تيانشان تورى   ›   ۇيرەنۋ   ›   ماڭىزدى حۇجاتتار

«مەملەكەتتىك كەڭەستىڭ سالاماتتى جۇڭگو ارەكەتىن اتقارۋ جونىندەگى پىكىرى» باسىپ تاراتىلدى

  شينحۋا اگەنتتىگىنىڭ 7 - ايدىڭ 15 - كۇنى بەيجيڭنەن بەرگەن حابارى. تاياۋدا مەملەكەتتىك كەڭەس «مەملەكەتتىك كەڭەستىڭ سالاماتتى جۇڭگو ارەكەتىن اتقارۋ جونىندەگى پىكىر»ىن (تومەندە قىسقاشا «پىكىر» دەلىنەدى) باسىپ تاراتتى.

  «پىكىر»دە مىنالار اتاپ كورسەتىلدى: حالىقتىڭ سالاماتتىعى ۇلتتىڭ گۇلدەنىپ - كوركەيۋىنىڭ جانە مەملەكەتتىڭ باي - قۇدىرەتتى بولۋىنىڭ ماڭىزدى بەلگىسى، ساقتانۋ − ەڭ ءتيىمدى، ەڭ ۇتىمدى سالاماتتىق تاكتيكاسى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، رەفورما جاساۋعا، جاڭالىق اشۋعا تاباندى بولىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەت باعىتىن دايەكتىلەندىرىپ، ۇكىمەتتىڭ، قوعامنىڭ، جەكەنىڭ جاۋاپكەرشىلىگىن كۇشەيتىپ، دەنساۋلىق ساقتاۋ، سالاماتتىق قىزمەت ۇستانىمىنىڭ، قىزمەت وتەۋ ءتاسىلىنىڭ اۋرۋ ەمدەۋدى وزەك ەتۋدەن حالىقتىڭ سالاماتتىعىن وزەك ەتۋگە بۇرىلىس جاساۋىن جەدەل ىلگەرىلەتىپ، سالاماتتىق تاربيەسى جۇيەسىن ورناتىپ، كەمەلدەندىرىپ، سالاماتتىق بىلىمدەرىن جالپىلاستىرىپ، بۇقارانى دۇرىس سالاماتتىق كوزقاراس ورناتۋعا جەتەكتەپ، ەرتەرەك ارالاسۋدى كۇشەيتىپ، سالاماتتىققا پايدالى تۇرمىس ءتاسىلىن، ەكولوگيالىق ورتا جانە قوعامدىق ورتا قالىپتاستىرىپ، سالاماتتى ءومىردى ۇزارتىپ، جان - جاقتى، جالپى پەريودتىق حالىق سالاماتتىعىن قامتاماسىز ەتۋگە، سالاماتتى جۇڭگو قۇرۋعا بەرىك نەگىز قالاۋ كەرەك.

  «پىكىر»دە مىنالار العا قويىلدى: ءبىلىم جالپىلاستىرۋ، ساپانى جوعارىلاتۋ، ءوزىن - ءوزى بيلەۋ، ءوزىن - ءوزى تەجەۋ، سالاماتتى تۇرمىس كەشىرۋ، ەرتەرەك ارالاسۋ، قىزمەت وتەۋدى كەمەلدەندىرۋ، جالپى حالىق ات سالىسۋ، بىرگە قۇرۋ، بىرگە يگىلىكتەنۋ نەگىزگى پرينسيبىنە تاباندى بولۋ كەرەك. 2022 - جىلعا جەتكەندە، سالاماتتىقتى جەبەۋ ساياسات جۇيەسىن نەگىزىنەن ورناتىپ، جالپى حالىقتىڭ سالاماتتىق ساپاسى دەڭگەيىن ورنىقتى جوعارىلاتىپ، سالاماتتى تۇرمىس ءتاسىلىن جەدەل جالپىلاستىرۋ. 2030 - جىلعا جەتكەندە، جالپى حالىقتىڭ سالاماتتىق ساپاسى دەڭگەيىن بارىنشا جوعارىلاتىپ، سالاماتتى تۇرمىس ءتاسىلىن نەگىزىنەن جالپىلاستىرىپ، تۇرعىنداردىڭ نەگىزگى سالاماتتىعىنا ىقپال كورسەتەتىن فاكتورلاردى ۇتىمدى تىزگىندەپ، سالماقتى سوزىلمالى سىرقات سەبەبىنەن مەزگىلىنەن بۇرىن ءولۋ سالىستىرماسىن كورنەكتى تومەندەتىپ، ادامداردىڭ ورتاشا سالاماتتى مەجەلى عۇمىرىن ءبىرشاما زور دەڭگەيدە جوعارىلاتىپ، تۇرعىنداردىڭ نەگىزگى سالاماتتى كورسەتكىش دەڭگەيىن جوعارى كىرىستى ەلدەر قاتارىنا ەنگىزىپ، سالاماتتىقتاعى ادىلدىكتى نەگىزىنەن جۇزەگە اسىرۋ.

  «پىكىر» 3 جاقتاعى جالپى 15 ارناۋلى ارەكەتتى ايقىندادى. ءبىرىنشى، سالاماتتىق ءبىلىمىن جالپىلاستىرۋ، ۇيلەسىمدى تاماقتانۋ، جالپى حالىقتىق دەنە شىنىقتىرۋ، تەمەكىنى تەجەۋ، پسيحيكالىق سالاماتتىق سياقتى جاقتاردان جالپىلىق شارا اتقارىپ، سالاماتتىققا ىقپال كورسەتەتىن فاكتورلارعا جان - جاقتى ارالاسۋ؛ ەكىنشى، ايەلدەر مەن بالالار، ورتا، باستاۋىش مەكتەپ وقۋشىلارى، ەڭبەكشىلەر، قارتتار سياقتى ءتۇيىندى ادامدار شوعىرىنا نازار اۋدارىپ، تۇتاس ءومىر پەريودتىق سالاماتتىعىن قورعاۋ؛ ءۇشىنشى، جۇرەك - مي قان تامىرى اۋرۋى، راك اۋرۋى، سوزىلمالى تىنىس جولى اۋرۋى، قانتتى نەسەپ اۋرۋى سىندى 4 ءتۇرلى سوزىلمالى اۋرۋعا جانە جۇقپالى اۋرۋعا، جەرگىلىكتى اۋرۋعا مەڭزەس، سالماقتى اۋرۋدان ساقتانۋدى، ونى تىزگىندەۋدى كۇشەيتۋ. ۇكىمەتتىڭ، قوعامنىڭ، وتباسىنىڭ، جەكەنىڭ بىرگە قۇلشىنۋى ارقىلى بۇقارانىڭ ناۋقاسقا شالدىقپاۋىنا، ناۋقاسقا از شالدىعۋىنا، تۇرمىس ساپاسىن جوعارىلاتۋىنا قۇلشىنا مۇمكىندىك جاساۋ.

  «پىكىر»دە مىنالار باسا دارىپتەلدى: مەملەكەت دەڭگەيىندە سالاماتتىق جۇڭگو ارەكەتىن ىلگەرىلەتۋ كوميتەتىن قۇرىپ، «سالاماتتى جۇڭگو ارەكەتىن (2019 − 2030 - جىل)» جاساپ، باسىپ تاراتىپ، جوعارىداعى 15 ارناۋلى ارەكەتتىڭ نىساناسىن، كورسەتكىشىن، مىندەتىن جانە قىزمەت جاۋاپكەرشىلىگى جۇمىس ءبولىسىن اشالاپ، ءارقايسى وڭىرلەردىڭ، ءارقايسى قاتىستى تاراۋلاردىڭ سايكەستىكتى كۇشەيتۋىنە ءبىر تۇتاس جەتەكشىلىك ەتىپ، اۋرۋدان جالپىلىق ساقتانۋ جانە ونى ەمدەۋ تاكتيكاسىن اقىلداسىپ، باقىلاۋ - ولشەۋدى، باعالاۋدى ويداعىداي ىستەۋ كەرەك. ءار جاقتى كەڭ كولەمدە ات سالىسۋعا جۇمىلدىرىپ، تۇتاس قوعامدىق كۇشتەردى ۇيىستىرىپ، سالاماتتىقتى جەبەۋدىڭ قۋاتتى بىرىككەن كۇشىن قالىپتاستىرۋ كەرەك. الەۋمەتتىك دەنساۋلىق ساقتاۋ جۇيەسى قۇرىلىسىن جانە دارىندىلاردى باۋلۋدى كۇشەيتىپ، قازىنالىق قولداۋدى كۇشەيتىپ، قارجىنى ءبىر تۇتاس جوسپارلاۋدى كۇشەيتىپ، بايلىقتىڭ جايعاسۋىن ساپالىلاندىرىپ، عىلىم - تەحنيكا، ينفورماتسيا تىرەگىن كۇشەيتىپ، زاڭ، زاڭ ەرەجە جۇيەسىن كەمەلدەندىرۋ كەرەك. ۇگىت ارقىلى جەتەكتەۋگە باسا ءمان بەرىپ، ساياساتتىق تۇسىندىرمەلەردى دەر كەزىندە جاريالاپ، سالاماتتى جۇڭگو ارەكەتى ارناۋلى سايتىن قۇرىپ، بۇقارانىڭ قاجەتتى سالاماتتىق بىلىمدەردى تۇسىنۋىنە جانە يگەرۋىنە ۇتىمدى تاسىلمەن جەتەكشىلىك ەتىپ، سالاماتتى تۇرمىس ءتاسىلىن امالياتتا ايگىلەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.