تيانشان تورى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى، مەملەكەتتىك كەڭەس كەڭسەسى «پارتيا، ۇكىمەت نەگىزگى باسشى كادرلارىنىڭ جانە مەملەكەت مەنشىگىندەگى كاسىپورىنداردىڭ، ءىسورىندارىنىڭ نەگىزگى باسشى قىزمەتكەرلەرىنىڭ ەكونوميكالىق جاۋاپكەرشىلىگىن قازىنالىق باقىلاۋ بەلگىلەمەسىن» باسىپ تاراتتى

  شينحۋا اگەنتتىگىنىڭ 7 - ايدىڭ 15 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «پارتيا، ۇكىمەت نەگىزگى باسشى كادرلارىنىڭ جانە مەملەكەت مەنشىگىندەگى كاسىپورىنداردىڭ، ءىسورىندارىنىڭ نەگىزگى باسشى قىزمەتكەرلەرىنىڭ ەكونوميكالىق جاۋاپكەرشىلىگىن قازىنالىق باقىلاۋ بەلگىلەمەسىن» (تومەندە قىسقارتىلىپ «بەلگىلەمە» دەلىندى) باسىپ تاراتتى ءارى حابارلاندىرۋ تاراتىپ، وڭىرلەردەن، تاراۋلاردان دەن قويا وسى بويىنشا اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: 2010 - جىلى 10 - ايدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «پارتيا، ۇكىمەت نەگىزگى باسشى كادرلارىنىڭ جانە مەملەكەت مەنشىگىندەگى كاسىپورىنداردىڭ نەگىزگى باسشى قىزمەتكەرلەرىنىڭ ەكونوميكالىق جاۋاپكەرشىلىگىن قازىنالىق باقىلاۋ بەلگىلەمەسى» ەكونوميكالىق جاۋاپكەرشىلىكتى قازىنالىق باقىلاۋ قىزمەتىنىڭ تەرەڭدەي دامۋىن ىلگەرىلەتۋ جاعىندا ماڭىزدى رول اتقاردى. جاڭا جاعدايعا، جاڭا تالاپقا ۇيلەسۋ، ەكونوميكالىق جاۋاپكەرشىلىكتى قازىنالىق باقىلاۋ ءتۇزىمىن كەمەلدەندىرۋ ءۇشىن پارتيا ورتالىق كوميتەتى وزگەرىس ەنگىزۋدى ۇيعاردى.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار مەن ۇكىمەتتەر ەكونوميكالىق جاۋاپكەرشىلىكتى قازىنالىق باقىلاۋ قىزمەتىنە باسشىلىقتى كۇشەيتىپ، «بەلگىلەمە»نى ۇيرەنۋدى، دايەكتىلەندىرۋدى مىقتى يگەرۋ كەرەك. ءار دارەجەلى پارتكومداردىڭ قازىنالىق باقىلاۋ كوميتەتتەرى ەكونوميكالىق جاۋاپكەرشىلىكتى قازىنالىق باقىلاۋ قىزمەتىن ءبىر تۇتاس جوسپارلاۋدى جانە جالپىلىق ىلگەرىلەتۋدى كۇشەيتىپ، جاڭا داۋىردەگى ەكونوميكالىق جاۋاپكەرشىلىكتى قازىنالىق باقىلاۋ قىزمەتىنىڭ ساپاسى مەن دەڭگەيىن جوعارىلاتۋدى جەبەۋ كەرەك. قاتىستى تاراۋلار ىستەستىكتى، سايكەستىكتى كۇشەيتىپ، قازىنالىق باقىلاۋدى قاداعالاۋدى ءتارتىپ تەكسەرۋ، باقىلاۋ - تەكسەرۋ، ۇيىمداستىرۋ - كادرلار ءىسى، شارلاۋ، ارالاپ تەكسەرۋ سياقتى قاداعالاۋمەن ساباقتاستىرىپ، قاداعالاۋدىڭ بىرىككەن كۇشىن قالىپتاستىرۋ كەرەك. ءار دارەجەلى باسشى كادرلار «بەلگىلەمە»نى باستاماشىلدىقپەن دايەكتىلەندىرىپ، اتقارىپ، قازىنالىق باقىلاۋدى سانالى تۇردە قابىلداپ، ۇقىقتى زاڭ بويىنشا ىستەتۋدى، ۇقىقتى ءادىل ىستەتۋدى، ۇقىقتى پاك ىستەتۋدى ورىنداۋ كەرەك.

  حابارلاندىرۋدا «پارتيا، ۇكىمەت نەگىزگى باسشى كادرلارىنىڭ جانە مەملەكەت مەنشىگىندەگى كاسىپورىنداردىڭ، ءىسورىندارىنىڭ نەگىزگى باسشى قىزمەتكەرلەرىنىڭ ەكونوميكالىق جاۋاپكەرشىلىگىن قازىنالىق باقىلاۋ بەلگىلەمەسى»نىڭ جالپى ەرەجەسى، ۇيىمداستىرۋ، سايكەستىرۋ، قازىنالىق باقىلاۋ مازمۇنى، قازىنالىق باقىلاۋدى اتقارۋ، قازىنالىق باقىلاۋ باعالاۋى، قازىنالىق باقىلاۋ ناتيجەسىنەن پايدالانۋ، قوسىمشا ەرەجە جونىندە دە ناقتى ورنالاستىرۋ جاسالدى.

  وسى بەلگىلەمە 2019 - جىلى 7 - ايدىڭ 7 - كۇنىنەن باستاپ اتقارىلدى. 2010 - جىلى 10 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «پارتيا، ۇكىمەت نەگىزگى باسشى كادرلارىنىڭ جانە مەملەكەت مەنشىگىندەگى كاسىپورىنداردىڭ باسشى قىزمەتكەرلەرىنىڭ ەكونوميكالىق جاۋاپكەرشىلىگىن قازىنالىق باقىلاۋ بەلگىلەمەسى» وسىمەن ءبىر ۋاقىتتا كۇشىنەن قالدىرىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.