تيانشان تورى   ›   جاڭالىقتار   ›   شينجياڭ حابارلارى

شينجياڭعا كومەكتەسۋ بارىسىندا اۋەلگى ماقساتتان اينىماي، بورىش ارقالادى

− ءدوربىلجىن اۋداندىق پارتكومنىڭ ورىنباسار شۋجيى، لياۋنيڭ ولكەسى لياۋياڭ قالاسىنىڭ ءدوربىلجىن اۋدانىنا باعىتتامالى كومەكتەسكەن كادرلارىنىڭ باس جەتەكشىسى جاڭ چىڭلياڭ جونىندە

 ءتىلشى چىن چىن

  شينجياڭعا كومەكتەسۋدىڭ الىس جولدارى، 6 كوكتەم مەن كۇزگە جالعاستى. ول لياۋياڭداعى شاعىن وتباسىن قيىپ، ءدوربىلجىن سىندى ۇلكەن وتباسىنا كەلىپ، ءىس - ارەكەتىمەن شينجياڭعا كومەكتەسۋگە كەلگەن ءبىر كادردىڭ اۋەلگى ماقساتى مەن بورىشىن ايگىلەدى. ول ءدوربىلجىن اۋداندىق پارتكومنىڭ ورىنباسار شۋجيى، لياۋنيڭ ولكەسى لياۋياڭ قالاسىنىڭ ءدوربىلجىن اۋدانىنا باعىتتامالى كومەكتەسكەن كادرلارىنىڭ باس جەتەكشىسى جاڭ چىڭلياڭ ەدى.

■ ”مەن استە قۇر سابىلمايمىن“

  2013 - جىلى 12 - ايدا جاڭ چىڭلياڭ لياۋنيڭ ولكەسى لياۋياڭ قالاسىنىڭ شينجياڭعا كومەكتەسۋشى كادرى رەتىندە ءدوربىلجىن اۋدانىنا كەلىپ، ءدوربىلجىن اۋداندىق پارتكومنىڭ ورىنباسار شۋجيى مىندەتىنە تاعايىندالىپ، ساۋداگەر شاقىرىپ قارجى ەنگىزۋ، كاسىپ ارقىلى شينجياڭعا كومەكتەسۋ قاتارلى قىزمەتتەردى باسقاردى. شينجياڭعا كومەكتەسۋشى كادر رەتىندە، ول ءوزىنىڭ ارقالاعان بورىشىن قانىق ءبىلدى. ول: ”شينجياڭعا كومەكتەسۋ قىزمەتى بارىسىندا قاھارمان ەرلىكتەرىم بولماسا دا بولادى، ءبىراق قۇر سابىلىپ جۇرمەيىن“، - دەدى.

  شينجياڭعا كومەكتەسۋ باستالعان كەزدە، جاڭ چىڭلياڭ تىنىم تاپپاي تەكسەرۋ - زەرتتەۋ جۇرگىزىپ، جاعداي ۇعىسىپ، ءدوربىلجىن اۋدانىنىڭ ەكونوميكالىق، قوعامدىق دامۋىنىڭ نەگىزگى ماتەريالىن يگەرىپ، شينجياڭعا كومەكتەسۋ قىزمەتىن ورىستەتۋگە نەگىز قالادى. ءدوربىلجىن اۋدانىنىڭ ءىس جۇزىندىگىمەن بىرلەستىرىپ، جاڭ چىڭلياڭ كاسىپتى دامىتۋدى شينجياڭعا كومەكتەسۋ قىزمەتىن ورىستەتۋدىڭ تۇتقاسى ەتىپ، كاسىپ ارقىلى شينجياڭعا كومەكتەسۋ نىسانى قۇرىلىسىن بەلسەندىلىكپەن ىلگەرىلەتتى.

  ءدوربىلجىن (بيڭتۋان مەن جەرگىلىكتى ورىن. لياۋياڭ) ونەركاسىپ باقشا رايونى ءدوربىلجىن اۋدانى ەكونوميكاسى دامۋىنىڭ قوزعالتقىشى، سونداي - اق كوپتەگەن شينجياڭعا كومەكتەسۋ نىساندارىنىڭ ءبىرى. جاڭ چىڭلياڭنىڭ كۇش سالا ىلگەرىلەتۋىندە، باقشا رايونى ىلگەرىندى - كەيىندى كومەكتەسىپ قۇرۋ قارجىسىنان 160 ميلليون يۋان قوسىپ، جول، سۋ جەتكىزۋ - ىعىستىرۋ، جاسىلداندىرۋ، كورىكتەندىرۋ، اكىمشىلىك قىزمەت وتەۋ ورتالىعى سياقتى نەگىزدىك قۇرىلعىلار قۇرىلىسىن اتقارىپ، سۋ جەتكىزۋ، ەلەكتر جەتكىزۋ، جول جەتكىزۋ، حابار - بايلانىس جەتكىزۋ، گاز جەتكىزۋ، جەردى تەگىستەۋ سىندى ”بەستى جەتكىزۋ، ءبىردى تەگىستەۋ“دى جۇزەگە اسىردى.

  كەمەلدەنگەن نەگىزدىك قۇرىلعىلار قۇرىلىسى شينجياڭ لۇڭحۇييۋان ءدارى - دارمەك كاسىبى شەكتى سەرىكتەستىگى، شينجياڭ شينتيانجۇن ۇن شەكتى سەرىكتەستىگى سياقتى ءبىر توپ جەرگىلىكتى ورىننىڭ دامۋ قاجەتىنە ۇيلەسەتىن كاسىپورىنداردى كەلىپ ىرگە تەبۋگە باۋرادى، 5 جىلدان ارتىق ۋاقىت دامۋ ارقىلى باقشا رايونىنا ىرگە تەپكەن كاسىپورىندار باستاپقى 4تەن 16عا كوبەيىپ، قىزمەتكەرلەر باستاپقى 200دەن استامنان كوبەيىپ، 2000نان استامعا جەتتى، مۇنىڭ %40ى از ۇلت جۇمىسشى - قىزمەتشىلەر مەن ارحيۆ تۇرعىزىلىپ، كارتچكالاندىرىلعان كەدەي وتباسىلار بولىپ، جەرگىلىكتى ورىننىڭ ەكونوميكانىڭ دامۋ تاسىلىندە بۇرىلىس جاساۋىن جانە بۇقارانىڭ كەدەيلىكتەن ارىلۋىن جەبەدى.

  جاڭ چىڭلياڭ قىزمەتكەرلەردى باستاپ جۇيەلى نىسان باسقارۋ مەحانيزمى جونىندە ىزدەنىس جاساپ، نىسان باستالاردان بۇرىنعى باعالاۋدىڭ، سوڭعى باعالاۋدىڭ تۇتاس بارىستىق باقىلاۋ - باسقارۋ مەحانيزمىن جاڭالاپ، قارجى باسقارۋ ءتۇزىمىن كەمەلدەندىرىپ، اقاۋسىزداندىرىپ، ەسەپ جابۋ مەن قازىنالىق باقىلاۋدا ”قورعانىس تورىن“ مىقتاپ، ”ورتتەن قورعانۋ داۋالى“نىڭ دارەجەسىن جوعارىلاتىپ، نىسان قۇرىلىسىنىڭ اياق الىسىن ءونىمدى ىلگەرىلەتىپ، ەڭ زور دارەجەدە كومەكتەسىپ قۇرۋ قارجىسىنىڭ رولىن ساۋلەلەندىردى. بۇدان سىرت، جاڭ چىڭلياڭ تاعى «ءدوربىلجىن اۋدانىنىڭ جاسىل ورگانيكالىق جوباسى» سياقتى بۇكىل اۋداننىڭ 5 ۇلكەن دامۋ جوباسىن ۇيىمداستىرىپ جاساپ، كومەكتەسىپ قۇرۋ نىسانى زاپاس قويماسىن قۇرىپ، ءدوربىلجىن اۋدانىنىڭ ۇزاق بولاشاقتىق دامۋى ءۇشىن نەگىز قالادى.

  جاڭ چىڭلياڭ كاسىپ ارقىلى شينجياڭعا كومەكتەسۋدىڭ جاڭا ارناسىن بەلسەنە قاراستىرىپ، اتقارۋدىڭ ونىمدىلىگىنە باسا ءمان بەردى. 2016 - جىلى ”تۇڭ - ىرباۋ. ءدوربىلجىن بىلعارى كيىم -كەشەك ورتالىعى“ نىسانى ءدوربىلجىن اۋدانىنا ىرگە تەۋىپ، بۇكىل اۋدانداعى 3 - كاسىپ دارەجەسىنىڭ جوعارىلاۋىن ىلگەرىلەتتى؛ ”جۋباۋداي“ قارجى قۇراۋ قىزمەت ۇلگىسىن سىناق رەتىندە جۇرگىزۋگە ىزدەنىس جاساپ، 100 ميلليون يۋان قارجى قۇراپ، بۇكىل اۋدانداعى ورتا، شاعىن، ۇساق كاسىپورىنداردىڭ قارجى قۇراۋى قيىن بولۋىن باسەيتتى.

■ ”ۇلتتار ىنتىماعىنىڭ تۇقىمى بولامىن“

  ءدوربىلجىن اۋدانى قالا ماڭ رايونى اۋىلى سانليجۋاڭ قىستاعىنىڭ تۇرعىنى ىرىسجان قابيدەن جاڭ چىڭلياڭنىڭ جۇپ قۇراعان تۋىسى. جاڭ چىڭلياڭدى اۋىزعا السا، 80 جاستاعى قارت ۇنەمى:”جاڭ شۋجي مەنىڭ تۋعان ۇلىمداي“، - دەيدى.

  ىرىسجان قارت ناۋقاس سەبەبىنەن جىل بويى توسەك تارتىپ جاتادى، وتباسىنىڭ تۇرمىس جاعدايى دا قيىن ەدى. جاڭ چىڭلياڭ لياۋياڭنىڭ شينجياڭعا كومەكتەسۋشى ەمدەۋ ماماندارىنىڭ ونىڭ ۇيىنە بارىپ وعان تەگىن ەمدەۋ جۇرگىزۋىن سايكەستىردى، وعان ەمدەلۋ قاراجاتى ءۇشىن 2000 يۋان كومەك بەردى، سونداي - اق ءوز قالتاسىنان 10 مىڭ يۋان شىعارىپ، ىرىسجاننىڭ ۇيىندەگىلەردىڭ وتباسىلىق اسحانا اشۋىنا كومەكتەستى.

  جاڭ چىڭلياڭ ۇنەمى قۇيعانسۋ مال فەرماسى سىحايىن قىستاعىنداعى 78 جاستاعى كەرىم مامەت قارتتىڭ ۇيىنە بارىپ جاعداي ۇعىسىپ تۇرادى، بۇل ونىڭ تاعى ءبىر تۋىسى ەدى. قارتتىڭ ۇلى ارشيدەن كەرىمنىڭ قارا سانىنداعى ۆەنا تامىرى توسىلىپ، جەرگىلىكتى شيپاحانادا ەمدەۋ مۇمكىن بولمايدى. جاڭ چىڭلياڭ شىن پەيىلمەن كومەكتەسىپ شيپاحانامەن حابارلاسىپ بەرەدى، ولاردا جەتكىلىكتى ەمدەۋ قاراجاتى جوق ەكەندىگىن بىلگەندە، 25 مىڭ يۋان الىپ شىعىپ، وپەراتسيا اقىسىن تولەيدى، سونداي - اق ارشيدەننىڭ كوڭىلىن اۋلاپ: ”اقشانىڭ ىسىنە سەن باسىڭدى قاتىرما، مەن بارمىن! الاڭسىز ەمدەلىپ جات، ءسوز جوق، دەنساۋلىعىڭدى كۇتۋىڭ كەرەك“، - دەيدى.

  جاڭ چىڭلياڭ: ”مەن ۇلتتار ىنتىماعىنىڭ تۇقىمى بولىپ، لياۋياڭ، ءدوربىلجىن ەكى جەردەگى حالىقتىڭ دوستىعىنىڭ ۇزاققا جالعاسۋىنا مۇمكىندىك جاسايمىن“، - دەدى. 6 جىلعا جۋىق ۋاقىتتا، ول تۋىسىنىڭ ۇيىنە كوپ رەت كەلىپ، ولاردىڭ تۇرمىس شارت - جاعدايىن جاقسارتۋىنا كومەكتەسىپ، ولار ءۇشىن جاقسى ءىس، ناقتى ءىس ىستەپ، قيىن ىستەرىن شەشىپ، ولارمەن ناعىز تۋىس، دوس بولدى.

■ ”توپ - توپ شينجياڭعا كومەكتەسۋشى كادرلاردىڭ كوپتەپ ۇلەس قوسۋىن قاجەت ەتەدى“

  جاڭ چىڭلياڭ بۇكىل ىنتا - پەيىلىمەن شينجياڭعا كومەكتەسۋ قىزمەتىنە ات سالىستى، ول: ”شينجياڭنىڭ ەكونوميكاسىن، قوعامىن دامىتۋدا، ءار ۇلت بۇقاراسىنىڭ تۇرمىس ورەسىن جوعارىلاتۋدا، توپ - توپ شينجياڭعا كومەكتەسۋشى كادرلاردىڭ كوپتەپ ۇلەس قوسۋىن شۇعىل قاجەت ەتەدى“دەدى.

  جاڭ چىڭلياڭ شينجياڭعا كومەكتەسۋشى قوسىن قۇرىلىسىنا باسا ءمان بەرىپ، ”ءبىر جاقسى كىتاپ وقۋ، ءبىر تالقى مىنبەرىن وتكىزۋ، ءبىر ماقالا جازۋ، ءبىر ونەرىن ءوسىرۋ، ءدوربىلجىن كۇندەلىگىنەن بىرەۋ جازۋ، حال سۇراۋ حاتىنان بىرەۋ جولداۋ“ سياقتى قيمىلداردى ۇيىمداستىرىپ ورىستەتۋدى دانەكەر ەتىپ، ”جاپاعا ەرەكشە شىدامدى، شايقاسقا ەرەكشە شەبەر، ەرەكشە ءتوزىمدى، ىنتىماقتى ەرەكشە دارىپتەيتىن، ەرەكشە ۇلەس قوساتىن، تارتىپكە ەرەكشە بويسۇناتىن“ لياۋياڭنىڭ شينجياڭعا كومەكتەسۋشى قۇرىش قوسىنىن كۇش سالا سومدادى.

  ءدوربىلجىن اۋدانىنىڭ دامۋىنداعى كومەسكى كۇش ماسەلەلەرىن جاقسى شەشۋ ءۇشىن، جاڭ چىڭلياڭ ءدوربىلجىن اۋدانىنا جوعارى ساپالى، تاپجىلمايتىن دارىندىلار قوسىنىن قالىپتاستىرۋعا قۇلشىندى. ءبىر جاعىنان، جوسپار ىشىندە تاڭداپ جىبەرۋ مەن يكەمدىلىكپەن تاڭداپ جىبەرۋدى ۇشتاستىرۋعا تاباندى بولىپ، ”ۇجىمدىق ۇلگى“دە وقۋ - اعارتۋ ارقىلى شينجياڭعا كومەكتەسۋ مىندەتىن جوعارى ولشەممەن ورىندادى؛ ەندى ءبىر جاقتان، ”كادر - دارىندىلاردىڭ ساپاسىن جوعارىلاتۋ ينجەنەرياسىن“ باس تۇتقا ەتۋ ارقىلى قاجەتسىنۋ بەتالىسىن كورنەكتىلەندىرىپ، «ءدوربىلجىن اۋدانىنىڭ كادر جانە وقىتۋشى، شيپاگەر سياقتى كاسىپتىك - تەحنيكالىق دارىندىلار قوسىنى قۇرىلىسى جوباسىن» بەلگىلەپ اتقاردى، شينجياڭعا كومەكتەسۋشى ەمدەۋ ماماندارىن شەت - شالعاي اۋىل - قىستاقتارداعى ەگىنشى - مالشى وتباسىلارىنا ىشكەرىلەي بارىپ، ”نەگىزگى ساتىنى ارالاپ سالاماتتىق جەتكىزۋ“ قيمىلىن ورىستەتۋگە ۇيىمداستىردى؛ ءدوربىلجىن اۋدانىنىڭ 3 جىل ىشىندە لياۋياڭ قالاسىنا ەڭبەككۇشتەردى ويىستىرىپ جۇمىستاندىرۋ قىزمەتى جوباسىن اقىلداسىپ بەلگىلەپ، سەلبەستىك مەحانيزمىن، باسقا كاسىپكە ويىستىرىپ جۇمىستاندىرۋ مەحانيزمىن، جوعارى مەكتەپتەن وقۋ تاۋىسقانداردى جۇمىستانۋعا، شارۋاشىلىق قۇرۋعا تاربيەلەۋ مەحانيزمىن اقاۋسىزداندىردى، ءبىر - بىرلەگەن شارالار ءدوربىلجىن اۋدانىنىڭ ەكونوميكاسىنىڭ، قوعامىنىڭ دامۋىن پارمەندى دارىندى تىرەكپەن قامدادى.

  جاڭ چىڭلياڭ تاڭداۋلى كومپارتيا مۇشەسى ولشەمىمەن وزىنە قاتاڭ تالاپ قويىپ، ءدوربىلجىن اۋدانىنىڭ قىزمەتىنە بۇكىل ىنتا - پەيىلىمەن كىرىستى. 2014 - جىلدان بەرى، ول جىلدىق باعالاۋدا تۇگەلدەي ۇزدىك بولدى. قىزمەت ناتيجەسى كورنەكتى بولعاندىقتان، جاڭ چىڭلياڭعا 2016 - جىلى 12 - ايدا اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى جاعىنان ”تاڭداۋلى شينجياڭعا كومەكتەسۋشى كادر“ اتاعى بەرىلدى، ءبىر رەت جەكە 2 - دارەجەلى ەڭبەك جازىلدى؛ تارباعاتاي ايماقتىق پارتكوم مەن ءۋالي مەكەمەسى جاعىنان 2017 - جىلعى ”تارباعاتايدى كوركەيتكەن قۇرىلىسشى“ مەدالى بەرىلدى، 2 رەت تارباعاتاي ايماعىنىڭ جەكە 3 - دارەجەلى ەڭبەگى جازىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس