اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ حابارى: جۋىقتا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى حوتان ايماقتىق اكىمشىلىك مەكەمەسىنىڭ بۇرىنعى ورىنباسار ءۋاليى، ايماقتىق پارتكوم ساياسي - زاڭ كوميتەتىنىڭ بۇرىنعى ورىنباسار شۋجيى عالىپ ءابلىميتتىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، قاراپ تەكسەردى جانە تەكسەرۋ جۇرگىزدى.
تەكسەرۋ ارقىلى مىنالار انىقتالدى: عالىپ ءابلىميت پارتيالى باسشى كادر بولا تۇرا، مۇرات - سەنىمنەن جۇرداي بولىپ، ساياسي تارتىپكە جانە ساياسي قاعيداعا اۋىر قايشىلىق جاساپ، ساياسي تۇرعىدان ايرىلعان؛ ۇيىمنىڭ تەكسەرۋىنە قارسى شىعىپ، ارام اقشانى، ارام ولجانى جوتكەپ، تارتىپكە، زاڭعا قايشىلىق جاساعان شىندىقتى جاسىرعان. جەكە باسىنىڭ قورا - جايىنا قاتىستى ىستەردى بەلگىلەمەگە ساي مالىمدەمەگەن؛ ۇيىم شارلاۋدا اڭىس ەتىلگەن ماسەلە جونىندە حات ارقىلى سۇراستىرعاندا، ول ۇيىمعا ماسەلەنى قاز - قالپىندا تۇسىندىرمەگەن. ۇكىمەت ءىسىن ءادىل اتقارۋعا ىقپال تيگىزەتىن تارتۋ - تارالعى، سالەم - ساۋقىت اقشا، زات ساتىپ الۋ كارتچكاسىن العان. قىزمەت مىندەتى قولايلىلىعىنان پايدالانىپ، قۇرىلىس نىساندارىن كوتەرىپ الۋ، كوتەرتىپ بەرۋ، جەردى تەكسەرىپ بەكىتۋ سياقتى جاقتاردا كومەك كورسەتىپ، باسقالاردان قوماقتى اقشا - مۇلىك سۇراپ العان.
عالىپ ءابلىميت پارتيانىڭ ساياسي تارتىبىنە جانە ساياسي قاعيداسىنا، ۇيىمدىق تارتىپكە، پاكتىك تارتىبىنە اۋىر قايشىلىق جاسادى ءارى پارا الۋ سياقتى قىلمىسىن وتكىزدى دەگەن كۇمان تاعىلدى، ونىڭ ۇستىنە پارتيا 18 - قۇرىلتايىنان كەيىن دە تيىلمادى، قولىن تارتپادى، ساياسي ماسەلە مەن ەكونوميكالىق ماسەلە قاباتتاسىپ، سيپاتى جيرەنىشتى، قىلمىسى اۋىر، ىقپالى وتە ناشار بولدى، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەت ءماجىلىسى، باقىلاۋ - تەكسەرۋ كوميتەتى ءماجىلىسى اقىلداسۋ ءارى اۆتونوميالى رايوندىق پارتكومنىڭ بەكىتۋىنە جولداۋ ارقىلى، عالىپ ابلىميتكە پارتيادان ايداۋ جازاسىن بەرۋ؛ اۆتونوميالى رايوندىق باقىلاۋ - تەكسەرۋ كوميتەتى وعان ۇكىمەت قىزمەتىنەن ايداۋ جازاسىن بەرۋ؛ ونىڭ تارتىپكە، زاڭعا قايشى تاپقان پايداسىن جيىپ الۋ؛ ونىڭ قىلمىسقا ساياتىن ماسەلەلەرىن ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرۋ، شاتىلعان اقشا - مۇلىكتى دەلومەن بىرگە تاپسىرىپ بەرۋ ۇيعارىلدى.
