تيانشان تورى   ›   جاڭالىقتار   ›   شينجياڭ حابارلارى

2019-جىلى شينجياڭ ىلە تۇلپارى حالىقارالىق ساياحات مەرەكەسى سالتاناتپەن اشىلدى

  7-ايدىڭ 18-كۇنى، ”جىلقى مەن تۇتاس وڭىرلىك ساياحاتتى“ باستى تاقىرىپ ەتكەن 2019-جىلعى شينجياڭ ىلە تۇلپارى حالىقارالىق ساياحات مەرەكەسى (قىسقارتىلىپ ‹تۇلپار مەرەكەسى› دەلىنەدى) موڭعۇلكۇرە اۋدانىندا سالتاناتپەن اشىلدى.

  ۇعىسۋعا قاراعاندا، ىلە تۇلپارى مەرەكەسى 7-ايدىڭ ورتاڭعى شەنىنەن 10-ايدىڭ 1-كۇنىنە دەيىن جالعاسادى. جالپى تۇلعالىق جاقتان ”30+1“ ءتۇرلى قيمىل ورنالاستىردى، سالتاناتتى اشىلۋ سالتى+بەس ءتۇرلى تارتىمدى جارىس+سەگىز ءتۇرلى جالپى حالىقتىق ساياحات قيمىلى+بەس ءتۇرلى سارا مادەني بۇيىمدار+التى ءتۇرلى كوزتارتارلىق سازدىق جەلىلەس قيمىلدارى+التى ءتۇرلى تانىستىرۋ تاقىرىپتىق سەزىنۋ قيمىلىن ءوز ىشىنە الادى.

  ۋحاننان كەلگەن ساياحاتشى چىن يۇي ءۇش دوسىمەن بىرگە موڭعۇلكۇرەگە ”تۇلپار“ تاماشالاۋعا كەلدى. ول: ”موڭعۇلكۇرەنىڭ تۇلپار ايگىلى، ءبىز بۇرىننان بەرى كەلسەك دەۋشى ەدىك، بۇگىن كورگەننەن كەيىن وتە كەرەمەت سەزىندىم. ات ونەرى ءتىپتى كىسى تاڭعالارلىق ەكەن“،-دەدى.

  ”كوك اسپان، اقشا بۇلت، جاپ-جاسىل جايلاۋ، جوڭكىلگەن تۇلپارلار وتە ايبىندى ەكەن، مەن ءۇنحات دوستىق شەڭبەرىنە شىعاردىم، دوستارىم ارت-ارتىنان لەبىز قالدىرىپ شينجياڭعا كەلىپ بايگە كورەتىندەرىن ايتتى“،-دەدى شاڭحايدان كەلگەن ساياحاتشى تاڭ جىلين. ول دوستارىمەن 5 ادام شاڭحايدان موڭعۇلكۇرەگە كەلگەن، سول جەردە تۇلپار مەرەكەسى بولاتىنىن ەستىپ، ارناۋلى بىرنەشە كۇن تۇرماقشى.

  موڭعۇلكۇرە اۋداندىق پارتكوم ۇگىت ءبولىمىنىڭ ورىنباسار ءبولىم باستىعى لي ۋىن-ۋ تانىستىرىپ بىلاي دەدى: ”موڭعۇلكۇرە اۋدانىندا 10 ميلليون مۋلىق ساپالى جايلىم بار بولىپ قانا قالماي، ميلليون مۋلىق قىشى گۇلى تەڭىزى جانە 100 تۇياق ىلە جىلقىسى، سىرلى ساحارا سىنتاسى، قاتەرگە تولى شاتى بايىرعى جولى، ساپالى سازدىق باقشاسىن قاتارلىلار بار، كوپشىلىكتىك موڭعۇلكۇرەگە كەلۋىن قارسى الامىز“.

  جۋىق جىلداردان بەرى، موڭعۇلكۇرە اۋدانى ساپالى جاراتىلىستىق شارت-جاعدايى جانە باي گۋمانيتارلىق تاريحتان پايدالانىپ، جالپى وڭىرلىك ساياحاتتى بار كۇشپەن ىلگەرىلەتىپ ، ساياحات كاسىبى تەز قارقىنمەن دامىتتى.

  ۇعىسۋعا قاراعاندا، 2018-جىلى جالپى موڭعۇلكۇرە اۋدانى 2 ميلليون 500 مىڭ ادام (رەت) ساياحاتشى قابىلداپ ، ساياحات كىرىسىن ٴبىر ميلليارد 260 ميلليون يۋانعا جەتكىزدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.