تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

ۇلتتار ىنتىماعىنىڭ ۇلگىسى بولۋعا قۇلشىنامىن

ىلە قازاق اۆتونوميالى وبلىستىق ارىز - ارمان مەكەمەسىنىڭ ورىنباسار باستىعى

شوكىرات قۇربان

  مەن ءبىر كادر وتباسىندا دۇنيەگە كەلدىم، كىشكەنتاي كەزىمنەن باستاپ ءبىر كاسىپورىننىڭ سەميالىقتار اۋلاسىندا ەسەيدىم، اينالامىزداعى كورشىلەرىمىزدىڭ كوبى حانزۋ تۇرعىندار بولاتىن، ءار ۇلت كورشىلەرى بىرگە تۇرىپ، كوپشىلىكتىڭ قارىم - قاتىناسى قويۋ بولىپ، ءبىر - بىرىنە كومەكتەسىپ، ءبىر ءۇيلى جانداي بولىپ كەتكەن ەدى.

  كىشكەنتاي كەزىمدە اكە - شەشەم كاسىپورىندا قىزمەت ىستەيتىن، ءۇش كەزەك كەزەكتەسىپ ىستەۋدى اتقارعاندىقتان، ۇنەمى تۇندە قىزمەت ىستەيتىن، ءار رەت اكە - شەشەم تۇنگى كەزەكتە ىستەگەن كەزدە، ماڭىمىزداعى كورشىلەر ءوز بالالارىنا قاراعانداي كوڭىل ءبولىپ، ءبىزدى ۇيلەرىنە ەرتىپ اپارىپ، ءدامى ءتىل ۇيىرەتىن كەشكى تاماق جانە ماۋسىمدىق جاڭا جەمىس بەرەتىن. ءتۇن بولعان كەزدە، كورشىلەر ءبىزدىڭ ۇيگە كەلىپ جاسى كىشى ءىنى - قارىنداستارىمدى جۋىندىرىپ، توسەگىن سالىپ بەرەتىن، ءبىز ۇيىقتاعانعا دەيىن قاراپ وتىرىپ ۇيلەرىنە قايتاتىن، ءبىز دە الاڭسىز ۇيىقتايتىنبىز. ءالى ەسىمدە، ءبىر رەت كىشكەنە قارىنداسىم ابايسىزدا سەميالىقتار اۋلاسىندا ءۇي سالۋعا ىستەتەتىن سەمەنتتى ارالاستىرۋعا پايدالاناتىن سۋ قۇيعان شۇڭقىرعا ءتۇسىپ كەتەدى، سول كەزدە كورشى حانزۋ اپاي كورىپ قالىپ دەرەۋ شەشەمە ايتادى، شەشەم كىشكەنە قارىنداسىمدى قۇتقارعان كەزدە، كورشىلەر جان - جاقتان جۇگىرىپ كەلىپ، سۋ شۇڭقىرىنا سەكىرىپ ءتۇسىپ، شەشەم مەن كىشكەنە قارىنداسىمدى تارتىپ شىعارادى. بالا كەزىمدە ءار ۇلت كىشكەنتاي سەرىكتەرىممەن بىرگە اسىر سالىپ ويناعان، كورشىلەرمەن جاراسىمدى، ءبىر ءۇيلى جانداي تاتۋ وتكەن تاماشا ەلەستەر، قىزمەت ىستەگەن كەزدە، توي جاساعان كەزدە ءار ۇلت قىزمەتتەس دوستارىمنىڭ ىقىلاستى كومەگى، وسىنداي ءبىر - بىرلەگەن اسەرلى وتكەن ىستەر ماعان تەرەڭ ىقپال ەتىپ كەلەدى.

  2015 - جىلى مەن دوسىممەن بىرگە اۆتوكولىكپەن كۇنەس اۋدانىنا بارىپ دوسىمىزعا كەزدەستىك، قايتار جولدا اۆتوكولىك بۇزىلىپ، جول شەتىندە توقتاپ قالدى. كەش باتۋعا تاياعان كەزدە، اۆتوكولىك ايداپ ءوتىپ بارا جاتقان قازاق جىگىت بىزگە قول ۇشىن بەرىپ، اۆتوكولىگىمىزدى رەمونتحاناعا سۇيرەپ اپارىپ بەردى، ماشينا جوندەۋشى ۇستاز ۇساق بولشەك جوق بولعاندىقتان، ءبىزدىڭ اۆتوكولىكتىڭ گەنەراتورىن جوندەي الماي قويدى، ءبىراق ءبىزدىڭ باتەرياعا ەلەكتر تولتىرىپ بەرگەندىكتەن، اۆتوكولىكتى جۇرگىزە بەردىك. ءبىر سايعا كەلگەن كەزدە، اۆتوكولىكتىڭ ەلەكترى تاۋسىلىپ قالىپ، امالسىزدان اۆتوكولىكتە تۇنەدىك. تاڭ اتايىن دەپ قالعاندا، ءبىر حانزۋ جىگىت وسى ارادان ءوتىپ قۇلجا قالاسىنا بارا جاتىر ەكەن، ماشيناسىندا ءدال 2 باتەريا بولعاندىقتان بىزگە جول بويى ىقىلاسپەن ەلەكتر تولتىرىپ، قۇلجا قالاسىنا جەتكىزىپ تاستادى، ءبىز ونى تاماققا ۇسىنىس ەتىپ العىسىمىزدى بىلدىرەيىك دەسەك، ول: ”بارلىعىمىز ءبىر ءۇيلى جانبىز، كەزدەسىپ قالعاندا كومەكتەسە سالۋ تۇككە تۇرمايدى عوي“ دەدى دە اسىعىس جولىنا ءتۇستى. مەن ءوز باسىمنان كەشكەن ىستەرىم، ماڭايىمنان ەت قۇلاعىممەن ەستىگەن اسەرلى اڭگىمەلەرىم، تۇرمىستاعى كوڭىل اۋدارماعان ۇساق ىستەردىڭ بارلىعى ءار ۇلتتىڭ ءبىر نيەتپەن ىنتىماقتاسىپ، ءوزارا كومەكتەسىپ، اعا - باۋىرداي تاتۋ بولىپ كەتكەندىگىنىڭ شىنايى بەينەسى ەكەندىگىن تەرەڭ سەزىندىردى.

  شينجياڭ سىندى ىرىستى مەكەندە ەجەلدەن بەرى ءار ۇلت حالقى ارالاسىپ، ىشتەسىپ، توعىسىپ، ىنتىماقتاسىپ، ءوزارا كومەكتەسىپ، مىزعىماس ەتەنە دانەكەر ورناتتى، ءار ۇلت حالقىنىڭ جۇرەكتەردە جالعاسقان تەرەڭ دوستىق سۇيىسپەنشىلىگىن ۇيىتتى. مەن ۇنەمى بىلاي دەپ ويلايمىن: نە ءۇشىن مەن جانارىما ۇنەمى جاس الامىن، ويتكەنى مەن جۇڭحۋا ۇلتى ۇلى شاڭىراعىن تەرەڭ سۇيەمىن؛ نە ءۇشىن مەن وسى مەكەندى تەرەڭ سۇيەمىن، ويتكەنى وسى مەكەندە جاساپ جاتقان ءار ۇلت حالقىنا تەرەڭ سۇيىسپەنشىلىكتەمىن. مەن مىنانى تەرەڭ سەزىندىم: تەك ءار ۇلت حالقى اناردىڭ دانىندەي تىعىز ۇيىسىپ، بىرگە قۇلشىنىس جاساعاندا عانا، وتانىمىز اناعۇرلىم كوركەيىپ - قۇدىرەتتەنەدى، جۇڭحۋانىڭ ءار ۇلت پەرزەنتتەرى تىنىش، باقىتتى تۇرمىس كەشىرە الادى. مەن ۇلتتار ىنتىماعىن كوز قاراشىعىمداي قورعاپ، ومىرىمدەي قاستەرلەپ، ۇلتتار ىنتىماعىنىڭ ۇلگىسى بولۋعا قۇلشىنامىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.