تيانشان تورى   ›   جاڭالىقتار   ›   ساياحات

شينجياڭداعى 16 كورىنىس اۋماعى 5A دارەجەلى بولۋعا ۇمتىلدى

سارا كورىنىس اۋماعىن تۇلعالاپ، ماركا اسەرىن كورنەكتىلەندىردى

شينجياڭداعى 16 كورىنىس اۋماعى 5A دارەجەلى بولۋعا ۇمتىلدى

  ءتىلشى ياۋ گاڭ 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 5 - كۇنى، تاشقورعان تاجىك اۆتونوميالى اۋدانى ساييۇن رىنجيا ۇلتتىق سالت - سانا قىستاعىندا وزگەشە ەرەكشەلىككە يە بۇركىت ءبيىن تاماشالاي وتىرىپ، تاجىك ۇلتىنىڭ ءدامدى تاعامدارىنان اۋىز تيگەن بەيجيڭدىك ساياحاتشى ما لي بارىنشا ءلاززاتتاندى. ساييۇن رىنجيا ۇلتتىق سالت - سانا قىستاعىندا ساياحاتشىلار تاجىكتىڭ حالىق اندەرىن، كيىم - كەشەكتەرىن قامتىعان 6 ءتۇرلى مەملەكەت دارەجەلى بەيزاتتىق مادەني مۇراسىن شوعىرلى تاماشالاي الادى.

  2014 - جىلدان باستاپ، تاشقورعان تاجىك اۆتونوميالى اۋدانى مەملەكەتتىك ءتۇيىندى قورعالاتىن مادەني مۇرا − تاس قورعان، مەملەكەتتىك سازدىق باقشاسى جينساۋتاندى، ساييۇن رىنجيا ۇلتتىق سالت - سانا قىستاعىن وزەك ەتكەن3.1 شارشى كيلومەترلىك پامير ساياحات كورىنىس اۋماعىن 5A دارەجەلى كورىنىس اۋماعى ەتىپ قۇرۋدى تۇراقتاندىردى.

  پامير ساياحات كورىنىس اۋماعى سياقتى، قازىر بۇكىل شينجياڭدا 16 كورىنىس اۋماعى مەملەكەتتىك 5A دارەجەلى كورىنىس اۋماعىن قاۋىرت قۇرۋدا.

  مەملەكەتتىك 5A دارەجەلى كورىنىس اۋماعىن قۇرۋ كورسەتكىشى ساياحات قاتىناسى، تازالىق، پوچتا - تەلەگرافتىق قىزمەت وتەۋ، ساياحاتتىق زات ساتىپ الۋ، جالپىلىق باسقارۋ، بايلىقتى جانە قورشاعان ورتانى قورعاۋ، بايلىقتىڭ باۋراۋ قۋاتى، بازاردىڭ ىقپال قۋاتى، ساياحاتشىلاردىڭ رازىلىق دارەجەسى سياقتى 12 جاقتى قامتيدى.

  ساياحاتتى دامىتۋدا، قاتىناس شەشۋشى ءتۇيىن. سۋرەتشى يان يايا تاجىك ۇلتى بالالارىن شىعارماشىلىق وبيەكتىسى ەتىپ كەلگەن، ءار جىلى بەيجيڭنەن تاشقورعانعا كەلىپ كورىنىس الادى. “قازىر قاتىناس بارعان سايىن قولايلىلاندى، ’تاس قورعان‘ ەندىگارى الىس ەمەس“، - دەدى يان يايا تەرەڭ سەزىممەن.

  قازىر بۇكىل ەلدەگى كوپتەگەن جەرلەر قاشقارعا توتە قاتىنايتىن اۋە جەلىسىن اشتى، تەمىر جول جولاۋشى تاسىمالى دا بارعان سايىن قولايلىلاندى، بۇعان قوسا 314 مەملەكەت تاس جولىنىڭ جاڭالانىپ، كەڭەيتىپ سالىنۋى تاشقورعان ساياحاتىنىڭ دامۋىن قاتىناس جاعىنان قامتاماسىزداندىردى. سونىمەن بىرگە، پامير ساياحات كورىنىس اۋماعى دا نەگىزدىك قۇرىلعىلارىن بەلسەنە كەمەلدەندىرىپ، جاڭادان 15 مىڭ شارشى مەترلىك ەكولوگيالىق اۆتوكولىك توقتاتۋ الاڭىن جانە 6 كيلومەترلىك كورىنىس اۋماعى ەرەكشە سەيىل جولىن سالدى، 2 كورىنىس تاماشالاۋ تۇعىرىن جانە تىنىعۋ قۇرىلعىلارىن ورناتتى.

  كورىنىس اۋماعىنىڭ ءوزى جونىنەن ايتقاندا، 5A دارەجەلى كورىنىس اۋماعىن قۇرۋ ارقىلى باسقارۋ ورەسىن ۇزدىكسىز جوعارىلاتىپ، ساياحاتشىلاردىڭ رازى بولۋ دارەجەسىن ارتتىرىپ، بازارداعى ىقپال قۋاتىن كۇشەيتۋگە ءارى ايگىلى ساياحات ماركاسىن قالىپتاستىرۋعا اسا زور ىلگەرىلەتۋ رولىن تۋدىرادى. بيىل الدىڭعى جارتى جىلدا، تاشقورعان تاجىك اۆتونوميالى اۋدانى جيىنى 554 مىڭ 100 ادام - رەت ساياحاتشى قابىلداپ، سايكەس مەزگىلدەگىدەن %43.26 ارتتى.

  كەزەكتە شينجياڭدا تيانشان بوعدا كولى كورىنىس اۋماعى، قاناس كورىنىس اۋماعى، تۇرپان ءجۇزىم سايى كورىنىس اۋماعى، نارات كورىنىس اۋماعى، كوكتوعاي كورىنىس اۋماعى، تيانشان اڭعارى كورىنىس اۋماعى، باعىراش كولى كورىنىس اۋماعى، بايىنبۇلاق كورىنىس اۋماعى قاتارلى مەملەكەتتىك 5A دارەجەلى 12 كورىنىس اۋماعى بار بولىپ، باتىس سولتۇستىكتەگى 5 ولكە، اۆتونوميالى رايون ىشىندە ءبىرىنشى ورىندا تۇرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى