تيانشان تورى   ›   جاڭالىقتار   ›   شينجياڭ حابارلارى

قورعاستا 20 نىسان ءبىر ۋاقىتتا قۇرىلىس باستادى

جالپى قوسىلعان 2 ميلليارد 462 ميلليون يۋان قارجى تۇگەلدەي قوعامدىق كاپيتال

  ءتىلشى چىن چياڭۋي 7 - ايدىڭ 19 - كۇنى قورعاستان حابارلايدى. 7 - ايدىڭ 19 - كۇنى اۋىل شارۋاشىلىق قوسىمشا ونىمدەرىن جىنتىكتەي مانەرلەۋ، جابدىق جاساۋ سياقتى سالالارعا قاتىستى 20 نىسان قورعاس ەكونوميكالىق اشۋ رايونىندا (قالا) ءبىر ۋاقىتتا قۇرىلىس باستادى. نىسانعا جالپى 2 ميلليارد 462 ميلليون يۋان قارجى قوسىلعان، بيىل جىل ىشىندە 809 ميلليون يۋان قارجى قوسۋ جوسپارلاندى.

  وسى رەت قۇرىلىس باستاعان نىساندار جىلىنا 100 مىڭ توننا ءبيداي مانەرلەۋ، اۆتوكولىك قوندىرعىسىنىڭ جىلىنا 100 مىڭ شەشۋشى بولشەگىن ءوندىرۋ جەلىسى سياقتى 14 مانەرلەۋ، جاساۋ تۇرىندەگى نىسانداردى قامتيدى، ولاردىڭ بارلىعى سىرتقا باعىتتالعان مانەرلەۋ، جاساۋ نىساندارى. مۇنان سىرت، ۋاندا الاڭى، تيانشىڭ شاراپحانا سالت - سانا كوشەسى سياقتى 6 ساياحات، ساۋدا - ساتتىق، قورا - جاي تۇرىندەگى نىساندار دا بار.

  قورعاس كالار اۆتوكولىك عىلىم - تەحنيكا شەكتى سەرىكتەستىگىنىڭ وسى رەت قۇرىلىس باستاعان اۆتوكولىك قوندىرعىسىنىڭ جىلىنا 100 مىڭ شەشۋشى بولشەگىن ءوندىرۋ جەلىسى نىسانىنا جيىنى 400 ميلليون يۋانعا جۋىق قارجى قوسىلىپ، 100 مۋ جەردى يەلەگەن، جاڭا ەنەرگيالى اۆتوكولىكتىڭ كەڭەيتىپ سالىناتىن نىسانىنا پايدالانىلادى، مەجە بويىنشا جىلدىق ءونىم قۇنى ءبىر ميلليارد يۋانعا جەتەدى.

  وسى سەرىكتەستىكتىڭ باس ديرەكتورىنىڭ كومەكشىسى نيڭ بو مىنالاردى ءبىلدىردى: كاسىپورنىمىز قورعاستىڭ جاعراپيالىق جانە ساياسات ارتىقشىلىقتارىنان پايدالانىپ، رەسەي، قازاقستان سياقتى توڭىرەكتەگى مەملەكەتتەردىڭ بازارىن ونان ارى اشۋدى ءۇمىت ەتىپ وتىر، نىسان مەجە بويىنشا كەلەر جىلدىڭ العاشقى جارتىسىندا سالىنىپ وندىرىسكە قوسىلادى.

  ”وسى رەت شوعىرلى قۇرىلىس باستاعان 20 نىسان قورعاستاعى بيىل 2 - توپتا شوعىرلى قۇرىلىس باستاعان نىساندار، بۇلاردىڭ بارلىعىنا قوعامدىق كاپيتالدار قارجى قوسقان. بۇل قوعامدىق كاپيتالدىڭ قورعاستا ەرەكشە زور قارجى قوسۋ سەنىمىنە يە ەكەندىگىن تولىق كورسەتەدى“، - دەدى قورعاس ەكونوميكالىق اشۋ رايونى ساۋداگەر شاقىرۋ (ساۋدا ىستەرى، ەكونوميكا جانە ينفورماتسيالاندىرۋ مەكەمەسى) مەكەمەسىنىڭ باستىعى فان زىڭشي.

  بيىل 3 - ايدىڭ 21 - كۇنى قورعاس ەكونوميكالىق اشۋ رايونىندا (قالا) تۇڭعىش توپتا 72 ءتۇيىندى نىسان شوعىرلى قۇرىلىس باستاعان بولاتىن، ولار نەگىزدىك قۇرىلعى، مانەرلەۋ - جاساۋ، ساۋدا - ساتتىق زات اينالىمى، مادەنيەت - ساياحات سياقتى كوپ سالانى قامتيدى، سالىنعان جالپى قارجى 13 ميلليارد 20 ميلليون يۋانعا جەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس