تيانشان تورى   ›   جاڭالىقتار   ›   ەل ءىشى حابارى

جۇڭگو ەكونوميكاسى الدىڭعى جارتى جىلدا سايكەس مەزگىلدەگىدەن %6.3 ارتتى

  شينحۋا اگەنتتىگىنىڭ 7 - ايدىڭ 15 - كۇنى بەيجيڭنەن بەرگەن حابارى (تىلشىلەر چىن ۋيۋي، شىن چىڭ). مەملەكەتتىك ساناق مەكەمەسى 7 - ايدىڭ 15 - كۇنى ساندى مالىمەت جاريالادى، العاشقى ەسەپكە قاراعاندا، الدىڭعى جارتى جىلدا ەلىمىزدىڭ ىشكى ءوندىرىسىنىڭ جالپى (GDP) ءونىم قۇنى 45 تريلليون 93 ميلليارد 300 ميلليون يۋان بولىپ، سالىستىرمالى باعا بويىنشا ەسەپتەگەندە، سايكەس مەزگىلدەگىدەن %6.3 ارتقان. توقساندارعا ءبولىپ قاراعاندا، 1 - توقساندا سايكەس مەزگىلدەگىدەن %6.4 ارتقان، 2 - توقساندا %6.2 ارتقان.

  ”جالپى جاقتان قاراعاندا، الدىڭعى جارتى جىلدا حالىق شارۋاشىلىعىنىڭ اينالىمى ۇيلەسىمدى ارالىقتا بولىپ، جالپى تۇلعالىق ورنىقتىلىقتى، ورنىقتىلىق بارىسىندا ىلگەرىلەۋ سىندى دامۋ جاعدايىن جالعاستىردى“. مەملەكەتتىك ساناق مەكەمەسىنىڭ اقپارات مالىمدەمەشىسى ماۋ شىڭيۇڭ سول كۇنگى مەملەكەتتىك اقپارات كەڭسەسىنىڭ اقپار جاريالاۋ ماجىلىسىندە وسىنى ايتتى.

  ءوندىرىس جاعىندا، ونەركاسىپ ءوندىرىسى نەگىزىنەن ورنىقتى بولدى. ساناقتا كورسەتىلۋىنشە، الدىڭعى جارتى جىلدا بۇكىل ەلدەگى كولەمدەنگەن ونەركاسىپتىڭ ارتقان قۇنى سايكەس مەزگىلدەگىدەن %6 ارتىپ، ارتۋ قارقىنى 1 - توقسانداعىدان 0.5 پايىز تومەندەگەن. 6 - ايدا بۇكىل ەلدەگى كولەمدەنگەن ونەركاسىپتىڭ ارتقان قۇنىنىڭ ارتۋ قارقىنى 5 - ايداعىدان 1.3 پايىز تەزدەگەن. قىزمەت وتەۋ كاسىبى دە ءبىرشاما تەز ارتۋ قارقىنىن ساقتاعان. الدىڭعى جارتى جىلدا، بۇكىل ەلدەگى قىزمەت وتەۋ كاسىبىنىڭ ءوندىرىس كورسەتكىشى سايكەس مەزگىلدەگىدەن %7.3 ارتىپ، 1 - توقسانداعىدان 0.1 پايىز تومەندەگەن؛ مۇندا 6 - ايدا سايكەس مەزگىلدەگىدەن %7.1 ارتىپ، 5 - ايداعىدان 0.1 پايىز تەزدەگەن.

  سۇرانىس جاعىندا، بازار ساتىلىمى ورنىقتى جوعارىلاعان. الدىڭعى جارتى جىلدا، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %8.4 ارتىپ، ارتۋ قارقىنى 1 - توقسانداعىدان 0.1پايىز تەزدەگەن. قارجى قوسۋدىڭ ارتۋ بەتالىسى نەگىزىنەن ورنىقتىلىقتى ساقتاعان. الدىڭعى جارتى جىلدا بۇكىل ەلدەگى تۇراقتى مۇلىككە قوسىلعان قارجى سايكەس مەزگىلدەگىدەن %5.8 ارتىپ، ارتۋ قارقىنى 1 - ايدان 5 - ايعا دەيىن 0.2 پايىز تەزدەگەن.

  وسىمەن بىرگە، جۇمىسقا ورنالاسۋ جاعدايى جالپى جاقتان ورنىقتى بولعان. ساندى مالىمەتتە كورسەتىلۋىنشە، الدىڭعى جارتى جىلدا بۇكىل ەلدە قالا - قالاشىقتاردا جاڭادان كاسىپتەنگەندەر 7 ميلليون 370 مىڭ ادامعا جەتىپ، تۇتاس جىلدىق نىسانالىق مىندەتتىڭ %67ىن ورىنداعان. 6 - ايدا بۇكىل ەلدەگى قالا - قالاشىقتاردا تەكسەرىپ انىقتالعان جۇمىسسىزدىق مولشەرى %5.1 بولىپ، الدىڭعى ايداعىدان 0.1 پايىز جوعارىلاعان.

  بۇدان تىس، ەكونوميكالىق قۇرىلىم ۇزدىكسىز ساپالىلاندى. ساناقتا كورسەتىلۋىنشە، الدىڭعى جارتى جىلدا 3 - كاسىپ سالاسىنىڭ ارتۋى ىشكى ءوندىرىستىڭ جالپى ءونىم قۇنىنىڭ ارتۋىنا قوسقان ۇلەسى %60.3 بولىپ، 2 - كاسىپ سالاسىنان 23.2 پايىز جوعارى بولعان. سوڭعى تۇتىنۋ شىعىمىنىڭ ارتۋىنىڭ ەكونوميكانىڭ ارتۋىنا قوسقان ۇلەسى %60.1 بولعان. بۇكىل تۇرعىننىڭ سوڭعى تۇتىنۋ شىعىمىندا قىزمەت وتەۋ تۇتىنۋى %49.4 يەلەپ، الدىڭعى جىلعى سايكەس مەزگىلدەگىدەن 0.6پايىز جوعارىلاعان.

  ماۋ شىڭيۇڭ تاعى مىنانى ءبىلدىردى: كەزەكتەگى ەل ءىشى - سىرتى ەكونوميكالىق جاعدايىنىڭ ءالى دە كۇردەلى، قيىن بولىپ وتىرعانىن، دۇنيە ءجۇزى ەكونوميكاسى ارتۋىنىڭ ەداۋىر باياۋلاپ قالعاندىعىن، سىرتقى ورنىقسىز، تۇراقسىز فاكتورلاردىڭ ارتقانىن، ەل ءىشى دامۋىنىڭ ءبىر كەلكى ەمەس، تولىق ەمەس بولۋ ماسەلەلەرىنىڭ ءالى دە ءبىرشاما كورنەكتى ەكەندىگىن، ەكونوميكانىڭ جاڭا باسەڭدەۋ قىسىمىنا ءدوپ كەلىپ وتىرعاندىعىن كورە ءبىلۋىمىز كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.