تيانشان تورى   ›   جاڭالىقتار   ›   شينجياڭ حابارلارى

كۇرەس جاساۋ ىنتاسىن قاۋلاتىپ، كورىكتى مەكەندى بىرگە قۇرامىز

− 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى رايونىمىزدا قىزۋ اڭىس قوزعادى

  شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، قالىڭ شينجياڭعا كومەكتەسەتىن كادر - دارىندىلار مەملەكەتتىڭ بورىشىن ارقالاپ، قالتقىسىز ۇلى سۇيىسپەنشىلىككە تولى دارقان پەيىلمەن تيانشاننىڭ وڭتۇستىگى مەن سولتۇستىگىندەگى بايتاق دالادا شىن پەيىلىمەن، شىنايى سۇيىسپەنشىلىگىمەن، بار كۇشىمەن وتان ۇلى شاڭىراعىنىڭ مەيىرىن جەتكىزدى. 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى رايونىمىزداعى ءار ۇلت كادر - بۇقارا اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: سۋبيەكتتىك تانىمدى كۇشەيتىپ، كۇرەس جاساۋ ىنتاسىن قاۋلاتىپ، ەسەلەي قۇلشىنىپ قىزمەت ىستەپ، كورىكتى مەكەندى بىرگە قۇرامىز.

■ كاسىپ سالاسى ارقىلى شينجياڭعا كومەكتەسۋدى ىلگەرىلەتىپ، ”قان جاساۋ“ يقۋاتىن كۇشەيتەمىز

  ”جاڭا كەزەك شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، اۆتونوميالى رايوندىق پارتكومنىڭ باسشىلىعىندا، قاشقار ايماعى نازاردى باس نىساناعا شوعىرلاندىرىپ، قوعام ورنىقتىلىعى، كەدەيلىكتەن ارىلتۋدان قامال الۋ، حالىق تۇرمىسىن جاقسارتۋ ىستەرىن تىڭعىلىقتى ىلگەرىلەتىپ، كورنەكتى تابىستارعا قول جەتكىزدى“. قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى پارحات روزى بىلاي دەدى: شينجياڭعا باعىتتامالى كومەكتەسەتىن ولكە، قالالار كاسىپ سالاسىنىڭ دامۋىن قولدايتىن ءبىر توپ ساياسات شىعارىپ، ”باقشا رايونى باس شتابى + قىستاق قۇرعان زاۆود“ ۇلگىسى ارقىلى جۇمىسقا ورنالاستىرۋدى جەبەۋ جاعىندا ىزدەنىس جاساپ، جاڭالىق اشىپ، قاشقار ايماعىنداعى ءار ۇلت بۇقاراسىنىڭ جاقىن ماڭىنان، سول جەردەن جۇمىسقا ورنالاسۋىن پارمەندى جەبەدى.

  اقسۋ ايماقتىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ءاليا سەيتنياز بىلاي دەدى: اقسۋ ايماعى بەلسەندى تۇردە جىجياڭ ولكەسىمەن ۇشتاسىپ، نازاردى كەدەيلىكتەن ارىلتۋدان قامال الۋ، كاسىپ سالاسى ارقىلى شينجياڭعا كومەكتەسۋ، وقۋ - اعارتۋ ارقىلى شينجياڭعا كومەكتەسۋ، دارىندىلار ارقىلى شينجياڭعا كومەكتەسۋ، ارالاسۋ، ىشتەسۋ، توعىسۋ جانە نەگىزگى ساتى قۇرىلىسى سياقتى ءتۇيىندى قىزمەتتەرگە ىشكەرىلەي شوعىرلاندىرىپ، اناعۇرلىم كوپ قارجىنىڭ، نىساننىڭ نەگىزگى ساتىعا بەيىمدەلۋىن ىلگەرىلەتىپ، بۇقارا ەڭ قاجەت ەتىپ وتىرعان، ەڭ كوكەي تەستى حالىق تۇرمىسى ماسەلەلەرىن ارقاۋ ەتىپ، حالىق تۇرمىسىنداعى ولقىلىقتاردى بەلسەندىلىكپەن تولىقتاپ، ”قان جاساۋ“ يقۋاتىن ىشكەرىلەي جانداندىرادى.

  جەمسارى اۋداندىق پارتكومنىڭ شۋجيى لي گاڭ بىلاي دەدى: شينجياڭعا باعىتتامالى كومەكتەسكەننەن بەرى، شيامىن قالاسى كاسىپ سالاسى ارقىلى شينجياڭعا كومەكتەسىپ، جۇمىستاندىرۋدى جەبەۋدى شينجياڭعا كومەكتەسۋ قىزمەتىنىڭ ماڭىزدى كۇش سالۋ ءتۇيىنى ەتىپ، جەمسارى اۋدانىنىڭ ”قان جاساۋ“ يقۋاتىن كۇشەيتۋگە ءمان بەرىپ، شيامىنداعى ساپالى كاسىپورىنداردى قارجى قوسۋعا، ىرگە تەبۋگە جەتەكتەدى. قازىر ەكى جەردىڭ توقىماشىلىق، جابدىق جاساۋ سياقتى جاقتارداعى اۋىس - كۇيىسى، سەلبەستىگى كورنەكتى ونىمدىلىككە قول جەتكىزدى.

■ ۇيرەنگەندى قولدانىپ، وقىتۋ ساپاسىن جوعارىلاتامىز

  ”7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى ءبىزدىڭ كەلەسى قادامداعى قىزمەتتەرىمىزگە ايقىن بەتالىس كورسەتتى ءارى جوبا سىزىپ بەردى“، - دەدى حۋاجۇڭ پەداگوگيكالىق داشۋەسىنە قاراستى 1 - ورتا مەكتەپ بۇراتالا بولىمشە مەكتەبىنىڭ باستىعى گاۋ ميڭ. 10 جىلدان بەرى شينجياڭعا كومەكتەسۋشى توپ - توپ وقىتۋشىلار بۇراتالاعا كەلىپ، بۇراتالا بولىمشە مەكتەبىنىڭ جوعارى مەكتەپ ەمتيحانىنداعى تولىق كۋرس 1 - توپ ءنومىر شەگىنە جەتۋ مولشەرىن %20كە تولماۋدان %48كە جوعارىلاتتى. حۋبەي ولكەسىنىڭ قالتقىسىز كومەگى بۇراتالا موڭعۇل اۆتونوميالى وبلىسىنىڭ وقۋ - اعارتۋ ىستەرىندە توتەنشە زور وزگەرىستەردىڭ جارىققا شىعۋىنا مۇمكىندىك جاراتتى.

  ”2017 - جىلى حىبەي ولكەسى حىڭشۇي قالاسىنىڭ كومەكتەسىپ، سۇيەمەلدەۋىندە، حىڭشۇي ورتا مەكتەبى لوپنۇر بولىمشە مەكتەبى سالىندى. حىڭشۇي ورتا مەكتەبى 36 ءپان جەتەكشىسىن لوپنۇر اۋدانىنا وقىتۋشىلىققا تاڭداپ جىبەرىپ، وزىق ءبىلىم بەرۋ، وقىتۋ، باسقارۋ ۇستانىمىن لوپنۇرعا جەتكىزدى“. لوپنۇر اۋداندىق 1 - ورتا مەكتەپتىڭ باستىعى ساداكەت قادىر بىلاي دەدى: ”حىڭشۇي ورتا مەكتەبىنىڭ وقۋشىلارعا باعىتتالعان جىنتىكتەپ باسقارۋ ۇلگىسى، وقىتۋشىلار اراسىنداعى دەربەس جانە سەلبەستىك ۇشتاستىرىلعان وقىتۋدى زەرتتەۋ ۇلگىسى، وتباسى مەن مەكتەپ سەلبەسكەن وقىتۋ جۇرگىزۋ ۇستانىمى سياقتىلار مەكتەپتەگى وقىتۋشى - وقۋشىلارعا زور پايداسىن جەتكىزدى. ءبىز ۇيرەنگەندى قولدانىپ، مەكتەپتىڭ وقىتۋ جۇرگىزۋ ساپاسىن ۇزدىكسىز جوعارىلاتامىز“.

  ”شينجياڭعا كومەكتەسكەن وقىتۋشىلارعا ەرەكشە العىس ايتامىز، ولاردىڭ ۇيرەتۋى، كومەكتەسۋى، جەتەكتەۋى ارقاسىندا، ءبىزدىڭ كاسىپتىك ورەمىز تەز جوعارىلادى“. بۋىرشىن اۋداندىق شىنحۋ جولى باستاۋىش مەكتەبىنىڭ ءتىل - ادەبيەت وقىتۋشىسى نۇرگۇل ايقىن مىنانى ءبىلدىردى: وزىق وقىتۋ تاجىريبەسىن مەكتەپتىڭ ءىس جۇزىندىگىمەن ۇشتاستىرىپ، وقىتۋ ورەمىزدى ونان ارى جوعارىلاتىپ، جيليننىڭ شينجياڭعا كومەكتەسەتىن وقىتۋشىلارىنىڭ قالتقىسىز كومەگى مەن ءۇمىتىن جەردە قالدىرمايمىز.

■ ءار ۇلت بۇقاراسىنىڭ سالاماتتىعىن قورعايمىز

  فۋكاڭ قالالىق حالىق شيپاحاناسىنىڭ باستىعى ۋ جۇنجياڭ بىلاي دەدى: ”ۇيىرمە ۇيىمداستىرۋ ۇلگىسىندەگى ەمدەۋ ارقىلى شينجياڭعا كومەكتەسۋ ورىستەتىلگەننەن بەرى، سانشيدىڭ شيپاحانامىزعا جاساعان قولداۋى مەن كومەگى ەرەكشە زور، ونىمدىلىگى ەرەكشە كورنەكتى بولدى. بۇدان بىلاي ءبىز شينجياڭعا كومەكتەسەتىن ەمدەۋ ماماندارى ءۇشىن تۇعىردى ويداعىداي دايىنداپ، ءار ۇلت بۇقاراسىنىڭ سالاماتتىعى ءۇشىن بىرگە ءتىپتى دە جاقسى قىزمەت وتەيمىز“.

  ”حىنان ولكەسىنىڭ قۇمىلدىڭ ەمدەۋ - دەنساۋلىق ساقتاۋ ىستەرىنە جاساعان كومەگىنىڭ تەبىنى توتەنشە زور بولدى. مەن حىناننىڭ شينجياڭعا كومەكتەسەتىن ماماندارىنا ەرەكشە العىس ايتامىن، مەنىڭ ءاربىر ءوسىپ - جەتىلۋىم جانە العا باسۋىم شينجياڭعا كومەكتەسەتىن مامانداردىڭ قالتقىسىز كومەگىنەن ايرىلا المايدى. مەن جانە مەنىڭ ۇيىرمەم ولاردىڭ ءۇمىتىن استە جەردە قالدىرماي، ءار ۇلت ناۋقاستارىنا ويداعىداي قىزمەت وتەيمىز“، - دەدى قۇمىل قالالىق جۇڭگوشا ەمدەۋ شيپاحاناسى جۇڭگوشا وتاشىلىق ءبولىمىنىڭ مەڭگەرۋشىسى ۋاڭ دۇڭلياڭ.

  قىزىلسۋ قىرعىز اۆتونوميالى وبلىستىق حالىق شيپاحاناسى كوكىرەك قۋىسى سىرتقى اۋرۋلار ءبولىمىنىڭ تەتە اعا شيپاگەرى قادىرجان مۇسا بىلاي دەدى: ”بۇرىن ءبىزدىڭ شيپاحانادا كوكىرەك قۋىسى سىرتقى اۋرۋلار ءبولىمى جوق ەدى، 2016 - جىلى 6 - ايدا عانا وسى ءبولىم رەسمي قۇرىلدى. جياڭسۋ ولكەسى بىزگە وزىق جابدىقتار سەپتەپ بەرىپ قانا قالماستان، مامانداردى ۇزاق ۋاقىت وسىندا تۇرىپ جەتەكشىلىك ەتۋگە جىبەردى، قازىر مەن قاراپايىم جۇرەك وپەراتسيالارىن ءوزىم باس بولىپ جاساي الاتىن بولدىم. مەن، ءسوز جوق، ەسەلەپ قۇلشىنىپ قىزمەت ىستەپ، كاسىپتىك قابىلەتىمدى ۇزدىكسىز جوعارىلاتىپ، ءار ۇلت بۇقاراسىنىڭ سالاماتتىعىن قورعايمىن“.

  (تىلشىلەر چىن چىن، گاي يوۋجۇن، حان چينيان، جاڭ جىلي، جاڭ تيڭ، حى ليڭ، بايىنعولين وبلىسى تىلشىلەر پۋنكتىنەن لي ليڭ، بۇراتالا وبلىسى تىلشىلەر پۋنكتىنەن ۋاڭ ياپيڭ، قۇمىل تىلشىلەر پۋنكتىنەن ما جىجۋان، ەرىكتى تىلشىلەر گاڭ ليچياڭ، ميڭ ۋي، جاڭ حاييان حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.