تيانشان تورى   ›   جاڭالىقتار   ›   ماڭىزدى حابارلار

شي جينپيڭ ۆيەتنام پارلامەنتىنىڭ ءتوراعاسى رۋانشى جينيىنمەن كەزدەستى

  شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى (ءتىلشى ياڭ يجۇن). مەملەكەت ءتوراعاسى شي جينپيڭ 7 - ايدىڭ 12 - كۇنى حالىق سارايىندا ۆيەتنام پارلامەنتىنىڭ ءتوراعاسى رۋانشى جينيىنمەن كەزدەستى.

  شي جينپيڭ رۋانشى جينيىننەن باس شۋجي، مەملەكەت ءتوراعاسى رۋان فۋجۇڭعا ىقىلاستى سالەمىن جەتكىزۋدى ءوتىندى. شي جينپيڭ بىلاي دەپ اتاپ كورسەتتى: جۇڭگو - ۆيەتنام − ”جولداس ءارى اعايىن“، سونداي - اق ستراتەگيالىق ماڭىزعا يە تاعدىرلاس ورتاق تۇلعا. كەلەر جىلى جۇڭگو - ۆيەتنام ديپلوماتيالىق قارىم - قاتىناس ورناتقاندىعىنىڭ 70 جىلدىعى، ەكى جاق اۋەلگى ماقساتتى ۇمىتپاي، كەلەلى جاعدايدى كوزدەپ، دوستىقتى اسقاقتاتىپ، سەلبەستىكتى تەرەڭدەتىپ، جاڭا باستامادا ەكى جاقتى قارىم - قاتىناستىڭ تىڭ ساتىعا كوتەرىلۋىن ىلگەرىلەتۋ كەرەك. پارتيالار اراسىنداعى بارىس - كەلىستىڭ ءداستۇرلى باسىمدىعىنان ويداعىداي پايدالانىپ، پارتيانى باسقارۋدى تەرەڭدەتۋ تاجىريبەلەرى جونىندە اۋىس - كۇيىس جاساسىپ، نازاريادا جاڭالىق اشۋ جەتىستىكتەرىن ءوزارا ونەگە الىپ، ەكى پارتيانىڭ ومىرشەڭدىگىن ماڭگى ساقتاۋ، سوتسياليزم ىستەرىنىڭ قارىشتاي دامۋىن بىرگە ىلگەرىلەتۋ كەرەك. دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جول“دى بىرگە قۇرۋدى “ەكى ءدالىز، ءبىر شەڭبەر“مەن ۇشتاستىرۋ سەلبەستىگىن ارقاۋ ەتىپ، ەكى ەلدىڭ ناقتى سەلبەستىگىنىڭ ساپاسىن ءوسىرىپ، دارەجەسىن جوعارىلاتۋدى ىلگەرىلەتۋ، ءوزارا تيىمدىلىك جەتكىزىپ، تەڭ يگىلىكتەنەتىن جان - جاقتى سەلبەستىك جاعدايىن قالىپتاستىرۋ كەرەك. حالىقتىق اۋىس - كۇيىستى قويۋلاتىپ، ەكى ەلدىڭ دوستىعىن ۇرپاقتان - ۇرپاققا جالعاستىرۋ كەرەك. ەكى ەل مەن ەكى ەل حالقىنىڭ ءتۇبىرلى مۇددەسىن شىعار ءتۇيىن ەتىپ، ەكى پارتيا، ەكى ەل جوعارى دارەجەلىلەرىنىڭ ورتاق تانىمىن شىنايى ناقتاپ تياناقتاندىرىپ، تەڭىزدەگى بەيبىتشىلىكتى، ورنىقتىلىقتى ءىس جۇزىندىك ارەكەتپەن قورعاۋ كەرەك. حالىقارالىق ىستەردەگى سەلبەستىكتى، سايكەستىكتى كۇشەيتىپ، ەكى ەلدىڭ ورتاق مۇددەسىن قورعاۋ كەرەك.

  شي جينپيڭ بىلاي دەدى: زاڭ شىعارۋ ورگاندارىنىڭ سەلبەستىگى ەكى جاقتى قارىم - قاتىناستىڭ ماڭىزدى قۇرامداس بولىگى، ەكى جاقتىڭ ءوزارا ۇيرەنۋدى، ءوزارا ونەگە الۋدى كۇشەيتۋى، مەملەكەت قۇرىلىسىن ىلگەرىلەتۋ جونىنەن كەلەلى ماڭىزعا يە. سوڭعى جىلدارى، جۇڭگو مەملەكەتتىك حالىق قۇرىلتايى مەن ۆيەتنام پارلامەنتىنىڭ بارىس - كەلىسى، ىقپالداستىعى جيىلەپ، سەلبەستىگى سۇبەلى تابىستارعا قول جەتكىزىپ، وزدەرىنىڭ سوتسياليستىك دەموكراتيا، زاڭ - ءتۇزىم قۇرىلىسى ءۇشىن جاڭا وي جەلىسىن اشۋمەن قاتار، ەكى ەلدىڭ سىندارلى سەلبەستىگى ءۇشىن قامتاماسىزدىق ازىرلەدى. ەكى جاقتىڭ الدا اۋىس - كۇيىستى، سەلبەستىكتى اناعۇرلىم تەرەڭدەتىپ، حالىق رايىن جەتەكتەۋدى كۇشەيتۋ، ەكى ەل حالقىنىڭ ءوزارا ءتۇسىنىسۋىن تەرەڭدەتۋ جاقتارىندا كوبىرەك قىزمەت ىستەپ، جۇڭگو - ۆيەتنام قارىم - قاتىناسىنىڭ حالىق رايى نەگىزىن بەكەمدەۋ ءۇشىن اناعۇرلىم زور ۇلەس قوسۋىن ءۇمىت ەتەمىن.

  رۋانشى جينيىن باس شۋجي، مەملەكەت ءتوراعاسى رۋان فۋجۇڭنىڭ شي جينپيڭگە جولداعان ىقىلاستى سالەمىن جانە تاماشا تىلەگىن جەتكىزدى. ول بىلاي دەدى: ۆيەتنام كوممۋنيستىك پارتياسى، مەملەكەتى، حالقى جۇڭگولىق جولداستاردىڭ بۇرىنعى جانە قازىرگى قىمباتتى قولداۋىن جانە كومەگىن قاشاندا ەستە بەرىك ساقتايدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگولىق جولداستاردىڭ جۇڭگو كوممۋنيستىك پارتياسىنىڭ 19 - قۇرىلتايى بەلگىلەگەن ماڭىزدى دامۋ نىسانالارىن، ءسوزسىز، ورىندايتىندىعىنا سەنەدى. ۆيەتنام جاق جۇڭگو جاقپەن بىرگە، ەكى پارتيا، ەكى ەل باسشىلارى كەلىسكەن ستراتەگيالىق ورتاق تانىمدى جەتەكشى ەتىپ، سوتسياليستىك دامۋ جولىندا ۇزدىكسىز تاباندىلىقپەن ءبىر - ءبىرىن قولداپ، ءداستۇرلى دوستىقتى اسقاقتاتىپ، ءوزارا تيىمدىلىك جەتكىزىپ، سەلبەستىك جاساسۋدى تەرەڭدەتىپ، الاۋىزدىقتاردى ءونىمدى تىزگىندەپ، ۆيەتنام - جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى.

  ۋاڭ چىن كەزدەسۋگە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.