تيانشان تورى   ›   جاڭالىقتار   ›   شۋجي ەستەلىگى

7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى اشىلدى

ۋاڭ ياڭ قاتىناستى ءارى ءسوز سويلەدى

  7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى 7 - ايدىڭ 14 - كۇنىنەن 16 - كۇنىنە دەيىن شينجياڭنىڭ حوتانىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ شينجياڭ قىزمەتىن سايكەستىرۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

  شينحۋا اگەنتتىگىنىڭ 7 - ايدىڭ 16 - كۇنى شينجياڭنىڭ حوتانىنان بەرگەن حابارى (ءتىلشى زوۋ ۋي). 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى 7 - ايدىڭ 14 - كۇنىنەن 16 - كۇنىنە دەيىن شينجياڭنىڭ حوتانىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ شينجياڭ قىزمەتىن سايكەستىرۋ گرۋپپاسىنىڭ باستىعى ۋاڭ ياڭ ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شينجياڭعا باعىتتامالى كومەكتەسۋ مەملەكەتتىڭ ستراتەگياسى، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋداعى ماڭىزدى شارا. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ جالپى قىزمەت ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ەكونوميكانى دامىتۋ مەن حالىق تۇرمىسىن جاقسارتۋدى نەگىز ەتۋگە تاباندى بولىپ، جۇرت تىلەگىن ۇيىستىرۋدى ماقسات ەتۋگە تاباندى بولىپ، شينجياڭعا جاپپاي كومەكتەسۋگە، شينجياڭعا دالمە - ءدال كومەكتەسۋگە، شينجياڭعا باياندى كومەكتەسۋگە تاباندى بولىپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرۋعا ۇلەس قوسۋ كەرەك. ۋاڭ ياڭ بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاتىستى جاقتاردىڭ زور كۇشپەن قولداۋىندا جاڭا كەزەكتى شينجياڭعا باعىتتامالى كومەكتەسۋگە قوسىلعان قارجىنىڭ مولدىعى، قاتىناسقان ادامنىڭ كوپتىگى، قامتيتىن سالاسىنىڭ كەڭدىگى بۇرىن كەزىكپەگەن دارەجەدە بولىپ، تيانشاننىڭ تۇستىگى مەن تەرىستىگىنىڭ دامۋ بەينەسىندە وراسان زور وزگەرىس تۋدىرىپ، ءار ۇلتتىڭ ارالاسۋىن، ىشتەسۋىن، توعىسۋىن ايرىقشا جەبەپ، ءار دارەجەلى كادرلاردى بارىنشا شىڭداپ، پارتيا مەن بۇقارانىڭ ەتەنە بايلانىسىن قويۋلاستىرىپ، سوتسياليستىك ءتۇزىمنىڭ وراسان زور ابزالدىلىعىن بارىنشا ايگىلەدى. ناتيجە وڭاي - وسپاق قولعا كەلمەگەن، تولىق تۇراقتاندىرۋعا تاتيدى.

  ۋاڭ ياڭ بىلاي دەپ باسا دارىپتەدى: جۇڭگوشا سوتسياليزم جاڭا داۋىرگە ءوتتى، شينجياڭ قىزمەتى دە جاڭا جاعدايعا، جاڭا مىندەتكە ءدوپ كەلىپ وتىر. شينجياڭعا باعىتتامالى كومەكتەسۋ قىزمەتىندە، ءسوزسىز، تاجىريبەلەردى مۇقيات قورىتىندىلاپ، ماسەلەنى باعدار ەتۋگە تاباندى بولىپ، جالپىلىق ونىمدىلىكتى ۇزدىكسىز جوعارىلاتۋ كەرەك. كادرلار، دارىندىلار ارقىلى شينجياڭعا كومەكتەسۋدى كورنەكتى تۇردە مىقتاپ يگەرىپ، دالمە - ءدال تاڭداپ جىبەرۋ، عىلمي پايدالانۋ، رولىن مۇمكىندىكتىڭ بارىنشا ساۋلەلەندىرۋ كەرەك. كاسىپ سالاسى ارقىلى شينجياڭعا كومەكتەسۋدى ناقتى ىستەرمەن شۇعىلدانىپ ىلگەرىلەتۋ، كومەك قابىلداعان جەرلەردىڭ ەرەكشە كاسىپتى، جاسىل كاسىپتى دامىتۋىنا، ونىمدەرىن ساتۋ ارناسىن كەڭەيتۋىنە كومەكتەسۋ، بيڭتۋاننىڭ وڭتۇستىككە قاراي دامۋىن كاسىپ سالاسى ارقىلى قولداۋدى كۇشەيتۋ كەرەك. حالىق تۇرمىسىن ماڭداي الدى ورىنعا قويۋعا تاباندى بولىپ، نازاردى كەدەيلىكتەن ارىلتۋدان قامال الۋعا جانە جۇمىستاندىرۋدى كەڭەيتۋگە شوعىرلاندىرىپ، قارجىنى، نىساندى نەگىزگى ساتىعا اناعۇرلىم بەيىمدەپ، بۇقارا ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن شەشۋ كەرەك. ءار ۇلتتىڭ ارالاسۋىن، ىشتەسۋىن، توعىسۋىن كۇش سالا جەبەپ، ىشكى ولكەلەردىڭ شينجياڭداعى ءار ۇلت بۇقاراسىمەن بارىس - كەلىس جاساسىپ تۇرۋىن قولداپ، شينجياڭداعى از ۇلت بۇقاراسىنىڭ ىشكى ولكەلەرگە بارىپ توعىسا دامۋىن ىلگەرىلەتۋ كەرەك. مادەنيەت، وقۋ - اعارتۋ ارقىلى شينجياڭعا كومەكتەسۋدى تىڭعىلىقتى ورىنداپ، شينجياڭدى مادەنيەتپەن سۋسىنداتۋ ينجەنەرياسىن ىشكەرىلەي ىلگەرىلەتىپ، ءار ۇلتتىڭ ورتاق رۋحاني مەكەنىن ورناتۋ كەرەك. شينجياڭعا كومەكتەسۋ قىزمەتىن كادرلاردى شىڭداۋ مەن جەتىلدىرۋدىڭ تۇعىرى ەتىپ، تەكسەرۋ - باعالاۋ مەحانيزمىن اقاۋسىزداندىرىپ، كوڭىل ءبولۋ، قامقورلىق جاساۋ سەرپىنىن كۇشەيتىپ، شىنايى سۇيىسپەنشىلىكپەن ۇلەس قوساتىن، باتىلدىقپەن جاۋاپكەرلىك ارقالايتىن ادامدارعا كۇش - قۋات، ساحنا ازىرلەۋ كەرەك.

  يوۋ چۋان ءماجىلىستى باسقاردى ءارى قورىتىندى ءسوز سويلەدى. ول جەر - جەردەن، تاراۋلاردان مىنالاردى تالاپ ەتتى: ساياسي تۇرعىنى جوعارىلاتىپ، يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتىنىڭ جاعدايى جونىندەگى تۇجىرىمىمەن بىرلىككە كەلتىرۋ، پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرۋ كەرەك. ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن بەكەمدەپ، سەلبەستىكتى، سايكەستىكتى ويداعىداي ىستەپ، ءتۇرلى شينجياڭعا كومەكتەسۋ مىندەتتەرىنىڭ جىنتىكتەي، ناقتاپ تياناقتاندىرىلۋىنا شىنايى كەپىلدىك ەتۋ كەرەك.

  چىن چۋانگو، باتىر ماجىلىسكە قاتىناستى. شينجياڭعا كومەكتەسەتىن 19 ولكە، قالانىڭ، ورتالىقتىڭ قاتىستى تاراۋلارى مەن ورىندارىنىڭ، شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ، سونداي - اق كومەك قابىلداعان ايماق، وبلىس، قالا، شىلاردىڭ جاۋاپتى جولداستارى ماجىلىسكە قاتىناستى. اۆتونوميالى رايوننىڭ، بيڭتۋاننىڭ، وقۋ - اعارتۋ مينيسترلىگىنىڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جانە بەيجيڭ، شاڭحاي، گۋاڭدۇڭ، جىجياڭ، شاندۇڭ، حۋبەي، حىنان سياقتى ولكە، قالالاردىڭ جاۋاپتى جولداستارى ماجىلىستە ءسوز سويلەدى.

  حوتانداعى كەزىندە، ۋاڭ ياڭ تاعى شينجياڭعا باعىتتامالى كومەكتەسۋ قىزمەتىنىڭ جەتىستىكتەرى كورمەسىن ەكسكۋرسيالادى، قاتىستى ورىندار مەن كاسىپورىنداردى تەكسەردى، كەدەيلىكتەن ارىلعان وتباسىلارىنا امانداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.