تيانشان تورى   ›   جاڭالىقتار   ›   ەل ءىشى حابارى

ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسى   ارناۋلى رەتتەۋ - جونگە سالۋدى ورىستەتۋ جونىندە ورنالاستىرۋ جاسادى

  شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى. جۋىقتا ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسى «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى بارىسىندا ارناۋلى رەتتەۋ - جونگە سالۋدى ورىستەتۋ جونىندەگى حابارلاندىرۋ»دى باسىپ تاراتىپ، جەر - جەردەن، تاراۋلاردان، ورىنداردان باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، ماسەلەلەرگە دۇرىس قارايتىن سانالىلىقپەن جانە پىشاقتىڭ ءجۇزىن ىشكە قاراتاتىن باتىلدىقپەن شىنايى تۇردە ماسەلەلەردى شەشىپ، نەگىزگى تاقىرىپتىق تاربيەدە ورتاعا قويىلعان 8 جاقتاعى كورنەكتى ماسەلەلەردى ارناۋلى رەتتەۋ - جونگە سالۋدى شىنايى، ويداعىداي يگەرۋدى تالاپ ەتتى.

  حابارلاندىرۋدا مىنالار اتاپ كورسەتىلدى: بۇل رەتكى نەگىزگى تاقىرىپتىق تاربيەدە ارناۋلى رەتتەلەتىن - جونگە سالىناتىن 8 جاقتاعى كورنەكتى ماسەلەلەر پارتيا ورتالىق كوميتەتىنىڭ قازىر ىستەلىپ جاتقان ىستەرمەن بىرلەستىرە، نازاردى پارتيا ىشىندە ورىن تەپكەن كورنەكتى ماسەلەلەردى شەشۋگە شوعىرلاندىرا وتىرىپ جاساعان كەلەلى ورنالاستىرۋى، نەگىزگى تاقىرىپتىق تاربيەنىڭ ناقتى ناتيجەگە قول جەتكىزۋىنە شىنايى كەپىلدىك ەتۋدىڭ ماڭىزدى شاراسى. جەر - جەر، تاراۋلار، ورىندار ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ ساياسي دەڭگەيىنەن ارناۋلى رەتتەۋ - جونگە سالۋ قىزمەتىن ويداعىداي يگەرۋ كەرەك.

  حابارلاندىرۋدا مىنالار باسا دارىپتەلدى: 1 - توپتاعى ورىندار، ەڭ الدىمەن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا كورىنىستە قولداعانسىپ، كومەسكىدە قايشى كەلۋ سياقتى 5 جاقتاعى ماسەلەنى ارناۋلى رەتتەۋ - جونگە سالۋدى مىقتى يگەرۋ، سونىمەن بىرگە، قالا، اۋدان 2 دارەجەلى ورىندارعا باعىتتاي وتىرىپ، بۇقارانىڭ مۇددەسىن زيانداۋ سياقتى 3 جاقتاعى ماسەلەنى رەتتەۋ - جونگە سالۋعا ءمان بەرىپ، ماسەلەلەر ءتىزىمىن ءبىر - بىردەن ناقتىلاپ، سەبەپتى ءوز باسىنان ىزدەپ، رەتتەۋ - تۇزەتۋدى يگەرۋ؛ 2 - توپتاعى ورىندار الدىمەن قيمىلداپ، تۇزەتۋگە بولاتىندارىن جەدەل تۇزەتۋ كەرەك.

  حابارلاندىرۋدا مىنالار ورتاعا قويىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا كورىنىستە قولداعانسىپ، كومەسكىدە قايشى كەلۋ ماسەلەسىن رەتتەۋ - جونگە سالۋ كەرەك. دايەكتىلەندىرۋ، تياناقتاندىرۋ جاعدايى جونىندە ءوزىن تەكسەرۋ، وزىنە تۇزەتۋ جۇرگىزىپ، ءبىر - بىرلەپ سالالاپ، اشىق ەسەپ ورناتۋ كەرەك. مۇندا باستى ءتۇيىن، باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ تالابىن تياناقتاندىرعان - تياناقتاندىرماعاندىعىنا، ماسەلەلەردى شەشكەن - شەشپەگەندىگىنە، قازىرگى احۋالدىڭ وزگەرگەن - وزگەرمەگەندىگىنە قاراۋ كەرەك. تياناقتاندىرىلعاندارىنا قاراتا، بەكەمدەۋدى، جوعارىلاتۋدى مىقتى يگەرۋ؛ ءالى تياناقتانباعاندارىنا نەمەسە تياناقتاندىرىلۋى تىڭعىلىقتى بولماعاندارىنا قاراتا، ءبىر - بىرلەپ سەبەبىن تەكسەرىپ، ۋاقىت شەگىن، تالابىن جانە قىزمەت شاراسىن ايقىنداۋ؛ تىڭعىلىقتى بولماۋ، تياناقتاندىرماۋ ماسەلەلەرىنە قاراتا، جاعدايدى اجىراتا وتىرىپ جاۋاپقا تارتۋ كەرەك. رەتتەۋ - جونگە سالۋ جاعدايى جونىندە ارنايى بايانداما قالىپتاستىرۋ كەرەك. جاۋاپكەرشىلىك ارقالاماۋ، ءىس تىندىرماۋ ماسەلەسىن رەتتەۋ - جونگە سالۋ كەرەك. ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ويداعىداي ىستەۋدى تىعىز ارقاۋ ەتىپ، ءۇش ۇلكەن قامال الۋ شايقاسىن، اسىرەسە، ەلەۋلى حاۋىپ - قاتەردەن ساقتانۋ جانە جويۋ، قامداۋ جاعىنداعى قۇرىلىمدىق رەفورمانىڭ قيىن ماسەلەلەرىن شەشىپ، شەشۋشى سالالارداعى وزەكتى تەحنيكالاردىڭ ”القىمنان الۋ“ ماسەلەسىن شەشىپ، پارتيا قۇرىلىسىندا ءدوپ كەلگەن كوكەي تەستى ماسەلەلەردى شەشىپ، سول جەردىڭ، سول تاراۋدىڭ، سول ورىننىڭ وزەكتى مىندەتىن تىعىز ارقاۋ ەتىپ، نازاردى قىزمەت وي جەلىسى - شارالارى ۇيلەسىمسىز بولۋ، جەتەكتەۋ - جەبەۋ پارمەنسىز بولۋ، ماسەلەلەرمەن بەتپە - بەت كەلۋگە، قايشىلىقتاردى شەشۋگە باتىنا الماۋ، قىزمەتتە ۇزاق ۋاقىت ناقتى ىلگەرىلەۋشىلىك بولماۋ، بۇقارانىڭ اڭىسى كۇشتى ماسەلەلەر ۇزاق ۋاقىت شەشىلمەۋ سياقتى ماسەلەلەرگە شوعىرلاندىرىپ، رۋحى سەرپىلمەۋدىڭ، جاۋاپكەرشىلىك ارقالاماۋدىڭ، ءىس تىندىرماۋدىڭ ناقتى بەينەلەرىن ىشكەرىلەي تەكسەرىپ، ەگجەي - تەگجەيلى تۇزەتىپ، ءبىر - بىردەن رەتتەۋ - جونگە سالۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كورنەكتى ماسەلەلەردى رەتتەۋ - تۇزەتۋ كەرەك. نازاردى بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى، اقشا قابىلداۋ، بەلگىلەمەگە قايشى تۇردە توي - تومالاق، ءولىم - ءجىتىم ىستەرىن جۇرگىزۋ سياقتى ماسەلەلەرگە شوعىرلاندىرىپ، نازاردى باسشى كادرلاردىڭ بەلگىلەمەگە قايشى تۇردە ءتۇرلى زەرتتەۋ - تالقى جينالىستارىنا، تالقى مىنبەرلەرىنە قاتىسۋى سياقتى ماسەلەلەرگە شوعىرلاندىرىپ، رەتتەۋ - جونگە سالۋدى مىقتى يگەرۋ كەرەك. ورتالىقتىڭ تالابى مەن قىزمەتتىڭ ءىس جۇزىندىگىنە نەگىزدەلە وتىرىپ، ءتۇزىم - ولشەمدەردى اقاۋسىزداندىرۋ كەرەك. نەگىزگى ساتىنىڭ اۋىرتپالىعىن ساتى - ساتى بويىنشا اۋىرلاتۋ ماسەلەسىن رەتتەۋ - جونگە سالۋ كەرەك. ”نەگىزگى ساتىنىڭ اۋىرتپالىعىن جەڭىلدەتۋ جىلىنىڭ“ قىزمەت تالابى بويىنشا فورماشىلدىقتى، تورەشىلدىكتى باتىل تيۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، نازاردى ساتى - ساتى بويىنشا حۇجات شىعارۋ، ساتى - ساتى بويىنشا ءماجىلىس اشۋ، قۋزاۋ، تەكسەرۋ، باعالاۋ تىم كوپ، تىم ءجيى بولۋ سياقتى ماسەلەلەرگە شوعىرلاندىرىپ، رەتتەۋ - تۇزەتۋدى ءبىر - بىردەن ناقتى يگەرۋ كەرەك. ورتالىق پەن مەملەكەت ورگاندارى باستاماشىلدىقپەن فورماشىلدىق ماسەلەلەرىنە جاپپاي تەكسەرۋ جۇرگىزۋدى ورىستەتۋ كەرەك. ”ءبىر داۋىسپەن تەرىستەۋ“ جانە جاۋاپكەرلىك حاتىن جازۋ ىستەرىن جاپپاي اداقتاۋ، ارناعا ءتۇسىرۋ كەرەك. باسشى كادرلاردىڭ جۇبايلارىنىڭ، ۇل - قىزدارىنىڭ جانە ولاردىڭ جۇبايلارىنىڭ بەلگىلەمەگە قايشى تۇردە ساۋدامەن شۇعىلدانۋ، كاسىپورىن اشۋ ماسەلەسىن رەتتەۋ - جونگە سالۋ كەرەك. ولكە، رايون، قالالار ورتالىقتىڭ قاتىستى ساياساتى بويىنشا ارناعا ءتۇسىرىپ، رەتتەپ - جونگە سالىپ، ورتالىق ورىنداردا تۇيىندە سىناق ەتۋدى جەدەل ورىستەتىپ، باسشى كادرلاردىڭ ۇكىمەت ىسىندە كىرشىكسىز بولۋىن، ۇقىعىنان ءادىل پايدالانۋىن ىلگەرىلەتۋ كەرەك.

  حابارلاندىرۋدا مىنالار تالاپ ەتىلدى: بۇقارانىڭ مۇددەسىن زياندايتىن ماسەلەلەردى رەتتەۋ - جونگە سالۋ كەرەك. نازاردى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىنە شوعىرلاندىرىپ، نازاردى وقۋ - اعارتۋ، ەمدەۋ، قورشاعان ورتانى قورعاۋ، ازىق - تۇلىك جانە ءدارى - دارمەك حاۋىپسىزدىگى سياقتى حالىق تۇرمىسىنا ساياتىن سالالارداعى بۇقارانىڭ مۇددەسىن زياندايتىن ماسەلەلەرگە شوعىرلاندىرىپ، نازاردى بۇقارانىڭ جانىندا تۋىلعان بۇرىس ستيلدەر مەن ”بولماشى شىرىكتەسۋ“ ماسەلەلەرىنە شوعىرلاندىرىپ، نازاردى ساناقتى جالعان جاساۋ ماسەلەسىنە شوعىرلاندىرىپ، شوعىرلى جونگە سالۋ كەرەك. نەگىزگى ساتى پارتيا ۇيىمدارىنىڭ ءالسىز، بىتىراڭقى بولۋ ماسەلەسىن رەتتەۋ - جونگە سالۋ كەرەك. اۋىل - قىستاقتى ءتۇيىن ەتىپ، اۋداندى بىرلىك ەتىپ، ءالسىز، بىتىراڭقى قىستاق پارتيا ۇيىمدارىن شوعىرلى تۇردە اداقتاپ تەكسەرىپ، سالىستىرما بەلگىلەمەي، رەتتەۋگە تيىستىلەرىن مۇمكىندىگىنشە رەتتەپ، ”ءبىر قىستاققا ءبىر ساياسات“ بويىنشا رەتكە سالۋ شارالارىن جاساۋ كەرەك. ءمالى باسقارمالارى، الەۋمەتتىك اۋماق، جالپىلىق مەنشىككە جاتپايتىن كاسىپورىندار جانە قوعامدىق ۇيىمدار سياقتى باسقا دا سالالارداعى ءالسىز، بىتىراڭقى نەگىزگى ساتى پارتيا ۇيىمدارىنا قاراتا، ءبىر - بىرلەپ اداقتاپ تەكسەرىپ، ءمان - جايىن يەلەپ، كورنەكتى ماسەلەلەردى ءدال تاۋىپ، دالمە - ءدال شارا قولدانىپ، شوعىرلى رەتتەۋ - جونگە سالۋدى مىقتى يگەرۋ كەرەك. اۋىل - قىستاقتا پارتياعا مۇشە قابىلداۋدا بەلگىلەمەگە، تارتىپكە قايشى ماسەلەلەردى اداقتاپ تەكسەرۋدى، شەشۋدى تۇيىندە سىناق ەتۋدى ۇزدىكسىز ويداعىداي يگەرۋ كەرەك. بادىك ىستەرمەن اينالىسۋدى، قۇمار ويناۋدى، ەسىرتكى ساۋدالاۋدى جانە قارا - سۇرقيا كۇشتەردى ىرقىنا جىبەرۋ، ءتىپتى، ولارعا باسقالقا بولۋ ماسەلەسىن رەتتەۋ - جونگە سالۋ كەرەك. قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن شىرىكتەسۋگە قارسى تۇرۋ كۇرەسىمەن جانە نەگىزگى ساتىدا ”شىبىن قاعۋمەن“ بىرلەستىرىپ، ”قالقانىن شاعىپ، تورىن تالقانداۋ“دى ىلگەرىلەتىپ، حالىق بۇقاراسىنىڭ حاۋىپسىزدىك سەزىمىن، ريزالىعىن ايتارلىقتاي جوعارىلاتۋ كەرەك.

  حابارلاندىرۋدا مىنالار اتاپ كورسەتىلدى: ارناۋلى رەتتەۋ - جونگە سالۋ قىزمەتىنە ۇيىمدىق باسشىلىقتى جانە قۋزاۋ - جەتەكشىلىك ەتۋدى كۇشەيتىپ، ارناۋلى رەتتەۋ - جونگە سالۋدى ۇيرەنۋ - تاربيەسىمەن، تەكسەرىپ - زەرتتەۋمەن، ماسەلەلەردى قاداعالاۋمەن ۇشتاستىرىپ، ەكى توپتاعى نەگىزگى تاقىرىپتىق تاربيەگە ساباقتاستىرىپ، جوعارى مەن تومەننىڭ ىقپالداستىعىن جانە تاراۋلاردىڭ بىرلەسە قيمىلداۋىن كۇشەيتۋ كەرەك. نىسان تۇرىندە ىلگەرىلەتۋ جۇرگىزىپ، ءاربىر ارناۋلى رەتتەۋ - جونگە سالۋدىڭ كىرىسۋ ءتۇيىنىن ءدال تاۋىپ، نىسانانى، مىندەتتى تۇراقتاندىرىپ، جاۋاپكەرلىك تۇلعاسىن، قىزمەت اياق الىسى مەن ۋاقىت شەگىن جانە قىزمەت شارالارىن ايقىنداپ، ءبىر - بىرلەپ تياناقتاندىرۋدى ىلگەرىلەتۋ كەرەك. نەگىزگى تاقىرىپتىق تاربيە كەزىندە شەشۋگە بولاتىن ماسەلەلەردى دەرەۋ تەكسەرىپ، دەرەۋ تۇزەتۋ، بايقالعان زاماندا تۇزەتۋ؛ قازىرشە شەشىلمەيتىندەرىنە قاراتا، كەزەڭدىك نىسانا بەلگىلەپ، ءجىتى قاداعالاپ، ۇزدىكسىز رەتتەپ - جونگە سالىپ، ماسەلە شەشىلمەيىنشە بوساڭسىماۋ، تۇبەگەيلى شەشىلمەيىنشە تىنباۋ، بۇقارا مويىنداماي توقتاماۋ كەرەك. ارناۋلى رەتتەۋ - جونگە سالۋ جاعدايىنا لايىقتى ۋاقىتتا ”قايىرىلا قاراۋ“ كەرەك. ورتالىق جەتەكشىلىك ەتۋ گرۋپپاسى ىزىنە ءتۇسىپ جەتەكشىلىك ەتۋدى كۇشەيتىپ، ارناۋلى رەتتەۋ - تەكسەرۋدىڭ باسى بار، اياعى جوق بولۋىنان، قول ۇشىمەن ىستەپ، جاۋاپكەرشىلىكتەن قاشقالاقتاۋدان ساقتانۋ كەرەك، رەتتەۋ - جونگە سالۋ بارىسىندا جاڭا، كورنەكتى ماسەلەلەردى تۋدىرۋعا بولمايدى. جەر - جەر، ءار سالا، ءار جۇيە ءىس جۇزىندىكپەن بىرلەستىرىپ، 8 جاقتا ارناۋلى رەتتەۋ - جونگە سالۋدان سىرت، رەتتەۋ - جونگە سالۋعا ءتيىستى كورنەكتى ماسەلەلەردى باعىتتامالى تۇردە رەتتەۋ - جونگە سالۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.