تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ءبىر نيەتتە ىنتىماقتاسىپ، كورىكتى شينجياڭدى بىرگە قۇرايىق

بۋرىلتوعاي اۋداندىق ساۋدا ىستەرى، عىلىم - تەحنيكا جانە ونەركاسىپ - ينفورماتسيالاندىرۋ مەكەمەسىنىڭ ورىنباسار باستىعى

جىبەك

  مەن بۋرىلتوعاي اۋدانىندا ءومىر ەسىگىن اشىپ، سوندا ەسەيىپ - ەرجەتتىم، بالا كۇنىمدە قاراماعاي قالاشىعىندا تۇردىق، ءار ۇلت اۋىلداس كورشىلەر بەرەكە - بىرلىكتە بولىپ، ىنتىماعىمىز جاراسىپ، تاتۋ - ءتاتتى ءوتىپ، ءوزارا كومەكتەسىپ، سەن، مەن دەسپەدىك. سول كەزدە ءبىزدىڭ ءۇيدىڭ ارت جاعىندا ۇن دۇكەنىن اشاتىن حۋاڭ ۇستازدىڭ ءۇيى تۇراتىن، بۇكىل اۋىلدا تەك سول كىسىنىڭ ۇيىندە عانا گەنەراتور بار ەدى. نەگىزدىك قۇرىلعى كەمەلدى بولماعاندىقتان، اۋىلىمىزدا ۇنەمى توك توقتاپ قالاتىن، توك توقتاي قالسا، حۋاڭ ۇستاز ىرىقتىلىقپەن گەنەراتورىن ىسكە قوسىپ، كورشىلەردى توكپەن تەگىن قامدايتىن، كورشىلەر اقشاسىن بەرمەكشى بولعاندا، ول قارقىلداپ كۇلىپ بىلاي دەيتىن: ”ءبىز ءبىر وتباسىنىڭ ادامدارىمىز، ءبىر وتباسىنىڭ ادامدارى اقشانى اۋىزعا الۋشى ما ەدى“. جايشىلىقتا ۇنەمى ول ءوز اۋلاسىندا ەككەن كوكونىستەرىن كورشىلەرگە اكەلىپ بەرەتىن، كورشىلەر دە وعان ءسۇت، قۇرت، نان سياقتى تاعامدار بەرەتىن، كوپشىلىك وتە ەتەنە بەرەكەدە وتەتىنبىز.

  2000 - جىلى، مەن ىشكى ولكەدەگى شينجياڭ تولىق ورتا كلاسىنا وقۋعا قابىلدانىپ، كورىكتى حاڭجوۋ قالاسىنداعى ورتا مەكتەپكە بارىپ، ءار ۇلت ساباقتاستارىممەن بىرگە جوعارى دەڭگەيدەگى، جوعارى ساپالى وقۋ - تاربيە قابىلدادىم. حاڭجوۋعا العاش كەلگەن كەزىمدە، وقىتۋشىنىڭ وتكەن ساباعىن ونشا تۇسىنە المادىم، سۇن مۇعالىمنىڭ مەنى اسا ىجداعاتتىقپەن دەن قويا ۇيرەتكەندىگى، جەتەكتەگەندىگى كۇنى بۇگىن ەسىمنەن كەتپەيدى. سۇن مۇعالىم شينجياڭدىق وقۋشىلاردى باسقارۋعا جاۋاپتى بولعاندىقتان، تۇرمىستا جانە ۇيرەنۋدە ءبىزدى ءوز بالاسىنداي كوردى. مەكتەپكە بارىپ كوپ ۇزاماي مەكتەپ ەمتيحان ۇيىمداستىردى، كىشكەنتايىمنان ناتيجەم ۇزدىك بولىپ كەلگەن مەن ءبىرىنشى رەت ەمتيحاننان كوشپەي قالىپ، وتباسىمداعىلارعا نە دەپ ايتارىمدى بىلمەدىم. بۇل ماعان اۋىر سوققى بولدى، الداعى جەردەگى ۇيرەنۋ سەنىمىمنەن ايرىلدىم. سۇن مۇعالىم مەنىڭ كوڭىلىمدى سابىرلىلىقپەن جۇباتىپ، مۇنىڭ سەبەبىنە تالداۋ جاساۋىما كومەكتەسىپ، ماعان ۇيرەنۋ ءادىسىن ۇيرەتتى. مۇعالىمداردىڭ تاباندىلىقپەن جەتەكتەۋىندە، ورتا مەكتەپ بىتىرگەن كەزدە مەن ۋحان داشۋەسىنە ءساتتى ءوتتىم. داشۋەدە دە وتباسىمنىڭ مەيىرىندەي ىستىق مەيىرگە بولەندىم. مۇعالىمدار مەن ساباقتاستارىمنىڭ قالتقىسىز كوڭىل بولۋىندە، كومەكتەسۋىندە، مەن داشۋەدەگى وقۋىمدى ءساتتى تاۋىستىم.

  پارتيانىڭ جاقسى ساياساتى ءار ۇلت بۇقاراسىنا مول باقىت سەزىمىن سيلادى، مەن مۇنىڭ پايداسىن كورگەن كوپ ادامنىڭ ءبىرىمىن. جاقىنعى جىلداردان بەرى، شينجياڭعا كومەكتەسەتىن كادرلاردىڭ كەلۋى بۋرىلتوعاي سىندى وسى شاعىن قالاشىققا جاڭا تىرشىلىك تىنىسىن جانە ومىرشەڭدىك كۇش سيلادى. ولاردىڭ قاجىرلىلىقپەن قۇلشىنۋىندا داچيڭ الاڭى، بالاباقشا... شينجياڭعا كومەكتەسۋ نىساندارى بىرىنەن سوڭ ءبىرى تياناقتاندى، ءار ۇلت بۇقاراسىنىڭ باقىت كورسەتكىشى ۇزدىكسىز جوعارىلادى. مەنىڭ قىزمەتتەسىم لي جياڭحۇي مىنە وسىنداي جەكە باسىنىڭ قامىن كۇيتتەمەي، كوپشىلىكتىڭ قامىن ويلاپ شينجياڭعا كومەكتەسۋگە كەلگەن كادر. وعان ءار رەت جولىققانىمدا، ونىڭ وتە قاربالاس جۇرەتىنىن، بىرەر اۋىز ءتىل قاتۋعا دا مۇرساسى جوقتىعىن بايقايمىن. ودان نە ىستەگەلى بارا جاتقانىن سۇراساڭىز، نە نەگىزگى ساتىعا بارىپ نىسانداردى تەكسەرگەلى، نە بولماسا قۇرىلىس ورنىنا بارىپ ينجەنەريانىڭ جۇرگىزىلۋ بارىسىن جانە ساپاسىن قاداعالاۋعا بارا جاتاتىن. ”1 - مامىر“ دەمالىسىندا، الدە ”1 - قازان“ دەمالىسىندا بولسىن، ول قىزمەت ورنىندا قاربالاس جۇمىس ىستەيدى. ول بىلاي دەيدى: شالعايدا جاتقان حيلۇڭجياڭداعى وتباسىمداعىلارمەن باس قوسا الماعانىممەن، شينجياڭدا قازاق تۋىستارىم بار. ول تۋىستارىنا مەملەكەتتە ءبىر تۇتاس قولدانىلاتىن ءتىل - جازۋدى ۇيرەتىپ، ولاردى ءوندىرىستى قۇلشىنا دامىتۋعا باستادى، تۋىستارىمەن سۇيىسپەنشىلىگى ارالاسۋ، ىشتەسۋ بارىسىندا بارعان سايىن تەرەڭدەدى.

  سۇن مۇعالىمنان، لي جياڭحۇيدان سىرت، قاراماعاي قالاشىعىندا اۋىلداستارىم بار، ولار مەنىڭ ءومىرىمنىڭ شام - شىراعى سياقتى ماعان ءار كەز جىلۋ بەرەدى. مەن قازىرگى تاماشا تۇرمىسىمدى ەسەلەپ قاستەرلەپ، ءار ۇلت باۋىرلاستارىممەن ءبىر نيەتتە ىنتىماقتاسىپ، كورىكتى شينجياڭدى قول ۇستاسا بىرگە گۇلدەندىرىپ جانە قورعاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزەمىن!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.