يۋە يانيۇن
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى كوللەكتيۆ ۇيرەنۋ مەن جەكەنىڭ وزدىگىنەن ۇيرەنۋىن ءوزارا ۇشتاستىرۋ ءتاسىلىن قولدانۋ ارقىلى نازاريالىق ۇيرەنۋ جۇرگىزۋدى تالاپ ەتەدى. كوللەكتيۆ ۇيرەنۋدە ادامدار ءوزارا ۇيرەنگەنىن ءبولىسىپ، اۋىس - كۇيىس جاساپ، توعىسۋدان يدەيا ۇشقىنى وڭاي قاۋلايتىندىقتان، ۇيرەنۋ قىزعىندىلىعىن كۇشەيتۋگە بولادى، بۇل ەرەكشە ماڭىزدى. جەكەنىڭ وزدىگىنەن ۇيرەنۋى سالىستىرمالى دەربەس كەلەدى ءارى ۇيرەنۋ مازمۇنىن كەڭەيتۋگە پايدالى، ءارى كوللەكتيۆ ۇيرەنگەن مازمۇندى ونان ارى ءسىڭىرىپ، قابىلداۋعا بولادى. ەكەۋى ءبىرىن - ءبىرى تولىقتايدى، ەكەۋى قاتار العا ىلگەرىلەپ، ءوزارا ءبىر - ءبىرىن جەبەيدى.
نازاريا ۇيرەنۋدە تابالدىرىقتان اتتاۋ وڭاي، ىشكەرىلەپ كەمەلدەنە ءتۇسۋ قيىنىراق، جاندى قولدانىپ، امالياتقا جەتەكشىلىك ەتۋ ءتىپتى قيىن. اناعۇرلىم جوعارى ورەگە، اناعۇرلىم جوعارى دەڭگەيدەگى نازاريالىق جەتىلىمگە جەتۋ ءۇشىن، كوللەكتيۆ ۇيرەنۋگە عانا سۇيەنۋ كەمشىن تۇسەدى، ءسوز جوق، قىزمەتتەن، ۇيرەنۋدەن ۋاقىت شىعارىپ وزدىگىنەن ۇيرەنۋ قاجەت. كوللەكتيۆ ۇيرەنۋ مەن جەكەنىڭ وزدىگىنەن ۇيرەنۋى نازاريالىق ۇيرەنۋدەگى اربانىڭ قوس دوڭعالاعى، قۇستىڭ ەكى قاناتى ىسپەتتى، بىرەۋى كەم بولسا بولمايدى. الدا - جالدا كەم بولا قالسا، نازاريالىق ۇيرەنۋدىڭ ونىمدىلىگى كەميدى، تەرەڭ ۇيرەنىپ، جەتە يگەرۋ، قانىق ءبىلۋ دە بوس سوزگە اينالادى. سوندىقتان نەگىزگى تاقىرىپتىق تاربيەسىندە ءبىز جەكەنىڭ وزدىگىنەن ۇيرەنۋىنىڭ رولىنا ايرىقشا ءمان بەرىپ، نەگىزگى تاقىرىپتىق تاربيەدە ناقتى ونىمدىلىككە قول جەتكىزۋگە شىنايى كەپىلدىك ەتۋىمىز كەرەك.
نازاريالىق ۇيرەنۋ ”ءبىر مەزەتتىك“ ەمەس، پارتيالى كادرلاردىڭ ومىرلىك تالپىنىسى بولۋعا ءتيىس. مەيلى نەگىزگى تاقىرىپتىق تاربيەدە بولسىن، الدە كۇندەلىكتى قىزمەتتە، ۇيرەنۋدە بولسىن، پارتيالى كادرلاردىڭ بارلىعى وزدىگىنەن ۇيرەنۋدى قاتاڭ مىندەت ەتىپ، ۋاقىت پەن زەيىن - زەردەسىن اجىراتىپ مۇقيات مامىلەدە بولۋى كەرەك. ۇيرەنۋ ارقىلى پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى العا ىلگەرىلەتۋ قابىلەتىن ۇزدىكسىز جوعارىلاتۋى كەرەك.
(”لەپتى لەبىز“ ايدارشاسىنا ماقالا قابىلداۋ حات ساندىعى: xjrbpld@126.com)
