− ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتۋ تۋرالى جەلىلەس شولۋ
فان حۇڭي
”وزگەنى جەڭگەن كۇشتى، ءوزىن جەڭگەن قۇدىرەتتى“. بۇل ءبىر ادام تەك ءوزىن جەڭۋگە باتىل بولعاندا عانا، شىن مانىندە قۇدىرەتتى بولادى دەگەن ماعىناداعى ءسوز. ءبىر پارتيا دا وسىلاي، تەك قاتەلىكتى ۇزدىكسىز تۇزەتكەندە، ءوز مۇمكىندىكتەرىن بارىنشا ساۋلەلەندىرگەندە عانا، كۇن سايىن قۇدىرەتتەنە الادى.
باس شۋجي شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ماجىلىسىندە بىلاي دەپ اتاپ كورسەتتى: پارتيالى كادرلاردى پىشاقتىڭ ءجۇزىن ىشكە قاراتۋداي وزىنە توڭكەرىس جاساۋ رۋحىمەن پىكىرلەردى كەڭ كولەمدى تىڭداپ، دەن قويا قاداعالاپ، وي جۇگىرتىپ، ماسەلەنى ناقتاپ ىزدەپ، توركىنىن تەرەڭ قازىپ، قۇلشىنۋ بەتالىسى مەن وزگەرتۋ شارالارىن ايقىنداپ، ماسەلەنى شىنايى ويداعىداي شەشۋگە تاربيەلەۋ كەرەك. باس شۋجيدىڭ ءسوزى وسى رەتكى نەگىزگى تاقىرىپتىق تاربيەنى ورىستەتۋدە جاڭا داۋىردەگى پارتيا قۇرىلىسىنىڭ جالپى تالابىن مۇقيات دايەكتىلەندىرىپ، ماسەلەنى بەتكە الىپ، پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىن السىرەتەتىن بارلىق ماسەلەلەرمەن جانىنا باتىرا وتىرىپ ەمدەۋدەي باتىلدىقپەن، قايىسپاس توزىمدىلىكپەن باتىل كۇرەس جۇرگىزىپ، پارتيامىزدى اناعۇرلىم بەرىك، پارمەندى ەتىپ قۇرۋعا قۇلشىنۋ كەرەكتىگىن ايقىندادى.
پارتيامىزدىڭ تاريحى باتىلدىقپەن وزىنە توڭكەرىس جاساۋ − پارتيامىزدىڭ ماڭگى گۇلدەنۋىندەگى ماڭىزدى سەبەپ ەكەندىگىن تولىق دالەلدەدى. الايدا، كوپتەگەن كەزدەردە ءبىز سوندا دا ”پىشاقتىڭ ءجۇزىن“ ىشكە قاراتۋ، الدە سىرتقا قاراتۋ ماسەلەسىندە شاتاسامىز. ماسەلە تۋىلعاندا، قايشىلىق بولعاندا، زايىرى سىرتتان وبيەكتيۆ سەبەپتى ىزدەۋ كەرەك پە؟ الدە ىشكى سۋبيەكتيۆ سەبەپتى ىزدەۋ كەرەك پە؟ كەيبىر جولداستار جاۋاپكەرشىلىك ارقالاۋدان قورقىپ نەمەسە ءوزىنىڭ ”وبرازى“نا زيان كەلۋدەن الاڭدايدى دا، تاپقان ماسەلەسى تۇگەلدەي وبيەكتيۆ فاكتورلاردان بولىپ شىعادى. الدەقانداي وراتى كەلمەۋ، شارت - جاعداي جاقسى بولماۋ، وقيات جاعداي تۋىلۋ سياقتى ءتۇرلى وبيەكتيۆ سەبەپ جانە سىلتاۋمەن ءوزىن تاپ - تازا كورسەتىپ، سۋبيەكتيۆ جاقتان سەبەبىن قاراستىرعىسى كەلمەيدى. بۇلاي ىستەگەندە، ءوزىنىڭ ”مۇلتىكسىز كەمەلدىلىگىن“ساقتاعاندى قويىپ، ”كىشكەنە ماسەلە ۇلكەن ماسەلەگە اينالىپ، كىشكەنە كەۋەكتەن ۇلكەن وپىرىلما پايدا بولىپ“، پارتيانىڭ ۇمىتىنەن، حالىقتىڭ سەنىمىنەن ايرىلادى.
ىشكى سەبەپ زاتتاردىڭ دامۋىنىڭ ءتۇبىرلى سەبەبى. كەزەكتە فورماشىلدىق، تورەشىلدىك ماسەلەسى ءالى دە كورنەكتى بولىپ وتىر، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ورىنداۋ وڭاي - وسپاق ءىس ەمەس، ءسوز جوق، وزىنە توڭكەرىس جاسايتىن كۇشتى رۋح بولۋ كەرەك. قالىڭ پارتيالى كادرلار ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە بەلسەندىلىكپەن، ىرىقتىلىقپەن ات سالىسىپ، ۇيرەنۋ - تاربيە، تەكسەرۋ - زەرتتەۋ، ماسەلەنى قاداعالاۋ، رەتتەۋ - تۇزەتۋدى تياناقتاندىرۋ بارىسىندا باستان - اياق ماسەلەگە دۇرىس قارايتىن سانالىلىق پەن پىشاقتىڭ ءجۇزىن ىشكە قاراتاتىن باتىلدىقتان جازباۋ كەرەك.
پىشاقتىڭ ءجۇزىن ىشكە قاراتۋ سىندى وزىنە توڭكەرىس جاساۋ رۋحىن ساۋلەلەندىرۋدە ماسەلەنى قاداعالاۋ سىندى وسى تەتىكتى مىقتاپ يگەرۋ كەرەك. سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن سالىستىرىپ پارىقتاردى تاۋىپ، ولقىلىقتاردى تەكسەرىپ، ۇيرەنۋ - تاربيەنى جانە تەكسەرۋ - زەرتتەۋدى ۇزدىكسىز تەرەڭدەتۋ بارىسىندا ماسەلەنى ءدال تاۋىپ، تەكسەرىپ انىقتاپ، قاينارىن تەرەڭ، جەتە بورشالاۋ كەرەك. رايونىمىزداعى قالىڭ پارتيالى كادرلار جونىنەن ايتقاندا، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن سالىستىرىپ، پارتيا ۋستاۆىمەن، پارتيا قاعيداسىمەن سالىستىرىپ، حالىق بۇقاراسىنىڭ جاڭا ءۇمىت - تىلەگىمەن سالىستىرىپ، وزات تيپتەرمەن، ماڭايداعى ۇلگىلەرمەن سالىستىرىپ، جوعارى ولشەمنەن جازباي، قاتاڭ تالاپ قويىپ، ماسەلەلەر مەن جەتەرسىزدىكتەردى تەكسەرىپ تابۋ كەرەك. پىكىرلەردى كەڭ كولەمدى تىڭداپ، دەن قويا قاداعالاپ، تولعانىپ، ماسەلەنى ناقتاپ ىزدەپ، قاينارىن تەرەڭ قازىپ، قۇلشىنۋ بەتالىسى مەن وزگەرتۋ شارالارىن ايقىنداپ، ماسەلەنى شىنايى ويداعىداي شەشۋ كەرەك. ماسەلەنى تەرەڭ قاداعالاۋدا ۇستىرتتىكتەن، سيپاي قامشىلاپ وتە شىعۋدان، اۋىردان قاشقالاقتاپ جەڭىلگە جۇگىرۋدەن، شىندىقتان قاشقالاقتاپ وتىرىككە بوي ۇرۋدان باتىل ساقتانۋ كەرەك، ءوز بويىنان ىزدەيتىن ماسەلەنىڭ ورنىنا جوعارى كورسەتكەن ماسەلەنى قويۋعا، جەكە ماسەلەنىڭ ورنىنا القانىڭ ماسەلەسىن قويۋعا، ءوز ماسەلەسىنىڭ ورنىنا باسقانىڭ ماسەلەسىن قويۋعا، يدەيالىق ساياسي ماسەلەنىڭ ورنىنا قىزمەت جۇمىسى ماسەلەسىن قويۋعا، جاڭا ماسەلەنىڭ ورنىنا كونە ماسەلەنى قويۋعا دا استە بولمايدى. تەك وزىنە توڭكەرىس جاساۋعا باتىل بولعاندا، پىشاقتىڭ ءجۇزىن ىشكە قاراتۋعا باتىل بولعاندا، جانعا باتىرا وتىرىپ ەمدەۋگە شەبەر بولعاندا عانا، ءبىز ءوزىمىزدى ۇزدىكسىز كىرشىكسىزدەندىرە، ءوزىمىزدى كەمەلدەندىرە، ءوزىمىزدى جاڭارتا، ءوز ورەمىزدى جوعارىلاتا الامىز، سوندا عانا ءتۇرلى بوران - شاشىنداردىڭ سىنىنان وتە الامىز، سوندا عانا باستان - اياق ءداۋىردىڭ الدىڭعى لەگىندە جۇرە الامىز، سوندا عانا بۇكىل رايونداعى ءار ۇلت حالقىن باستاپ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازا الامىز.
وزىنە توڭكەرىس جاساۋعا باتىل بولۋ پارتيامىزدىڭ ەڭ ايقىن قاسيەتى ءارى پارتيامىزدىڭ ەڭ زور ارتىقشىلىعى. تەك باستان - اياق پىشاقتىڭ ءجۇزىن ىشكە قاراتۋ سىندى وزىنە توڭكەرىس جاساۋ رۋحىن ساقتاپ، وزىندە ساقتالعان ماسەلەلەرمەن جانە قاتەلىكتەرمەن تاباندىلىقپەن قاجىماي - تالماي كۇرەس جۇرگىزىپ، وزىندە ساقتالعان ماسەلەلەردى باتىل تۇردە تۇبەگەيلى شەشكەندە عانا، پارتيامىز كونەنى جويىپ جاڭانى ورناتۋ، تۋراشىلدىقتان تايماي جاڭالىق اشۋ بارىسىندا ءوز مۇمكىندىكتەرىن ساۋلەلەندىرىپ، پارتيا مەن حالىقتىڭ ىستەرىنە ۇزدىكسىز تىڭ ومىرشەڭدىك كۇش قوسا الادى.
