تيانشان تورى   ›   جاڭالىقتار   ›   شينجياڭ حابارلارى

وتانىمىزدىڭ شينجياڭىن ءتىپتى دە كورىكتى ەتىپ قۇرىپ شىعايىق

− باس شۋجي شي جينپيڭنىڭ ىشكى موڭعۇلدا قىزمەت تەكسەرگەندە ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋگە جەتەكشىلىك ەتكەندە سويلەگەن ماڭىزدى ءسوزى رايونىمىزدا قىزۋ اڭىس قوزعادى

  باس شۋجي شي جينپيڭنىڭ ىشكى موڭعۇل اۆتونوميالى رايونىندا قىزمەت تەكسەرگەندە ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋگە جەتەكشىلىك ەتكەندە سويلەگەن ماڭىزدى ءسوزى رايونىمىزدا قىزۋ اڭىس قوزعادى. كوپشىلىك مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامىزدى قارۋلاندىرىپ، اۋەلگى ماقسات پەن بورىشتى ەستە بەرىك ساقتاپ، جاڭا دامۋ ۇستانىمىن تياناقتاندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، وتانىمىزدىڭ شينجياڭىن ءتىپتى دە كورىكتى ەتىپ قۇرىپ شىعامىز.

”ءتورتتى تىڭعىلىقتى جۇرگىزۋ“دى يگەرىپ، نەگىزگى تاقىرىپتىق تاربيەسىن ىشكەرىلەي ويداعىداي ورىستەتەيىك

  باس شۋجي شي جينپيڭ بىلاي دەپ اتاپ كورسەتتى: رايوندار، تاراۋلار نەگىزگى تاقىرىپتىق تاربيەنى ورىستەتۋدە ”ءتورتتى تىڭعىلىقتى جۇرگىزۋ“دى يگەرۋگە ءمان بەرۋ كەرەك. بۇل رايونىمىزداعى ءارقايسى تاراۋلاردىڭ، ورىنداردىڭ نەگىزگى تاقىرىپتىق تاربيەسىن اناعۇرلىم ويداعىداي ورىستەتۋىنە بەتالىس ايقىنداپ، بويسۇنۋ ولشەمىن ازىرلەپ بەردى.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى ليۋ جيانگو بىلاي دەدى: دەنساۋلىق ساقتاۋ، سالاماتتىق كوميتەتىندەگى پارتيالى كادرلار باس شۋجيدىڭ ”ءتورتتى تىڭعىلىقتى جۇرگىزۋ“دى يگەرۋ جونىندەگى تالابى بويىنشا، يدەيالىق تانىمدى بارىنشا كۇشەيتىپ، كورنەكتى ماسەلەلەردى بارىنشا قاداعالاپ، قايىرىلا ويلانىپ، رەتتەۋ - تۇزەتۋدى، تياناقتاندىرۋدى بارىنشا جاقسى يگەرىپ، نەگىزگى جاۋاپتى جولداس ءبىرىنشى جاۋاپكەر ادام بولۋ جانە القا مۇشەلەرىندە ”ءبىر قىزمەت ورىن، قوس جاۋاپكەرشىلىك“ بولۋ مىندەت جاۋاپكەرشىلىگىن ويداعىداي اتقارىپ، ۇيرەنۋ تاربيەسىن جانە تەكسەرۋ - زەرتتەۋدى تەرەڭدەتۋ نەگىزىندە، نازاردى دەنساۋلىق ساقتاۋ، سالاماتتىق ىستەرىن دامىتۋعا ىقپال جاسايتىن جانە تۇساۋ بولاتىن كورنەكتى ماسەلەلەرگە ءتۇيىندى شوعىرلاندىرىپ، بۇقارالىق كوزقاراس پەن بۇقارالىق لۋشياندى ناقتى ءىس - ارەكەتىمىزدە تياناقتاندىرىپ، ءار ۇلت بۇقاراسىنا اناعۇرلىم مول تابىس سەزىمىن، باقىت سەزىمىن، حاۋىپسىزدىك سەزىمىن سيلايمىز.

  اۆتونوميالى رايوندىق پارتكوم كەڭسەسى جالپىلىق 4 - باسقارماسىنىڭ كادرى نۇرلان باقىتنۇر بىلاي دەدى: ”ءبىز وسى رەتكى نەگىزگى تاقىرىپتىق تاربيەسىن وراي ەتىپ، ۇيرەنۋدى باستان - اياق دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ تۇسىنىگىمىزدى ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دۇرىس دايەكتىلەندىرۋىمىز؛ جوعارى ولشەم، قاتاڭ تالاپ قويۋعا تاباندى بولىپ، وزىمىزدەگى يدەيالىق ويانۋ، قابىلەت ساپاسى، ءمورالدىق جەتىلىم، ستيلدىك وبراز سياقتى جاقتاردا ساقتالىپ وتىرعان ماسەلەلەردى ءدال تاۋىپ، رەتتەۋ - تۇزەتۋدى تياناقتاندىرۋدى مۇقيات، ويداعىداي يگەرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ءتيىستى ۇلەسىمىزدى قوسۋىمىز كەرەك“.

جاڭا دامۋ ۇستانىمىن تياناقتاندىرىپ، جوعارى ساپالى دامۋدى ىلگەرىلەتەيىك

  باس شۋجي شي جينپيڭ بىلاي دەپ باسا دارىپتەدى: اۋەلگى ماقسات پەن بورىشتى ەستە بەرىك ساقتاپ، حالىقتى وزەك ەتكەن دامۋ يدەياسىن دايەكتىلەندىرىپ، جاڭا دامۋ ۇستانىمىن تياناقتاندىرىپ، ورنىقتى ارتۋدىڭ، رەفورمانى ىلگەرىلەتۋدىڭ، قۇرىلىمدى رەتتەۋدىڭ، حالىق تۇرمىسىنا تيىمدىلىك جاساۋدىڭ، حاۋىپ - قاتەردەن ساقتانۋدىڭ، ورنىقتىلىقتى ساقتاۋدىڭ ءتۇرلى قىزمەتتەرىن ويداعىداي ىستەۋ كەرەك.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ناقتى قىزمەتتەرىمىزدى ىلگەرىلەتەتىن ءىس جۇزىندىك ارەكەتكە اينالدىرىپ، جاساۋ كاسىبىنىڭ جوعارى ساپالى دامۋىن كۇش سالا جوعارىلاتىپ، ينفورماتسيا تەحنيكاسى مەن جاساۋ كاسىبىنىڭ توعىسا دامۋىن جەدەلدەتىپ، جاڭالىق اشۋ جۇيەسى قۇرىلىسىن ىشكەرىلەي ىلگەرىلەتىپ، ونەركاسىپتە ەنەرگيا ۇنەمدەۋ، شىعىندى ازايتۋ، وزگەرتىپ قۇرۋدى ورىستەتىپ، اۆتونوميالى رايوننىڭ ونەركاسىپ ءتۇيىندى سالالارىنىڭ، ءتۇيىندى كاسىپورىندارىنىڭ اينالىمىن قاداعالاۋدى، سارالاۋدى كۇشەيتىپ، كاسىپورىننىڭ دامۋ بارىسىندا بايقالعان جاڭا اۋقىم، جاڭا جاعداي، جاڭا ماسەلەلەردى دەر كەزىندە يگەرىپ ءارى ءادىس - امال، ۇسىنىستاردى ورتاعا سالۋمەن بىرگە، ورتا، شاعىن كاسىپورىندار مەن حالىق باسقارۋىنداعى شارۋاشىلىقتى بەلسەندى ىلگەرىلەتەمىز.

  ”شينجياڭ − وتانىمىزدىڭ باتىس سولتۇستىگىندەگى ماڭىزدى ەكولوگيالىق حاۋىپسىزدىك قالتقىسى، ءبىز باس شۋجيدىڭ تالابى بويىنشا، وسى جاسىلدىقتى، وسى كوك ءتۇستى، وسى مولدىرلىكتى ويداعىداي قورعاپ، ەكولوگيانى الدىڭعى ورىنعا قوياتىن، جاسىل دامۋ جولىمەن بۇلجىماستان ءجۇرىپ، جاسىل تاۋى ماساتىداي قۇلپىرىپ تۇراتىن، تۇنىق سۋى توقتاۋسىز اعىپ جاتاتىن، اۋاسى تاپ - تازا تۇراتىن كورىكتى شينجياڭدى قۇلشىنا قۇرامىز“. اۆتونوميالى رايوندىق حالىق قۇرىلتايى تۇراقتى كوميتەتى قورشاعان ورتا جانە بايلىقتى قورعاۋ قىزمەت كوميتەتىنىڭ ورىنباسار مەڭگەرۋشىسى باعىت امانبەك بىلاي دەدى: ءبىز شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرۋىمىز، تياناقتاندىرۋىمىز، ەكولوگيالىق وركەنيەت قۇرىلىسىنىڭ ءتۇرلى شارالارىن ناقتى تياناقتاندىرىپ، قاتىستى زاڭداردى اتقارۋ، تەكسەرۋ تەبىنىن ارتتىرىپ، جاسىل ءتۇستى شينجياڭنىڭ دامۋىنىڭ وزگەرمەيتىن استار بوياۋى ەتۋىمىز كەرەك.

  ”باس شۋجي شي جينپيڭنىڭ ىشكى موڭعۇلدىڭ ۇلانحاد قالاسى حارچين حوشۇنى ما - انشان ورمان الاڭىندا قىزمەت تەكسەرگەندە سويلەگەن ءسوزى، ءبىزدىڭ كوكياردى، ءبىزدىڭ ەكولوگيالىق قۇرىلىس جۇرگىزگەن 30 نەشە جىلدىق جاپالى بارىستى ەسىمە سالدى، تەرەڭ اسەر قالدىردى“. اقسۋ ايماقتىق ورمان شارۋاشىلىعى جانە جايلىم مەكەمەسى پارتكومىنىڭ شۋجيى لي شينبين بىلاي دەدى: ءبىز باس شۋجيدىڭ ۇمىتىنەن شىعىپ، ەكولوگيالىق قۇرىلىستا باستالۋ ءتۇيىنى بولاتىندىعىن، اياقتالۋ ءتۇيىنى بولمايتىندىعىن، ەكولوگيالىق وركەنيەت قۇرىلىسى ماڭگى توقتامايتىندىعىن ماڭگى ەسىمىزدە ساقتاپ، ەكولوگيالىق وركەنيەت قۇرىلىسىن ۇزدىكسىز ىلگەرىلەتۋىمىز كەرەك.

  ”جىل باسىنان بەرى، رايونىمىز قىستاق تازالىعى قيمىلىن جاپپاي ورىستەتىپ، اۋىل - قىستاقتاردىڭ تۇرمىستىق قوقىر - قوقسىقتارىن تازالاۋ، تاسىپ اكەتۋ، اۋلا تازالىعىن ويداعىداي ىستەۋ نەگىزىندە، ءىس جۇزىندىكپەن بىرلەستىرىپ، قىستاقتىڭ قورشاعان ورتاسىن جاسىلداندىرۋ، كوركەيتۋ، اۋىل - قىستاقتارداعى حاۋىپتى ۇيلەردى بۇزۋ سياقتى قيمىلداردى ورىستەتىپ، اۋىل - قىستاقتاردىڭ كەلبەتىندە قۋانارلىق وزگەرىستەر جارىققا شىقتى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل - قىستاقتاردىڭ قوعامدىق ىستەرىن جەبەۋ باسقارماسىنىڭ باستىعى ياڭ گۋانيۇڭ بىلاي دەدى: ”ءبىز باس شۋجيدىڭ تالابى بويىنشا، قىستاقتاردىڭ قورشاعان ورتاسىن كۇشىمىزدى شوعىرلاندىرىپ رەتتەپ - تۇزەتىپ، اۋىل - قىستاقتاردىڭ قونىس ورتاسىن رەتتەۋ - جونگە سالۋدا تىڭ ىلگەرىلەۋشىلىككە قول جەتكىزۋدى ىلگەرىلەتۋىمىز كەرەك“.

ۇلتتار ىنتىماعى ۇلى تۋىن بيىك ۇستايىق

  باس شۋجي شي جينپيڭ بىلاي دەپ باسا دارىپتەدى: ۇلتتار ىنتىماعى ۇلى تۋىن بيىك ۇستاپ، پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءوزارا قارايلاسۋ، ءبىر - بىرىنە كومەكتەسۋ ۇستانىمىن جۇزەگە اسىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت حالقىن پارتيانىڭ توڭىرەگىنە تىعىز ىنتىماقتاستىرۋ كەرەك.

  ءۇرىمجى كەدەننىڭ باستىعى ديڭ جيباۋ مىنالاردى ءبىلدىردى: اۆتونوميالى رايوننىڭ ”ۇلتتار ىنتىماعى بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ورىستەتىلگەننەن بەرى، ءۇرىمجى كەدەنى بەلسەنە ءۇن قوسىپ، بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ ارقىلى ورگان كادرلارى مەن تۋىستار بارعان سايىن ەتەنە بولا ءتۇستى. باس شۋجيدىڭ تالابى بويىنشا، ءبىز ۇلتتار ىنتىماعى، العاباسارلىعى تاربيەسىن اناعۇرلىم تەرەڭدەتىپ، ءار ۇلت حالقىن پارتيانىڭ توڭىرەگىنە تىعىز ىنتىماقتاستىرىپ، تاماشا تۇرمىستى ورتاق جاراتۋىمىز كەرەك.

  ”ءبىز باستان - اياق ۇلتتار ىنتىماعى، العاباسارلىعى تاربيەسى وزات ورنىن قۇرۋ قيمىلىنا وسكەلەڭ ءمان بەرىپ كەلەمىز. جۇپ قۇراپ، تۋىس بولۋدى جاپپاي جالپىلاستىرۋدى ورىنداۋمەن ءبىر ۋاقىتتا، الەۋمەتتىك اۋماق ۇلتتار ىنتىماعى اۋلاسىن، تۇرعىندار عيماراتىن جانە وتباسىن بەلسەندىلىكپەن قۇرىپ، كوپشىلىكتىڭ بارىس - كەلىس جاساۋ، اڭگىمە دۇكەنىن قۇرۋ، ءان ايتۋ بارىسىندا تۇسىنىكتەرىن ارتتىردىق، سۇيىسپەنشىلىكتەرىن كۇشەيتتىك.“ ءۇرىمجى قالاسى تيانشان رايونى ارداۋچياۋ اۋماعى باسقارۋ كوميتەتىنىڭ گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى ليۋ بو بىلاي دەدى: مۇنان كەيىن الەۋمەتتىك اۋماق ۇلتتار ىنتىماعى ۇلگىلەرىن تاربيەلەۋدى جانە جەتىلدىرۋدى اناعۇرلىم كۇشەيتىپ، ءار ۇلت بۇقاراسىنىڭ سۇيىسپەنشىلىگىن ونان ارى قويۋلاتىپ جانە توعىستىرىپ، ۇلتتار ىنتىماعى، العاباسارلىعى وزات ورنىن قۇرۋ قىزمەتىنىڭ ۇزدىكسىز تەرەڭدەۋىن جەبەيدى.

  مادەنيەت − ءبىر مەملەكەتتىڭ، ءبىر ۇلتتىڭ جانى. اۆتونوميالى رايوندىق مادەنيەت جانە ساياحات مەڭگەرمەسى بەيزاتتىق مادەنيەت مۇرالارى باسقارماسىنىڭ باستىعى ۋاڭ جيە بىلاي دەدى: ”مەملەكەت پەن اۆتونوميالى رايون اۋەلدەن بەرى شينجياڭنىڭ بەيزاتتىق مادەنيەت مۇرالارىنا مۇراگەرلىك ەتۋگە جانە قورعاۋعا ءمان بەرىپ كەلەدى. قازىر شينجياڭنىڭ بىرلەسكەن مەملەكەتتەر ۇيىمى وقۋ - اعارتۋ، عىلىم - تەحنيكا، مادەنيەت ۇيىمىنىڭ ادامزاتتىڭ بەيزاتتىق مادەنيەت مۇرالارىنا ەنگەن ۋاكىلدىك تۋىندىلارى ءارى مەملەكەت دارەجەلى، اۆتونوميالى رايون دارەجەلى بەيزاتتىق مادەنيەت مۇرالارىنىڭ ۋاكىلدىك سيپاتتى نىساندارى بار بولىپ، عىلمي قورعاۋ جۇيەسىن قالىپتاستىردى. مۇنان كەيىن ءبىز ونان ارى قۇلشىنىس جاساپ، مادەنيەت پەن ساياحاتتىڭ توعىسۋىن تەرەڭدەتىپ، جۇڭحۋانىڭ تاڭداۋلى ءداستۇرلى مادەنيەتىنە ويداعىداي مۇراگەرلىك ەتەمىز، قورعايمىز جانە دامىتامىز“.

  (تىلشىلەر جاڭ يۇنمەي، لي لين، ميھرگۇل ناسىر، ما ينيڭ، لياڭ ليحۋا، جاڭ جىلي، ليۋ ي، چىن چياڭۋي، جاۋ چۇنحۋا، جاڭ يىڭچۇن جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.