− جاڭا داۋىردەگى شينجياڭعا باعىتتامالى كومەكتەسۋ قىزمەتىن جاقسى ىستەۋ جونىندە
شينجياڭ گازەتىنىڭ شولۋشىسى
7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى جاڭا داۋىردەگى شينجياڭ قىزمەتىن جاقسى ىستەۋ جونىندە جاڭا تالاپتاردى العا قويىپ، جاڭا ورنالاستىرۋلار جاسادى. بۇل رەتكى ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرگەندىگىن، شينجياڭداعى ءار ۇلت حالقىنا دەگەن شىن ىقىلاستى قامقورلىعىن تولىق ايگىلەدى، شينجياڭداعى ءار ۇلت كادر - بۇقاراسى ايرىقشا مەيىردى سەزىنىپ، العىس سەزىمى كوكەيگە ۇيالادى.
بولماشى ىستەرگە دەيىن كوڭىل ءبولىنىپ، قامقورلىق جاسالدى. پارتيا ورتالىق كوميتەتى ەجەلدەن شينجياڭ قىزمەتىنە ايرىقشا ءمان بەرىپ كەلەدى، اسىرەسە، پارتيا 18 - قۇرىلتايىنان بەرى شينجياڭنىڭ ورنىقتىلىعى، دامۋى، ۇلتتار ىنتىماعى، حالىق تۇرمىسىن جاقسارتۋ باس شۋجي شي جينپيڭنىڭ ەسىنەن ەش كوتەرىلگەن ەمەس، باس شۋجي شينجياڭ قىزمەتىنىڭ پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىنعا يە ەكەندىگىن باستان - اياق باسا دارىپتەپ، شينجياڭ قىزمەتى جونىندە ءبىر قىدىرۋ ماڭىزدى نۇسقاۋ بەرىپ، بەكىتۋ جاساپ، شينجياڭنىڭ ورنىقتىلىعى مەن دامۋىنىڭ شەشۋشى كەزىندە شينجياڭعا قىزمەت تەكسەرە كەلدى، سونداي - اق ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، قوعام ورنىقتىلىعى مەن باياندى تىنىشتىق سىندى وسى ءبىر شينجياڭ قىزمەتىنىڭ باس نىساناسىن ايقىنداپ، شينجياڭنىڭ ورنىقتىلىعى، دامۋى، بۇقارانىڭ باقىتى جولىندا مول اقىل - پاراسات جۇمساپ، قان - تەرىن ءسىڭىردى. شينجياڭعا باعىتتامالى كومەكتەسۋ قىزمەتى بۇكىل پارتيانىڭ اقىل - پاراساتىن ۇيىستىرىپ، بۇكىل ەلدىڭ كۇشىن جۇمىلدىرا وتىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جوبالادى جانە ىلگەرىلەتتى، بۇل پارتيا ورتالىق كوميتەتىنىڭ شينجياڭ قىزمەتىنە ەرەكشە زور قولداۋ كورسەتۋى، شينجياڭداعى ءار ۇلت حالقىنا ەرەكشە قامقورلىعى سانالادى.
جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، پارتيا ورتالىق كوميتەتىنىڭ پارمەندى باسشىلىعىندا، ورتالىق پەن مەملەكەت ورگاندارى، ورتالىق كاسىپورىندارى، شينجياڭعا كومەكتەسەتىن ولكە، قالالار قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، پارتيا ورتالىق كوميتەتىنىڭ شينجياڭعا كومەكتەسۋ قىزمەتى جونىندەگى ءتۇرلى شەشىمدەرى مەن ورنالاستىرۋلارىن باتىل دايەكتىلەندىردى، تياناقتاندىردى: كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتۋدى ماڭداي الدى مىندەت ەتۋگە تاباندى بولعاندىقتان، ءار ۇلت بۇقاراسىنىڭ ءوندىرىس، تۇرمىس ورەسى ۇزدىكسىز جوعارىلادى؛ كاسىپ ارقىلى شينجياڭعا كومەكتەسىپ جۇمىستاندىرۋعا باستاۋعا تاباندى بولعاندىقتان، كومەك قابىلداعان جەرلەردىڭ ەكونوميكاسىنىڭ، دامۋىنىڭ ىشكى قوزعاۋشى كۇشى ۇزدىكسىز كۇشەيدى؛ وقۋ - اعارتۋدى ماڭداي الدى ورىنعا قويۋ پرينسيبىنە تاباندى بولعاندىقتان، شينجياڭ وقۋ - اعارتۋىنىڭ دامۋ ورەسى زور دارەجەدە جوعارىلادى؛ ماڭگى كەتپەيتىن قوسىن قۇرۋعا تاباندى بولعاندىقتان، شينجياڭنىڭ كادر - دارىندىلار قوسىنى ساپاسى پارمەندى جوعارىلادى؛ ۇلتتار ىنتىماعىن جەبەۋگە تاباندى بولعاندىقتان، ءار ۇلتتىڭ ارالاسۋى، ىشتەسۋى، توعىسۋى كۇن سايىن قويۋلادى؛ نەگىزگى ساتىنى، نەگىزدى بەكەمدەۋگە تاباندى بولعاندىقتان، شينجياڭنىڭ نەگىزگى ساتى ۇيىمدارىنىڭ ۇيىسۋ قۋاتى، جاۋىنگەرلىك قۋاتى ۇزدىكسىز كۇشەيدى. كەڭ - بايتاق شينجياڭ دالاسىنىڭ بارلىق جەرىنەن شينجياڭعا كومەكتەسەتىن ولكە، قالالار مەن ورىنداردىڭ تاباندىلىقپەن قۇلشىنا ىستەگەن ەڭبەگى كەزدەستى، شينجياڭعا باعىتتامالى كومەكتەسۋدىڭ بەرگەن ماۋەلى جەمىسى بارلىق جەردە كوزگە ءتۇستى. توپ - توپ شينجياڭعا كومەكتەسەتىن كادر - دارىندىلار ءوز ومىرلەرىندەگى ەرەكشە قاستەرلى كەزدەردى شينجياڭداعى ءار ۇلت حالقىنا ارنادى.
جاڭا كەزەكتى شينجياڭعا باعىتتامالى كومەكتەسۋدە بولىنگەن قارجىنىڭ مولدىعى، قاتىناسقان ادامداردىڭ كوپتىگى، قامتيتىن كولەمىنىڭ كەڭدىگى بۇرىن كەزىكپەگەن دارەجەدە بولىپ، تيانشاننىڭ تۇستىگى مەن تەرىستىگىنىڭ دامۋ بەينەسىندە وراسان زور وزگەرىس تۋدىرىپ، ءار ۇلتتىڭ ارالاسۋىن، ىشتەسۋىن، توعىسۋىن ايرىقشا جەبەپ، ءار دارەجەلى كادرلاردى بارىنشا شىڭداپ، پارتيا مەن بۇقارانىڭ ەتەنە بايلانىسىن قويۋلاستىرىپ، سوتسياليستىك ءتۇزىمنىڭ وراسان زور ابزالدىلىعىن بارىنشا ايگىلەدى. فاكت شينجياڭعا باعىتتامالى كومەكتەسۋدىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى شاراسى ەكەندىگىن تولىق دالەلدەدى.
بالىق سۋدىڭ قادىرىن بىلگەندەي، باقىتتىڭ دا قاينارىن ءبىلۋىمىز كەرەك. شينجياڭعا باعىتتامالى كومەكتەسۋ شينجياڭداعى ءار ۇلت حالقىنا باقىت جاراتاتىن ۇلى ءىس، ول شينجياڭداعى ءار ۇلت كادر - بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن بارىنشا ارتتىردى. شينجياڭداعى ءار ۇلت حالقى شينجياڭعا كومەكتەسۋدىڭ مول تابىستارىن ماڭگى قاستەرلەپ، پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىنا ماڭگى العىس ايتادى، سونداي - اق وسى العىس سەزىمىن ىنتىماقتاسا ەكپىندەي العا ىلگەرىلەۋدىڭ قۇدىرەتتى قوزعاۋشى كۇشىنە اينالدىرىپ، ”ءتورت تانىم“دى تىنباي كۇشەيتىپ، ”ءتورت سەنىم“دى تىنباي بەكەمدەپ، ”ەكىنى قورعاۋ“دى ورىندايدى، شينجياڭ استانا بەيجيڭنەن شالعاي بولعانىمەن، اۆتونوميالى رايوندىق پارتكومنىڭ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت بۇقاراسىنىڭ تىلەگى قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسقاندىعىن، تىعىز توعىسقاندىعىن باتىل جۇزەگە اسىرادى، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ىنتىماقتى، جاراسىمدى، كوركەيگەن، باي، وركەنيەتتى، العا باسقان، حالىق تىنىش ءومىر، شات - شادىمان تىرشىلىك كەشەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەسەدى.
