اۆتونوميالى رايون باسشىلارى نەگىزگى ساتىعا ىشكەرىلەي بارىپ، تەكسەرۋ - زەرتتەۋ جۇرگىزدى
پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتتى
تىلشىلەر جاڭ يۇنمەي، جاۋ چۇنحۋا، ليۋ ي 7 - ايدىڭ 14 - كۇنى ۇرىمجىدەن حابارلايدى. بىرنەشە كۇننەن بەرى، اۆتونوميالى رايوندىق پارتكومنىڭ تۇراقتى مۇشەسى، شينجياڭ اسكەري رايونىنىڭ ساياسي كوميسسارى لي ۋي، اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بارىسىندا، نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، اڭگىمەلەسۋ، اۋىس - كۇيىس جاساۋ، سول جەردىڭ وزىندە قىزمەت تەكسەرۋ، سىر شەرتىسۋ، سۇحباتتاسۋ سياقتى تاسىلدەرمەن تەكسەرۋ - زەرتتەۋ ورىستەتتى. تەكسەرۋ - زەرتتەۋ بارىسىندا، تۇراقتى مۇشەلەر ءىس جۇزىندىكپەن تىعىز ۇشتاستىرىپ، ماسەلەنى باعدار ەتۋدەن جازباي، تەكسەرۋ - زەرتتەۋ بارىسىن پارتيانىڭ جاسامپاز نازارياسىن ءتۇسىنۋ بارىسىنا، حالىق بۇقاراسىمەن ەتەنە بايلانىستى ساقتاۋ بارىسىنا، ورنىقتىلىق، دامۋ ىستەرىن ىلگەرىلەتۋ بارىسىنا اينالدىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭدا تياناقتانىپ تامىر تارتۋىن ىشكەرىلەي ىلگەرىلەتتى.
لي ۋي ىلگەرىندى - كەيىندى 3 رەت وڭتۇستىك شينجياڭعا بارىپ، اقسۋ، قىزىلسۋ، قاشقار اسكەري بولىمشە رايونىنىڭ شەكارا قورعانىس ءبىرىنشى شەپ اسكەري بولىمدەرىن ىشكەرىلەي ارالاپ ارناۋلى تاقىرىپتا تەكسەرۋ - زەرتتەۋ ورىستەتتى. تەكسەرۋ - زەرتتەۋ بارىسىندا، لي ۋي نەگىزگى ساتى ءبىرىنشى شەبىنە، شارلاۋ ءبىرىنشى شەبىنە، قاراۋىل ءبىرىنشى شەبىنە ىشكەرىلەي بارۋعا تاباندى بولىپ، شەكارا قورعانىس تۋانى ورىندارىنداعى باسشىلارمەن اڭگىمەلەسىپ، شەكارا قورعانىس يىڭىندەگى، ليانىنداعى كوماندير - جاۋىنگەرلەرمەن سىرلاسىپ، مىندەت ءبىرىنشى شەبىنە بارىپ تەكسەرۋ جۇرگىزىپ، شارلاۋ جولى سياقتىلاردى سول جەردىڭ وزىندە تەكسەرىپ، شەكارا قورعانىس اسكەري بولىمدەرى قۇرىلىسىنىڭ قازىرگى جاعدايىن يگەرىپ، ورىن تەپكەن قايشىلىقتار مەن قيىنشىلىقتاردى جانە ولقىلىقتار مەن ءالسىز بۋىنداردى ۇعىسىپ، كوماندير - جاۋىنگەرلەردىڭ اسكەري رايون پارتكومىنىڭ باسشىلىق قىزمەتىن كۇشەيتۋ جونىندەگى پىكىرلەرى مەن ۇسىنىستارىن تىڭدادى.
كەزەكتەگى شەكارا قورعانىسىنىڭ جالپى تۇلعالىق جاعدايىنا قاراتا، لي ۋي شەكارا قورعانىس كوماندير - جاۋىنگەرلەرىمەن بىرگە سەبەپتەرگە تالداۋ جاساپ، ءالسىز بۋىنداردى تاۋىپ، كەلەسى قادامداعى شارالاردى بەلگىلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، ءتۇسىنىپ، شي جينپيڭنىڭ ارميانى قۇدىرەتتەندىرۋ يدەياسىن ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدەگى، تياناقتاندىرۋداعى ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتۋ كەرەك. باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، شەكارا قورعانىسىنا تامىر تارتىپ، شەكارا قورعانىسىن قىزۋ ءسۇيىپ، شەكارا قورعانىسىنا ەڭبەك ءسىڭىرىپ، شەكارانى بەكەمدەۋ، شەكارانى كۇشەيتۋ، شەكارانى گۇلدەندىرۋ جاعىندا اناعۇرلىم زور ىسكەرلىك كورسەتىپ، وتاندى قورعاپ، شەكارانى كۇزەتۋ قاسيەتتى بورىشىن ادالدىقپەن ۇستىنە الىپ، شەكارانىڭ ورنىقتىلىعىن، شەكارانىڭ تىنىشتىعىن مىزعىماي قورعاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تيەسىلى ۇلەس قوسۋ كەرەك.
شۇي حايرۇڭ ءۇرىمجى قالاسى سايباق رايونى چيماشان اۋماعى شيشىڭ الەۋمەتتىك اۋماعى سياقتى 7 الەۋمەتتىك اۋماققا، ءىشىنارا حالىققا قولايلى ساقشى ىستەرى پۋنكتى، ساقشى بولىمشەسى، ءادىليا بولىمشەسى، دەنساۋلىق ساقتاۋ قىزمەت وتەۋ ورتالىعى، الەۋمەتتىك جۇمىستاندىرۋ قىزمەت وتەۋ، باسقارۋ ورتالىعى سياقتىلارعا ىشكەرىلەي بارىپ، سول جەردىڭ وزىندە تەكسەرۋ - زەرتتەۋ جۇرگىزدى ءارى بىرنەشە رەت اڭگىمە ءماجىلىسىن باسقارىپ اشىپ، نەگىزگى ساتىنىڭ قوعامدىق جونگە سالۋداعى ولقىلىقتارى مەن ءالسىز بۋىندارىن جان - جاقتى تاۋىپ، نەگىزگى ساتىنىڭ قوعامدىق جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جوعارىلاتۋدىڭ ءونىمدى جولى جونىندە تالقى جۇرگىزىپ، تالداۋ جاسادى.
تەكسەرۋ - زەرتتەۋ بارىسىندا، شۇي حايرۇڭ بىلاي دەپ باسا دارىپتەدى: پارتيا قىزمەتىنىڭ ەڭ مىعىم كۇش - قۋات تىرەگى نەگىزگى ساتىدا، ەڭ كورنەكتى قايشىلىق پەن ماسەلە دە نەگىزگى ساتىدا. نەگىزگى ساتىنىڭ قوعامدىق جونگە سالۋىن كۇشەيتۋ جانە ونى كەمەلدەندىرۋ ايرىقشا ماڭىزدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، باستان - اياق نازاردى باس نىساناعا شوعىرلاندىرىپ، وزەكتى مىندەتتى ارقاۋ ەتە وتىرىپ نەگىزگى ساتى پارتيا ۇيىمى قۇرىلىسىن جاپپاي كۇشەيتىپ، جۇيەنى اقاۋسىزداندىرىپ، بايلىقتى رەتتەپ - بىرىكتىرىپ، قابىلەتتى جوعارىلاتىپ، ءوزىن - ءوزى جونگە سالۋدىڭ، زاڭمەن جونگە سالۋدىڭ، مورالمەن جونگە سالۋدىڭ ورگانيكالى ۇشتاسۋىن جەبەپ، نەگىزگى ساتىنىڭ قوعامدىق جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، ورتالىق قالانىڭ قوعام ورنىقتىلىعى مەن باياندى تىنىشتىعىنىڭ نەگىزگى ساتى نەگىزىن بەكەمدەۋ كەرەك.
6 - ايدىڭ ورتا شەنىنەن بەرى، ەركىن تۇنياز ىلگەرىندى - كەيىندى ءۇرىمجى قالاسى، قۇمىل قالاسى، تۇرپان قالاسى، اۆتونوميالى رايوندىق جەر سىلكىنىسى مەكەمەسى، اۆتونوميالى رايوندىق ورمان شارۋاشىلىعى جانە جايلىم مەكەمەسى، اۆتونوميالى رايوندىق مادەنيەت جانە ساياحات مەڭگەرمەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى، اۆتونوميالى رايوندىق شۇعىل جاعدايعا توتەپ بەرۋ - باسقارۋ مەڭگەرمەسى، اۆتونوميالى رايوندىق قامداۋ - ساۋدا كووپەراتيۆى سياقتى قالالارعا، اۋداندارعا (رايون) جانە جاۋاپتى تاراۋلارعا بارىپ، قالالاردىڭ، اۋدانداردىڭ (رايون) جانە جاۋاپتى تاراۋلاردىڭ قىزمەت ورىستەتۋ جاعدايىن ۇعىسىپ، ناقتى ماسەلەلەردى شەشۋدى كوزدە ۇستاپ، باعىتتامالى تۇردە تەكسەرۋ - زەرتتەۋ ورىستەتتى.
ەركىن تۇنياز بىلاي دەپ باسا دارىپتەدى: ورىندار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن ىلگەرىلەتىپ، نەگىزگى تاقىرىپتىق تاربيەنىڭ جەتىستىكتەرىن قوعام ورنىقتىلىعى مەن باياندى تىنىشتىقتىڭ ءىس جۇزىندىك ونىمدىلىگىندە شىن مانىندە ايگىلەۋ كەرەك. جاۋاپتى تاراۋلارىنىڭ نەگىزگى تاقىرىپتىق تاربيە قىزمەتىن ورىستەتۋى جونىندە ول مىنانى تالاپ ەتتى: يدەيالىق تانىمدى بىرلىككە كەلتىرىپ، ستراتەگيالىق تاباندىلىقتى ساقتاپ، نىسانا - مىندەتتەرگە سالىستىرىپ، ماسەلەنى باعدار ەتۋدەن جازباي، ءوز قىزمەتىن تىڭعىلىقتى ويداعىداي ىستەۋ كەرەك. پارتيا قۇرىلىسىن كۇشەيتىپ، پارتيانىڭ ساياسي ءتارتىبىن ونان ارى قاتايتىپ، باسشىلىق القا جانە كادرلار قوسىنى قۇرىلىسىن كۇشەيتىپ، جاڭا داۋىردەگى ءتۇرلى ىستەردىڭ دامۋىنا پارمەندى كەپىلدىك ازىرلەۋ كەرەك.
