تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2019 - جىلدىق شەتەلدە تۇراتىن ەلشىلەردىڭ قىزمەت ماجىلىسىنە قاتىناسقان ەلشىلەرمەن كەزدەستى

شي جينپيڭ 2019 - جىلدىق شەتەلدە تۇراتىن ەلشىلەردىڭ قىزمەت ماجىلىسىنە قاتىناسقان ەلشىلەرمەن كەزدەستى

ۋاڭ حۋنيڭ كەزدەسۋگە قاتىناستى

  شينحۋا اگەنتتىگىنىڭ 7 - ايدىڭ 17 - كۇنى بەيجيڭنەن بەرگەن حابارى (تىلشىلەر ليۋ حۋا، ۋ جيالين). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 17 - كۇنى بەيجيڭدەگى حالىق سارايىندا ەلگە قايتىپ كەلىپ، 2019 - جىلدىق شەتەلدە تۇراتىن ەلشىلەردىڭ قىزمەت ماجىلىسىنە قاتىناسقان بارلىق ەلشىلەرمەن كەزدەسىپ، پارتيا ورتالىق كوميتەتى اتىنان شەتەلدە تۇراتىن ەلشىلەردىڭ قىزمەت ءماجىلىسى اشىلعاندىعىن قىزۋ قۇتتىقتادى، ەلشىلەردەن جانە ديپلوماتيا شەبىندە قاجىرلىلىقپەن قىزمەت ىستەپ جاتقان بارلىق جولداستاردان شىنايى حال سۇرادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى.

  تۇستەن كەيىن ساعات 4تەن 30 مينۋت وتكەندە، شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، تۇتاس زالدا شاتىرلاعان شاپالاق ءۇنى كوتەرىلدى. شي جينپيڭ قاتارلىلار ەلشىلەرمەن شىنايى قول الىسىپ امانداسىپ، اڭگىمەلەستى، كوپشىلىكپەن بىرگە ەستەلىك سۋرەتكە ءتۇستى.

  مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى ۋاڭ ي كەزدەسۋگە قاتىناستى ءارى 2019 - جىلدىق شەتەلدە تۇراتىن ەلشىلەردىڭ قىزمەت ماجىلىسىندە ءسوز سويلەدى. ءماجىلىس كەزەكتەگى حالىقارالىق جاعدايعا، سونداي - اق ەلىمىزدىڭ دامۋىنىڭ تاريحي ورنىنا ىشكەرىلەي تالداۋ جاساپ، شەتەلدە تۇراتىن بارلىق ەلشىلەردەن اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ديپلوماتيا يدەياسىن جەتەكشى ەتىپ، پارتيا ورتالىق كوميتەتىنىڭ سىرتقى قىزمەت جونىندەگى ماڭىزدى ورنالاستىرۋلارىن جاپپاي دايەكتىلەندىرىپ، جىگەرلەنە جاڭالىق اشىپ، بەلسەندىلىكپەن العا باسىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الىپ، ”قوس ءجۇز جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ ءارى ءتىپتى دە زور ۇلەس قوسۋدى تالاپ ەتتى.

  ديڭ شۋەشياڭ، ياڭ جيەچى كەزدەسۋگە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.