تيانشان تورى   ›   جاڭالىقتار   ›   شينجياڭ حابارلارى

شينجياڭ ”ءبىر بەلدەۋ، ءبىر جول“ اۋە جەلىسى تورىن تەرەڭدەي اشتى

اۋە جەلىسى ەۆروپا - ازياعا توتە تۇتاسىپ، جۇك تاسىمال مولشەرى زور مولشەردە ارتتى

  ءتىلشى ما ينيڭ 7 - ايدىڭ 14 - كۇنى ۇرىمجىدەن حابارلايدى. 7 - ايدىڭ 4 - كۇنى ءۇرىمجى - الماتى جۇك تاسىمال اۋە جەلىسىندە ءساتتى تۇردە تۇڭعىش رەت ۇشاق ءساتتى قاتىنادى، بۇل بيىل 5 - ايدا ءۇرىمجى - بىشكەك جۇك تاسىمال اۋە جەلىسى اشىلعاننان كەيىنگى شينجياڭدا جاڭادان اشىلعان ەكىنشى حالىقارالىق ارناۋلى جۇك ۇشاق اۋە جەلىسى بولىپ، شينجياڭ ازاماتتىق اۆياتسياسىنىڭ حالىقارالىق اۋە جۇك تاسىمالى تورابىن قۇرۋدا تاعى ءبىر قادام العا باسقاندىعىنان دەرەك بەرەدى.

  ءۇرىمجى ديوپۋ حالىقارالىق اۋەجايىندا قازىر 23 حالىقارالىق جولاۋشى تاسىمال اۋە جەلىسى بار، 17 مەملەكەتپەن، 22 حالىقارالىق جانە وڭىرلىك قالالارمەن اۋە جەلىسى تۇتاسقان. 1 - ايدان 6 - ايعا دەيىن، اۋەجايداعى حالىقارالىق جولاۋشىلار ۇشاعىنىڭ ءبۇيىر بولمەسىمەن جۇك الىپ ءجۇرۋ ارقىلى 534.58 توننا جۇك - پوچتا تاسىمالىن ورىنداپ، سايكەس مەزگىلدەگىدەن %56.82 ارتتى. 1 - ايدان 6 - ايعا دەيىن، اۋەجايداعى حالىقارالىق ارناۋلى جۇك تاسىمالداۋ ۇشاعىمەن 1707.39 توننا جۇك - پوچتا تاسىمالىن ورىنداپ، سايكەس مەزگىلدەگىدەن %151.81 ارتتى. ەۆروپا جاققا ەكسپورت ەتكەن بۇيىمداردىڭ كوبى ەلەكتروندىق ساۋدا بۇيىمدارى، كيىم - كەشەك، ويىنشىق سياقتىلار، يمپورت ەتىلگەن بۇيىمدار، نەگىزىنەن، ءسۇت تالقانى، ماشينا - ەلەكتر جابدىقتارى، قىزىل اراق، ساندىك بۇيىمدار قاتارلىلار؛ ورتا ازيا، باتىس ازيا، رەسەي جاققا ەكسپورت ەتكەن بۇيىمداردىڭ كوبى ۇساق تاۋار، ەلەكتروندىق ونىمدەر قاتارلىلار؛ يمپورت ەتىلگەن بۇيىمدار، نەگىزىنەن، توڭازىتىپ تاستاعان سۋ ونىمدەرى، اۋىل شارۋاشىلىعى قوسىمشا ونىمدەرى، سونداي - اق ۇلتتىق ەرەكشەلىككە يە كيىم - كەشەك، القا - مونشاق قاتارلىلار.

  شينجياڭ حالىقارالىق اۋە جۇك تاسىمالى بازارىندا جۇڭگو وڭتۇستىك اۆياتسيا شەكتى جارنا سەرىكتەستىگىنىڭ دەربەس تيجارات ەتكەن بولىگىنىڭ ناتيجەسى دە سۇبەلى. 1 - ايدان 6 - ايعا دەيىن، وڭتۇستىك اۆياتسياسىنان ءۇرىمجى ارقىلى تاسىمالداعان حالىقارالىق يمپورت - ەكسپورت بۇيىمدارى جيىنى 1296 تونناعا جەتىپ، سايكەس مەزگىلدەگىدەن %18 ارتقان. ”ءبىر بەلدەۋ، ءبىر جول“ ساياساتى تيىمدىلىگىنىڭ ۇزدىكسىز جارىققا شىعۋىنا ساي، حالىقارالىق اۋە تاسىمال تاۋارلارىنىڭ ”تەك قانا شىعاتىن، كىرمەيتىن“ ءبىر باعىتتىلىق جاعدايىندا بۇرىلىس بولۋداي اۋقىم جارىققا شىقتى. ساندى مالىمەتتە كورسەتىلۋىنشە، 2018 - جىلى ورتا، باتىس ازيانىڭ ءۇرىمجى اۋە تاسىمالى ارقىلى يمپورت ەتكەن تاۋار مولشەرى 370 توننادان اسىپ، 2019 - جىلى 1 - ايدان 6 - ايعا دەيىن 220 تونناعا جەتىپ، سايكەس مەزگىلدەگىدەن %18 ارتتى. بيىل 6 - ايدىڭ وزىندە نانفاڭ اۆياتسياسىنىڭ دۋشانبەدەن، بىشكەكتەن، تاشكەنتتەن ۇرىمجىگە تىكە تاسىمالداعان شيە 101 تونناعا جەتتى، مۇندا دۋشانبەنىڭ، تاشكەنتتىڭ شيە مولشەرى سايكەس مەزگىلدەگىدەن تۇگەلدەي ءبىر ەسەدەن استام ارتتى.

  7 - ايدىڭ 7 - كۇنى تيانجيندىق جولاۋشى ليۋ شۋ تيانجيننەن ۇرىمجىگە ارناۋلى ۇشىپ كەلىپ، كەزەكشى ۇشاقپەن ۆەناعا ۇشتى، ”الدىمەن شينجياڭدا ساياحاتتاپ، ونان كەيىن ەۆروپاعا باردىم، ۇشاق بەلەتى دە %20 ارزان بولدى، 7 ساعات، شارشاپ تا كەتپەدىم“. شينجياڭنىڭ ەۆروپانىڭ ىشكى وڭىرىنە جەتەتىن تۇڭعىش اۋە جەلىسى گۋاڭجوۋ - ءۇرىمجى - ۆەنا جەلىسى اشىلعاننان بەرى جولاۋشى وتىرۋ مولشەرى جوعارى بولدى. نانفاڭ اۆياتسياسى جاساعان كەلەر ساتىداعى شينجياڭداعى دامۋ جوسپارىندا حالىقارالىق اۋە جەلىسى تورى باتىسقا قاراي ورتا، باتىس ازيانى جانە ەۆروپانى شارپىپ، شىعىسقا قاراي جاپونياعا، كورەياعا جانە شىعىس وڭتۇستىك ازياعا تۇتاسىپ، نانفاڭ اۆياتسياسى شينجياڭ بولىمشە سەرىكتەستىگىنىڭ ورتا ازيا، باتىس ازيا، ەۆروپا وڭىرىندەگى ىقپال كۇشى مەن شارپۋ قۋاتىن جوعارىلاتادى.

  جىبەك جولى ەكونوميكالىق بەلدەۋىنىڭ وزەكتى رايونىنداعى اۆياتسيا سەرىكتەستىگى رەتىندە ءۇرىمجى اۆياتسيا شەكتى جاۋاپكەرشىلىك سەرىكتەستىگى حالىقارالىق اۋە جەلىسىن بار كۇشپەن اشۋدان تىس، ”ءبىر بەلدەۋ، ءبىر جول“ جەلىسى بويىنداعى مەملەكەتتەردى وزەك ەتىپ، ورتا ازيا، باتىس ازيا، وڭتۇستىك ازيا سياقتى جەرلەردەن بەلسەندى تۇردە دارىندىلار ەنگىزىپ، تەحنيكالىق اۋىس - كۇيىستى جەبەدى. قازىر ءۇرىمجى اۆياتسياسىندا رەسەي، كورەيا سياقتى مەملەكەتتەردەن كەلگەن شەتەلدىك ۇشقىشتار باستىعىنان 30 نەشە ادام بار. بولاشاقتاعى 5 جىلدا ءۇرىمجى اۆياتسياسى شەتەلدىك ۇشقىش قابىلداۋ قىزمەتىن ۇزدىكسىز ورىستەتەدى، مەجەمەن 2023 - جىلى ءۇرىمجى اۆياتسياسىنداعى شەتەلدىك ۇشقىشتار 60 ادامنان اسادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى