋاپكەرشىلىك تايشان تاۋىنان دا سالماقتى“. بورىشتى جۇرەكتە ساقتاپ، جاۋاپكەرشىلىك ارقالاۋ − ۇرپاقتان - ۇرپاققا جالعاسقان كوممۋنيستەردىڭ ۇزبەي جالعاستىرىپ كەلە جاتقان رۋحاني قاسيەتى، سونداي - اق ءبىزدىڭ قوسىنىمىزدىڭ شايقاس جۇرگىزۋگە ەرەكشە مىعىم كۇشىنىڭ قاينارى. ءوز جاۋاپكەرشىلىگىمىزدى بىلۋگە، ءوز جاۋاپكەرشىلىگىمىزدى ارقالاۋعا، ءوز جاۋاپكەرشىلىگىمىزدى ادا ەتۋگە تاباندى بولساق، ورتالىق پەن مەملەكەت ورگاندارىنىڭ پارتيا قۇرىلىسى الدا ءجۇرىپ، ونەگە كورسەتىپ، پارتيا ورتالىق كوميتەتىن الاڭسىز، حالىق بۇقاراسىن ريزا ەتە الادى.

  (شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.