تيانشان تورى   ›   جاڭالىقتار   ›   شينجياڭ حابارلارى

كوكەيدە بەرىك ساقتاپ، العىس ايتىپ، ەكپىندەي العا ىلگەرىلەيىك

 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى رايونىمىزدا كۇشتى اڭىس قوزعادى

  7 - ايدىڭ 14 - كۇنىنەن 16 - كۇنىنە دەيىن، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى حوتاندا اشىلدى. ءماجىلىستىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەندىگىن، شينجياڭداعى ءار ۇلت كادر - بۇقاراسىنا دەگەن ىقىلاستى قامقورلىعىن تولىق ايگىلەپ، رايونىمىز قوعامىنداعى ءار سالادا كۇشتى اڭىس قوزعادى. كوپشىلىك ءبىر اۋىزدان بىلاي دەپ قارادى: شينجياڭعا باعىتتامالى كومەكتەسۋ قىزمەتىن ورىستەتۋ − پارتيا ورتالىق كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن كوزدەي وتىرىپ العا قويعان كەلەلى شەشىمى، ورنالاستىرۋى، ول سوتسياليستىك ءتۇزىمنىڭ ابزالدىلىعىن بارىنشا ايگىلەدى، شينجياڭداعى ءار ۇلت حالقى مۇنى ماڭگى كوكەيلەرىندە بەرىك ساقتايدى، بۇل قاشاندا ءبىزدى العىس ايتىپ، ەكپىندەي العا ىلگەرىلەۋگە، ۋاقىت كۇتىپ تۇرمايدى دەيتىن رۋحپەن تىڭعىلىقتى تۇردە قۇلشىنا قىزمەت ىستەپ، شينجياڭنىڭ ءتىپتى دە كوركەم بولاشاعىن جاراتۋ ءۇشىن كۇش - قۋات ارناۋعا شابىتتاندىرۋدا.

سوتسياليستىك ءتۇزىمنىڭ ابزالدىلىعىنىڭ جاندى بەينەلەنۋى

  ”7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى حوتاندا اشىلدى، بۇل ءبىزدى اسا شاتتاندىردى!“ حوتان ايماقتىق پارتكومنىڭ مۇشەسى، باس حاتشى زوۋ ي - ۋي بىلاي دەدى: پارتيا ورتالىق كوميتەتى ەجەلدەن شينجياڭ قىزمەتىنە ايرىقشا ءمان بەرىپ كەلەدى، شينجياڭعا باعىتتامالى كومەكتەسۋ قىزمەتى − سوتسياليستىك ءتۇزىمنىڭ ابزالدىلىعى جونىندەگى ەڭ جاقسى تۇسىنىك، سونداي - اق شينجياڭنىڭ ەكونوميكالىق، قوعامدىق دامۋىن ىلگەرىلەتۋدەگى ماڭىزدى شارا، جۇرت تىلەگىن اناعۇرلىم توعىستىرىپ، ۇلتتار ىنتىماعىن بەكەمدەۋدەگى ماڭىزدى ارنا، حوتانداعى ءار ۇلت حالقى ءتىپتى دە جاقسى بەينەمەن، ءتىپتى دە ناقتى ستيلمەن، شينجياڭعا باعىتتامالى كومەكتەسۋ قىزمەتىن جىنتىكتەي، ناقتاپ تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ جاڭا ساتىعا كوتەرىلۋىن ىلگەرىلەتەدى.

  ”شينجياڭعا باعىتتامالى كومەكتەسۋ قىزمەتىن ورىستەتۋ − پارتيا ورتالىق كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن كوزدەي وتىرىپ جاساعان كەلەلى شەشىمى، ورنالاستىرۋى، سونداي - اق شينجياڭداعى ءار ۇلت حالقىنىڭ شىنايى ءۇمىتى“. ۇلۇقشات اۋدانى مايقاق باسقارۋ كوميتەتى پارتيا قىزمەت كوميتەتىنىڭ شۋجيى حى جوۋيۇي بىلاي دەدى: اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ويداعىداي ىستەۋ جونىندە جاپپاي ورنالاستىرۋ جاسادى، شينجياڭعا باعىتتامالى كومەكتەسۋ قىزمەتى باس نىسانانى مىقتاپ ارقاۋ ەتىپ، ورنىن اناعۇرلىم ايقىن تۇراقتاندىرىپ، ماڭىزدى ءتۇيىندى اناعۇرلىم كورنەكتىلەندىرىپ، شارالاردى اناعۇرلىم دالمە - ءدال قولدانىپ، شينجياڭنىڭ ەكونوميكالىق، قوعامدىق دامۋىنا كۇشتى قوزعاۋشى كۇش سيلادى، ءار ۇلت حالقى مول تابىس سەزىمىن سەزىندى.

  ”شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، ءبىز ماڭايىمىزداعى وزگەرىستەردى شىنايى سەزىندىك، حالىق تۇرمىسىنا تيىمدىلىك جاسايتىن، نەگىزدى كۇشەيتەتىن، جۇمىستانۋدى جەبەيتىن ءبىر توپ نىسان تەرەڭ تامىر تارتىپ، ناقتاپ تياناقتانىپ، بۇقارا كوڭىل بولەتىن ماسەلەلەر ءبىر جايلى ەتىلىپ، شينجياڭعا باعىتتامالى كومەكتەسۋ دالمە - ءدال كۇش ۇستەپ، بىزگە شينجياڭعا كومەكتەسۋ سۇيىسپەنشىلىگىنىڭ توعىسقاندىعىن، شينجياڭعا كومەكتەسۋ كۇشىنىڭ ۇيىسقاندىعىن شىنايى سەزىندىردى“، - دەدى التاي ايماقتىق پارتكوم سىرتقى ۇگىت كەڭسەسىنىڭ مەڭگەرۋشىسى لياڭ جىميڭ.

 شينجياڭعا كومەكتەسۋ الا كەلگەن وزگەرىستەردى كورىپ - بىلۋگە، سەزىنۋگە بولادى

  ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان مىنانى ءبىلدىردى: شينجياڭنىڭ كەڭ - بايتاق دالاسىندا تۋىلعان ءاربىر وزگەرىستەرگە پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قول جەتكەن، اۆتونوميالى رايوندىق پارتكومنىڭ بۇكىل شينجياڭداعى قالىڭ كادر - بۇقارانى ىنتىماقتاسا كۇرەس جۇرگىزۋگە ىنتىماقتاستىرا باستاۋىنىڭ ارقاسىندا قول جەتكەن، مۇنى شينجياڭعا كومەكتەسەتىن ولكە - قالالاردىڭ زور كۇشپەن قولداۋ كورسەتۋىنەن بولە قاراۋعا بولمايدى. ”پارتيا ورتالىق كوميتەتىنىڭ ەجەلدەن بەرگى قامقورلىعى مەن قولداۋى بولماسا، شينجياڭداعى ءار ۇلت حالقىنىڭ بۇگىنگىدەي باقىتتى تۇرمىسى دا بولماس ەدى“.

  قورعاس اۋداندىق ساۋدا ىستەرى، ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى ليۋ يان بىلاي دەپ تانىستىردى: قورعاس اۋدانى جاقىنعى بىرنەشە جىلدا كاسىپ ارقىلى شينجياڭعا كومەكتەسۋ بويىنشا ەنگىزگەن توقىماشىلىق، كيىم - كەشەك، ەلەكتروندىق قۇراستىرۋ قاتارلى ەڭبەك شوعىرلانعان كاسىپورىندار ارقىلى 3000نان استام ادامنىڭ جۇمىستانۋىن شەشتى، ولاردىڭ %90تەن استامى ايەلدەر. ”بۇل وتباسى ايەلدەرى كاسىپ جۇمىسشىلارىنا اينالىپ، ونەر ۇيرەنىپ قانا قالماستان، وتباسىنداعى جارتى الەمدىك رولدارىن ساۋلەلەندىردى، رۋحاني بەت - بەينەلەرىندە دە زور وزگەرىستەر تۋىلدى، ولار تۇرمىستارىنىڭ كۇننەن - كۇنگە جاقساراتىندىعىنا كامىل سەنەدى! “، - دەدى ليۋ يان.

  اقتاۋ اۋدانى شارلۇڭ اۋىلىنداعى مامەتايسا ايتاحۇن مەن جۇبايى ايىمحان باكىر ەكەۋى دە جياڭشي ولكەسىنىڭ شينجياڭعا كومەكتەسۋىنىڭ يگىلىگىنە كەنەلگەندەر. 2015 - جىلى ولار شينجياڭعا كومەكتەسۋشى كادرلاردىڭ سايكەستىرۋىمەن، تۇڭعىش رەت اۋىلدان الىستاپ، جياڭشيدەگى ءبىر اۆتوكولىك ءوندىرۋ كاسىپورنىنا بارىپ قىزمەت ىستەيدى. ايەلى مەن ەكەۋىنىڭ ايلىق كىرىسى 4000 − 5000 يۋان، بۇل ۇيدە مال باعىپ تاپقان كىرىستەن الدەقايدا جوعارى. سودان باستاپ مامەتايسا مەن ايەلى تاۋدان شىقپاي تىرشىلىك كەشىرەتىن كۇندەرگە قوش ايتتى، جىل سايىن بەلسەنە سىرتقا شىعىپ جۇمىس ىستەدى. ”وسى بىرنەشە جىلدا، ماڭايىمىزدا شينجياڭعا كومەكتەسەتىن ولكە، قالالارعا بارىپ جۇمىس ىستەگەن اۋىلداستارىمىز بارعان سايىن كوبەيدى، كوپشىلىكتىڭ يدەياسىندا، كوزقاراسىندا وزگەرىستەر بولدى، كىرىستەرى ارتتى، بارلىعى دا تاماشا تۇرمىسقا قاراي قۇلشىندى، شينجياڭعا كومەكتەسۋ قىزمەتى، شىنىندا، زور رول اتقاردى!“، - دەدى مامەتايسا.

 العىس سەزىمىن قايراتتانا العا ۇمتىلاتىن كۇش - قۋاتقا اينالدىرامىز

  اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى شۇي بين بىلاي دەدى: 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ورنىقتىلىق بارىسىندا العا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ەكونوميكالىق دامۋ مەن حالىق تۇرمىسىن جاقسارتۋدى نەگىز ەتۋگە تاباندى بولىپ، جۇرت تىلەگىن توعىستىرۋدى ماقسات ەتۋگە تاباندى بولىپ، تۇلعالىق رولدى شىن مانىندە ساۋلەلەندىرىپ، تالاپتانا العا ۇمتىلاتىن رۋحاني بەت - بەينە جانە تىڭعىلىقتى دا پارمەندى قىزمەت شاراسىمەن، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا جاڭا دا اناعۇرلىم كەسەك ۇلەستەر قوسامىز.

  اقسۋ ايماقتىق اكىمشىلىك مەكەمەسىنىڭ ورىنباسار ءۋاليى امەرجان اۋىت بىلاي دەدى: اقسۋ ايماعى يدەيا مەن ارەكەتتى ءماجىلىس رۋحىمەن بىرلىككە كەلتىرىپ، الما، جاڭعاق، شىلان، المۇرت، قارا ساڭىراۋقۇلاق سياقتى ەرەكشە كاسىپتەردى دامىتۋعا كۇش سالىپ، كەدەيلەردى سۇيەمەلدەۋ ارقىلى شينجياڭعا كومەكتەسۋدىڭ ءتۇيىلىسۋ، ۇشتاسۋ تەبىنىن ارتتىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ءوز ۋاعىندا قول جەتكىزۋگە شىنايى كەپىلدىك ەتەمىز.

  قاعىلىق اۋداندىق اۋىل شارۋاشىلىعى ماشينالارىن باسقارۋ مەكەمەسى پارتيا باسشىلىق گرۋپپاسىنىڭ شۋجيى تۇرسۇنجان مامەتالي بىلاي دەدى: ءبىز وسى رەتكى ءماجىلىستىڭ رۋحىن جاقسى تياناقتاندىرىپ، شينجياڭعا كومەكتەسۋ بايلىعىنان جاندى پايدالانىپ، جاقسى پايدالانىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ۇلەس قوسامىز.

  تارباعاتاي ايماقتىق پارتكوم اقپارات ورتالىعى، اكىمشىلىك مەكەمەسى اقپارات كەڭسەسىنىڭ مەڭگەرۋشىسى سۇي جيڭ بىلاي دەدى: ”تارباعاتايداعى ءار ۇلت بۇقاراسىنىڭ جۇرەگى تەرەڭ العىس سەزىمىنە تولى، وسى رياسىز سۇيىسپەنشىلىكتىڭ تاماشا تۇرمىس جاراتىپ، كورىكتى مەكەندى قۇرۋداعى بەلسەندى ارەكەتكە اينالاتىنى داۋسىز.“

  (تىلشىلەر يۋان لەي، شى شين، جاڭ تيڭ، ليۋ دۇڭلاي، ۋاڭ شيڭرۇي، چىن چىن، جاڭ جىلي، حى ليڭ، لي داۋجۇڭ جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.