تيانشان تورى   ›   جاڭالىقتار   ›   ماڭىزدى حابارلار

جەرگىلىكتى ورىننىڭ ءىس جۇزىندىك جاعدايىمەن ۇشتاستىرا وتىرىپ، زاڭ شىعارۋ، باقىلاۋ قاتارلى قىزمەتتەردى جاسامپازدىقپەن جاقسى ىستەپ، ەكونوميكالىق، قوعامدىق دامۋ جانە رەفورمادا قامال الۋ مىندەتتەرىنە اناعۇرلىم جاقسى دەم بەرۋ كەرەك

شي جينپيڭ جەرگىلىكتى حالىق قۇرىلتايى مەن ونىڭ تۇراقتى كوميتەتىنىڭ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

جەرگىلىكتى ورىننىڭ ءىس جۇزىندىك جاعدايىمەن ۇشتاستىرا وتىرىپ، زاڭ شىعارۋ، باقىلاۋ قاتارلى قىزمەتتەردى جاسامپازدىقپەن جاقسى ىستەپ، ەكونوميكالىق، قوعامدىق دامۋ جانە رەفورمادا قامال الۋ مىندەتتەرىنە اناعۇرلىم جاقسى دەم بەرۋ كەرەك

لي جانشۋ جەرگىلىكتى حالىق قۇرىلتايىنىڭ تۇراقتى كوميتەتى قۇرىلعاندىعىنىڭ 40 جىلدىعىن اتاپ ءوتۋ اڭگىمە ماجىلىسىنە قاتىناستى ءارى ءسوز سويلەدى

  شينحۋا اگەنتتىگىنىڭ 7 - ايدىڭ 18 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جەرگىلىكتى حالىق قۇرىلتايى مەن ونىڭ تۇراقتى كوميتەتىنىڭ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: اۋدان دارەجەلىدەن جوعارى جەرگىلىكتى حالىق قۇرىلتايلارىنىڭ تۇراقتى كوميتەتتەرىنىڭ قۇرىلۋى − حالىق قۇرىلتايى ءتۇزىمىن دامىتۋداعى جانە كەمەلدەندىرۋدەگى ءبىر ماڭىزدى شارا. 40 جىلدان بەرى، جەرگىلىكتى حالىق قۇرىلتايى مەن ونىڭ تۇراقتى كوميتەتى پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، قىزمەت جاۋاپكەرشىلىگىن وتەپ، ءورىس اشا العا ىلگەرىلەپ، جەرگىلىكتى ورىننىڭ رەفورما، دامۋ، ورنىقتىلىق قىزمەتتەرىنە ماڭىزدى ۇلەس قوستى.

  شي جينپيڭ بىلاي دەپ اتاپ كورسەتتى: جاڭا جاعداي، جاڭا مىندەت حالىق قۇرىلتايى قىزمەتىنە جاڭا ءارى اناعۇرلىم جوعارى تالاپ قويدى. جەرگىلىكتى حالىق قۇرىلتايى مەن ونىڭ تۇراقتى كوميتەتى پارتيا ورتالىق كوميتەتىنىڭ حالىق قۇرىلتايى قىزمەتى جونىندەگى تالابىنا ساي، جەرگىلىكتى پارتكومنىڭ پارتيا ورتالىق كوميتەتىنىڭ كەلەلى ساياساتتارىن، باعىتتارىن دايەكتىلەندىرۋ، تياناقتاندىرۋ تۋرالى شەشىمدەرى مەن ورنالاستىرۋلارىن ارقاۋ ەتىپ، جەرگىلىكتى ورىننىڭ ءىس جۇزىندىك جاعدايىمەن ۇشتاستىرا وتىرىپ، زاڭ شىعارۋ، باقىلاۋ قاتارلى قىزمەتتەردى جاسامپازدىقپەن جاقسى ىستەپ، ەكونوميكالىق، قوعامدىق دامۋ جانە رەفورمادا قامال الۋ مىندەتتەرىنە اناعۇرلىم جاقسى دەم بەرۋ كەرەك. دارەجەلەس پارتكومنىڭ باسشىلىعىن سانالى تۇردە قابىلداپ، حالىق بۇقاراسىمەن بايلانىستى نىعايتىپ، حالىق قۇرىلتايى ۋاكىلدەرىنىڭ رولىن اناعۇرلىم جاقسى ساۋلەلەندىرىپ، قاراپايىم حالىقپەن ەتەنە بولىپ، حالىق جاعدايىن ءبىلىپ، حالىقتىڭ اقىل - پاراساتىن شوعىرلاندىرىپ، زاڭمەن جونگە سالۋ ارقىلى حالىقتىڭ ۇقىق - مۇددەسىن قامتاماسىز ەتۋى، حالىق تۇرمىسىنىڭ ىرىس - قۇتىن ارتتىرۋى كەرەك. ءوز قۇرىلىسىن كۇشەيتىپ، زاڭ بويىنشا مىندەت وتەۋ قابىلەتى مەن دەڭگەيىن ءوسىرىپ، قىزمەتتىڭ جالپى تۇلعالىق ونىمدىلىگىن ارتتىرۋى كەرەك.

  جەرگىلىكتى حالىق قۇرىلتايىنىڭ تۇراقتى كوميتەتى قۇرىلعاندىعىنىڭ 40 جىلدىعىن اتاپ ءوتۋ اڭگىمە ءماجىلىسى 7 - ايدىڭ 18 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحى بويىنشا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءار دارەجەلى حالىق قۇرىلتايىنىڭ فۋنكتسيالىق رولىن ساۋلەلەندىرىپ، جاڭا داۋىردەگى حالىق قۇرىلتاي قىزمەتىنىڭ ورەسىن جاپپاي جوعارىلاتۋ كەرەك.

  لي جانشۋ بىلاي دەپ اتاپ كورسەتتى: پارتيا باسشىلىعىنىڭ، حالىقتىڭ ءوز - وزىنە قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جەرگىلىكتى حالىق قۇرىلتايى قىزمەتىنىڭ تاجىريبەلەرىن مۇقيات قورىتىندىلاپ ءارى وعان تاباندى بولىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، داۋىرلىك ەرەكشەلىگىن ۇزدىكسىز بايىتۋ جانە كەڭەيتۋ كەرەك. ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك. پارتيا ورتالىق كوميتەتىنىڭ حالىق قۇرىلتايى قىزمەتىنە قويعان تالابىنا ساي، پارتيا ورتالىق كوميتەتىنىڭ ماڭىزدى شەشىمدەرى مەن ورنالاستىرۋلارىن جاپپاي تياناقتاندىرىپ، زاڭ شىعارۋ، باقىلاۋ، ۋاكىلدەر قاتارلى قىزمەتتەردى دەن قويا جاقسى ىستەپ، نەگىزگى زاڭ مەن زاڭداردا بەرىلگەن ءار ءتۇرلى قىزمەت جاۋاپكەرشىلىگىن ارقالاۋ كەرەك. حالىقتى وزەك ەتۋگە تاباندى بولىپ، حالىق بۇقاراسىمەن بايلانىستى نىعايتىپ، حالىق قۇرىلتايى قىزمەتىنىڭ حالىقتىڭ مۇددەسىن اناعۇرلىم جاقسى ايگىلەۋىنە، حالىقتىڭ تىلەگىن بەينەلەۋىنە، حالىقتىڭ ىرىس - باقىتىن ارتتىرۋىنا مۇمكىندىك جاساۋعا قۇلشىنۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن باس شۋجي شي جينپيڭنىڭ ماڭىزدى نۇسقاۋىن جەتكىزدى ءارى اڭگىمە ءماجىلىستى باسقاردى.

  مەملەكەتتىك حالىق قۇرىلتايىنىڭ نەگىزگى زاڭ جانە زاڭ كوميتەتىندەگى، 7 جەرگىلىكتى حالىق قۇرىلتايى تۇراقتى كوميتەتىندەگى جاۋاپتى جولداستار اڭگىمە ماجىلىستە لەبىز ءبىلدىردى.

  مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ساۋ جيانميڭ، ۋان ىشياڭ اڭگىمە ماجىلىسكە قاتىناستى.

  مەملەكەتتىك حالىق قۇرىلتايىنىڭ ءارقايسى ارناۋلى كوميتەتتەرىندەگى، مەملەكەتتىك حالىق قۇرىلتايى تۇراقتى كوميتەتىنىڭ ءارقايسى قىزمەت كوميتەتتەرىندەگى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ءارقايسى ولكەلىك، اۆتونوميالى رايوندىق، قالالىق حالىق قۇرىلتايلارى تۇراقتى كوميتەتتەرىندەگى جاۋاپتى جولداستار، ت. ب اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.