تيانشان تورى   ›   ۇيرەنۋ   ›   شولۋ

وقۋ - اعارتۋ ارقىلى كومەكتەسۋ - سۇيەمەلدەۋ جۇرەكتەردى مەيىرگە بولەدى، ەمدەۋ ارقىلى كومەكتەسۋ حالىققا تيىمدىلىك جەتكىزدى

  ءتىلشى لي چۇنشيا

  ەمدەۋ مەن وقۋ - اعارتۋ ءبارى دە بۇقارانىڭ تۇرمىسىمەن تىعىز قاتىستى ءىرى ىستەر، سونداي - اق شينجياڭعا كومەكتەسۋ قىزمەتىنىڭ ماڭىزدى مازمۇنى. جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، شينجياڭعا كومەكتەسەتىن ولكە، قالالار اناعۇرلىم كوپ ادام كۇشىن، قازىنا كۇشىن، زات كۇشىن وقۋ - اعارتۋ ارقىلى شينجياڭعا كومەكتەسۋگە، ەمدەۋ ارقىلى شينجياڭعا كومەكتەسۋگە جۇمساپ، كومەك قابىلداعان جەرلەرمەن بىرگە وقۋ - اعارتۋدان جانە ەمدەۋدەن اناعۇرلىم جاقسى قىزمەت وتەۋدى قالىپتاستىرىپ، ءار ۇلت بۇقاراسىن كوزبەن كورىپ، قولمەن ۇستاي الاتىن ناقتى تيىمدىلىكتەن يگىلىكتەندىردى.

وقۋ-اعارتۋ ارقىلى شينجياڭعا كومەكتەسۋ

ءتۇيىندى كومەكتەسۋ-سۇيەمەلدەۋدەن جالپى بەتتىلىككە قاراي كەڭەيدى

  2018 - جىلى 9 - ايدا جىجياڭ ولكەسى نيڭبو قالاسىنىڭ 80 ميلليون يۋان قارجى قوسىپ كومەكتەسۋىمەن سالىنعان ”كىلت تاپسىرۋ“ ينجەنەرياسى − كۇچار اۋدانى ياڭميڭ باستاۋىش مەكتەبى ىسكە قوسىلدى.

  ياڭميڭ باستاۋىش مەكتەبىنىڭ باستىعى ۋان يىنجۇي بۇرىن يۇيياۋ قالاسى دۇڭفىڭ باستاۋىش مەكتەپ وقۋ - اعارتۋ توبىنىڭ باس مەكتەپ باستىعى بولعان، 30 جىلعا تاياۋ وقىتۋشىلىق ستاجعا يە، وقىتۋ جانە باسقارۋ تاجىريبەسى ەرەكشە مول. ”مەكتەپتە شينجياڭعا كومەكتەسۋگە كەلگەن وقىتۋشىدان 12 ادام بار، ءبىز جەرگىلىكتى ورىنداعى وقىتۋشىلارمەن بىرگە قۇلشىنىپ، وزىق وقۋ - اعارتۋ ۇستانىمىن جالعاستىرىپ، شينجياڭ ەرەكشەلىگىن ايگىلەيتىن جوعارى ورەلى باستاۋىش مەكتەپ قۇرىپ شىعامىز“، - دەدى 7 - ايدىڭ 9 - كۇنى ۋان يىنجۇي تىلشىگە.

  ياڭميڭ باستاۋىش مەكتەبى سياقتى شينجياڭعا كومەكتەسۋ نىساندارى تيانشاننىڭ تۇستىگى مەن تەرىستىگىنىڭ بارلىق جەرىنەن تابىلادى. وقۋ - اعارتۋ ارقىلى شينجياڭعا كومەكتەسۋ كومەك قابىلداعان جەرلەردىڭ جالپى تۇلعالىق وقىتۋ ورەسىن ۇزدىكسىز جوعارىلاتۋدا.

  6 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنەن كەيىن، حۋبەي ولكەسى ”100 مەكتەپ جۇپ قۇراۋ ينجەنەرياسىن“ ءبىرىنشى بولىپ العا قويىپ، ولكە ىشىندەگى 113 مەكتەپتى دەن قويا سارالاپ شىعىپ، كومەك قابىلداعان جەردەگى 108 مەكتەپپەن جۇپ قۇراۋدى ورىنداپ، كومەك قابىلداعان جەرلەردەگى مىندەتتى وقۋ - اعارتۋ كەزەڭىندەگى مەكتەپتەرگە باعىتتامالى كومەكتەسۋ - سۇيەمەلدەۋدىڭ جاپپاي قامتۋىن جۇزەگە اسىرىپ، وقۋ - اعارتۋ ارقىلى شينجياڭعا كومەكتەسۋدى ءتۇيىندى كومەكتەسۋ - سۇيەمەلدەۋدەن جالپى بەتتىك كومەك كورسەتۋگە كەڭەيتتى.

  ”مەكتەبىمىزدىڭ شينجياڭعا كومەكتەسۋ قوسىنى وقىتۋ ارقىلى شينجياڭعا كومەكتەسۋ، وقىتۋدى زەرتتەۋ ارقىلى شينجياڭعا كومەكتەسۋ، باسقارۋ ارقىلى شينجياڭعا كومەكتەسۋ سىندى 3 بولىككە بولىنەدى“. حۋبەيدەن شينجياڭعا كومەكتەسۋگە كەلگەن وقىتۋشى، بۇراتالا قالاسى جوعارى دارەجەلى ورتا مەكتەبى حۋاجۇڭ پەداگوگيكالىق داشۋەسىنە قاراستى 1 - ورتا مەكتەپ بۇراتالا بولىمشە مەكتەبىنىڭ باستىعى گاۋ ميڭ تىلشىگە وسىلاي دەدى، بۇل مەكتەپتەگى شينجياڭعا كومەكتەسۋگە كەلگەن 33 وقىتۋشىنىڭ بارلىعى وقىتۋ مىندەتىن ارقالاپ وتىر، سونداي - اق جەرگىلىكتى وقىتۋشىلارمەن جۇپ قۇراپ، جەرگىلىكتى وقىتۋشىلاردىڭ وقۋ - اعارتۋ، وقىتۋ ورەسىن جوعارىلاتۋىنا كومەكتەستى.

  ”شينجياڭعا كومەكتەسۋ ءبىزدىڭ ەكى جاققا دا تيىمدىلىكتى جۇزەگە اسىرۋىمىزعا مۇمكىندىك جاراتتى“، -دەدى گاۋ ميڭ، باعىتتامالى كومەكتەسۋ - سۇيەمەلدەۋدىڭ ارقاسىندا، بۇراتالا بولىمشە مەكتەبىنىڭ وقۋ - اعارتۋ، وقىتۋ ساپاسى ورنىقتى قاداممەن جوعارىلاپ، وبلىس دارەجەلى ايگىلى وقىتۋشىدان 15ىن، قالا دارەجەلى ايگىلى وقىتۋشىدان 22سىن باۋلىپ جەتىلدىردى. ەندى ءبىر جاعىنان، شينجياڭعا كومەكتەسۋگە كەلگەن وقىتۋشىلار شىنىعۋدان وتكەننەن كەيىن، وقۋ - اعارتۋ نازارياسى دا، امالياتتىق باسقارۋ ورەسى دە جوعارىلادى.

  شينجياڭعا كومەكتەسەتىن ولكە، قالالار كومەك قابىلداعان جەرلەردىڭ كاسىپتىك وقۋ - اعارتۋدىڭ دامۋ ورەسىن جوعارىلاتۋىن بەلسەنە ىلگەرىلەتتى، شاڭحاي، شاندۇڭ، گۋاڭدۇڭ، شىنجىن جەكە - جەكە 14، 10، 27، 2 كاسىپتىك مەكتەپتىڭ قاشقار ايماعىنداعى بارلىق ورتا دارەجەلى كاسىپتىك مەكتەپتەردى كومەكتەسۋ - سۇيەمەلدەۋىن تۇراقتاندىردى؛ حىنان ”ءبىر داشۋە قۇمىل كاسىپتىك - تەحنيكالىق شۋەيۋانىنىڭ ءبىر شۋەيۋان - فاكۋلتەتىمەن جۇپ قۇراپ كومەكتەسۋ - سۇيەمەلدەۋ“ جوسپارىن اتقاردى؛ حۋبەي ”بۇراتالا وبلىسىندا ورتا دارەجەلى كاسىپتىك مەكتەپ وقىعاندار حۋبەيدەگى جوعارى دارەجەلى كاسىپتىك مەكتەپتەرگە جوعارىلاپ وقۋ“ ارناسىن اشىپ، ”2 + 3“ كەزەڭگە بولىنەتىن 5 جىلدىق تۇزىمدەگى جوعارى دارەجەلى كاسىپتىك وقۋ - اعارتۋدى سەلبەسىپ جۇرگىزدى.

  اۆتونوميالى رايوندىق دامۋ جانە رەفورما كوميتەتى قامداعان ساندى مالىمەتتەردە كورسەتىلۋىنشە، 2010 - جىلدان بەرى، شينجياڭعا كومەكتەسەتىن ولكە، قالالار جيىنى 20 ميلليارد 559 ميلليون يۋان قارجى ءبولىپ، 1700دەن استام بالاباقشانى، ورتا، باستاۋىش مەكتەپتى، كاسىپتىك - تەحنيكالىق مەكتەپتى جاڭادان سالۋعا جانە وزگەرتىپ سالۋعا، كەڭەيتىپ سالۋعا كومەكتەسكەن. پارمەندى تۇردە قارجى جاقتان قولداۋ كورسەتۋ جانە دارىندى جاقتان قامتاماسىزداندىرۋ رايونىمىز وقۋ - اعارتۋ ىستەرى دامۋىنىڭ نەگىزىن بەكەمدەدى.

ۇيىرمە قۇراۋ ۇلگىسى بويىنشا شينجياڭعا كومەكتەسۋ

ەمدەۋ ورەسىن جالپى بەتتىك جوعارىلاتتى

  شينجياڭعا كومەكتەسۋدى تىلگە الساق، نەگىزگى ساتىداعى بۇقارانىڭ كوبى بۇنى شينجياڭعا كومەكتەسۋگە كەلگەن شيپاگەرلەرمەن ارالاسۋدان باستاعان. ەمدەۋ ارقىلى شينجياڭعا كومەكتەسۋ دە وسى سەبەپتى ”جەرگىلىكتى بۇقاراعا ەڭ جاناسىمدى شينجياڭعا كومەكتەسۋ ينجەنەرياسى“ دەپ اتالعان.

  ”بيىل قىزىمنىڭ كوزى جارالانىپ قالدى، شينجياڭعا كومەكتەسۋگە كەلگەن حان شيپاگەردىڭ ارقاسىندا، بالامنىڭ كوزى جازىلدى“، - دەدى 7 - ايدىڭ 8 - كۇنى حوتان قالاسى تۇساللا قالاشىعى اقتىچي قىستاعىنىڭ تۇرعىنى ماحتۇم ءامار تىلشىگە.

  ماحتۇم ايتقان حان شيپاگەر تيانجين قالاسىنان شينجياڭعا كومەكتەسۋگە كەلگەن شيپاگەر حان جيندۇڭ ەدى، ول دا تيانجين قالاسىنىڭ ”ۇيىرمە قۇراۋ ۇلگىسى“ بويىنشا ەمدەۋ ارقىلى شينجياڭعا كومەكتەسۋگە كەلگەن مامانداردىڭ ءبىرى.

  ءبىر شيپاحانا ءبىر ءبولىم - كەڭسەگە دەم بەرۋ، ءبىر دارىندى ءبىر ءبولىم - كەڭسەگە جەتەكشىلىك ەتۋ، ءبىر ءبولىم - كەڭسە سول جەردەگى بۇقاراعا قىزمەت وتەۋ، شينجياڭعا كومەكتەسۋ وسىنداي ۇستانىمى نەگىزىندە، 2016 - جىلدان باستاپ، تيانجين قالاسى 3A دارەجەلى 15 شيپاحانانى ۇيىمداستىرىپ، شيپاحانا ءبولىم - كەڭسەنى كوتەرىپ الۋ فورماسىن قولدانىپ، حوتان ايماقتىق حالىق شيپاحاناسىندا ”ۇيىرمە قۇراۋ ۇلگىسى“ بويىنشا ەمدەۋ ارقىلى شينجياڭعا كومەكتەسۋدى ورىستەتتى.

  شينجياڭعا كومەكتەسۋگە كەلگەن مامانداردىڭ باس بولىپ جەتەكشىلىك ەتۋىندە، 2017 - جىلدىڭ سوڭىندا حوتان ايماقتىق حالىق شيپاحاناسىنىڭ كوز اۋرۋلارى ءبولىمى قۇرىلدى. تيانجين قالالىق كوز اۋرۋلارى شيپاحاناسى حوتان ايماقتىق حالىق شيپاحاناسىنىڭ كوز اۋرۋلارى بولىمىمەن شيپاحانا ءبولىم - كەڭسەنى كوتەرىپ الۋ كەلىسىمىنە قول قويىپ، ءپان، تەحنيكا، دارىندى قاتارلى جاقتاردان قولداۋ كورسەتتى. قازىر حوتان ايماقتىق حالىق شيپاحاناسىنىڭ كوز اۋرۋلارى ءبولىمى دامىپ 3 - دارەجەلى كوز اۋرۋلارى ارناۋلى ءبولىمى بولدى، اۋىز قۋىسى اۋرۋلارى ءبولىمى، وسپە ىشكى اۋرۋلار ءبولىمى، جۇرەك، كوكىرەك قۋىسى سىرتقى اۋرۋلار ءبولىمى، ساراپتاۋ ءبولىمى قاتارلى ءبولىم - كەڭسەلەردىڭ دامۋى دا قارىشتاۋدى جۇزەگە اسىردى. شينجياڭعا كومەكتەسۋگە كەلگەن مامانداردىڭ ۇيرەتۋىندە، كومەكتەسۋىندە، جەتەكتەۋىندە توپ - توپ جەرگىلىكتى ەمدەۋ دارىندىلارى تەز جەتىلىپ شىقتى.

  ”جەكە دارا شايقاس جۇرگىزۋ“دەن ”ۇيىرمە قۇراپ شايقاس جۇرگىزۋ“گە دەيىن، ”قان قۇيىپ، وتتەگىمەن قامداۋ“دان ”قان جاساپ، وتتەگىن وندىرۋ“گە دەيىن، 2016 - جىلى ەمدەۋ دارىندىلارىنىڭ ”ۇيىرمە قۇراۋ ۇلگىسى“ بويىنشا شينجياڭعا كومەكتەسۋ قىزمەتى باستاپ اتقارىلعاننان بەرى، شينجياڭعا كومەكتەسەتىن 7 ولكە، قالا 60 نەشە 3A دارەجەلى شيپاحانادان جيىنى 500 نەشە شينجياڭعا كومەكتەسۋ ەمدەۋ ماماندارىن ”ۇيىرمە قۇراۋ ۇلگىسى“ بويىنشا شينجياڭعا كومەكتەسۋگە تاڭداپ جىبەرىپ، جاڭا تەحنيكادان، جاڭا نىساننان 1400دەن استامىن ورىستەتىپ، ايماق، اۋداندارداعى ەمدەۋ قىزمەتكەرلەرىنەن 120 مىڭنان استام ادامدى (رەت) باۋلىپ، بۇكىل رايونداعى بارلىق ايماق، وبلىس، قالالاردا 3A دارەجەلى شيپاحانا بولۋداي تاريحي سيپاتتى ناتيجە جاراتتى.

  شينجياڭعا كومەكتەسۋگە كەلگەن توپ - توپ ماماندار توسەلگەن تەحنيكالارىمەن ءار ۇلت بۇقاراسىن اۋرۋدان ايىقتىردى، ونان دا ماڭىزدىسى، قولما - قول كومەكتەسۋ، ۇيرەتۋ ارقىلى كومەك قابىلداعان جەرلەرگە كوپتەگەن ”تاپجىلمايتىن ەمدەۋ قوسىنىن“ جەتىلدىرىپ بەردى.

  ”مەن قازىر ءبولىم - كەڭسەنىڭ تىرەكتىسىنە اينالدىم، بۇنىڭ ءبارىن ۇستازىم ۇيرەتكەن“، - دەدى بيڭتۋان 6 - شىسى شونجى شيپاحاناسى ساۋىقتىرۋ - ەمدەۋ ءبولىمىنىڭ شيپاگەرى ءۇزىمحان.

  ءۇزىمحان ايتقان ۇستازى شانشيدەن شينجياڭعا كومەكتەسۋگە كەلگەن شيپاگەر لي شيۋليڭ. 2017 - جىلى 9 - ايدا لي شيۋليڭ شونجى شيپاحاناسىنا شينجياڭعا كومەكتەسۋگە كەلىپ، ساۋىقتىرۋ - ەمدەۋ ءبولىمىنىڭ قۇرىلۋىنا جەتەكشىلىك ەتتى ءارى ءۇزىمحاندى شاكىرتتىككە قابىلدادى، وسى شاكىرتىن جاقسى تاربيەلەۋ ءۇشىن، لي شيۋليڭ ءوزىنىڭ شينجياڭعا كومەكتەسۋ مەرزىمىن تاعى ءبىر جىل ۇزارتۋعا بەكيدى.

  جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، ولكە، قالالار ءوز باسىمدىقتارىمەن ۇشتاستىرىپ، ەمدەۋ ارقىلى شينجياڭعا كومەكتەسۋ تەبىنىن ارتتىردى. حيلۇڭجياڭ ولكەسى ەمدەۋ ماماندارىن تاڭداپ جىبەرۋدە توتەنشە مۇقيات بولدى، اعا شيپاگەر، تەتە اعا شيپاگەر %80كە جۋىعىن ۇستادى؛ لياۋنيڭ ولكەسى شينجياڭعا كومەكتەسۋ قارجىسىنان 350 ميلليون يۋان قوسىپ، شيپاحانانىڭ امبولاتوريا عيماراتىنان 15ىن سالدى؛ حۋبەي دەنساۋلىق ساقتاۋ ارقىلى شينجياڭعا كومەكتەسۋدىڭ ”6 ءجۇز ينجەنەرياسىن“ اتقارىپ، جان - جاقتى، كوپ سالالى ”ۇيىرمە ۇيىمداستىرۋ فورماسى“ بويىنشا ەمدەۋ ارقىلى شينجياڭعا كومەكتەسۋ قىزمەتىنىڭ جاڭا جاعدايىن قالىپتاستىردى.

ينفورماتسيالاندىرۋ ارقىلى شينجياڭعا كومەكتەسۋ

ساپالى بايلىقتان شالعايدان بىرگە يگىلىكتەندى

  ”الىس ارالىقتان دياگنوز قوياتىن بۇل تۇعىر ءبىزدىڭ نەگىزگى ساتىعا توتەنشە پايدالى، ءىشىنارا ناۋقاستاردىڭ اۋرۋ جاعدايىنا دۇرىس تۇجىرىم جاساي الماي قالعان كەزىمىزدە، تۇعىر ارقىلى جوعارى دارەجەلى شيپاحاناداعى مامانداردىڭ جەتەكشىلىك ەتۋىندە، ناۋقاستارعا دەر كەزىندە، دۇرىس ەمدەۋ جۇرگىزە الامىز“، - دەدى 7 - ايدىڭ 10 - كۇنى بۇگۇر اۋدانى قاراباق اۋىلدىق ەمحانانىڭ شيپاگەرى كۇي شياۋسۇي.

  ەمدەۋ بايلىعى ورنالاسۋىنىڭ بىركەلكى بولماۋى، نەگىزگى ساتى ەمدەۋ ورەسىنىڭ ءبىرشاما تومەن بولۋى نەگىزگى ساتىنىڭ شەت - شالعاي وڭىرلەرىندەگى بۇقارانىڭ ەمدەلۋى قيىن بولۋىن، ەمدەلۋ اقىسى جوعارى بولۋىن تۋدىرعان سەبەپتەردىڭ ءبىرى. بيىل 6 - ايدا حىبەي ولكەسى شينجياڭعا كومەكتەسۋ قىزمەتى الدىڭعى جاق قولباسشىلىق شتابى كومەكتەسىپ قۇرعان الىس ارالىقتان دياگنوز قويۋ ينفورماتسيا تۇعىرى ىسكە قوسىلىپ، بۇگۇر اۋداندىق حالىق شيپاحاناسى مەن تۇتاس اۋدانداعى 10 اۋىل - قالاشىق ەمحاناسىنىڭ ينفورماتسيا جۇيەسى ساندى مالىمەتىنىڭ ۇلاسۋى، تۇتاسۋى جۇزەگە اسىپ، الىس ارالىقتان دياگنوز قويۋعا، الىس ارالىقتان اۋرۋ تەكسەرۋگە جانە الىس ارالىقتان كەسكىندەپ دياگنوز قويۋعا مۇمكىندىك جاراتىلدى.

  ”بۇل تۇعىر اۋدان كولەمى ىشىندە دياگنوز قويۋدى جۇزەگە اسىرىپ قانا قالماستان، بۇكىل ەلدىڭ باسقا وڭىرلەرىندەگى ەمدەۋ قۇرىلىمدارىنا دا جالعانادى“. ساڭجوۋ قالاسىنىڭ ەمدەۋ ارقىلى شينجياڭعا كومەكتەسۋ اترەتىنىڭ باستىعى، بۇگۇر اۋداندىق حالىق شيپاحاناسىنىڭ ورىنباسار باستىعى سۇن جانلين مىنالاردى ءبىلدىردى: الىس ارالىقتان دياگنوز قويۋ، ينتەرنەت شيپاحاناسى سياقتى ينفورماتسيالانعان تۇعىرلاردىڭ جالپىلاستىرىلۋى ساپالى ەمدەۋ - دەنساۋلىق ساقتاۋ بايلىعىنىڭ كومەك قابىلداعان جەرلەردىڭ نەگىزگى ساتىلارىنا دەيىن جەتكىزىلۋىن ىلگەرىلەتتى، شينجياڭدىق ناۋقاستار الىس جول باسىپ جۇرمەي - اق ىشكى جەرلەرمەن ۇقساس ساپالى ەمدەۋ قىزمەت وتەۋىنەن يگىلىكتەنە الادى.

  الىس ارالىقتان ەمدەۋ سياقتى، الىس ارالىقتان وقىتۋ دا قارىشتاپ دامىدى. جاڭا كەزەك شينجياڭعا باعىتتامالى كومەكتەسۋ قىزمەتى باستالعاننان بەرى، حىنان ولكەسى وقۋ - اعارتۋ ارقىلى شينجياڭعا كومەكتەسۋدىڭ جاڭا ۇلگىسىن، ياعني ينفورماتسيالاندىرۋ قۇرىلىسىن باستادى. 2010 - جىلدان بەرى، حىنان ولكەسى شينجياڭعا كومەكتەسۋ قارجىسىنان جيىنى 28 ميلليون يۋان ءبولىپ، قۇمىل قالاسىنىڭ نەگىزدىك وقۋ - اعارتۋ بايلىعى سايتى تۇعىرىن قۇرۋ، مىڭ مەگابايتتىق وپتيكالى كابەلدىك مەكتەپ اۋماعىن قۇرۋ سياقتىلارعا كومەكتەسىپ، قۇمىل وقۋ - اعارتۋىنىڭ ينفورماتسيالانۋىنىڭ جوقتان بار بولۋ، باردان ساپالى بولۋداي تەز قارقىنمەن دامۋىن جۇزەگە اسىردى.

  تالاي جىل ورىستەتىلىپ كەلگەن ”ورتا، باستاۋىش مەكتەپتەردىڭ الىس ارالىقتان ۇستىندە تاراتۋ قيمىلى“ حىنان مەن شينجياڭداعى بالالاردىڭ نەشە مىڭ شاقىرىم شالعايدا بولسا دا، ساباقتى بىرگە وقۋىنا مۇمكىندىك جاساپ، ساپالى وقۋ - اعارتۋ بايلىعىنان بىرگە يگىلىكتەندى.

  ەمدەۋ اۋرۋدان ايىقتىردى، وقۋ - اعارتۋ اقىل - پاراساتتى قاۋلاتتى. كورىكتى مەكتەپ اۋلاسىنداعى سىڭعىرلاپ كىتاپ وقىعان داۋىس ىشىندە، شيپاحانادان شىققان ناۋقاستىڭ شات - شادىمان جۇزىندە شينجياڭعا كومەكتەسكەن ولكە، قالالاردىڭ قالتقىسىز كومەگى، توپ - توپ شينجياڭعا كومەكتەسۋگە كەلگەن وقىتۋشىلاردىڭ، شينجياڭعا كومەكتەسۋگە كەلگەن شيپاگەرلەردىڭ بار پەيىلىن ارناپ قوسقان ەڭبەگى بار. ولار شينجياڭداعى كادر - بۇقارامەن بىرگە اناعۇرلىم كورىكتى شينجياڭدى تىزە قوسا قۇرۋدا.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.