تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن وتكىزدى

  ءتىلشى يۋان لەي 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، 2019 - جىلدىڭ الدىڭعى جارتى جىلىنداعى اۆتونوميالى رايوننىڭ ”تومەنگە بەرۋ، ۇشتاستىرۋ، ساپالىلاندىرۋ“ رەفورماسىن تەرەڭدەتۋ قىزمەتى جاعدايى مالىمەتىن تىڭداپ، شينجياڭنىڭ زات اينالىمى كاسىبىنىڭ دامۋىن ونان ارى ىلگەرىلەتۋ، اۆتونوميالى رايوننىڭ 3 دارەجەلى ۇكىمەت شيپاحانالارىنىڭ ناتيجەسىن باعالاۋ، تۋىت قامسىزداندىرۋى مەن جۇمىسشى - قىزمەتشىلەردىڭ نەگىزدىك ەمدەۋ قامسىزداندىرۋىن بىرىكتىرىپ اتقارۋدى جاپپاي ىلگەرىلەتۋ سياقتى قىزمەتتەردى اقىلداستى.

  ءماجىلىس مىنالاردى اتاپ كورسەتتى: بيىل الدىڭعى جارتى جىلدا اۆتونوميالى رايوننىڭ ”تومەنگە بەرۋ، ۇشتاستىرۋ، ساپالىلاندىرۋ“ رەفورماسى نازاردى شينجياڭ قىزمەتىنىڭ باس نىساناسىنا شوعىرلاندىرىپ، 94 ءتۇرلى رەفورما مىندەتىن ءبىر تۇتاس باسشىلىققا الۋعا تاباندى بولىپ، تيجارات، ساۋدا ورتاسىن ساپالىلاندىرۋ 7 ءتۇرلى ءتۇيىندى مىندەتىن تۇتقا ەتىپ، ءبىر تۇلعالانعان اكىمشىلىك ىستەر تۇعىرى قۇرىلىسىن جانە ونى قولدانۋدى كورنەكتىلەندىرىپ، بەلگىلى ونىمدىلىككە قول جەتكىزدى. جەر - جەر، تاراۋلار بۇكىل مەملەكەتتىڭ ”تومەنگە بەرۋ، ۇشتاستىرۋ، ساپالىلاندىرۋ“ رەفورماسىن تەرەڭدەتىپ، تيجارات، ساۋدا ورتاسىن ساپالىلاندىرۋ تەلەۆيزور - تەلەفون ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، رايونىمىزدىڭ ”تومەنگە بەرۋ، ۇشتاستىرۋ، ساپالىلاندىرۋ“ رەفورماسىن اناعۇرلىم ىشكەرىلەي تەرەڭدەتىپ، ونى ۇكىمەت فۋنكتسياسىنا بۇرىلىس جاساۋدى ىلگەرىلەتۋدىڭ، بازارعا كىرۋگە رۇقسات ەتۋ قامالىن بۇزۋدىڭ ماڭىزدى تۇتقاسىنا اينالدىرىپ، جۇرتشىلىق پەن كاسىپورىنداردىڭ رازىلىق دارەجەسى مەن تابىس سەزىمىن ۇزدىكسىز ارتتىرۋ كەرەك.

  ءماجىلىس مىنالاردى باسا دارىپتەدى: رايونىمىزدىڭ زات اينالىمى بازارىنىڭ كومەسكى كۇشى ەرەسەن زور، زات اينالىمى كاسىبىن دامىتۋدى جەبەۋ رايونىمىزدىڭ كاسىپ قۇرىلىمىن رەتتەۋدە، قالانىڭ جالپىلىق قۋاتىن جوعارىلاتۋدا، بايلىقتى ساپالىلاندىرۋدا، بىرىكتىرۋدە ماڭىزدى جەتەكشى مانگە يە. مەملەكەت ستراتەگياسىن دەمەپ، وڭىرلىك ەكونوميكانىڭ دامۋىنا تىرەك بولىپ، قوعامنىڭ العا باسۋىنا قىزمەت وتەۋدى جانە حالىق تۇرمىسىن جاقسارتۋدى قامتاماسىز ەتۋدى ءتۇبىرلى مىندەت ەتىپ، قوزعاۋشى قۋاتتى ۇلعايتۋدى، ولقىلىقتى تولىقتاۋدى، قۇرىلىمدى رەتتەۋدى، جۇيە قۇرۋدى، حاۋىپسىزدىكتى ورنىقتىرۋدى قىزمەت ءتۇيىنى ەتىپ، رايونىمىزدىڭ زات اينالىمى كاسىبى دامۋىنىڭ ءىس جۇزىندىگىن شىعار ءتۇيىن ەتىپ، ءبىر تۇتاس ورنالاستىرىپ، بىردەي ءمان بەرىپ، جەرگىلىكتى جاعدايعا قاراي تۇتاس رايونىمىزدىڭ زات اينالىمى كاسىبىنىڭ جوعارى ساپالى دامۋىن ىلگەرىلەتۋ كەرەك.

  ءماجىلىس مىنالاردى باسا دارىپتەدى: ۇكىمەت شيپاحانالارىنىڭ ناتيجەسىن باعالاۋ ءتۇزىمىن اتقارۋ، ۇكىمەت شيپاحانالارىنىڭ اينالىم مەحانيزمىنە جانە ەمدەۋ قىزمەتكەرلەرىن شابىتتاندىرۋ مەحانيزمىنە رەفورما جاساۋدا، ساپالىلاندىرۋدا، ەمدەۋگە قىزمەت وتەۋ قۋاتى مەن اينالىم ونىمدىلىگىن جوعارىلاتۋدا اسا ماڭىزدى جەبەۋ رولىن اتقارادى. جەر - جەر، تاراۋلار حالىقتى وزەك ەتكەن دامۋ يدەياسىنا تاباندى بولىپ، نەگىزدىك ەمدەۋ - دەنساۋلىق ساقتاۋ ءتۇزىمىن ىشكەرىلەي ورناتىپ، اقاۋسىزداندىرىپ، ۇكىمەت شيپاحانالارىن باسقارۋدى كۇشەيتىپ جانە كەمەلدەندىرىپ، الەۋمەتتىك يگىلىك سيپاتىنا تاباندى بولىپ، بەلسەندىلىگىن جۇمىلدىرىپ، 3 دارەجەلى ۇكىمەت شيپاحانالارىنىڭ يقۋات ورنىن ىشكەرىلەي تياناقتاندىرۋىنا جەتەكشىلىك ەتىپ، ەمدەۋگە قىزمەت وتەۋ ساپاسى مەن ونىمدىلىگىن جوعارىلاتىپ، دارەجەگە ءبولىپ دياگنوز قويۋ، ەمدەۋ ءتۇزىمى قۇرىلىسىن ىلگەرىلەتىپ، حالىق جۇرتشىلىعىنا جوعارى ساپالى ەمدەۋ قىزمەتىن وتەۋ كەرەك.

  ءماجىلىس مىنالاردى اتاپ كورسەتتى: تۋىت قامسىزداندىرۋى مەن جۇمىسشى - قىزمەتشىلەردىڭ نەگىزدىك ەمدەۋ قامسىزداندىرۋىن بىرىكتىرىپ اتقارۋ جۇمىسشى - قىزمەتشىلەردىڭ قوعامدىق قامسىزداندىرۋ مامىلەسىن قامتاماسىز ەتۋدەگى، قور ارقىلى بىرلەسىپ كومەك كورسەتۋ قابىلەتىن كۇشەيتۋدەگى ءبىر ناقتى شارا. جەر - جەر، تاراۋلار ەكى ءتۇرلى قامسىزداندىرۋ قورىن بىرىكتىرۋ جانە بايلىقتى باسقارۋ ارقىلى رايونىمىز ەكونوميكاسىنىڭ دامۋ دەڭگەيىنە ۇيلەسەتىن، قامسىزداندىرۋدى باسقارۋ قاينارىن ساپالىلاندىراتىن، ەكى ءتۇرلى قامسىزداندىرۋدىڭ ۇزاق ۋاقىت ورنىقتى، باياندى دامۋىن جۇزەگە اسىراتىن تۇزىمدىك جۇيەسىن جانە اينالىم مەحانيزمىن ورناتۋى كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.