تيانشان تورى   ›   جاڭالىقتار   ›   شۋجي ەستەلىگى

شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى

چىن چۋانگو، ليۋ جيا - ي، شوكىرات زاكىر، سۇن جينلۇڭ قيمىلعا قاتىناستى

  ءتىلشى ياۋ تۇڭ، جاۋ جىيۇن 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 16 - كۇنىنەن 7 - ايدىڭ 19 - كۇنىنە دەيىن شاندۇڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ جيا - ي شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ قيمىلعا قاتىناستى.

  7 - ايدىڭ 19 - كۇنى تۇستەن بۇرىن شاندۇڭ . شينجياڭ ۇيعۇر اۆتونوميالى رايونى، سونداي - اق شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى ۇرىمجىدە وتكىزىلدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ تەكسەرۋ جۇرگىزگەندىگىن قىزۋ قارسى الاتىندىعىن ءبىلدىردى، شاندۇڭ ولكەسىنىڭ ۇزاق ۋاقىتتان بەرى شينجياڭعا كورسەتكەن پارمەندى قولداۋىنا جانە قالتقىسىز كومەگىنە شىن جۇرەكتەن العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شاندۇڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىردى، باس شۋجي شي جينپيڭنىڭ شاندۇڭدى كوزدەن كەشىرگەن كەزدەگى ماڭىزدى ءسوزىنىڭ جانە شاندۇڭ قىزمەتى جونىندەگى ماڭىزدى نۇسقاۋىنىڭ رۋحىن جاپپاي دايەكتىلەندىردى، تياناقتاندىردى، جاڭا داۋىردەگى وسىزاماندانعان قۋاتتى ولكە قۇرۋ قۇرىلىسىندا مىعىم قادام تاستادى. ءبىز بۇنى شىن جۇرەكتەن قۇتتىقتايمىز.

  چىن چۋانگو مىنانى ءبىلدىردى: شاندۇڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك رەتىندە ماڭىزدى ورىنعا قويىپ، نازاردى ماڭىزدى تۇيىندەرگە، قيىن تۇيىندەرگە شوعىرلاندىرىپ، كومەك بەرۋ تاسىلىندە جاڭالىق اشىپ، ءوزارا ىقپالداستىق تۇعىرىن ورناتىپ، بايلىقتى بىرىكتىرىپ، كەشەندى كۇش سالىپ، قاشقار ايماعى مەن بيڭتۋان 12 - شىسىنىڭ جاراسىمدىلىعىن، ورنىقتىلىعىن، كەدەيلىكتەن ارىلتۋدان قامال الۋىن، حالىق تۇرمىسىن جاقسارتۋىن، ەكونوميكالىق دامۋىن، ۇلتتار ىنتىماعىن پارمەندى جەبەپ، شينجياڭنىڭ ورنىقتىلىعى، دامۋى ءۇشىن ماڭىزدى ۇلەس قوستى، شينجياڭداعى ءار ۇلت حالقى شىن جۇرەكتەن العىس ايتادى. شينجياڭ ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، نەگىزگى تۇلعالىق جاۋاپكەرشىلىكتى كۇشەيتىپ، وزىق تاجىريبەلەردى ۇيرەنىپ، قىزمەت مەحانيزمىن كەمەلدەندىرىپ، ءوزارا پايدا جەتكىزۋدى، سەلبەستىكتى تەرەڭدەتىپ، باسىمدىقتار ارقىلى ءبىرىن - ءبىرى تولىقتاۋدى جەبەپ، شينجياڭعا باعىتتامالى كومەكتەسۋدىڭ جان - جاقتىلى ونىمدىلىگىن ۇزدىكسىز جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىن، شينجياڭعا باعىتتامالى كومەكتەسۋدىڭ ەرەكشە باسىمدىعىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۇدىرەتتى قوزعاۋشى كۇشىنە شىن مانىندە اينالدىرىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتايدى.

  لي جيا - ي بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. باس شۋجي شي جينپيڭ مەن پارتيا ورتالىق كوميتەتى شينجياڭعا باعىتتامالى كومەكتەسۋدىڭ ءبىر ءبولىم مىندەتىن شاندۇڭعا تاپسىردى، بۇل شاندۇڭعا دەگەن ەرەسەن زور سەنىم، سونداي - اق ءبىزدىڭ بۇلتارۋعا كەلمەيتىن ساياسي جاۋاپكەرشىلىگىمىز. ءبىز باس شۋجي شي جينپيڭنىڭ ماڭىزدى نۇسقاۋلارىن، تالاپتارىن مۇقيات دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ جاعىندا ءىشىنارا قىزمەتتەر ىستەدىك، العاشقى ادىمداعى تابىستارعا قول جەتكىزدىك. ءبىز ”ءتورت تانىم“دى اناعۇرلىم بەرىك ورناتىپ، مىزعىماس ”ەكىنى قورعاۋ“عا تاباندى بولۋ ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ويداعىداي دايەكتىلەندىرەمىز، تياناقتاندىرامىز. ءبىز كۇشتى بورىشتىلىقپەن، جاۋاپكەرشىلىكپەن دايەكتىلەندىرۋدى، تياناقتاندىرۋدى ويداعىداي يگەرىپ، شينجياڭعا كومەكتەسۋ قىزمەتىن جاقسى ىستەۋدى ءوزىمىزدىڭ تيەسەلى ءىسىمىز، ادا ەتۋگە ءتيىستى جاۋاپكەرشىلىگىمىز ەتىپ، پارتيا ورتالىق كوميتەتى بىزگە تاپسىرعان ساياسي مىندەتتى ورىنداۋعا شىنايى كەپىلدىك ەتەمىز. ءبىز ۇزدىكسىز جاڭالىق اشقان ءادىس - امالدار ارقىلى دايەكتىلەندىرۋدى، تياناقتاندىرۋدى ويداعىداي يگەرىپ، قول جەتكىزگەن قىزمەت ناتيجەلەردى بەكەمدەۋ نەگىزىندە، بايلىقتى جيناۋ - شوعىرلاندىرۋدى، قارجىنى بىرىكتىرۋدى، ساياساتتاردى توپتاۋدى كۇشەيتىپ، ۇيىرمە ۇيىمداستىرۋ ۇلگىسىندەگى كومەكتەسۋ - سۇيەمەلدەۋدى تەرەڭدەتىپ، كەڭەيتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەۋ، حالىق تۇرمىسىن قامتاماسىزداندىرۋ جانە جاقسارتۋ، ”ءبىر بەلدەۋ، ءبىر جول“ قۇرىلىسىنا ات سالىسۋ سياقتى جاقتارداعى اناعۇرلىم كوپ ناقتى شارالاردى قاراستىرىپ الىپ شىعامىز. مادەنيەت، وقۋ - اعارتۋ ارقىلى شينجياڭعا كومەكتەسۋ قىزمەتىن بەلسەندىلىكپەن ويداعىداي ىستەپ، شاندۇڭنىڭ مادەنيەتتەگى ءىرى ولكەسىندىك باسىمدىعىن ساۋلەلەندىرىپ، جۇڭحۋانىڭ تاڭداۋلى ءداستۇرلى مادەنيەتىن جانە سوتسياليستىك وزەكتى قۇن كوزقاراسىن كۇندەلىكتى تۇرمىسقا ءسىڭىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ وي - ساناعا، جۇرەككە ۇيالاۋىن، نەگىزدى جەتىلدىرىپ، رۋحتى سومداۋىن ىلگەرىلەتەمىز. ءبىز تىڭعىلىقتى قىزمەت ستيلى ارقىلى دايەكتىلەندىرۋدى، تياناقتاندىرۋدى ويداعىداي يگەرىپ، كومەك قابىلداعان جەرلەردىڭ ءىس جۇزىندىگىن شىعار ءتۇيىن ەتىپ، ءتۇرلى قىزمەتتەردى ىشكەرىلەي، ەگجەي - تەگجەيلى ىستەپ، شينجياڭعا كومەكتەسۋ قىزمەتىنىڭ ناقتى ونىمدىلىگىن ۇزدىكسىز جوعارىلاتىپ، ءىس جۇزىندىك ارەكەتىمىزبەن باس شۋجي شي جينپيڭنىڭ قامقورلىعىن، تەرەڭ سۇيىسپەنشىلىگىن جانە شاندۇڭ مەن شينجياڭ حالقىنىڭ ءۇمىتىن اقتايمىز.

  اڭگىمە ماجىلىسىندە شوكىرات زاكىر، سۇن جينلۇڭ جەكە - جەكە اۆتونوميالى رايوننىڭ، سونداي - اق بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتى جاعدايىن تانىستىردى، شاندۇڭ ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى ۋاڭ شۋجيان شينجياڭعا باعىتتامالى كومەكتەسۋ قىزمەتىنىڭ جاعدايىن تانىستىردى.

  شينجياڭداعى كەزدەرىندە شاندۇڭ ولكەسىنىڭ پارتيا، ۇكىمەت ۋاكىلدەر ۇيىرمەسى قاشقار ايماعىنىڭ يىڭسار اۋدانىنا، قاشقار جاڭاءشار اۋدانىنا، ايماقتىق قوعام حاۋىپسىزدىگى مەكەمەسىنە، قاشقار ەكونوميكالىق اشۋ رايونىنا، شاندۇڭنىڭ شينجياڭعا كومەكتەسۋ قىزمەتى قولباسشىلىق شتابىنا جانە بيڭتۋان 12 - شىسىنىڭ وقۋ - اعارتۋدى جوعارى ساپامەن دامىتۋ ورتالىعىنا، شينجياڭعا كومەكتەسۋشى كادر - دارىندىلار شاڭىراعىنا، 104 - تۋانعا بارىپ تەكسەرۋ - زەرتتەۋ جۇرگىزدى، شينجياڭعا باعىتتامالى كومەكتەسۋ نىساندارىن تەكسەردى، كەدەي بۇقارالاردى ارالاپ حال سۇرادى، شينجياڭعا كومەكتەسۋ قىزمەتى اڭگىمە ءماجىلىسىن اشتى، شينجياڭعا كومەكتەسۋشى كادر - دارىندىلارعا بارىپ حال سۇرادى، سونداي - اق شاندۇڭنىڭ شينجياڭعا كومەكتەسۋ سەلبەستىك نىساندارىنا قول قويۋ سالتىن وتكىزدى.

  شاندۇڭ ولكەلىك پارتكومنىڭ تۇراقتى مۇشەسى، باس حاتشى سۇن ليچىڭ، اۆتونوميالى رايون مەن بيڭتۋان باسشىلارىنان تيان ۋىن، سارقىت اقان، پىڭ جيارۇي، جاۋ چيڭ، ياۋ شينمين، لي جيدۇڭ جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.